We have 306 guests and no members online

Matangazo Mapya

We provide the full IT solutions including web design, web development ...

Global Education Link


- Mjadala Ulidumu Kwa Maka Miwili!
Hapa ni sehemu tu..
Miaka Ile said:
Wametajwa hapa viongozi kutoka wilaya ya Rungwe ambao pia walikuwa miongoni mwa viongozi wa taifa letu; kati yao, akina Jeremiah Kasambala, David Mwakyusa na Mark Mwandosya ambao wote walikuwa ni mawaziri. Wawili, Mwakyusa na Mwandosya, bado ni mawaziri ninapoandika haya.
Lakini tusiwasahau mawaziri wengine kutoka wilaya hiyo ya Rungwe. Kabla ya kugawanywa katika wilaya mbili, Rungwe na Kyela, kulikuwa na kiongozi mwingine kutoka wilaya hiyo ambaye alikuwa miongoni mwa viongozi wa kwanza wa nchi yetu ilipopata uhuru. Ingawa hakuwa waziri mwanzoni, alipewa uwaziri baadaye. Kiongozi huyo ni Julie Manning, kutoka Kyela... ( Kutoka Mjengwablog, Dec 6, 2009)
Maggid.

media

Mwanasasa mkuu wa upinzani nchini Gambia Ousseynou Darboe mwaka 2011.

Nchini Gambia, mwanasiasa mkuu wa upinzani Ousseynou Darboe ameachiwa kwa dhamana Jumatatu wiki hii. Kesi yake ambayo iko katika ngazi ya rufaa imechukua mwelekeo ambao haukua unatarajiwa baada ya ushindi wa Adama Barrow katika uchaguzi wa urais.

Kiongozi wa chama cha UDP (United Democratic Party) alikuwa mmoja wa wanasiasa wakuu wa upinzani kwa utawala wa Yahya Jammeh. Alihukumiwa mwezi Julai kifungo cha miaka mitatu jela, kwa kosa la kuandaa na kufanya maandamano kinyume cha sheria na kesi yake katika ngazi ya rufaa yake imeanza Jumatatu wiki hii.

Ousseynou Darboe hivi karibuni ameachiwa kwa dhamana. Majaji wa mahakama ya rufaa tayari wametangaza kuachiwa kwake kwa dhamana. Alihukumiwa na watu kumi na nane katika chumba kidogo cha mahakama, huku wakisaidiwa na wanasheria kumi na tano. Kesi katika ngazi ya rufaa ilianza saa 4:00 asubuhi, lakini tatizo ni kuwa wanasheria wa serikali ya Gambia hawakuepo. Walikuja wakichelewa dakika kumi na tano, lakini waliomba radhi. Kulikua na watu wengi katika mji, na foleni ilikua ndefu, wanasheria wa serikali walisema.

Wanasheria wanaomsaidia Ousseynou Darboe na wafuasi wengine wa chama chake cha UDP, walitaja hali ya kipekee kwa sasa: "ushindi wa muungano wa upinzani katika uchaguzi wa urais wiki iliyopita". Ni kwa maslahi ya wote ambao wataachiwa huru, alisema mwanasheria. Hata ikiwezekana waachiwe kwa dhamana, mwanasheria huyo aliongeza. Mwanasheria mwengine alisema watu hawa wanaohukumiwa leo ni viongozi wa muungano, wako madarakani. Katiba inaamuru kuwa serikali inapaswa kuundwa tarehe 18 Januari 2017. Hali ya sasa, wakiwa gerezani haiwaruhusu kutekekeza majukumu yao.

Wakili wa Serikali, hakusema chochote wakati wa kesi hiyo ilipokua ikisikilizwa. Alikataa kueleza chochote na kusema mara tatu: mahakama ndio itachukua uamuzi.RFI

Na: Frank Shija – MAELEZO

MAKOMANDOO wa Jeshi la Ulinzi wanatarajiwa kupamba sherehe za maadhimisho ya miaka 55 ya Uhuru wa Tanzania Bara ambapo wwatacheza  gwaride  la kimyakimya.

Hayo yamebainishwa na Waziri wa Nchi Ofisi ya Waziri Mkuu - Sera, Bunge, Ajira, Kazi, Vijana na Watu Wenye Ulemavu Jenista Mhagama kupitia taarifa yake kwa vyombo vya habari aliyoitoa leo Jijini Dar es Salaam.

Waziri Jenista amesema kuwa mbali na maonyesho hayo pia kutakuwa na burudani mbalimbali kutoka vikundi vya Bendi ya Muziki wa kizazi kipya na Kizazi cha zamani, ngoma za asili za mikoa ya Mbeya, Pwani, Lindi na kimoja kutoka Zanzibar.

Waziri Mhagama ameongeza kuwa Mgeni rasmi katika maadhimisho hayo atakuwa ni Rais wa Jamhuri ya Muungano wa Tanzania Dkt. John Pombe Magufuli.

Aidha ametoa wito kwa wananchi wa Jiji la Dar es Salaam kujitokeza kwa wingi katika viwanja vya Uhuru siku hiyo ya tarehe 9 Desemba ili kusjumuika na Watanzania wote katika kuadhimisha sherehe hizo.

Kauli mbiu ya maadhimisho hayo ni; “Tuunge Mkono Jitihada za Kupinga Rushwa na Ufisadi na Kuimarisha Uchumi wa Viwanda kwa Maendeleo ya Nchi Yetu”  (P.T)

vikao-vya-cc-na-nec

DAR ES SALAAM: Chama Cha Mapinduzi (CCM) kitakuwa na kikao cha kawaida cha Kamati Kuu ya Halmashauri Kuu ya Taifa Desemba 11-12 kikifuatiwa na kikao cha Halmashauri Kuu ya Taifa Desemba 13, 2016 jijini Dar es Salaam.GPL(P.T)

prof-mtulia

DAR ES SALAAM: Habari zilizotufikia kutoka Hospitali ya Tumaini zinasema kwamba Profesa Idris Ali Mtulia amefariki dunia usiku wa kuamkia jana akiwa usingizini.

Afisa mmoja wa Hospitali ya Tumaini iliyopo jijini Dar es Salaam alithibitisha kutokea kwa kifo hicho lakini hakueleza kwa undani alipopigiwa simu na mwanahabari wetu.

“Ni kweli amefariki dunia akiwa usingizini,” alisema bila kufafanua na kukata simu huku baadhi ya wagonjwa wakisema kuwa walikuwa na ahadi ya kuonana naye leo katika hospitali hiyo ili awatibu.

Prof. Mtulia alikuwa daktari bingwa wa kwanza wa moyo nchini na wataalamu wenzake wakampachika jina la utani la Mchawi wa Moyo.

Enzi ya uhai wake, aliwahi kuwa daktari wa Rais Mstaafu wa Awamu ya Pili, mzee Ally Hassan Mwinyi akiwa madarakani.

Prof. Mtulia pia aliwahi kuwa Katibu Mkuu wa Wizara ya Maji na Mbunge wa Jimbo la Rufiji, aliwahi kuwa mjumbe wa Halmashauri Kuu ya Taifa (NEC) kuanzia mwaka 2002 hadi 2007. Ameacha mjane na watoto sita.GPL(P.T)

Dunia yapigwa butwaa kwa Renzi kujiuzulu

Published in Jamii

Symbolbild | Italien nach Referendum (picture-alliance/dpa/U. Zucchi)

Dunia imepatwa na mshangao mwengine kwenye siasa za kimataifa baada ya Waziri Mkuu wa Italia, Matteo Renzi, kujiuzulu kufuatia kushindwa kwenye kura ya maoni, huku masoko ya hisa yakiporomoka.

Akiwa ziarani nchini Ugiriki, Waziri wa Mambo ya Nje wa Ujerumani, ambaye huenda akawa rais wa taifa hili kubwa kabisa kiuchumi barani Ulaya, Frank-Walter Steinmeier, anasema nchi yake inatiwa wasiwasi sana na mgogoro wa kisiasa unaoiandama sasa Italia, akisisitiza kuwa ni lazima utatuliwe haraka.

"Uamuzi wa jana nchini Italia, kwa maoni yangu, unaogofya lakini ulikuwa wa wazi. Umma wa Italia umeyakataa mapendekezo ya mageuzi ya serikali ya Renzi. Jinsi mambo yanavyopaswa kuwa Italia sasa, yanapaswa kuamuliwa mjini Rome. Si jambo rahisi baada ya Renzi kutangaza kujiuzulu, lakini niseme tena kuwa huu ni mzozo wa kiserikali, si mzozo wa dola na si  mwisho wa ulimwengu wa kimagharibi, lakini pia si maendeleo mazuri kwa mgogoro mzima wa Ulaya, kiujumla," aliwaambia waandishi wa habari mjini Athens.

Wakati Steinmeier akijaribu kuzitenganisha athari za mzozo huo na hali halisi ndani ya bara la Ulaya, masoko ya hisa hayaoni hivyo, kwani muda mchache tu baada ya Renzi kutangaza uamuzi wake wa kujiuzulu, hisa ziliporomoka vibaya kwenye masoko ya Ulaya.

Italien Premierminister Matteo Renzi und die 'Ja' Kampagne in Florenz (picture-alliance/abaca/C. Bressan)

Kampeni za Matteo Renzi kutaka madaraka makubwa zaidi kwa serikali kuu hazikukubaliwa na wapigakura.

Mjini Milan, kulirikodiwa anguko la asilimia mbili, ingawa taarifa za kushindwa kwa mgombea urais wa mrengo mkali wa kulia nchini Austria zilikuwa zimeanza kulipa uhai soko hilo. 

Uamuzi wa wapigakura wa Italia umeiporomosha sarafu ya euro hadi kwenye thamani ya dola 1.056, kikiwa ni kiwango cha chini kabisa kuwahi kutokea tangu mwezi Machi mwaka jana. Hata hivyo, masoko ya hisa mjini Frankfurt, Paris na London yanaripotiwa kutikisika kidogo sana asubuhi ya leo, na baadaye kurudi kwenye nafasi yake ya kawaida. 

Hali kama hii ya masoko ya hisa kutikisika kutokana na maamuzi ya wapigakura, ilishuhudiwa pia mara mbili mwaka huu - kwanza mwezi Julai baada ya Waingereza kuamua kujiondoa kwenye Umoja wa Ulaya kwenye kura ya maoni ya Brexit na kisha mwezi Novemba, baada ya Wamarekani kumpa ushindi mkubwa mgombea urais wa Republican, Donald Trump.

Rais Mattarella ataka utulivu

Hayo yakiendelea, mjini Rome kwenyewe, Rais Sergio Mattarella, ametoa wito wa utulivu, mara tu baada ya Renzi kutangaza kujiuzulu. Shirika la habari la ANSA linasema rais huyo ambaye asubuhi ya leo alikuwa na mazungumzo kwa njia ya simu na Renzi, alitaka watu wangojee maamuzi ya kisiasa, kwani "nchi inahitaji mazingira ya kisiasa kuwa ya utulivu na kuheshimiana."

Asilimia 59 ya wapiga kura wameukataa mpango wa kuifanyia mabadiliko katiba ya nchi yao, ambao ulitaka kuyaweka madaraka makubwa kwenye serikali kuu na ambao ulikuwa ukipigiwa chapuo na Renzi. Idadi ya waliojitokeza kupiga kura ni asilimia 65.5 na hivyo kulifanya anguko la Renzi kuwa kubwa zaidi. 

Sasa taifa hilo kubwa kwenye pwani ya Bahari ya Kati linakabiliwa na moja kati ya mawili: ama chama cha Renzi cha PD kiunge mkono kundi lenye wajumbe wengi bungeni na kuunda serikali ya mpito, ama kuitishwa kwa uchaguzi mpya.

Muungano wa vyama vya upinzani vinavyopingana na Umoja wa Ulaya, M5S, unashinikiza uchaguzi wa mapema, huku Renzi mwenyewe akiondoa kabisa uwezekano wa kubakia kuongoza serikali ya mpito kuelekea uchaguzi huo.DW

chadeeeeeeeeee

Katibu wa Chama cha Demokrasia na Maendeleo Chadema Kanda ya Ziwa, Meshack Micus (kulia), akizungumza juzi kwenye semina kwa viongozi wa Mabaraza ya Chadema Wilaya ya Nyamagana mkoani Mwanza.

Lengo lilikuwa ni kuimarisha mabaraza hayo kwa ajili ya utendaji kazi wake ikiwemo kuhakikisha wanachama wapya wanaendelea kujiunga na chama chadema ili kukifanya kuendelea kuwa chama cha upinzani chenye nguvu nchini.

Chama hicho kililaani zoezi la kuwahamisha machinga kutoka katikati ya Jiji la Mwanza huku mazingira rafiki yakiwa bado hayajaandaliwa ambapo Micus alisema hatua hiyo inaweza kusababisha vijana na akina mama wengi kukosa mwelekeo wa kujitafutia kipato kwa njia sahihi ambapo walihimiza machinga hao kutengenezewa mazingira bora ya kufanyia biashara zao.

Na BMG Habari

Baadhi ya viongozi wa mabaraza ya Chadema wilayani Nyamagana wakimsikiliza Katibu wa Chama cha Demokrasia na Maendeleo Chadema Kanda ya Ziwa, Meshack Micus (kulia), wakati akizungumza kwenye semina kwa viongozi wa Mabaraza ya Chadema Wilaya ya Nyamagana mkoani Mwanza.

Diwani wa Kaya ya Butimba, John Pambalu, akizungumza juzi kwenye semina kwa viongozi wa Mabaraza ya Chadema Wilaya ya Nyamagana mkoani Mwanza.

Baadhi ya viongozi wa mabaraza ya Chadema wilayani Nyamagana wakimsikiliza diwani wa Kata ya Butimba, John Pambalu, wakati akizungumza kwenye semina kwa viongozi wa Mabaraza ya Chadema Wilaya ya Nyamagana mkoani Mwanza.

Baadhi ya viongozi wa mabaraza ya Chadema wilayani Nyamagana, wakifuatilia kwa makini semina iliyotolewa kwa ajili ya kuimarisha uhai katika utendaji wao wa kazi ili kujiimarisha zaidi.(P.T)

Read more...

 

Ndugu zangu,

AMA kwa hakika, wanawake ni moja ya sura za Idd Amin ambazo hazikujulikana sana nje ya mipaka ya Uganda.

Inasemwa, kuwa General Amin alikuwa anahusudu sana wanawake. Kwamba alikuwa tayari kuua kwa sababu ya mwanamke.

Ikafika wakati, General Idd Amin alikatisha ziara au shughuli ya Kiserikali ili apate fursa ya kwenda kufanya ngono na mwanamke.
Walinzi wake wa karibu walifanya kazi pia ya kwenda kuwachukua wanawake aliowatamani bosi wao.

Walinzi hao walikuwa na kibarua pia cha kukariri ni nani bibi wa bosi wao, maana vimada wa Idi Amin walikuwa wengi.

Walinzi hao walifanya kazi pia ya kukariri ni nani mtoto wa Amin , maana, idadi ya watoto wa Amin waliotambulishwa kwa watu wa usalama wa Amin ilikuwa kubwa.

Inasemwa pia, kuwa kifo cha mmoja wa wake wa General Amin aitwaye Kay, kilitokana na ajali ya gari, ni ajali ya kushangaza. Ni ya kupangwa.

Hadi hii leo kuna wanaoamini ajali hiyo haikuwa kazi ya Mungu bali kazi ya General Idd Amin aliyoipanga vema kwa kushirikiana na watu wake wa usalama.

Hata hivyo, hakuna aliyeweza kuthibitisha ukweli mzima juu ya jambo hilo.

Tukio lingine la kushangaza katika mauhusiano ya General Idd Amin na wake zake ni pale alipotoa talaka kwa mpigo kwa wake zake watatu.

Wake zake hao ni Malyamu , Nora na Kay. Amin aliwatuhumu Malyamu na Nora kwa kujihusisha na masuala ya biashara wakiwa ndani ya ndoa. Kay naye alipewa talaka kwa kile ambacho Idi Amin alidai ni binamu yake!

Lakini, ukweli juu ya kuharibika kwa mahusiano hayo ya ndoa kati ya General Idd Amin na wake zake hao ni kwa Amin mwenyewe kuendekeza zaidi wanawake wa nje na kuwasahau wake zake wa ndoa.

Jambo hilo linathibitishwa pia na mwandishi Henry Kyemba ambaye nimebahatika kusoma kitabu chake kiitwacho; ' State Of Blood'.

Inasemwa, kuwa kitendo cha General Idd Amin kuwaacha wake zake hao na kutumia muda mwingi kulala na wanawake wa nje kuliwafanya wake zake hao, nao kujisikia kutotimiziwa mahitaji yao ya ndani ya ndoa. Nao walianza kutafuta mabwana wa nje.

Na hakika, siku ile ya wake hao kupewa talaka zao walifurahia sana. Walijisikia wako huru kufanya mambo yao nje ya nyumba ya General Idd Amin.

Ndoa yao na Amin ilikuwa ni kama kifungo.
Hawakupenda kuwa na mahusiano ya siri na mabwana wa nje.
Siku hiyo ya kupewa talaka kwa mpigo, Malyamu, Nora na Kay walifanya sherehe kubwa.

Kusheherekea kuachwa na General Idd Amin. Katika sherehe hiyo waliwakaribisha mabwana zao. General Idd Amin hakupewa mwaliko! Walimwambia abaki na mkewe kipenzi , Madina.

Hata hivyo, Malyamu, Nora na Kay walijikuta katika wakati mgumu nje ya ndoa ya Amin. Mikasa gani iliwafika?

Maggid,
Iringa.

 Mwenyekiti wa Madereva Kanda ya ziwa Hassan Dede akihojiwa na waandishi wa habari

Askari wa kikosi cha usalama barabarani wakiwa wamezisimamisha Daladala kwa kosa la kupakia abira eneo ambalo sio rasmi 

 Jinsi magari yanavyogeuza katika eneo la Buhongwa

 Eneo la stendi isiyokuwa rasmi ya Buhongwa ilivyo katika kadhia ya ubovu

 Mwenyekiti wa Madereva Kanda ya ziwa Hassan Dede akikagua eneo la barabara ya Buhongwa ambayo inatumiwa na madereva Daladala kama stendi.(P.T)

Read more...


Ndugu zangu,

Anaitwa Clare Short, Itakumbukwa huko nyuma wabunge wa Uingereza wakiongozwa na mbunge wa kujitegemea mwanamama Clare Short, ( Pichani) walipata kuichachafya serikali
ya Bw. Tony Blair juu ya sakata la nchi yetu kuuziwa rada ya
bei juu na pia rushwa kutumika katika ununuzi huo, angalia

https://www.theguardian.com/world/2010/feb/06/bae-tanzania-arms-deal
huo Bi. Clare Short alikuwa Waziri mwandamizi wa Masuala ya Maendeleo na Misaada katika Baraza la Mawaziri la Bw. Tony Blair. Yeye na mwenzake aliyekuwa Waziri wa Fedha Kansela Gordon Brown walipinga ununuzi huo.

Na hatimaye ukweli ukawaweka huru, ikathibitika walikuwa sahihi.
Gordon Brown akaja kuwa Waziri Mkuu wa wa Uingereza. Huku
kwetu tuliohoji na kudadisi ununuzi ule tuliitwa kwa majina mengi; " wavivu wa kufikiri", " wenye wivu wa kike" na mengineyo.

Tunazungumzia mwaka 2001. Nilipata kuandika, kuwa aibu ile kamwe haiwezi kuwa ya Uingereza tu, ni aibu yetu pia. Ni aibu yetu kwa vile kuna baadhi ya Watanzania wenzetu walituhumiwa kuhusika na uhalifu ule.
mjadala wa ununuzi wa rada hiyo ulipofukuta mwaka ule wa 2001, sio tu tulionekana wajinga tuliokuwa tukihoji ununuzi ule, bali hata wale waliokuwa nasi katika kupigania kufutiwa ama kupunguzwa kwa madeni yetu tuliwageuka.

Mfano mzuri ni Shirika la Oxfam. Tuliwaacha wakiduwaa , wao walisisitiza, kuwa Serikali ya Uingereza isitoe leseni kwa kampuni ya BAE, kwa vile mkataba huo haukuwa na manufaa kwa Watanzania walio wengi. Serikali yetu ilitangaza kuupokea uamuzi wa serikali ya Uingereza "Kwa mikoni miwili".

Tangu awali, sakata lile la ununuzi wa rada liliamsha maswali mengi
yenye kuhitaji majibu, mwaka 2001 kupitia safu ya " Gumzo la Ijumaa" kwenye gazeti la Majira nilipata kuuliza yafuatayo;

 

Je, ni nani hasa wahusika wakuu wa manunuzi ya rada hiyo? Ni akina nani waliopitisha uamuzi wa manunuzi ya rada hiyo? Je, bunge letu lilipata kufikishiwa muswaada wa manunuzi ya rada hiyo, kuujadili na kutoa mapendekezo yao kwa niaba ya wananchi? Je, kulikuwepo na hali ya kushindanisha makampuni ya utengenezaji wa rada hizo duniani? Hivi tukiwa tumezama ndani ya lindi la umasikini, je, ni rada ya kisasa na ghali mno ndiyo tuliyohitaji ? Je, kuna mianya ya rushwa ya kimataifa katika manunuzi ya rada hii?

Haikupita miezi mingi tukaanza kupata majibu ya baadhi ya maswali yale.
ule Serikali ya Uingereza ililazimika kuahirisha
kutoa uamuzi wake wa kuuza au kutoiuzia Tanzania, rada yenye thamani ya Dola za Kimarekani milioni 40 baada ya kubainika kwamba tayari kiwanda cha BAE ambacho ndicho chenye tenda hiyo kilishatengeneza na kuiweka tayari kwa kuisafirisha.

Ikaelezwa, kuwa rada hiyo ilitengenezwa baada ya maafisa
wa BAE kupewa uthibitisho na wizara ya ulinzi ya Uingereza kwamba itapita na suala la leseni lingekuwa ni suala la kupitisha tu
(formality). Kwamba kusingekuwa na ugumu katika hilo.
Ikasemekana, kuwa hata Waziri Mkuu wa Uingereza wa huo, Bw. Tony Blair akiungwa mkono na aliyekuwa waziri wake wa ulinzi Geoff Hoon alishinikiza leseni itolewe kwa vile mkataba huo wa mauzo ungeokoa ajira ya Waingereza 250 katika kisiwa cha Wight. Kwamba muhimu kwa Uingereza ilikuwa ni ajira za watu wao kwa gharama za walalahoi wa Tanzania!
Tunajifunza nini kwenye simulizi hii ya ajabu?
Maggid Mjengwa,
Iringa.
0754 678 252/ 0688 373652

pooooooooooooooooooooooooooollllllllllll

Bango liliandaliwa kwa ajili ya Maadhimisho hayo

Katibu Tawala wa wilaya ya Ilala, Edward Mpogolo akiwasili kwenye Viwanja vya Shule ya Msingi Mwembeni, Vngunguti kwenye uzinduzi wa Maadhimisho ya siku 16 za kupinga ukatili wa Jinsia na watoto kwenye Viwanja vya Shule ya Msingi Mwwembeni, wilayani humo mkoani Dar es Salaam, leo. Pamoja naye ni Kamanda wa Polisi Ilala, Salum Hamdani.

Katibu Tawala wa wilaya ya Ilala, Edward Mpogolo alifurahia jambo na Kamanda wa Polisi IlalaSalum Hamdan baada ya kuketi meza kuu

Watoto wakiselebuka kwa burudani ya muziki wakati wa hafla hiyo

Maandamano maalum yakipita mitaani, kwenda kwenye viwanja vya shule ya msingi Mwembeni ambako yalipokelewa na Ofisa Tawala wa wilaya ya Ilala Edward Mpogolo

Maandamano maalum yakipita mitaani, kwenda kwenye viwanja vya shule ya msingi Mwembeni ambako yalipokelewa na Ofisa Tawala wa wilaya ya Ilala Edward Mpogolo

Maandamano maalum yakipita mitaani, kwenda kwenye viwanja vya shule ya msingi Mwembeni ambako yalipokelewa na Ofisa Tawala wa wilaya ya Ilala Edward Mpogolo (P.T)

Read more...

Mkurugenzi wa Idara ya Habari Maelezo na Msemaji wa Serikali Dk. Hassan Abbas (kulia), akihutubia wakati wakati akifungua Mkutano Mkuu wa Mwaka wa Tanzania Bloggers Network (TBN), Dar es Salaam leo asubuhi. Kushoto ni Mwenyekiti wa muda wa TBN, Joachim Mushi.

Meneja Mwandamizi wa Amana Huduma za Bima na Ziada wa Benki ya NMB, Stephen Adili (kulia), akizungumza katika mkutano huo kuhusu masuala mbalimbali ya benki hiyo ambayo ni moja ya mdhamini wa mkutano huo.

Mwanahabari na Blogger  Frederick Katulanda (kulia), akiuliza swali.

Mwenyekiti wa muda wa TBN, Joachim Mushi (kushoto), akiwaelekeza jambo mablogger

Mablogger wakiwa kwenye mkutano huo.

Mkutano ukiendelea.

Mablogger kazini.(P.T)

Read more...

 

Ndugu zangu,

Tumeona, kuwa Idi Amin ameishi kwa anasa na mashaka makubwa. Tofauti na jina lake, Amin hakumuamini mtu yeyote. Nguvu yake kubwa ilikuwa kwenye jeshi na askari kanzu. Wengi wa askari wake walitoka kabila lake dogo la Kakwa na Wanubi wa Sudan.

Idd Amin aliongea lugha kadhaa, lakini hakuna lugha aliyoimudu kuongea kwa ufasaha  isipokuwa lugha ya kabila lake la Kakwa. Aliongea Kiswahili , cha tabu kidogo. Aliongea Kiingereza, cha tabu kidogo. Kiarabu alijua kidogo pia. Kiganda hivyo hivyo.

Alipokuwa akihutubia hakuonyesha kuwa anakaribia kumaliza hotuba yake. Mara nyingi alimaliza hotuba huku watu wakidhani anaendelea.

Inasemwa, kuwa alifanya hivyo kwa sababu za kiusalama. Idd Amin alijua wengi hawakujua lugha yake ya Kikakwa. Kwa vile walinzi wake wa karibu ni wa kabila lake, basi, alipokaribia kumaliza hotuba yake aliingiza maneno ya lugha ya kabila lake ili kuwaandaa walinzi wake mara atakaposimama ghafla na kuondoka ukumbini.

Kikosi chake cha makachero kilikuwa kinahofiwa sana. Vilikuwa vikosi viwili; Public Safety Unit ( Usalama wa Taifa) na State Research Bureau. Hicho cha mwisho ndio kilikuwa kiboko ya vyote.

Kiliundwa na mabayaye kutoka kabila la Idd Amin. Mababaye ni vijana waliokuwa na elimu ya chini na wengi aliwatoa mitaani. Ndani ya kikosi hicho kulikuwa pia na watu kutoka makabila ya Lugbara ( kabila la mama yake Amin) Madi na Wanubi wa Sudan.

Makachero hao walikuwa na mazoea ya kuvaa mashati ya vitenge. Enzi hizo Uganda, jirani yako akikuambia kuwa umefuatwa nyumbani na watu wanaovaa 'Chitenge', na wakakukosa, basi, cha kufanya si kuwasubiri warudi tena. Unachotakiwa ni kuchukua kinachochukulika na kuutafuta mpaka wa nchi jirani ya karibu na ulipo.

Jamaa hao wavaa ' Chitenge' walitisha sana. Inasemwa, kuwa kila mmoja katika kikosi hicho alikuwa na mawasiliano ya moja kwa moja na Idd Amin. Katikati ya Jiji la Kampala walikuwa na ofisi zao. Ni katika majengo kadhaa. Yalitumika pia kama vituo vya kuwatesa wapinzani au waliodhaniwa wangekuwa wapinzani wa Idd Amin. Ilitokea mtu akapita mitaa ya Kampala na kusikia sauti za watu wanaolia kwa kuteswa. Ilikuwa ni mambo ya kawaida.

Wengi waliteswa hadi kufa. Mara nyingi walitupwa Ziwa Victoria na kuachwa wakiliwa na samaki. Kuna simulizi za wakazi wa kando ya ziwa kuamka na kukuta lori likiwa na walichodhani ni samaki wakubwa. Watu walikimbilia kuwahi kununua samaki hao. Walishangaa kuona ni miili ya binadamu iliyopelekwa kutupwa ziwani.

Pamoja na yote hayo, Idd Amin alikuwa mume wa wake wanne. Alikuwa na vimada  wa pembeni pia. Inasadikiwa, kuwa idadi ya watoto wa Idd Amin ilifikia hamsini!

Katika watoto wote wa Amin , inasemwa kuwa, Idd Amin alimpenda sana Moses ( Pichani). Na katika wake zake wote, alipempenda sana Nadina ( Pichani)

Mara nyingi Amin alionekana akiwa na mtoto Moses. Alimpenda kiasi katika umri mdogo kumvalisha magwanda ya jeshi. Moses alianza kushika bastola katika umri mdogo pia. Hivyo hivyo mkewe Nadina, Idd Amin alimpenda sana Nadina. Amin alionekana mara kwa mara akiwa na Nadina kando yake.

Naam. Simulizi juu ya Idi Amin ni nyingi. Tukijaaliwa tutachambua ukweli juu ya madai kuwa Idd Amin alimwua mwanawe kipenzi Moses kwa sababu za kishirikina . Inasemwa pia, kuwa aliwahi kumwua mmoja wa wake zake kwa sababu za kishirikina. Je, kuna ukweli katika hayo? Nitakusimulia..

Maggid,

Iringa.

Neno La Leo: Watanzania Tuna Bahati Mbaya Hii..

Published in Jamii


Ndugu zangu,
Watanzania tuna bahati mbaya ya kuwa na baadhi ya viongozi wenye hulka za kibepari miongoni mwa jamii ya watu wengi wanaoishi maisha ya kijamaa. Viongozi wenye kuendekeza tamaa ya mali na hata kufikia kuwatelekeza wananchi wanaowaongoza.
Kondoo ni wanyama wapole sana. Ni wepesi kuwachunga, lakini, ukiwaona kondoo wamepotea machungani, basi, kosa ni la mchungaji. Pamoja na upole wao, kondoo wakichokozwa, huinua masikio na kutoa sauti. Ndiyo, hata kondoo mpole anaweza kukasirika na kumwandama mchungaji.
Ni Neno La Leo.
Maggid Mjengwa,
0754 678 252/ 0688 37 36 52

Waziri Mkuu wa Italia kujiuzulu

Published in Jamii

Italien | Ministerpräsident Matteo Renzi kündigt nach gescheitertem Referendum seinen Rücktritt an (REUTERS/A. Bianchi)

Waziri Mkuu wa Italia, Matteo Renzi amesema atajiuzulu, baada ya kushindwa katika kura ya maoni iliyofanyika jana Jumapili, kuhusu mapendekezo yake ya kuifanyika mageuzi katiba ya nchi hiyo.

Akilihutubia taifa kupitia televisheni baada ya matokeo ya awali kutangazwa, Renzi amesema majukumu ya serikali yake yamemalizika leo. Matokeo hayo yanaonyesha kambi yake ya kura ya 'Ndiyo' imeshindwa katika uchaguzi huo kwa kupata kati ya asilimia 42 na 46. Kambi ya 'Hapana' imepata kati ya asilimia 54 na 58 ya kura.

Renzi amesema leo mchana ataitisha kikao na baraza lake la mawaziri na kisha atawasilisha barua yake ya kujiuzulu kwa Rais Sergio Mattarella.DW

 

Ndugu zangu,

Hakika, simulizi kumhusu General Idi Amin mara nyingi ni juu ya mtu anayetisha. Kiongozi dikteta aliyeogopewa sana ndani na nje ya mipaka ya nchi yake ya Uganda. Hata hivyo simulizi unazozifuatilia hapa, zinalenga pia kwenye kumwangalia Idi Amin kama binadamu wengine na maisha aliyoishi.

Idi Amin hakuwa na baba aliyemjua. Ni mtoto aliyetelekezwa na baba yake. Mama yake aliyeishi kijiji cha Koboko jirani na mipaka ya Sudan na Zaire, aliondoka kijijini hapo huku Idd Amin akiwa mdogo sana. Alikwenda naye hadi mji wa Jinja. Huko ndiko alikokulia Idd Amin.

Idi Amin hakumaliza hata madarasa manne ya Shule ya Msingi. Lakini, Amin ambaye baba yake alibadili dini kutoka Ukatoliki na kuwa Muislam, naye akaja kuwa Muislamu. Amin alisoma japo kwa muda mfupi katika shule ya Kiislamu ya Bombo. Huko inasemwa, kuwa Idd Amin alikuwa hodari sana wa kukariri Qoran tukufu.

Amin alikulia katika mazingira ya kimasikini. Kama ilivyokuwa kwa akina mama wengine wengi, mama yake Idi Amin alikuwa akipika matoke ( ndizi) na kuuuza nje ya kambi ya jeshi pale Jinja . Idi Amin alionekana pia akifanya biashara ndogo ndogo katika mji huo wa Jinja. Hakika, Idd Amin aliingia jeshini kwa bahati tu. Ni baada ya kuonekana na afisa wa jeshi Mwingereza. Amin alikuwa na umbo la kikakamavu. Jeshini alikuwa hodari sana na hususan katika michezo. Idd Amin akaja kuwa bingwa wa ngumi uzito wa juu nchini Uganda.

Amin hakupenda ngumi tu. Alipenda muziki, kucheza na kupiga kinanda pia. Idd Amin alipenda sana kandanda, mara nyingi aliudhuria mechi za kandanda kwenye Uwanja wa Nakivubo pale Kampala. Amin alipenda pia kuogelea. Nyumbani kwake alihakikisha kuna bwawa la kuogelea. Mashindano ya mbio za magari yalimvutia sana Idi Amin, sio tu kufuatilia, Idd Amin aliwahi kushiriki mashindano ya magari.

Hata hivyo, inasimuliwa, kuwa ndani ya gari lake alikuwa na kimada. Katikati ya mbio hizo, Idd Amin alichepusha gari lake kando ili afanye ngono. Si ajabu, kuwa katika mbio zile za magari, General Idd Amin hakuwamo katika nafasi hamsini za mwanzo!

Simulizi hii itaendelea...

Maggid,

Iringa.

kula

 Katibu Tawala Msaidizi wa Mkoa wa Kigoma Bw. Daniel Machura akitoa hotuba ya kufunga mafunzo ya miradi ya maendeleo kwa ajili ya ufadhili wa washirika wa maendeleo kwa Mkoa wa kigoma. Kulia ni mmoja wa wakufunzi wa mafunzo hayo, Dkt. Wilhelm Ngasamiaku kutoka Chuo Kikuu  cha Dar es Salaam, kushoto ni Mratibu wa mafunzo hayo Bw. Paul Sangawe kutoka Tume ya Mipango.

kula-1

Mratibu wa Mafunzo Bw. Paul Sangawe akitoa muhtasari wa kile kilichojadiliwa katika mafunzo hayo yaliyodumu kwa muda wa siku tano. Katikati ni Katibu Tawala Msaidizi Mkoa wa Kigoma Bw. Daniel Machura na kulia ni mmoja wa wakufunzi wa mafunzo hayo, Dkt Wilhelm Ngasamiaku kutoka Chuo Kikuu cha Dar es Salaam.

kula-2

Mchumi kutoka Wizara ya Fedha na Mipango – Tume ya Mipango, Bw. Senya Tuni akionesha kitabu cha Mpango wa Taifa wa Maendeleo wa Miaka Mitano (2016/17-2020/21) kwa washiriki (hawapo pichani) wakati akiwasilisha mada juu ya Mpango huo.

kula-3

 Baadhi ya washiriki wakifanya mazoezi ya kanuni zinazotumika kuchagua miradi sahihi kwa ajili ya kupata ufadhili kutoka kwa washirika wa maendeleo. Mazoezi hayo yalifanyika mapema kabla ya kuhitimishwa kwa mafunzo hayo.

kula-4

Mmoja wa washiriki akichangia mada kabla ya kuhitimishwa kwa mafunzo hayo.

kula-5

Mmoja wa washiriki akichangia mada kabla ya kuhitimishwa kwa mafunzo hayo.

Na Adili Mhina, Kigoma.

Serikali imewaonya watumishi wasio waaminifu katika kusimamia na kuratibu miradi inayotekelezwa kwa fedha za washirika wa maendeleo kuepukana na vitendo vya rushwa na ubadhirifu kwani Serikali ya Awamu ya Tano haina huruma wala msamaha kwa watu wa aina hiyo.

Onyo hilo limetolewa mwishoni mwa juma na Katibu Tawala Msaidizi Mkoa wa Kigoma Bw. Daniel Machura wakati akifunga mafunzo ya maandalizi ya miradi ya maendeleo kwa ajili ya ufadhili wa washirika wa maendeleo kwa mkoa wa Kigoma yaliyofanyika mjini hapa na  kuendeshwa na Wizara ya Fedha na Mipango kupitia Tume ya Mipango kwa ufadhili wa Serikali ya Ubelgiji.

Mafunzo hayo yalishirikisha Wakurugenzi wa Mamlaka za Serikali za Mitaa, Makatibu tawala wa wilaya, Wakuu wa Idara za Mipango, Wachumi, Maafisa Mipango na Watakwimu ambao wana majukumu ya usimamizi na uratibu wa miradi katika sekretarieti ya Mkoa wa Kigoma na Halmashauri zake zote.

Machura alieleza kuwa Serikali ya sasa haina nafasi ya kuwalea watendaji ambao wanaweka maslahi yao mbele badala ya kuangalia wananchi katika kutekeleza miradi inayofadhiliwa na washirika wa maendeleo kitu kinachopelekea miradi mingi kutekelezwa chini ya kiwango bila kuzingatia thamani ya fedha.

Alieleza kuwa baadhi ya watumishi walifikia hatua ya kuandaa maandiko ya kuomba fedha za ufadhili wa miradi ya maendeleo ya wananchi lakini  fedha hizo zikipatikana walikuwa wanagawana na kuzitumia katika shughuli zao binafsi badala  ya kuzingatia malengo ya fedha hizo.

“Tulifika pabaya sana, watu walikuwa wanaandika proposal (andiko) kwa wafadhili ili wapate fedha za kutekeleza miradi ya wananchi lakini cha ajabu unakuta fedha zikipatikana wanagawana bila aibu kwa kuwa zimetoka nje, katika serikali ya sasa watu wa aina hiyo hawana nafasi kwenye utumishi wa umma,” alieleza Bw. Machura.

Alisisitiza kuwa viongozi wa mamlaka za serikali za mitaa hawana budi kuzingatia mafunzo waliyopata kwa ajili ya  kuongeza  ufanisi wa kusimamia miradi na kuleta maendeleo katika maeneo yao ya utawala ili wafadhili waendelee kuamini kuwa fedha zote wanazotoa zinatekeleza miradi iliyokusudiwa.

“Tukifanya hivyo Serikali ya Ubelgiji pamoja na wadau wengine wa maendeleo watakuwa tayari kuongeza michango yao katika kuusaidia mkoa wetu kujikomboa kutoka katika umaskini hususan kwa kuendelea kufadhili miradi mbalimbali ya maendeleo”, alisistiza.

Kwa upande wake mratibu wa mafunzo hayo ambaye pia ni Naibu Katibu Mtendaji anayesimamia Klasta ya Biashara za Kimataifa na Mahusiano ya Uchumi Tume ya Mipango, Bw. Paul Sangawe alibainisha kuwa kuna baadhi ya watendaji ambao hawatoi taarifa za matumizi ya fedha za miradi ya ufadhili kwa wakati, kitu ambacho kinarudisha nyuma jitihada za washirika wa maendeleo katika kufadhili miradi.

Kutokana na hali hiyo, Sangawe alishauri uongozi wa Ofisi ya Mkoa wa Kigoma kujiwekea utaratibu wa kukaa na halmashauri zake mara kwa mara ili kuangalia maendeleo ya miradi inayotekelezwa kwa fedha za washirika wa maendeleo na kuhakikisha utekelezaji wake unakwenda sambamba na malengo husika.

Aidha, Sangawe alisisitiza kuwa ni lazima mamlaka zinazohusika katika kufanya makubaliano ya mikataba na wafadhili kuwa makini na kuzingatia kuwa miradi inayotaka kufadhiliwa ni ile yenye tija kwa wananchi na ambayo inaharakisha kufikia malengo ya Dira ya Taifa ya 2025 ya kuipeleka Tanzania katika uchumi wa kati.

“Tusisite kukataa miradi ambayo haina tija kwa wananchi wetu, hata kama fedha ni zao lakini lazima ufadhili wao uendane na vipaumbele tulivyojiwekea kama Taifa. Tusipo zingatia hilo tutajikuta tunatekeleza miradi isiyo na faida kwa wananchi na kupelekea Serikali kupata hasara,” alisisitiza Sangawe.(P.T)

media

Mwanamazingira Alexander Van der Bellen amepata ushindi katika duru ya pili ya uchaguzi wa urais nchini Austria Jumapili hii Desemba 4, kwa mujibu wa runinga ya taifa ya Austria. Amemshinda mgombea wa chama cha FPO, Norbert Hofer, ambaye amekubali kwa haraka kushindwa kwake na kumpongeza mshindani wake kwa "ushindi" wake.

Waangalizi wamekua wakitarajia kukaribiana kwa wagombea hawa wawilii, kutokana na jinsi uchaguzi wa duru ya kwanza wa mwezi Mei ulivyokuwa, ambapo wagombea hao walishindana kwa kura chache kabla ya kura hizo kufutwa na Mahakam ya Katiba.

Wapiga kura wa Austria wamekosoa utabiri uliokua umetolewa hapo awali.Alexander Van der Bellen, mwenye umri wa miaka 72, kulingana na matokeo mapya ni rais mpya wa Austria.

Kwa sasa anaongoza kwa 53.6% ya kura dhidi ya 46.4% alizopata mshindani wake, ambaye kwa haraka amekubali kushindwa.

 "Nampongeza Alexander Van der Bellen kwa ushindi wake na nawatolea wito wananchi wa Austria kushikamana na kufanya kazi pamoja," amesema Norbert Hofer ambaye amesema ana "masikitiko makubwa".

Alexander Van der Bellen, ambaye aliwania katika mbio hizo za urais kama mgombea binafsi, amepata kura nyingi katika maeneo mbalimbali ikilinganishwa na kura alizopata katika duru ya kwanza mwezi Mei, ambazo zilifutwa na Mahakama ya Katiba kutokana na kukiukwa kwa taratibu za zoezi la kuhesabu kura.

Alexander Van der Bellen, amepata ushindi wa kura 31,000 dhidi ya msindani wake.RFI

tuzo

Naibu Mkurugenzi wa Idara ya Fedha (TRA) Bi.Anna Mndeme kulia akipokea tuzo ya utunzaji bora wa mahesabu kwa taasisi za umma kutoka kwa mwakilishi wa Mhasibu Mkuu wa Serikali Bw.Shogolo Msangi katikati wakati wa sherehe za kukabidhi tuzo hizo kwa wawasilishaji bora wa mapato kwa mwaka 2015 yaliyofanyika nje kidogo ya jiji la Dar es salaam na kushoto ni Mwenyekiti wa NBAA Prof.Isaya Jairo.

tuzo-1

Mkurugenzi wa Shirika la Utangazaji la Taifa (TBC) Dkt.Ayoub Rioba kulia akipokea tuzo ya utunzaji bora wa mahesabu kwa taasisi za umma baada ya kuwa mshindi wa pili kutoka kwa Mwakilishi wa Mhasibu Mkuu wa Serikali Bw.Shogolo Msangi kushoto wakati wa sherehe za kukabidhi tuzo hizo kwa wawasilishaji bora wa mapato kwa mwaka 2015 yaliyofanyika nje kidogo ya jiji la Dar es salaam.

tuzo-2

Afisa Mkuu wa Mapato kutoka Kampuni ya kutengeneza Sementi ( Tanga Cement plc) Bw.Pieter De Jager wa pili kulia akiwa ameshika tuzo ya washindi wa jumla kwenye mashindano ya wawasilishi bora wa mapato kwa mwaka 2015.

Kwa Mwakilishi wa Mhasibu Mkuu wa Serikali Bw.Shogolo Msangi katika waliokaa wakati wa picha ya pamoja na washindi wa wawasilishaji bora wa mapato wakati wa sherehe .

tuzo-3

Picha Na Ally Daud-Maelezo.

Na Ally Daud-MAELEZO

Mamlaka ya Mapato Tanzania (TRA) imeshinda tuzoya utunzaji bora wa mahesabu kwa taasisi za umma zilizoandaliwa na Bod ya Ukaguzi na Wahasibu (NBAA) kwa mwaka 2015.

Akipokea tuzo hiyo Naibu Mkurugenzi wa Idara ya Fedha (TRA), Bi. Anna Mndeme alisema kuwa wamepata tuzo hiyo kutokana na kuwasilisha vizuri mahesabu ya mwaka wa fedha yaliyowasilishwa kufuatana na viwango vya uwasilishwaji vinavyozingatiwa na Bodi ya Ukaguzi na Wahasibu (NBAA).

“Tumefanya vizuri na tumepata tuzo kwa kushika nafasi ya kwanza kutokana na kuwasilisha vizuri mahesabu ya mwaka wa fedha yaliyowasilishwa kufuatana na viwango vya uwasilishwaji vinavyozingatiwa na Bodi ya Ukaguzi na Wahasibu (NBAA),” alisema Bi. Mndeme.

Aidha Bi. Mndeme alisema kuwa tuzo hiyo ni chachu kwa TRA itayofanya waendelee kujituma zaidi katika ukusanyaji na utunzaji wa mapato ili kusaidia nchi kupata huduma bora za jamii kwa maendeleo ya taifa.

Kwa upande wake Mkurugenzi wa Huduma na Elimu kwa Mlipakodi TRA, Bw. Richard Kayombo alisema kuwa huo ni uthibitisho kwamba TRA inafanya kazi kwa ueledi na uwazi kupelekea kupata tuzo ya heshima.

Katika mashindano hayo Shirika la Utangazaji la Taifa (TBC) liliibuka washindi wa pili huku kampuni inayotengeneza saruji (Tanga Cement Plc) iliibuka kuwa washindi wa jumla kwenye tuzo hizo.(P.T)

 

neno

Makamo wa Rais wa Jamhuri ya Muungano wa Tanzania, Mama Samia Suluhu akisoma hotuba wakati wa uzinduzi wa mkutamo wa Chama cha Wasindikaji wa Vyakula nchini (TAFOPA) uliofanyika juzi katika ukumbi wa Mwl. Nyerere uliopo Jijini Dar es Salaam.

neno-1

Mwenyekiti wa Chama cha Wasindikaji wa Vyakula nchini (TAFOPA), Susan Laizer akisoma hotuba ya chama hicho iliyoelezea changamoto zinazowapata wajasiliamali hao katika shughuli za uzalishaji na uuzaji wa bidhaa zao.Mkutano huo umefanyika juzi katika ukumbi wa Mwl. Nyerere uliopo Jijini Dar es Salaam.

neno-2

Baadhi ya wajasiliamali wa Chama cha Wasindikaji wa Vyakula nchini (TAFOPA) wakisikiliza kwa makini mafunzo yanayptolewa katika mkutano huo uliofanyika juzi kwenye ukumbi wa Mwl. Nyerere uliopo Jijini Dar es Salaam.

neno-3

Makamo wa Rais wa Jamhuri ya Muungano wa Tanzania, Mama Samia Suluhu akiwa katika picha ya pamoja na Waziri wa Viwanda, Biashara na Uwekezaji, Charles Mwijage pamoja na baadhi ya wadau mbalimbali walioalikwa katika mkutamo wa Chama cha Wasindikaji wa Vyakula nchini (TAFOPA) uliofanyika juzi kwenye ukumbi wa Mwl. Nyerere uliopo Jijini Dar es Salaam.

Na Jacquiline Mrisho – MAELEZO.

Serikali ya Jamhuri ya Muungano wa Tanzania imejipanga kurekebisha Sera na Sheria za kodi ili kuwasaidia wafanyabiashara na wajasiliamali kupata thamani ya shughuli wanazozifanya.

Makamo wa Rais wa Jamhuri ya Muungano wa Tanzania, Mama Samia Suluhu ametoa kauli hiyo jijini Dar es Salaam alipokuwa akizindua Mkutano wa Chama cha Wasindikaji wa Vyakula nchini (TAFOPA) uliofanyika katika ukumbi wa Mwl. Nyerere uliopo Jijini humo.

Mama Samia amesema kuwa wafanyabiashara na wajasiliamali nchini wamekuwa wakilalamikia ongezeko la kodi katika bidhaa mbalimbali wanazozizalisha hadi kupelekea kushindwa kuona faida ya shughuli hizo hivyo ni muhimu kwa Serikali kusikiliza kilio chao kwa kutafuta namna bora itakayomaliza tatizo hilo.

“Serikali ya Awamu ya Tano imeliona tatizo hilo na imeahidi kulifanyia kazi kwa kuzipitia upya sheria hizo na kuzifanyia marekebisho ili kila mwananchi atoe kodi bila kinyongo na apate faida ya shughuli anayoifanya,”alisema Mama Samia.

Amezitaja changamoto zingine ambazo Serikali itazifanyia kazi ni kujenga miundombinu katika maeneo yaliyotengwa kwa ajili ya wajasiliamali, kupunguza muda wa upatikanaji wa leseni za biashara pamoja na kuhakikisha Mamlaka ya Serikali za Mitaa inatenga maeneo kwa ajili ya wajasiliamali hao.

Kwa upande wake Waziri wa Viwanda, Biashara na Uwekezaji, Charles Mwijage amesema kuwa jambo analojivunia katika uongozi wake ni kuweza kuwahamasisha Watanzania kuelewa ujenzi wa uchumi wa viwanda ambapo kwa sasa nchi nzima wanazungumzia habari hiyo.

“Asilimia kubwa ya wananchi wanazungumzia namna ya kuanzisha viwanda kama sehemu ya kujipatia kipato na ndio maana mikutano ya wajasiliamali imekua ikiongezeka siku hadi siku, hii inaonyesha dhahiri kuwa watanzania wameamua kushirikiana na Serikali katika kuinua uchumi wa nchi kupitia viwanda,”alisema Mwijage.

Naye Mwenyekiti wa Chama cha TAFOPA, Susan Laizer amefafanua kuwa maeneo yatakapotengwa yatasaidia kupunguza uharibifu wa mazao ya chakula yanayovunwa wakati wa msimu husika pia yatatoa ajira nyingi kwa wananchi watakaokuwa wakifanya shughuli za uzalishaji katika maeneo hayo.

“Tunaiomba Serikali yetu itusaidie kutenga maeneo kwa ajili ya shughuli zetu hadi kwenye sehemu za vijiji ili wakulima wapate soko la bidhaa zao kwa urahisi pamoja na kuepuka madalali wanaozorotesha vipato vyao,”alisema Bi. Susan.

Aidha, Bi Susan amempongeza Mama Samia kwa kuteuliwa na Umoja wa Mataifa kuwa mjumbe wa nchi za Mashariki na Kusini mwa Afrika kwenye jopo la kuwawezesha wanawake kiuchumi kwani ni sifa kwa Taifa na fursa kwa wasindikaji wote nchini.

Chama hicho kimeanzishwa rasmi mwaka 1977 baada ya wanawake kupata mafunzo ya usindikaji wa vyakula yaliyotolewa na Shirika la Maendeleo ya Viwanda Vidogo Tanzania (SIDO) ikishirikiana na Shirika la Maendeleo ya Viwanda Vidogo Duniani (UNIDO).(P.T)

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA