Salaam Za Mwaka Mpya Toka Kwa ' Mwenyekiti'

Wanakijiji wenzangu,
KWA heshima kubwa kwenu nawatumia salamu za Heri na Fanaka ya Mwaka Mpya wa 2009 nikiwa nimesimama pwani ya Bagamoyo kwenye bahari ya Hindi.

Ndugu Wanakijiji wenzangu, nina furaha kuwajulisha kuwa k mwaka huu tunaoumaliza, kijiji chetu kimeendelea kupata mafanikio ya kuridhisha.
Kama ilivyokuwa kwa mwaka jana, Kijiji kimekuwa chachu ya mijadala yenye kulenga kwenye kulinda maslahi mapana ya nchi yetu. Kijiji chetu kimetembelewa na watu wengi. Takwimu zinaonyesha watembeleaji zaidi ya 12,000 ( wenye IP address) wameingia kijijini. Kuna ‘hits’ takribani laki saba zenye wastani wa ‘ hits’ 2500 katika saa 24. Haya ni mafanikio yanayotokana zaidi na juhudi zenu za kuchangia maoni na hivyo kufanya mahali hapa kuwa pa kuwavutia watu kuja kutembelea. Nawahakikishia kuwa maoni yanayochangiwa humu yanasomwa na watu wa kada zote ikiwamo na tuliowapa dhamana za uongozi.

Hakika mijadala mingi humu kijijini imekuwa yenye siha. Kwa baadhi yetu imekuwa ni darasa tosha la kujichotea maarifa mbalimbali. Na tuendelee kukifanya kijiji hiki kuwa chachu ya mijadala hata mwaka ujao wa 2009.
Ni dhahiri kuwa wakati mwingine kumekuwa na joto kali la mijadala. Kuna waliokwazwa katika hilo. Na tuamini kuwa wengi wameshiriki mijadala wakiwa na dhamira njema.

Mwisho, kazi tuifanyao humu ni ya kibinadamu na ya hiyari. Mapungufu hayakosekani. Tushirikiane katika kukosoana kwa lengo la kujenga.

Nawatakia mwisho mkamilifu na HERI YA MWAKA MPYA!

Pamoja Tuijenge Nchi Yetu

Mungu Ibariki Afrika, Mungu Ibariki Tanzania.

Ahsanteni,
Maggid
Bagamoyo, Desemba 31, 2008.

Reactions::

Welcome To Bagamoyo!

Bagamoyo imetulia, ni salama, ni rahisi. Mandhari ya kuvutia. Unaweza kuvinjari ufukoni mwa bahari bila hofu ya kukabwa ( mchana). Wenyeji ni wakarimu, ni waungwana. Karibuni Bagamoyo!

Reactions::

Mbuzi Wa Mwinyi Hao, Wache Watanue!

Wanatoka malishoni Kaole. Kama magari hakuna barabarani kwanini wapite porini? Pichani ni Bagamoyo leo mchana. Bagamoyo Mwinyi humfikishi mahakamani kwa shauri la mbuzi!

Reactions::

Tembele, Nazi Na Yai

Kijijini Mapinga, Bagamoyo. Tembele fungu shilingi mia,nazi mia na hamsini na yai lakuchemsha shilingi mia tatu.

Reactions::

' Sheraton Ya Mapinga'!

Mgahawa kijijini Mapinga, Bagamoyo jana mchana.

Reactions::

Mpiga Picha Wa Kijiji!

Kijiji cha Mapinga,kilomita 36 kutoka Bagamoyo mjini. Ni jana mchana.

Reactions::

Tungo Zenye Hekima; Nalinga Jampiki Atukufika!

- Hata kama ni ya miti nitafika! Ujumbe huo hapo juu umeandikwa kwa Kinyakyusa na Kimakua. Bagadu ni baiskeli ya miti. Mlimani ni lazima uikokote na kwenye mchanga pia. Lakini dunia si ya milima tu, kuna miteremko pia, ili uukute mteremko ni lazima upande mlima. Katika maisha wengine tunasukuma Bagadu, lakini hatuna sababu ya kukata tamaa hata tukiwaona wenye magari na pikipiki wakitupita. Naam. Nalinga Jampiki Atukufika! Tutafika tu. Nayo ni falsafa ya maisha.

Reactions::

Mwendo Wa Ushindi!

Lakini ushindi unaelea pia, hauzami isipokuwa mwingine aweza kuudaka. Na mshindi mzuri ni yule aliyeshindwa sana. Ni falsafa ya ushindi.

Reactions::

Katuni Za 2008 Afrika

Jimmy saw this story on the BBC News website and thought youshould see it.** Africa's year in cartoons: 2008 **A selection of the best cartoons about Africa in 2008 by Tayo Fatunla and Jonathan Shapiro.< http://news.bbc.co.uk/go/em/fr/-/1/hi/in_pictures/7803389.stm >

Reactions::

Kipanya Na Burudani Ya Kufunga Mwaka!

Reactions::

Salaam Za Mwaka Mpya Kutoka Kwa Poli

Wapendwa wanajamii!

Mimi pamoja na binti yangu NADIA POLI (pichani) tunawatakia wote heri ya mwaka 2009. Tunashukuru sana kwa mwenyezi kutuwezesha nasi kuifikia siku hii ya leo ambayo ni ya mwisho kabisa kwa mwaka 2008 na tunatumaini atatuwezesha kuimaliza siku hii kwa amani na upendo na pia kuuona mwaka mpya wa 2009 na miaka mingine ijayo.Tunawashukuru marafiki zetu wote kwa kutuonesha upendo na pia tunaomba mwenyezi awape baraka na neema zake kwa mwaka 2009.

Heri na Fanaka ya mwaka 2009

Kaka Poli na Nadia PoliKinondoni, Kanazi - Isele Str, Dar es Salaam, Tanzania

Reactions::

Zain Yachagua Mshindi Wa Land Cruiser

Zain yachagua mshindi wa Land Cruiser

· Ni zawadi kubwa ya promosheni ya Endesha Ndoto 2

Dar es Salaam, Desemba 31, 2008

KAMPUNI ya simu za mkononi ya Zain Tanzania Limited leo imemchagua, Msusa Jaffar Msusa mwenye umri wa miaka 32, aliyebahatika kuibuka mshindi wa zawadi ya gari jipya aina la Toyota Land Cruiser jijini Dar es Salaam.

Msusa, mkazi wa Tegeta, Dar es Salaam ambaye ni fundi umeme, aliibuka mshindi katika bahati nasibu iliyochezeshwa Dar es Salaam leo kwenye hoteli ya Kilimanjaro Kempinski.

Ameibuka mshindi wa zawadi kubwa kabisa kwenye promosheni ya Endesha Ndoto 2, akiwa ni mshindi wa 11 kunyakua gari, baada ya wengine 10 kuibuka na magari aina ya Toyota RAV 4 yaliyotolewa na Zain kuanzia Januari 2008.

Zain Tanzania, kampuni namba moja ya simu za mkononi nchini ilitangaza kutoa jumla ya magari 11 katika promosheni yake kubwa kuliko zote ya Endesha Ndoto 2. Pamoja na magari hayo mapya kabisa Zain Tanzania pia imewawezesha wateja wake kujishindia muda wa maongezi na fedha taslimu na kwa wale ambao waliweza kujikusanyia pointi, pia wameweza kushinda simu, ipod na zawadi nyingine nyingi.

“Kama mnavyofahamu Zain Tanzania imekuwa ikiendeleza jitihada zake za kubadilisha maisha ya wateja wake kwa kuwazawadia magari mapya kutoka Toyota Tanzania yakiwa yamesajiliwa kwa jina la mshindi na kulipiwa ushuru na bima zote husika.

“Promosheni ya Endesha Ndoto 2 ya Zain kwa mwaka 2008 imefikia tamati leo, tumekabidhi magari 11 mapya kwa Watanzania waliobahatika kuingia na kujishindia zawadi mbalimbali likiwemo gari jipya la kifahari aina ya Toyota Land Cruizer. Leo tumemchagua mshindi wa 11 aliyejinyakulia gari hilo la kifahari,” alisema Khaled Muhtadi, Mkurugenzi Mkuu wa Zain Tanzania.

Promosheni ya Endesha Ndoto yako namba 2 ni sehemu ya programu endelevu ya Zain Tanzania. “Lengo letu ni kuboresha maisha ya wateja wetu na kuwafanya waishi kwa raha zaidi kwa kuzingatia kauli mbiu yetu ya A Wonderful World (Ulimwengu Maridhawa),” alisema Khaled.

Katika mahojiano na Meneja Masoko wa Zain Tanzania, Kelvin Twissa baada ya kuibuka mshindi, Msusa alisema amefurahi kushinda gari hilo jipya la kifahari na akatoa mwito kwa Watanzania waendelee kutumia mtandao wa Zain kwa mawasiliano.

Droo ya Endesha Ndoto Yako 2 ya Zain imefikia tamati huku ikiwawezesha watu 11 kuibuka washindi wa magari yakiwamo 10 aina ya RAV 4, moja Toyota Land Cruizer, muda wa maongezi, fedha taslimu na zawadi nyingine nyingi kama simu za mikononi za Blackberry na IPOD.

Mshindi wa kwanza alitoka Dar es Salaam, wa pili mkoani Mbeya, wa tatu Iringa, wa nne Pwani, wa tano Tanga, wa sita Dar es Salaam, wa saba Tabora, wa nane Dar es Salaam, wa tisa Mwanza na wa kumi Sumbawanga mkoani Rukwa.

Ili kushiriki promosheni ya Endesha Ndaoto 2, mteja alipaswa kutuma sms ya neno ndoto kwenda nambari 100 na kuingia rasmi kwenye promosheni hiyo ambayo mbali ya zawadi ya magari, Zain pia ilitoa zawadi anuwai kupitia Ndoto Pointi, ikiwa ni pamoja na kifurushi cha zawadi kutoka Zain, kwa wale ambao wamejikusanyina point zao bado wana nafasi ya kujipatia zawadi zao kutokana na namba za pointi walizojikusanyia kwa kipindi chote cha promosheni hii.

Reactions::

Dj Beka Italia

DJ BEKA akifanya vitu vyake ndani ya African Bash mjini Rome ,iliyofanyika tarehe 26/12/2008 ambayo ilifana sana.Wadau wanatoa pongezi kwa matayarisho mazuri na muziki wa kizazi kipya uliopagawisha ndani Rome mpaka kusheee...!! Kwa picha zaidi tembelea: http://www.tnzncommunity.blogspot.com

Reactions::

Nini Wajibu Wa Msanii Kwa Jamii?

Reactions::

Katambuga Ndani Ya London!

( Imeletwa na Delly Nkya)

Reactions::

Namna Gani Anjela Na Nicolas?1

Anjela Melker na Nicolas Sarkozy ( Imeletwa na mwenzetu Delly Nkya)

Reactions::

Barabara Za Bagamoyo Ni Bara bara!

Hata baadhi ya barabara za mitaa ya Bagamoyo zimeanza kujengwa kwa kiwango cha lami. Ni maendeleo.

Reactions::

Bagamoyo Ni Mwendo Wa Kandambili Pia!

Kwenye joto kali kama la Bagamoyo zinapunguza jasho la vidole. Zinaongeza mwendo kasi pia, hasa kwenye njia za mkato! Aliyenipiga picha kanikata kichwa. Najitahidi kukiunganisha,kinakuja!

Reactions::

Henry Mdimu

Jana nilifurahi sana kukutana na rafiki yangu wa kiuandishi,Henry Mdimu maarufu kama ' Zee La Nyeti' ( wa kwanza kulia). Wa kwanza kushoto ni msanii JhikoMan.Kulia mbele ni baiskeli niliyokodisha kwa siku ya jana. Uzuri wa Bagamoyo unaweza kukodi baiskeli kwa shilingi mia tatu kwa saa. Lakini ni lazima uwe na uwenyeji au udhaminiwe na mwenyeji wa Bagamoyo.

Reactions::

Bagamoyo Nanasi Bwelele

Linaanzia shilingi mia nne moja. Ni msimu wake. Pichani ni jana mchana.

Reactions::

Wako Kazini

Skola na Madson wa shule ya uchongaji, Bagamoyo. Picha hii niliipiga jana mchana.

Reactions::

Edward

Ni Waziri Mkuu aliyepita, Edward Lowassa. Sanamu yake inapatikana Bagamoyo.

Reactions::

Sherehe Ya Krisimasi Kwa Dada Cecilia Napoli

Dada Cecilia katika kuadhimisha sikukuu ya kuzaliwa kwa Kristo aliamua kuwakaribisha Watanzania nyumbani kwake mjini Napoli, ili kujumuika pamoja.kama ilivyo kawaida sikukuu ya Christmas ni siku ya kuwa pamoja na ndugu, jamaa na marafiki.Pichani Bi Cecy akiwakaribisha wageni nyumbani kwake na kuwa wajisikie wako nyumbani.Sherehe ilifana sana na iliisha kwa salama na amani.

Reactions::

Je, Hukumu Hii Inastahili Kwa Aliyepewa?

Au hakutendewa haki? Hapa Bagamoyo hii leo nimekutana na tangazo hilo hapo juu kwenye mti wa mwembe. Lakini pia aliyeandika hilo tangazo kapewa hukumu kali ya kutakiwa arudi tena shule akasome upya! Waliotoa hukumu wamefikia kumfananisha mwandishi na mnyama mdogo aitwaye ndezi na anayepatikana sana kwenye vichaka vya mkoa wa Pwani. Nanyi mna maoni gani?

Reactions::

Leo Nimezifuma Sokoni Bagamoyo

Embe dodo. Bei zinaanzia mia mbili hadi mia nne.

Reactions::

Dodo La Mdondo!

Kwa maana ya embe dodo zilizoanguka zenyewe leo.

Reactions::

Mango Lunch!

Bagamoyo,leo mchana. Ukishushia na maji, basi,unasubiri mlo wa jioni. Kwenye sahani ni embe tatu tu. Watu wawili mnashiba kabisa.

Reactions::

TAARIFA YA SHEREHE ZA MWAKA (M) JAPANI

Taarifa ya Sherehe za Mwaka Mpya Japani
Jumuiya ya Watanzania Wanaoishi Nchini Japani (Tanzanite Society) inapenda kuchukuwa fursa hii kuwatangazia Watanzania wote wa maeneo ya Kanto na maeneo ya jirani na wale watakaokuwa wanatembelea Kanto wakati huu wa kipindi cha mwaka mpya kuwa kutakuwa na sherehe kabambe ya kuuaga mwaka 2008 na kuukaribisha mwaka mpya 2009 siku ya tarehe 3/1/2009 huko Mkoani Kanagawa. Maelezo kamili ya shughuli hiyo ni kama ifuatavyo:-

Siku: 3/1/2009 (Jumamosi)
Muda: Kuanzia saa tatu usiku mpaka majogoo
Kiingilio: Yeni 3000 (utapata chakula na vinywaji viwili)
Ukumbi: Club intercontinental (karibu na station ya Sobudae mae (Odakyu line))
Mengineyo: Muziki wa nguvu, mashindano ya kumtafuta mrembo na mtanashati wa siku hiyo, mashindano ya kucheza muziki pamoja na bahati nasibu. Zawadi mbalimbali nono zitatolewa kwa washindi.

Kwa ufafanuzi na maelekezo ya ziada tafadhali piga simu zifuatazo
Katibu Mwenezi (Daddy): 080-3532-4043
Mwenyekiti Kamati ya Starehe(Pembe): 080-3458-8786
Simu ya Ukumbi:046-238-0721

Uongozi wa Jumuiya unawaomba Watanzania pamoja na marafikiao wa mataifa mbalimbali kujitokeza kwa wingi ili kufanikisha sherehe hii.

Ahsante
Jumuiya ya Watanzania Wanaoishi Nchini Japani

Reactions::

Da' Zangu Hawa, Wapox2, Mashemeji Mnitafute!

Naam. Bagamoyo kuna warembo.

Reactions::

Bagamoyo Mwendo Wa Baiskeli!

Wanaume kwa wanawake.

Reactions::

Msishtuke Mfuniko Wa Chupa!

Nimeambiwa ule orijino wa kutoka China kuna mteja kautamani na kaondoka nao jana! Naam. Leo baada ya 'mchaka mchaka' wa asubuhi ufukweni nimepata staftahi yangu pale Bagapointi kwa dada. Chai ya rangi kikombe shilingi mia mbili, mimi nakunywa chupa nzima ya vikombe sita tena bila sukari. Chapati shilingi mia mbili. Miye mbili zinanitosha. Ukitaka kwenda kupumzika nje ya Dar Es Salaam, nenda Bagamoyo, hutaumiza kichwa chako!

Reactions::

Mikeka Hiyoo!

Nimelielewa 'somo' la auntie Subira la namna ya kuepuka 'ndoa za mikeka'. Pichani ni jana alasiri. Niko Bagamoyo kwa mapumziko na 'matambiko' ya mwisho wa mwaka!

Reactions::

Marijani;" Usione Vinaelea Bwana, Vimeundwa!"

Jabali la muziki,marehemu Marijani Rajab alipata kuimba; " Usione vinaelea bwana, vimeundwa!
Usione napiga kelele, naujua uchungu wake!"

Pichani ni wasichana wa Bagamoyo wakipita ufukweni.

Reactions::

Kuna Wanaokitafuta Kivuli, Kuna Wanaokikimbia!

Pwani ya Bagamoyo, jana mchana.

Reactions::

Kombe La JK Hilo Hapo Mezani!

Mashindano ya Kombe la Kawambwa yamefungwa rasmi jana hapa Bagamoyo. Wakati huo huo mashindano ya Kombe la Jakaya ( JK) yameanza rasmi. Mgeni rasmi alikuwa Waziri wa Miundo Mbinu Mh. Shukuru Kawambwa. Katika pitapita zangu nililikuta kombe la JK kabla halijapelekwa uwanjani.

Reactions::

Fagio Toka Kwa Analyst!

( Ahsante Analyst kwa kukaa chini na kunitungia shairi. Ahanteni sana wengine wote mliochukua muda wenu kuandika mawili matatu ya kunipongeza kwa kibarua changu kipya. Nimehamasika zaidi katika niyafanyao, lakini pongezi zenu ni matarajio yenu kwangu, ni changamoto. Nitajitahidi kutogeuka mgema anayesifiwa sana kisha tembo analitia maji!)
Mjengwa


SHAIRI

Umbo lake dogodogo, mchangamfu wa uso
Wengi humuita dogo, mpenda chai na minuso
Kazi zake ndogondogo, ikibidi hupanda fuso
Ndugu huyu kwa hakika, Ni mfano wa kuigwa

Ni muwazi na mcheshi, anapenda kujifunza
Sengerema hadi Moshi, vijana anawafunza
Picha zake za mapishi, huzitanguliza kwanza
Ndugu huyu kwa hakika, Ni mfano wa kuigwa

Analijenga taifa, kuhimiza ubunifu
Tiefuefu na fifa, nazo huzipiga tafu
Jarida lake likifa, mengi yatakuwa mafu
Ndugu huyu kwa hakika, Ni mfano wa kuigwa

Na kwa zangu tungo chache, nitamtaja ni nani
Msinishambulie kwa cheche, mkiona hafanani
Tofauti si uchache, bora pawepo amani
Ndugu huyu kwa hakika, Ni mfano wa kuigwa

Twamuita mwenyekiti, wa kijiji cha Bulogu
Japo sijakiona kiti, Ipogolo wala Magu,
Naamini kipo kiti, siyo pwaguzi na pwagu
Ndugu huyu kwa hakika, Ni mfano wa kuigwa

© ANALYST 2008

Reactions::

Jembe Halimtupi Mkulima, Nina Habari Njema

Nimeombwa rasmi nisaini mkataba wa kuratibu mradi wa mafunzo ya diploma ya ualimu ( Elimu ya Watu Wazima) kwa njia ya masafa ( Distance). Mradi huu unatokana na wazo langu la miaka mitatu iliyopita. Wazo ambalo lilitokana na hitaji nililoliona la wakufunzi kwa Vyuo Vya Maendeleo ya Wananchi hapa nchini.

Tangu Januari 2005, mbali ya majukumu yangu mengine nikiwa mwajiriwa wa Shirika la Forum Syd, nimefanya kazi ya kuwashirikisha wadau mbalimbali ( Ndani na nje ya nchi) katika kuliendeleza na kuliuza wazo hili. Wadau wa kwanza kuwashirikisha ni Taasisi ya Elimu ya Watu Wazima kupitia aliyekuwa Mkufunzi wao Mkazi mkoani Iringa, Bw. Lugakingira ( Sasa yuko Makao Makuu ya TEWW).

Tuliunda timu ndogo iliyofanya kazi ya kuwashirikisha wadau hao. Miongoni mwao ni Wizara husika na vyuo vya maendeleo ya wananchi hapa nchni ( Wizara ya Maendeleo ya Jamii, Jinsia na Watoto). Wengine ni Chuo Kikuu cha Linkoping cha Sweden na hususan Kitivo cha Elimu ya Watu Wazima, Ubalozi wa Sweden ( Dar) Forum Syd ( Stockholm) Chama Cha Walimu wa Vyuo Vya Maendeleo ya Wananchi cha Sweden( SHFL), Chuo Cha Maendeleo ya Wananchi cha Farnebo ( Sweden) na hatimaye SIDA ( Wakala Wa Misaada ya Kimataifa nchini Sweden ambao ndio wafadhili wa mradi huo kupitia Shirika la Forum Syd.

Kote huko wazo lilipokewa vema na wameshirikiana nasi. Kozi husika itaanza mwakani ( 2009).

Mkataba wangu mpya utakuwa ni wa miaka miwili ingawa nitapenda nimalize baada ya mwaka mmoja ili nifanye shughuli nyingine hususan utafiti wa masuala ya maendeleo vijijini na mambo ya media katika kukuza demokrasia na utawala bora. Lakini pia kupisha nafasi kwa Watanzania wengine kupata uzoefu katika kuratibu kozi hiyo ya masafa kwa wakufunzi wa vyuo vya maendeleo ya wananchi.

Naam. Kozi hii itakuwa ya kwanza na ya aina yake kufanyika hapa nchini. Najivunia kuwa mmoja wa walioasisi kozi hiyo. Ni imani yangu itaendelea kwa miaka mingi ijayo. Sitakuwa peke yangu katika kuratibu kozi hiyo. Wengine watatu au wanne wa hapa nyumbani wataajiriwa kushiriki kuratibu. Na visheni kubwa, ni kuwa kozi hiyo ichangie kusaidia kuwapa nyenzo vijana wengi wa Kitanzania watakaopitia kwenye vyuo vya maendeleo ya wananchi na kukutana na wakufunzi walio na nyenzo kwa maana ya maarifa na mbinu bora za kufundishia. Kwamba hilo lipelekee vijana wengi kupata maarifa yatakayowawezesha kujiajiri au kuajiriwa.

Mwajiri wangu mpya atakuwa Jumiya ya Karibu Tanzania Association/ Karibu Sweden Association na Chuo Cha Farnebo cha nchini Sweden. Kituo changu cha kazi kitabaki kuwa ni Iringa. Mradi huu ni wa nchi nzima kwa kuanzia na kanda mbili. Kozi itaanza na washiriki 32 kutoka kanda mbili ( Mashariki kwa maana ya mikoa ya Pwani,Morogoro, Dar, na Lindi na Kati kwa maana ya mikoa ya Dodoma, Singida, Tabora na Shinyanga).

Mwisho kabisa, mchango wenu ( wanakijiji wenzangu) unahitajika. Wengi wenu mna ujuzi na maarifa mbalimbali. Huko twendako nitaweka taarifa itakayofafanua zaidi yaliyomo katika kozi hiyo. Kama miongoni mwenu kutakuwa na wenye mawazo ya kuboresha, basi yatakaribishwa, yatahifadhiwa, yatafanyiwa kazi.

Pamoja Tuijenge Nchi Yetu

Ahsanteni sana.

Mjengwa.

Reactions::

Abana Maquis!

Baadhi yetu tumekulia na muziki wa Maquiz Du Zaire enzi za primary. Ni enzi zile za Kamanyola ( Muziki bila jasho!) Tumezisikia sana redioni. Nakumbuka wimbo wa 'Kasongo' ukiimbwa na Kikumbi Mwaza Pango ( King Kikii) na wenzake;

" Ehee mwenyewe ulienda,
Ehee, ukarudi na kiyungi
Ehee,kiyungi sio ya kwako
Ehee, ya baba o na mama"

"Wanasema urudie, ukaiishe mambo,
Kwenu ku mujini, nyingi yolela oo
Wako mama, eko analia sana Kasongo
Wako baba,eko analia sana Kasongo
Nenda urudie! "

Mh! ni muda mrefu na inakumbusha mengi. Mnaokumbuka beti za wimbo huo mnisahihishe nilipokosea. Leo Jumamosi Bana Maquiz watakuwa Port View ( pichani). Picha hiyo niliipiga jana mchana.

Reactions::

Enda Zake Kisimani

Mwanamke wa Kigiriama, pwani ya Kenya hususan kule Mombasa. ( Ahsante ya picha: Delly Nkya)

Reactions::

Salaam Za Krismasi Na Mwaka Mpya Za Balozi

Ni Balozi Mwanaidi Sinare Maajar anayetuwakilisha Uingereza. ( Picha: Michuzi blog)

Ndugu Watanzania wenzangu,

Kwa mara nyingine tena tumepata fursa ya kufikia kipindi muhimu cha mwisho wa mwaka kwa kusherehekea kwa pamoja sikukuu ya Noeli na kuukaribisha Mwaka Mpya wa 2009.
Kama ilivyo ada yetu, napenda kujumuika nanyi katika kumshukuru Mwenyezi Mungu kwa kutupa nafasi hiyo.

Kwa niaba ya Mheshimiwa Jakaya Mrisho Kikwete, Rais wa Jamhuri ya Muungano wa Tanzania, na kwa niaba ya wafanyakazi wenzangu katika Ubalozi wa Tanzania London, na kwa niaba yangu binafsi napenda kuwatakia heri katika kipindi hiki muhimu.

Katika kipindi cha mwaka mmoja Watanzania waliopo Uingereza na Jamhuri ya Ireland wameshuhudia harakati zetu mbalimbali za kuhakikisha wanaimarisha ushirikiano kati yao. Pamoja na kasi ndogo katika harakati hizo, tumeshuhudia mafanikio yaliyotuwezesha kuanzishwa kwa Jumuiya za Watanzania sehemu mbalimbali, zikiwemo Birmingham na Edinburgh.

Huu ni mwanzo mzuri kuelekea kwenye ushirikiano thabiti wa Watanzania waliopo Ughaibuni (Diaspora). Aidha, mwaka 2008 umekuwa na mafanikio makubwa kwa kuweza kufanya Mkutano wa Diaspora hapo Mwezi Aprili.

Mkutano huo ulikuwa na mafanikio makubwa kwanza kwa kuweza kuwakutanisha zaidi ya Watanzania 400, wawakilishi wa kampuni zinazotoa ajira Tanzania na wawekezaji.
Ubalozi wenu unaendelea kufuatilia mapendekezo ya Mkutano huo na kwa kushirikiana na Tanzania Association (TA) tumeshaanza kufikiria kuandaa Mkutano mwingine wa Diaspora kwa kushirikisha washiriki wengi zaidi.

Tunaendelea pia kuwa na azma yenye imani kubwa ya kuwaunganisha Watanzania wote waliopo Ughabuni, si hapa Uingereza na Ireland tu, bali na Ulaya nzima na Amerika.
Tutafanikiwa endapo tutaendelea kuwa na mshikamano thabiti na ushirikiano wa kupigiwa mfano sisi wenyewe kwanza.

Natarajia mtaendelea kusherehekea pamoja fursa hii na kukumbushana kwamba Umoja ni nguvu na siku zote Tanzania itajengwa na Watanzania wenyewe.
Nawatakieni nyote Noeli njema na heri ya Mwaka Mpya.

Mungu Ibariki Afrika,
Mungu Ibariki Tanzania.
BALOZI MWANAIDI SINARE MAAJAR

Reactions::

Kipanya

Reactions::

Kariakoo Kusini Usiku Huu

Usiku huu baada ya kumaliza kikombe cha chai na gumzo la kijiweni Lumumba niliamua kutembea peke yangu kwenye mitaa ya Kariakoo Kusini. Ilikuwa majira ya saa tatu. Nilielekea Shule ya Uhuru kupitia Mtaa wa Livingstone na kukatisha mitaa ya Pemba,Narung'ombe, Mahiwa, Tandamti na Agrey. Ni mwendo wa takribani dakika 20. Hakika,kwa kiasi kikubwa Kariakoo ni shwari wakati wa usiku. Unaweza kutembea kama ulivyo bila hofu ya kupigwa kabali. Hakuna msongamano wa watu na wala hutokwi na jasho kama ilivyo kwenye jua la mchana. Naipenda Kariakoo ya usiku. Pale shule ya uhuru ni kama mchana tu. Biashara ni nyingi na ni kwa saa 24. Ajabu ya kona ya shule ya uhuru biashara zinabadilika kutoakana na muda,kila muda na biashara yake! Unapoikuta meza ya mwuza samaki saa tatu ,basi saa tano usiku utamkuta mwingine kapanga biashara ya mananasi! Na hakika biashara nyingine kweli ni za usiku, huzioni mchana. Picha hiyo niliipiga Kariakoo mwanzoni mwa miaka ya 90 kabla utitiri wa maghorofa.

Reactions::

Shamrashamra Za Krisimasi

Mlimani City, jana.

Reactions::

Mgeni Wangu Atanipa Nyama Ya Ulimi!

Sijilaumu kukubali ombi la mgeni wangu. Kuna mwenzetu humu aliyenena; " Mwenyekiti, kama mayai unapata, kuku wa nini?" - Nami namjibu; tamu ya kuku mfupawe yakhe, yai halinalo ati! Na kipendacho roho hula nyama mbichi, na nyama niipendayo ni ya ulimi! Ebu soma majibu ya mgeni wangu hapa chini;

Hi Mwenyekiti,
Majibu yako yamefanya mlo wa Noeli kuwa na ladha tamu zaidi! Kabla ya yote, kuna kanuni na sheria nyingine kabla sijahamia, kwani la kulala mzungu wa nne hata boarding school tulipitia tofauti kati yake na hii ni kuwa kule wote tulikuwa wanawake!

Muungwana

Na uwani kwa auntie Subira nimeyakuta haya;


Happy christmas iyoo, happy new year iyoo iyooo!

Mjengwa kama Iringa kuna Baridi namna hiyo unafikiri mzungu wa nne unakuja kweli? Wakati watoto wa mjini wanasema utakuwa umeshapata blanketi chapa mtu, ni bora kuliko hilo blanketi lako la sufu! Sasa ya nini kulala mzungu wa nne? Akifika tu tunakupiga 'mkeka' ili 'mbuzi amle chui'. Maana kwa jinsi ulivyokaa muda mrefu bila SAMMA inawezekana ukaona raha ya kupikiwa, kufuliwa, kusafishiwa nyumba, kukuta maji ya kuoga yako tayari. Sasa kama hayo yote utakuwa unayapata kwa dezo bila ya kuyatolea jasho hiyo habari yetu ya SAMMA si itakuwa imeshakwenda na maji? Maana savise (service) zote utakuwa unapata sasa unataka kuoa ili iwe nini?

Kama mtu anapata service zote anazotakiwa kufanyiwa na mke, je huyo mtu ataoa kweli?

Hebu nisaidieni jibu wanakijiji wenzangu. Maana naona SAMMA hiyoo inaishia unless tumuoze kwa 'mkeka'.

Subira

Reactions::

'Toto Shughuli' Kijiji Cha Makumbusho

Leo alasiri.

Reactions::

Mambo Ya Krisimasi Kijiji Cha Makumbusho

Leo alasiri alitumbuiza Ndanda Kossovo.

Reactions::

Kipanya

Reactions::

X-Mas Dar Es Salaam

Kuna wengi wametembelea Mlimani City. Pale kuna kumbi za sinema pia. Picha hizi ni za nusu saa iliyopita.

Reactions::

Inakuja; Filamu Ya Obama

Reactions::

Kisamvu Cha Bibi Kwa Dada Kijijini Makumbusho

Raha ya X-mas kama hii ni kula chakula kama kile nilichopikiwa na bibi yangu. Leo nilikula chakula cha mchana kwa dada pale Kijiji cha Makumbusho, Kijitonyama.

Reactions::