We have 232 guests and no members online

Matangazo Mapya

We provide the full IT solutions including web design, web development ...

z1

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) akimuapisha Bw.Said Bakar Jecha kuwa Kamishna wa Tume ya Maadili ya Viongozi wa Umma,katika hafla iliyofanyika Ikulu Mjini Zanzibar leo.

z2

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) akimuapisha Bibi Septuu Mohamed Nassor kuwa Kamishna wa Tume ya Maadili ya Viongozi wa Umma,katika hafla iliyofanyika Ikulu Mjini Zanzibar leo,

z3

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) akimuapisha Dk.Juma Yakout Juma kuwa Naibu Katibu Msaidizi wa Baraza la Mapinduzi (Sera,Ufuatiliaji na Tathmini) katika  hafla iliyofanyika Ikulu Mjini Zanzibar.

z4

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kushoto) akimuapisha Ndg.Tahir Mohamed Khamis Abdulla kuwa Naibu Katibu Mkuu Wizara ya Ardhi,Maji,Nishati na Mazingira  katika  hafla iliyofanyika Ikulu Mjini Zanzibar

z5

Waziri wa Nchi Ofisi ya Rais na Mwenyekiti wa Baraza la Mapinduzi Mhe,Issa Haji Ussi (Gavu) na Waziri wa Nchi Ofisi ya Rais,Katiba Sheria,utumishi wa Umma na Utawala Bora Mhe,Haroun Ali Suleiman wakiwa ni miongoni mwa Viongozi waliohudhuria katika kuapishwa Viongozi mbali mbali leo Ikulu Mjini Zanzibar.

[Picha na Ikulu.] 25/07/2016. (P.T)

W1

Mtaalam na Mkufunzi wa masuala ya Afya kutoka Makao Makuu ya Shirika la Afya Duniani (WHO) Geneva,Switzarland Olau Poppe akitoa mafunzo kwa Timu ya wataalam wa Afya kutoka nchi zipatazo 14 za Bara la Afrika kuhusu mfumo wa taarifa unaotumika kutambua sababu za kifo cha mgonjwa kuwajengea uwezo watalaam hao uelewa wa ujazaji wa taarifa sahihi juu ya sababu ya kifo cha mgonjwa kwenye cheti cha kifo (Death Certificate) ili wakatoe mafunzo kwa wataalam wengine kwenye nchi zao. Mafunzo hayo ya Siku mbili yanafanyika jijini Dar es salaam.

W2

Mtaalam na Mkufunzi wa masuala ya Afya kutoka Makao Makuu ya Shirika la Afya Duniani (WHO) Geneva, Olau Poppe akifuatilia majadiliano ya washiriki wa mafunzo ya siku 2 ya wataalam wa Afya kutoka nchi zipatazo 14 za Bara la Afrika kuhusu mfumo unaotumika kutambua  sababu ya kifo cha mgonjwa utakaowasaidia watalaam hao kujaza taarifa sahihi kwenye cheti cha kifo.

W3

Mtakwimu kutoka Makao Makuu ya Shirika la Afya Duniani (WHO) Geneva,Switzarland Doris MA FAT (Kulia) akigawa machapisho yenye mwongozo kuhusu namna ya kujaza taarifa mbalimbali zinazosababisha vifo wakati wa mafunzo ya siku 2 ya wataalam wa Afya kutoka nchi zipatazo 14 za Bara la Afrika leo jijini Dar es salaam.

W4

W5

W6

Baadhi ya Washiriki wa mafunzo kwa Timu ya wataalam wa Afya kutoka Tanzania, Zambia na Cameroon wakifuatilia miongozo mbalimbali iliyokuwa inatolewa na watalaam kutoka Makao Makuu ya Shirika la Afya Duniani (WHO) wakati wa Mafunzo kuhusu mfumo wa taarifa unaotumika kutambua sababu za kifo cha mgonjwa kuwawezesha watalaam hao kujaza taarifa sahihi juu ya sababu ya kifo cha mgonjwa leo jijini Dar es salaam.

PICHA/Aron Msigwa -MAELEZO (P.T)

index

Amiri Jeshi Mkuu Rais Dkt John Pombe Magufuli akiongea na wananchi baada ya kuweka silaha za jadi katika  Mnara wa kumbukumbu ya Mashujaa alipoongoza Madhimisho ya Siku ya Mashujaa mjini Dodoma leo Julai 25, 2016

Rais wa Jamhuri ya Muungano wa Tanzania Dkt. John Pombe Magufuli amewasihi watanzania kuwaenzi Mashujaa kwa kudumisha Amani, Umoja na Utulivu uliojengwa na mashujaa hao.

Rais Magufuli ametoa rai hiyo leo tarehe 25 Julai, 2016 wakati wa maadhimisho ya kumbukumbu ya siku ya Mashujaa, yaliyofanyika katika uwanja wa Mashujaa Mjini Dodoma.

Pamoja na kutoa rai hiyo Rais Magufuli ameahidi kuwa atahakikisha azma ya Serikali kuhamia Dodoma inatekelezwa kabla ya kuisha kwa kipindi chake cha uongozi wa miaka mitano.

“Tunapoadhimisha siku ya Mashujaa hatuwezi kumsahau Baba wa Taifa Hayati Mwalimu Julius Kambarage Nyerere, Baba wa Taifa alisema makao makuu yawe Dodoma, haiwezekani sisi watoto wake, sisi wajukuu wake tupinge kauli ya Mzee huyu.

“Kwa hiyo nilikwishazungumza na leo narudia hili katika siku ya Mashujaa, mlinichagua ndugu zangu wa Dodoma kwa kipindi cha miaka mitano, hadi sasa miezi minane imepita, nimebakiza miaka minne na miezi minne, nataka kuwathibitishia kuwa katika kipindi cha miaka minne na miezi minne iliyobaki nitahakikisha serikali yangu pamoja na mimi tunahamia Dodoma bila kukosa” Amesema Rais Magufuli.

Kufuatia maelekezo hayo ya Mhe. Rais, Waziri Mkuu wa Jamhuri ya Muungano wa Tanzania Mhe. Kassim Majaliwa ameagiza Mawaziri wote waanze mara moja kuhamia Dodoma na kwamba yeye mwenyewe atakuwa amehamia Dodoma ifikapo mwezi Septemba mwaka huu.

Viongozi wengine waliohudhuria maadhimisho hayo ni Makamu wa Rais Mhe. Samia Suluhu Hassan, Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein, Rais Mstaafu wa awamu ya Pili Alhaji Ali Hassan Mwinyi, Mke wa Rais Mama Janeth Magufuli, Naibu Spika wa Bunge la Jamhuri ya Muungano wa Tanzania Dkt. Tulia Ackson, Spika wa Baraza la Wawakilishi Mhe. Zubeir Ali Maulid, Mawaziri Wakuu wastaafu Mhe. John Samwel Malecela na Mhe. Mizengo Kayanza Peter Pinda, Mabalozi na wanadiplomasia kutoka nchi mbalimbali, Viongozi wa vyombo vya ulinzi na usalama, Viongozi wa vyama vya siasa na dini, maafisa na askari waliopigana vita mbalimbali.

Gerson Msigwa
Kaimu Mkurugenzi wa Mawasiliano, IKULU
Dodoma
25 Julai, 2016 (P.T)

Ulinzi  wa  polisi  viwanja  vya mahakama  kuu kanda  ya  Iringa  leo  kabla ya  mtuhumiwa wa mauwaji  kufikishwa

Wananchi  wakiwa  foleni  kukaguliwa  kabla ya  kuingia  mahakamani leo

Mtuhumiwa wa  mauwaji  ya  Mwangosi  akipakiwa  kwenye  gari  za  FFU

Msafala  wa  gari  za  FFU  zilizomsindikiz askari  mwenzao anayekutwa  na kosa  la  kuua bila  kukusudia  leo

Askari  wa FFU  wakitoka  mbio  mahakamani  hapo

Wananchi  na  wanahabari  wakitoka  mahakamani  hapo  (P.T)

Read more...

Neno La Leo: Mwalimu Hasusii Darasa!

Published in Jamii

Ndugu zangu,

Mimi ni mwalimu kitaaluma. Sijawahi kususia darasa. Hata kama wanafunzi wangu watasusa, akabaki mmoja tu, nitafundisha.

Nafurahi, kuwa katika kazi nizifanyazo sasa, bado natumia taaluma yangu ya ualimu, wakati mwingine nafanikiwa, na wakati mwingine nashindwa. Kubwa la kuzingatia ni ustahamilivu. Na ziada ya kila siku niipatayo ni kujifunza mambo mapya, hata kutoka kwa ninaowafundisha.

Na hakuna darasa gumu kufundisha kama la wanahabari. Hili ni kundi lenye wengi, sio wote, wenye kujiona kuwa ni ' Magezigezi' , kama wanavyosema ndugu zangu Wahaya. Magezigezi ina maana ya watu wanaojua kila kitu!

Na mwalimu unaanzaje kutambulisha somo mbele ya wenye kujua kila kitu?

Pichani nilipokuwa na darasa la wanahabari, Kigoma, 2012.

Maggid,

Iringa.(P.T)

Wizara ya afya ya Afghanistan imesema takriban watu themanini wameuawa na zaidi ya wengine 150 wamejeruhiwa katika shambulio la kujitoa mhanga lililofanyika kwenye mji mkuu Kabul.

Baadhi ya taarifa zinasema kulikuwa na milipuko miwili.

Shambulio hilo linaonyesha kuwa lililenga maandamano ya maelfu ya watu kutoka jamii ndogo ya Hazara, ambao hujikuta wakidhalilishwa na kufanyiwa ukatili.

Walikuwa wakiandamana kupinga mpango wa serikali wa kuhamisha umeme kutoka kwenye majimbo yao katikati ya nchi.BBC

Naibu Waziri wa Maliasili na Utalii, Eng. Ramo Makani (wa pili kulia) akikagua eneo la mpaka katika Msitu wa Hifadhi wa Sayaka katika Kijiji cha Bugatu, Wilayani Magu, Mkoa wa Mwanza hivi karibuni. Anayeongoza utambuzi wa mpaka huo ni Afisa Misitu na Nyuki TFS Wilaya ya Magu, Ayoub Mikae (wa tatu kulia). Kulia ni Mbunge wa Jimbo la Magu, Boniventure Kiswaga.  Eng. Makani aliahidi kwa niaba ya Serikali kupitiwa upya maeneo yoye ya Hifadhi yenye migogoro nchini kwa ajili ya kutafutiwa suluhu ya kudumu. 

Naibu Waziri wa Maliasili na Utalii, Eng. Ramo Makani (wa sita kushoto) akiwa na wajumbe wa Kamati ya Ulinzi na Usalama wa Wilaya ya Magu na baadhi ya Wananchi wa vijiji vinavyozunguka Hifadhi ya Msitu wa Sayaka wakikagua mpaka wa hifadhi hiyo hivi karibuni. Kinachoonekana mbele yao ni Kigingi cha mpaka kinachodaiwa kusogezwa mbele na wananchi wa maeneo hayo kwa ajili ya kumega eneo la Hifadhi. 

  Naibu Waziri wa Maliasili na Utalii, Eng. Ramo Makani (kulia) akizungumza na wananchi wa vijiji vinavyozunguka Hifadhi ya Msitu wa Sayaka katika Kijiji cha Bugatu Wilayani Magu Mkoani Mwanza hivi karibuni. Aliahidi kwa niaba ya Serikali kupitiwa upya maeneo yoye ya Hifadhi yenye migogoro nchini na kutafutiwa suluhu ya kudumu. 

Naibu Waziri Maliasili , Eng. Ramo Makani (kulia) akizungumza na wananchi wa Kijiji cha Bugatu, Wilaya ya Magu, Mkoani Mwanza hivi karibuni wakati akikagua ramani ya Hifadhi ya Msitu wa Sayaka kubaini maeneo ya mpaka yenye mgogoro. Eng. Makani aliahidi kwa niaba ya Serikali kupitiwa upya maeneo yoye ya Hifadhi yenye migogoro nchini kwa ajili ya kutafutiwa suluhu ya kudumu. (P.T)

Read more...

216

Naibu Katibu Mkuu wa Wizara ya Elimu, Sayansi na Teknolojia, Prof. Simon Msanjila.

1

2

Merkel alaani mashambulizi ya Munich

Published in Jamii

Nach Schießerei in München Angela Merkel

Kansela wa Ujerumani Angela Merkel amesema Wajerumani wanaomboleza watu waliokufa katika shambulizi la mjini Munich hapo jana na wanashirikiana na machungu ya familia na marafiki wa wahanga.

Bi Merkel alikuwa akitoa kauli yake ya kwanza kuhusu mashambulizi hayo ya Ijumaa, ambapo watu tisa walipigwa risasi na kuuliwa na mshambuliaji kijana raia wa Ujerumani wa umri ya miaka 18 mwenye asili ya Iran, kabla kujiua mwenyewe. Watu wengine 27 walijeruhiwa katika hujuma hiyo.

Kansela Merkel alikuwa akizungumza baada ya kikao maalumu cha dharura cha baraza la usalama la mawaziri kilichoitishwa kujadili mashambulizi ya kiholela ya risasi katika jengo la maduka la Olympia mjini Munich na karibu na mgahawa wa vyakula la McDonald.

Merkel amesema mji wa Munich ulikabiliwa na usiku wa hofu na ukatili. "Wakaazi wa Munich wamepitia usiku wa ukatili. Usiku kama huu ni mgumu kwa sisi sote kuuhimili."

"Sote tunaomboleza na mioyo iliyojaa majonzi makubwa, wale wote ambao hawatarejea kwa familia zao. Kwa familia, wazazi na watoto ambao kwao kila kitu leo kinaonekana hakina maana tena, nasema binafsi na kwa niaba ya watu wengi Ujerumani: tunawaunga mkono na tunahisi uchungu pamoja nanyi. Tunawakumbuka, tunawaombea na tunateseka pamoja nanyi."

Aliwapongeza wakazi wa Munich waliowapa hifadhi watu waliokuwa wakimkimbia mshambuliaji, wengi wao wakitumia mitandao ya kijamii kueneza taarifa. Vitendo vyao vilidhihirisha kwamba tunaishi katika jamii huru na vilionyesha ubinadamu, akasema Merkel akiongeza kuwa nguvu zetu kubwa ziko katika maadili haya.

Kansela Merkel ameapa kwamba vyombo vya usalama vitafanya kila linalowezekana kuhakikisha umma uko salama na kuulinda uhuru wa kila mtu.

Polisi wamefutilia mbali kuwepo mafungamano kati ya mashambulizi ya Munich na makundi ya itikadi kali za kiislamu na badala yake wanaamini mshambuliaji alikuwa amevutiwa na mauaji ya halaiki na alihamasishwa na mauaji ya kiholela ya nchini Norway miaka mitano iliyopita, ambapo watu 77 waliuliwa na Anders Behring Breivik.

Akizungumzia shambulizi la mjini Munich, waziri wa mambo ya ndani wa Ujerumani Thomas de Maiziere amesema hakuna ishara yoyote ya mafungamano na ugaidi wa kimataifa.

Viongozi walaani mashambulizi ya Munich

Wakati haya yakiarifiwa viongozi ulimwenguni wametoa rambirambi zao kufuatia mashambulizi ya Munich. Rais wa Marekani Barack Obama amesema Ujerumani mojawapo ya nchi washirika wa karibu na ameahidi kutoa msaada ambao huenda ukahitajika kukabili na kushughulikia halii hii.

Waziri wa mambo ya kigeni wa Ufaransa Jean-Marc Ayrault, ameandika katika akaunti yake ya Twitter: "Mshikamano na Ujerumani katika changamoto inayoikabili wakati huu."

"Shambulizi la kigaidi lililowaua watu wengi Munich ni kitendo cha kuudhi kinacholenga kuchochea hofu nchini Ujerumani baada ya mashambulizi katika mataifa mengine ya Ulaya," amesema rais wa Ufaransa, Francois Hollande.

Rais wa Urusi Vladimir Putin na mgombea urais wa Marekani kwa tiketi ya chama cha Republican, Donald Trump, pia wameungana na Hollande kuelezea wasiwasi wao.

Rais wa Halmashauri ya Umoja wa Ulaya Jean Claude Juncker amesema fikra zao ziko pamoja na wahanga wa mashambulizi ya Munich, familia zao na polisi walioyahatarisha maisha yao kulinda jamii yenye amani. Ulaya nzima sasa iko pamoja na Munich, aliandika Juncker katika akaunti yake ya Twitter. Bendera nje ya majengo ya makao makuu ya Umoja wa Ulaya mjini Brussels zimepeperushwa nusu mlingoti.

Iran nayo pia imeyalaani vikali mashambulizi ya Munich ikiahidi msaada katika kuangamiza misimamo mikali inayosababisha machafuko.

Waziri wa mambo ya nchi za kigeni wa Ujerumani, Frank Walter Steinmeier amewashukuru washirika wa kimataifa kwa kauli zao, akisema "ni vyema kufahamu kwamba marafiki zetu Ulaya na ulimwenguni wanatuunga mkono."DW

mag

Mwenyekiti wa Chama Cha Mapinduzi Rais Dkt. John Pombe Magufuli akizungumza na wajumbe wa mkutano mkuu maalum wa CCM uliofanyika mjini Dodoma baada ya kuchaguliwa kwa kupigiwa kura za kishindo jana, kulia anayecheka ni Mwenyekiti mstaafu wa CCM Mzee Benjamin Williamo Mkapa..

Na. Immaculate Makilika- Dodoma

Rais wa Jamhuri ya Muungano wa Tanzania Dkt. John Pombe Magufuli  amesema katika kipindi cha uongozi wake atahakikisha Serikali inahamishia makazi yake mjini Dodoma.

Amesema hayo leo, wakati alipokuwa  akihutibia wajumbe  wa Chama cha Mapinduzi(CCM) katika Mkutano Mkuu Maalumu  wa  Chama hicho uliofanyika  mjini Dodoma mara baada ya kuchaguliwa kuwa Mwenyekiti.

“Nitahakikisha katika awamu ya uongozi wangu, Serikali inahamia Dodoma, najua viongozi wengine wote nao watanifata, kwa kuwa sasa miundombinu ya Dodoma inaweza kukidhi mahitaji yote” alisema Rais Magufuli.

Rais Magufuli aliendelea kusema kuwa katika kipindi cha miezi nane ya uongozi wake chini ya Serikali ya Awamu ya Tano  ameweza kutekeleza ilani ya Chama Cha Mapinduzi (CCM) kwa kuanza kutatua kero mbalimbali zinazowakabili wananchi.

Akiongelea maeneo ya utekelezaji katika kipindi chake Dkt. Magufuli alisema kuwa mpaka sasa Serikali imefanikiwa kusimamia suala la utoaji wa elimu bure kwa shule za Msingi na Sekondari nchini na kuwezesha udahili kuongezeka zaidi tofauti na miaka iliyopita.

Aidha Dkt. Magufuli alisema kuwa Serikali yake pia imefanikiwa kwa kiasi kikubwa katika ukusanyaji wa mapato ya serikali hali itakayosaidia kuimarisha utoaji wa huduma muhimu za jamii.

Aidha, Serikali ya Awamu ya Tano imeagiza  ndege mbili mpya zinazotarajiwa kuwasili nchini Septemba mwaka huu,

Rais Dkt. Magufuli aliongeza kuwa Serikali yake kwa kushirikiana na Serikali ya Uganda wamefanikiwa kujenga bomba la kusafirisha mafuta kutoka Hoima katika ziwa Alberti nchini Uganda kwenda bandari ya Tanga ambapo mafuta hayo yatasafirishwa sehemu mbalimbali duniani na bombahilo  litazalisha zaidi ya ajira 20,000.

Vile vile, Rais Magufuli alisema kuwa Serikali yake imeweza kurudisha nidhamu ya kazi kwa watumishi wa umma  na kuweza kuondoa watumishi hewa waliokuwa na waliokuwa wamefikia 12,500,na  kuongeza kuwa kwa mwaka huu Serikali imetenga fedha za matumizi jumla ya shilingi trilioni 29.5, ambapo asilimia 40 ya fedha hizo zitapelekwa katika kutekeleza  shughuli za maendeleo.

Mkutano Mkuu Maalum wa CCM ulihudhuriwa na wajumbe zaidi 2,000  ulimpitisha Rais Dkt. John Pombe Magufuli kuwa mshindi na Mwenyekiti wa Chama hicho kwa kura 2398  kati ya kura 2398 zilizopigwa ikiwa ni sawa na asilimia 100.

Rais Magufuli anakuwa  Mwenyekiti wa awamu ya Tano baada ya  kupokea uongozi huo kutoka kwa Mwenyekiti wa Chama hicho anayemaliza muda wake Dkt. Jakaya Mrisho Kikwete kuongoza chama hicho kwa kipindi cha miaka 10.(P.T)

Mkurugenzi wa Masoko, Utafiti na Huduma kwa Wateja wa Benki ya CRDB, Tully Mwambapa (katikati), akifafanua jambo wakati wa hafla ya kukabidhi zawadi ya tiketi ya ndege ya kwenda Dubai kwa mshindi wa kampeni ya ‘Shinda na TemboCard’, Juliana Utamwa (kushoto) katika hafla iliyofanyika makao makuu ya benki hiyo jijini Dar es Salaama, mwishoni mwa wiki. Kulia ni Dorisia Nanage ambaye ni ndugu yake atakayeambatana naye.

Mkurugenzi wa Masoko, Utafiti na Huduma kwa Wateja wa Benki ya CRDB, Tully Mwambapa (kulia), akimkabidhi tiketi ya ndege ya kwenda Dubai mshindi wa kampeni ya ‘Shinda na TemboCard’, Juliana Utamwa katika hafla iliyofanyika jijini Dar es Salaa.

Mkurugenzi wa Masoko, Utafiti na Huduma kwa Wateja wa Benki ya CRDB, Tully Mwambapa (kushoto), akimkabidhi tiketi ya ndege ya kwenda Dubai, Dorisia Nanage ambaye ataambatana na mshindi wa kwanza, Juliana Utamwa.(P.T)

Read more...

TANO BORA ZA MJENGWABLOG KWENYE KATUNI ZA LEO..

Published in Jamii

1

2

3

4

5

6

7

8

9

10

Magazeti ya Leo Jumapili

Published in Jamii

Hatimaye, Magufuli Anatupeleka Dodoma!

Published in Jamii

Ndugu zangu,

Kwenye hotuba yake leo, Mwenyekiti mpya wa CCM, John Magufuli nimemsikia akitamka hili, kwamba kaahidi kuwa litafanyika ndani ya miaka yake mitano ya uongozi wa Serikali.

Hii ni moja ya habari kubwa na njema iliyotokana na hotuba hiyo. Afrika Serikali huwa na hulka ya kuishi mijini. Na hii ni moja ya changamoto za maendeleo yetu, viongozi na watendaji kuwa mbali na wananchi. Na kwamba wananchi husafiri umbali mrefu kuifuata Serikali ilipo.

Wajumbe wangu mniamini, kuwa siku ile Magufuli atakapohamisha rasmi ofisi na makazi yake kuhamia Chamwino, itakuwa ni mwanzo pia wa kupungua kwa misongomano ya magari kwenye Jiji la Dar es Salaam.

Serikali ijiandae na kupanga miundo mbinu ya kukabili misongamano ya magari Dodoma.

Na sisi wa Iringa, tuna furaha sana ya uhalisia kuwa tutakuwa jirani na iliko Serikali. Badala ya kusafiri umbali mrefu kwenda kwenye ofisi za Serikali Dodoma, tutaweza kuamka asubuhi, kwenda Dodoma kikazi na kurudi nyumbani siku hiyo hiyo. Maana, tuna barabara ya lami inayochukua masaa matatu tu kufika Dodoma.

Serikali kuhamia Dodoma itakuwa nafuu kwa watu wa mikoa mingi ya Tanzania, maana, unabaki kuwa ukweli, kuwa Dodoma ni katikati ya nchi.

Na tuiunge mkono visheni hii ya Rais, Dr John Pombe Magufuli. Serikali yote kuhamia Dodoma ndani ya miaka mitano.

Bravo President John Magufuli!

Maggid Mjengwa,

Iringa.(P.T)

Sumaye Na Kisa Cha Mchimba Kisima..!

Published in Jamii

Ndugu zangu,

Bila shaka, mmoja wa ' Wana- CCM' wa zamani waliofuatilia kwa karibu sana Mkutano Mkuu wa CCM leo ni Fredrick Tluway Sumaye.

Huyu ni mmoja wa wanasiasa walioshindwa sana kwenye uchaguzi mkuu wa mwaka jana.

Ni heri ya Lowassa na Kingunge kulikoni Sumaye. Nilibaki nikimshangaa Sumaye aliposimama majukwaani na kuiponda CCM huku akilaumu pia Katiba inayovikandamiza vyama pinzani.

Katika uchaguzi wa mwaka jana yumkini wapiga kura waliwaadhibu watu wa aina ya Sumaye na kuwaonyesha, kuwa wao wapiga kura si wajinga.

Nilimshangaa Sumaye na Kingunge kusimama majukwaani na kulaumu mfumo ambao wao walishiriki kuujenga na kuulinda. Kwa Sumaye na Kingunge wanapolaumu Tume ya Uchaguzi na Katiba ya Nchi ya mwaka 1977 wanasahau, kuwa wao wakiwa madarakani walikuwa na nafasi ya kuweka mazingira ya kufanyiwa mabadiliko.

Ona Fredrick Sumaye, ukiacha mapendekezo ya Jaji Francis Nyalali ya mwaka 1992 ambayo yaliainisha sheria 40 kandamizi, na hata Sumaye alipoteuliwa kuwa Waziri Mkuu mwaka 1995, sheria hizo 40 kandamizi alizikuta, hakufanya lolote.

Mwaka 1998, Ben Mkapa aliunda Tume ya Jaji Kissanga iliyomkuta Sumaye akiwa Waziri Mkuu. White Paper ile ya Jaji Kissanga, mbali ya mambo mengine, ilipendekeza pia Rais achaguliwe kwa kupata 50 plus asilimia za kura zote.

Ikaenda mbali kupendekeza pia Serikali tatu katika muundo wa Muungano. Nakumbuka pale Diamond Jubilee Hall, Ben Mkapa akiongea na wazee wa darisalaam aliinanga ripoti ya Jaji Kissanga akidai pia haikufuata adidu za rejea. Sumaye alikuwepo kama Waziri Mkuu, alikuwa na nafasi ya kuweka mazingira ya kurekebishwa kwa sheria hizo, lakini, wakati huo, alikaa kimya.

Sumaye alikuwa bize akichimba kisima ambacho leo ameingia mwenyewe.

Niwe mkweli kwa nchi yangu, Fredrick Sumaye wa leo, kama alitaka mabadiliko ya kweli, alipaswa kuendelea kubaki CCM na kuifanya kazi hiyo ndani ya CCM- kama ' Born Again Sumaye' . Si nje ya CCM kama anavyofanya sasa.

Maana, Sumaye angelikuwa na jukwaa pana zaidi na angeaminika zaidi. Nitakuwa mtu wa mwisho kushangaa, pale Sumaye atakapoyashindwa hata maisha ya kila siku ya kisiasa, uko aliko sasa.

Ni mtazamo wangu.

Maggid,

Iringa.(P.T)

Ndugu zangu,

Picha hii iko kwenye maktaba yangu. Ni mwaka 1962, Julius Nyerere alijiuzuru Uwaziri Mkuu na kumwachia nchi Kawawa. Julius akabaki kuwa Rais wa TANU na akazunguka nchi nzima kwa Landrover ya TANU kuimarisha chama.
Naam, TBC hiyo ilikuwa na maana ya Tanganyika Broadcasting Cooperation. PM wa nchi Kawawa pembeni ana kikombe cha chai na Katiba ya Tanganyika...
Nchi Imetoka Mbali!
Maggid,
Iringa.(P.T)

1

Mwenyekiti Mpya wa CCM Taifa na Rais wa Jamhuri ya Muungano wa Tanzania Dk. John Pombe Magufuli na Mwenyekiti Mstaafu wa CCM Dk. Jakaya Kikwete wakiwapungia mikono wajumbe wa mkutano mkuu maalum wa CCM baada ya wajumbe hao Kumthibitisha kuwa Mwenyekiti wa awamu ya Tano Kwa kumpigia kura zote za ndiyo wajumbe waliopiga kura ni 2395 kura zilizoharibika ni 0 na Mwenyekiti Dk. John Pombe Magufuli ameshinda kwa kwa kupigiwa kura zote 2395, Lakini pia mwenyekiti  huyo ameamua kuendelea na Katibu Mkuu Abdulrahman Kinana na Sekretarieti nzima iliyokuwa chini ya Mwenyekiti Mstaafu Dk. Jakaya Kikwete.(PICHA NA JOHN BUKUKU-FULLSHANGWE-DODOMA)

2

Mwenyekiti Mpya wa CCM Taifa na Rais wa Jamhuri ya Muungano wa Tanzania Dk. John Pombe Magufuli akipongezwa na Mwenyekiti Mstaafu wa CCM Dk. Jakaya Kikwete mara baada ya kuchaguliwa kuwa mwenyekiti mpya wa CCM.

3

Mwenyekiti Mpya wa CCM Taifa na Rais wa Jamhuri ya Muungano wa Tanzania Dk. John Pombe Magufuli akikabidhiwa ripoti ya uchaguzi uliopita na  Mwenyekiti Mstaafu wa CCM Dk. Jakaya Kikwete.

6

Mwenyekiti Mpya wa CCM Taifa na Rais wa Jamhuri ya Muungano wa Tanzania Dk. John Pombe Magufuli akisikiliza machache kutoka kwa  Mwenyekiti Mstaafu wa CCM Dk. Jakaya Kikwete kabla ya kukabidhiwa ripoti hiyo.

7

Mwenyekiti Mpya wa CCM Taifa na Rais wa Jamhuri ya Muungano wa Tanzania Dk. John Pombe Magufuli akipokea ilani ya uchaguzi kutoka kwa  Mwenyekiti Mstaafu wa CCM Dk. Jakaya Kikwete.(P.T)

Read more...

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA