We have 393 guests and no members online

Matangazo Mapya

We provide the full IT solutions including web design, web development ...

1

Dk. Mwele Malecela Mkurugenzi wa Taasisi ya Taifa ya Utafiti wa Magonjwa ya Binadamu (NIMR) akizungumza na waandishi wa habari katika makao makuu ya taasisi hiyo jijini Dar es salaam wakati alipotangaza kongamano kubwa la watafiti litakalofanyika tarehe 4 mpaka 6 Oktoba 2016 katika Ukumbi wa Mikutano wa Kimataifa wa Julius Nyerere, jijini Dar es Salaam.

2

Dk. Mwele Malecela Mkurugenzi wa Taasisi ya Taifa ya Utafiti wa Magonjwa ya Binadamu (NIMR) akifafanua jambo kwa waandishi wa habari wakati alipokuwa akizungumza nao leo, Kulia ni Dk. Julius Massaga Mkurugenzi wa Kuratibu na Kukuza Utafiti/Mtafiti Mkuu wa NIMR.

Taasisi ya Taifa ya Utafiti wa Magonjwa ya Binadamu (NIMR) ilianzishwa kwa Sheria namba 23 ya mwaka 1979.  Katika kipindi cha miaka 29 iliyopita Taasisi imekuwa ikiandaa Kongamano la sayansi kila mwaka kwa lengo la kuwakutanisha watafiti, watoa huduma za afya,  watunga sera, wakufunzi, wahisani na wadau wengine wa afya kuwasilisha na kujadili matokeo ya tafiti mbalimbali za afya.

NIMR imeandaa Kongamano lake la 30 kuanzia tarehe 4 mpaka 6 Oktoba 2016 katika Ukumbi wa Mikutano wa Kimataifa wa Julius Nyerere, jijini Dar es Salaam.

Mgeni Rasmi katika ufunguzi wa Kongamano hilo atakuwa Mheshimiwa Mama Samia Suluhu Hassan, Makamu wa Rais wa Jamhuri ya Muungano wa Tanzania . Ufunguzi utakuwa saa 3 asubuhi ya Oktoba 4, 2016.

Mada kuu ya Kongamano hilo ni “Uwekezaji katika tafiti zenye ubunifu ili kufikia malengo endelevu ya dunia.” Jumla ya mada 220 zitawasilishwa na kujadiliwa katika Kongamano hili la Siku 3. Mada hizo zitakuwa katika maeneo yafuatayo:

  1. Mkakati wa kuboresha afya ya uzazi, ya mama, watoto wachanga na vijana.
  2. Magonjwa sugu yasiyoambukiza na changamoto zake
  3. Kuendeleza mafanikio yaliyopatikana katika mapambano dhidi ya UKIMWI, kifua kikuu na malaria
  4. Usalama wa Maji, Usafi wa mazingira na usafi binafsi.
  5. Mkakati wa afya moja katika kudhibiti magonjwa ya milipuko
  6. Magonjwa ya kitropiki yasiyopewa kipaumbele

Mada hizi zinalenga katika kujadili haja ya kuwekeza katika tafiti za mifumo ya utoaji huduma, magonjwa ya kuambukiza na yasiyoambukiza na tabia na shughuli za kibinadamu zinazochangia kuwepo kwa maradhi. Mikakati ya kufikia Malengo Endelevu ya Dunia itajadiliwa na mapendekezo kuwasilishwa kwa Serikali na wadau wengine.

Ndugu waandishi, NIMR inaamini kwamba watafiti wana michango mkubwa katika kuleta maendeleo kupitia matokeo ya tafiti mbalimbali wanazofanya juu ya magonjwa ya binadamu. Ni kwa msingi huo basi, Taasisi inasisitiza kwamba kila mtafiti ana jukumu la kuwasaidia Watanzania kufikia malengo endelevu ya dunia kwa kuepuka magonjwa.

Pamoja na uwasilishwaji na majadiliano katika mada mbalimbali, Taasisi imeandaa:

  1. Maonesho ya bidhaa zitokanazo na tafiti, taarifa za kitafiti, machapisho, vifaa vya utafiti, vyenzo za kutoa huduma za afya
  2. Mikutano maalum miwili itakayojadili
    1. Wanawake katika Sayansi
    2. Mikakati ya kuhamasisha ufadhili wa Tafifi kwa Wadau wa ndani ya nchi
  3. Tuzo kwa wanasayansi katika zikiwemo: (i) Mtafiti Bora wa Afya Afrika; Mtafiti Bora wa Afya Tanzania; Mtafiti Mbunifu wa Mwaka na Mtafiti Bora katika kuchapisha Maandiko ya Kitafiti. Taasisi pia itamzawadia Kiongozi Mashuhuri wa Tanzania aliyetoa mchango mkubwa katika kuinua na kuimarisha tafiti za afya nchini.

Jumla ya Washiriki 300 wamejisajili kuhudhuria kongamano hili. Washiriki wanatoka katika nchi zifuatazo: Afrika Kusini, Kenya, Jamhuri ya Kidemokrasia ya Kongo, Uganda, Australia, Denmark, Ubeljiji, Uholanzi, Uingereza, Ujerumani, Uswis, Kanada, Sweden, Norway, Marekani, Bangladesh, Thailand na Tanzania

Taasisi za Tanzania ni pamoja na: Taasisi ya Afya Ifakara, Vyuo Vikuu vya Tiba na Sayansi za Afya vya Muhimbili na Bugando, Chuo Kikuu cha KCMC, Taasisi ya Utafiti wa Tiba ya Kilimanjaro, Chuo Kikuu Dodoma, Chuo Kikuu cha Sokoine cha Kilimo, Chuo Kikuu cha Dar es Salaam, Chuo Kikuu Mzumbe, Chuo Kikuu cha Nelson Mandela cha Sayansi na Teknolojia, Hospitali ya Rufaa KCMC, AMREF Health Africa, Hospitali ya Rufaa Amana na Hospitali ya Rufaa ya Mkoa Shinyanga.

NIMR ni taasisi utafiti wa magonjwa ya binadamu; yenye majukumu makuu yafuatayo:

  • i). Kuratibu, kukuza na kuendeleza utafiti wa afya nchini.
  • ii). Kufanya utafiti wa afya ili kupunguza magonjwa yanayosumbua jamii.
  • iii). Kufaya utafiti wa tiba asilia na tiba mbadala.
  • iv). Kusajili tafiti za afya zinazofanywa nchini.
  • v). Kuwajengea uwezo watafiti wa Kitanzania katika kufaya tafiti za afya.
  • vi). Kukuza matumizi ya matokeo ya tafiti mbalimbali za afya.

Taasisi ina vituo 15 ambapo 8 ni vituo vikubwa na vituo vidogo 5.

Nawaalika watanzania wote kuhudhuria Kongamano hili ili kupata taarifa za uhakika kuhusu tafiti za afya zinazofanywa na Taasisi zetu. Bila kusahau, napenda kuishukuru Wanahabari wote mliofika hapa kwa kutenga muda wenu kutupa fursa hii adimu kuweza kuwasiliana na Watanzania wenzetu kuhusu shughuli zetu na hususan kuhusu Kongamano hili. Natambua vyombo vya habari ni njia nzuri ya kufikisha ujumbe kwa haraka, na pia nyenzo muhimu katika kuhamasisha matumizi ya matokeo ya tafiti za afya. Tunawakaribis sana katika Kongamano letu!

Kwa mawasiliano zaidi:

Mkurugenzi Mkuu

Taasisi ya Taifa ya Utafiti wa Magonjwa ya Binadamu

Barabara ya Barack Obama

S.L. B. 9653, Dar es Salaam

Simu: +255222121400; Nukushi: +255222121360

Baruapepe: This email address is being protected from spambots. You need JavaScript enabled to view it.  (P.T)

Serikali yatenga Bil 100 ukarabati viwanja vya ndege

Published in Jamii

irin

SERIKALI ya Awamu ya Tano inayoongozwa na Rais Dk John Magufuli imetenga kiasi cha sh. Bil. 100 katika bajeti ya mwaka 2016/17 kwa ajili ya ukarabati na upanuzi wa viwanja mbalimbali vya ndege nchini.

Rais Dk. Magufuli alisema hayo juzi katika sherehe za uzinduzi wa ndege mbili za Shirika la ndege la Tanzania (ATCL) aina ya Bombardier Dash 8 Q400 zilizonunuliwa na serikali, kwenye Kiwanja cha ndege cha Kimataifa cha Julius Nyerere (JNIA), ambapo viwanja hivyo vitaboreshwa ili kuwezesha ndege hizo kutua bila wasiwasi.

Mhe. Rais akifafanua zaidi, alisema , kiwanja cha ndege cha Nduli kilichopo umbali wa kilometa 13 Kaskazini Mashariki mwa Manispaa ya Iringa, ambacho kipo kwenye kiwango cha lami kitakarabatiwa, ili ndege hizo zitue na kupaa bila tatizo.

Dk. Magufuli alisema, kiwanja cha Nduli Iringa ni kiunganishi kikubwa na JNIA na kitatumika kupeleka watalii wanaokwenda kutembelea mbuga ya wanyama ya Ruaha, wakitokea Mataifa mbalimbali duniani.

Alisema mbali na kiwanja hicho cha Nduli, pia kiwanja cha Musoma kitawekwa lami, ili nacho kiwe moja ya maeneo ndege hiyo itakwenda, na kurahisisha usafiri wa watalii watakaokwenda kwenye mbuga ya wanyama ya Serengeti. Kwa sasa kiwanja cha Musoma kipo katika kiwango cha changarawe na kinatumika kwa ndege mbalimbali kutua na kupaa.

Kwa mujibu wa Meneja wa Kiwanja cha ndege cha Nduli, Bi. Hannah Kibopile, kiwanja hicho kinapokea ndege ndogo zaidi ya saba zenye uwezo wa kubeba abiria 13, na kati ya hizo tatu zipo kwenye ratiba maalum ya kila siku na zilizosalia ni za kukodishwa na nyingine zinakwenda mbuga ya wanyama ya Ruaha.

Bi. Kibopile alisema ndege zinazotua kwenye kiwanja hicho zinatoka Jijini Dar es Salaam, Sumbawanga, Songea na Mbuga ya Ruaha.

Naye Kaimu Meneja wa Musoma, Bi. Faraja Mayugwa amesema kiwanja hicho kinapokea ndege zaidi ya nne kwa siku na nyingi zinakuwa za kukodi zinazopeleka watalii mbugani.

Katika hotuba yake, Rais Magufuli alisema “Hii ndege inaweza kutua katika kiwanja cha aina yeyote; na serikali itaendelea na ukarabati wa viwanja vya ndege vya pembezoni, ili viwe katika kiwango, ambacho ndege hizi zitatua na kuruka bila wasiwasi,”.

Akifafanua zaidi Dk. Magufuli alisema serikali inatarajia kununua ndege nyingine kubwa mbili zenye uwezo wa kubeba abiria 160 na 242, ambazo zitaanzia safari zake kwenye JNIA kwenda sehemu mbalimbali duniani kama China au Marekani moja kwa moja, ikiwa ni lengo la kupata abiria hao, ambao wengi wao watakuwa watalii wanaokuja nchini kutembelea vivutio mbalimbali. Bombardier inauwezo wa kubeba abiria 76.

Naye Waziri wa Wizara ya Ujenzi, Uchukuzi na Mawasiliano, Mhe. Prof Makame Mbarawa awali wakati akimkaribisha Mhe. Rais kuzungumza na wananchi katika ghafla hiyo ya uzinduzi wa ndege, alisema kwa kuanzia ndege hizo zitatua kwenye viwanja 11 vya ndege, ambavyo ni Kiwanja cha Kimataifa cha Julius Nyerere (JNIA), Kilimanjaro (KIA), Zanzibar (AAKIA), Mwanza, Dodoma, Arusha, Bukoba, Kigoma, Tabora, Mbeya na  Mtwara.  Pia ndege hiyo itakwenda Comoro.

Mhe. Prof. Mbarawa ameiagiza Mamlaka ya Viwanja vya Ndege Tanzania (TAA), kuendelea kufanya upembuzi yakinifu kwa kuangalia viwanja  vingine vya ndege, ambavyo ndege hizi zitakwenda.  (P.T)

MAADHIMISHO YA WIKI YA NENDA KWA USALAMA GEITA

Published in Jamii

masu1

Naibu Waziri wa Mambo ya Ndani Hamad Masauni (Mb) akisalimiana na mmoja wa walemavu aliyejitokeza kushiriki katika maadhimisho ya  Wiki ya Nenda kwa Usalama Barabarani kitaifa, Mkoa wa Geita.

masu2

Mmoja wa watumishi kutoka wizara ya ujenzi,uchukuzi na Mawasiliano akitoa elimu kwa wanafuzi wa shule ya msingi kalangalala walipotembelea banda la wizara hiyo wakati wa maadhimisho ya Wiki ya Nenda kwa Usalama kitaifa mkoani Geita.

masu3

Kikosi cha Brass Band kutoka Serengeti Mkoani mara kikitumbuiza wakati wa maadhimisho ya wiki ya Nenda kwa Usalama Barabarani ambayo kitaifa yamefanyika mkoa wa Geita.

masu4

Waendesha pikipiki (boda boda) mkoa wa Geita wakiwa katika maandamano ya maadhimisho ya wiki ya nenda kwa usalama kitaifa.

masu5

Naibu Waziri wa Mambo ya Ndani Hamad Masauni (Mb), (Wa kwanza kulia) akipokea maandamano katika maadhimisho ya Wiki ya Nenda kwa Usalama Barabarani  yaliyofanyika mkoa wa Geita. Wa pili kushoto ni  Naibu Waziri wa Ujenzi, Uchukuzi na Mawasiliano Mhandisi Edwin Ngonyani. (P.T)

ui1

Rais wa Jamhuri ya Muungano wa Tanzania Dkt.John Pombe Magufuli akipokea Hati ya Utambulisho kutoka kwa Balozi mteule wa Uingereza hapa nchini Sarah Catherine Cooke Ikulu jijini Dar es Salaam.

ui2

Rais wa Jamhuri ya Muungano wa Tanzania Dkt. John Pombe Magufuli akimshukuru Balozi mteule wa Uingereza hapa nchini Sarah Catherine Cooke mara baada ya kupokea Hati zake za Utambulisho Ikulu jijini Dar es Salaam.

ui3

Rais wa Jamhuri ya Muungano wa Tanzania Dkt. John Pombe Magufuli akizungumza na Balozi mteule wa Uingereza hapa nchini Sarah Catherine Cooke mara baada ya kupokea hati zake za utambulisho Ikulu jijini Dar es Salaam.

ui4

Rais wa Jamhuri ya Muungano wa Tanzania Dkt. John Pombe Magufuli akimshukuru Balozi mteule wa Uingereza hapa nchini Sarah Catherine Cooke kufuatia mchango wa Waziri Mkuu wa Uingereza alioutoa kwa Serikali ya Tanzania kwa ajili ya kusaidia waathirika wa Tetemeko la Ardhi mkoani Kagera kiasi cha Paundi za Uingereza Milioni 2.3 sawa na Takribani Shilingi Bilioni sita za Kitanzania.

ui6

Rais wa Jamhuri ya Muungano wa Tanzania Dkt. John Pombe Magufuli akimshukuru Balozi mteule wa Uingereza hapa nchini Sarah Catherine Cooke kufatia mchango wa Waziri Mkuu wa Uingereza alioutoa kwa Serikali ya Tanzania kwa ajili ya kusaidia waathirika wa Tetemeko la Ardhi mkoani Kagera kiasi cha Paundi za Uingereza Milioni 2.3 sawa na Takribani Shilingi Bilioni sita za Kitanzania. NA IKULU. (P.T)

VIJANA WAASWA KUENZI NA KUENDELEZA AMANI NCHINI

Published in Jamii

vih1

Waziri Mkuu Mstaafu Jaji Joseph Warioba wa kwanza kulia akifungua pazia kushiria kuzindua rasmi Kavazi la Mwalimu la Mwalimu Nyerere wakati wa ufunguzi wa Mhadhara wa Tatu wa elimu ya juu katika maendeleo ya Afrika uliofanyika jijini Dar es salaam katikati ni Profesa Issa Shivji.

vih2

Waziri Mkuu Mstaafu Jaji Joseph Warioba wa kushoto akifungua kitambaa kuashiria kuzindua rasmi chapisho namba 4 la Kavazi la mwalimu Nyerere wakati wa ufunguzi wa Mhadhara wa Tatu wa elimu ya juu katika maendeleo ya Afrika uliofanyika jijini Dar es salaam kushoto ni Profesa Issa Shivji

vih3

Makamu wa Rais Mstaafu wa Jamhuri ya Muungano wa Tanzania, Dkt. Mohammed Ghalib Bilal wa pili kushoto akifatilia kwa amakini mdahalo wakati wa  ufunguzi wa Mhadhara wa Tatu wa elimu ya juu katika maendeleo ya Afrika uliofanyika jijini Dar es salaam

Na Ally Daud- MAELEZO -Dar es Salaam.

VIJANA wametakiwa kuienzi na kuendelea kuitunza amani iliyoachwa na  waasisi wa taifa ili kuijenga Tanzania yenye amani na utulivu kwa mustakabali wa kizazi cha sasa na baadaye.

Hayo yamesemwa jana Jijini Dar es Salaam na Waziri Mkuu Mstaafu Jaji Joseph Warioba wakati wa ufunguzi wa Mhadhara wa Tatu wa Mwalimu Nyerere uliojadili maendeleo ya elimu ya juu Afrika ulioambatana na ufunguzi wa hifadhi ya nyaraka ya Mwalimu Nyerere.

Jaji Warioba  alisema kuwa vijana wanatakiwa kuenzi na kuendeleza amani iliyoachwa na waasisi wetu kwa kuwa  imejenga misingi bora katika kwa vizazi vya Watanzania.

“Vijana ni nguvu kazi ya taifa hivyo mnapaswa kuitunza na kuendeleza amani ambayo imeachwa na waasisi wa taifa kwa maendeleo ya nchi yetu” amesema Jaji. Warioba.

Aidha Jaji Warioba alisema kuwa vijana waache kutumia muda wao kuzungumzia na badala yake watumie nguv na akili kufanya maendeleo yao na ya jamii kwa ujumla ili kuijenga nchi.

Kwa mujibu wa Jaji Warioba alisema kuwa vijana wanapaswa kuwa mstari wa mbele katika kuimarisha umoja na mshikamano ili kuondokana na ubaguzi wa rangi, kabila, vyama vya siasa na dini na kupigana na maadui watatu wa umasikini, ujinga na maradhi.

Mbali na hayo Jaji Warioba aliwataka kuwa wanasiasa nchini kuwa msaada mkubwa wa wananchi badala ya wananchi kugeuka msaada kwa wanasiasa. (P.T)

1

 Mkurugenzi wa Huduma za Sheria wa Mamlaka ya Usimamizi na Udhibiti wa Sekta ya Mifuko ya Hifadhi ya Jamii (SSRA), Onorius Njole (kushoto), akitoa ufafanuzi mbalimbali kwenye semina ya siku moja ya wanahabari kuhusu mifuko ya jamii Dar es Salaam leo. Kulia ni Mkuu wa Idara ya Uhusiano na Uhamasishaji, SSRA, Sarah Kibonde.

 Mkurugenzi wa Tafiti, Sera na Tathmini wa SSRA, Ansgar Mushi akitoa mada katika warsha hiyo.

 Waandishi wa habari wakiwa katika semina hiyo.

 Waandishi wakiwa kwenye semina hiyo

 Semina ikiendelea.

 Waandishi wa habari wakichukua mambo kadhaa kwenye semina hiyo.

 Wanahabari wakiwa makini katika semina hiyo.

 Maswali yakiulizwa.

 Taswira meza kuu katika semina hiyo.

Picha ya pamoja waandishi wa habari na maofisa wa SSRA.

Na Dotto Mwaibale

MAMLAKA ya Usimamizi wa Sekta ya Hifadhi ya Jamii nchini (SSRA), imewataka Watanzania kuondoa hofu iliyojengeka kwenye jamii kuwa mifuko ya hifadhi ya jamii ina hali mbaya kifedha.

Akizungumza katika warsha maalum ya siku moja ya waandishi wa habari, iliyofanyika leo jijini Dar es Salaam, Kaimu Mkurugenzi wa SSRA, Ansgar Mushi alisema kuwa mifuko hiyo haina hali mbaya kama wanavyodhani watu katika jamii kwani ina fedha za kutosha.

“Watanzania wamekuwa wakiambizana kuwa mifuko hii ina hali mbaya kifedha, napenda kuwahakikishia kuwa ina fedha za kutosha kwani tumekuwa tukifanya ukaguzi wa mara kwa mara. Katika kaguzi zetu za mara kwa mara hakuna mfuko tuliobaini kuwa una kasoro au upungufu wowote,” alisema Mushi.

Aidha, Mushi alisema kwa mwaka mifuko hiyo ya pensheni imekuwa ikikusanya jumla ya sh trilioni 1.692 wakati mfuko wa bima ya afya (NHIF) unakusanya sh bilioni 88.5 ambapo jumla ya makusanyo yote ni sh trilioni 1.78.

Kwa upande wa fao la kujitoa, Mushi alisema licha ya kutawaliwa na sintofahamu, fao hilo lilifutwa na Serikali kuanzia mwaka 2012 na kwa sasa SSRA imeanzisha mchakato wa kuratibu uanzishwaji wa fao la upotevu wa ajira.

Mushi alisema kuwa fao hilo lilipofutwa, bado kulikuwa na mifuko iliyoendelea kuruhusu kujitoa lakini kwa sasa wameamua waanzishe mchakato wa fao la kupoteza ajira, ambalo ni mahususi kwa ajili ya kuwanufaisha waathirika.

“Fao la Upotevu wa ajira litakuwa mahsusi kwa ajili ya wale waliopoteza ajira zao, huku wakiwa wamechangia mifuko ya hifadhi kwa kipindi cha miezi zaidi ya 18. Hawa watalipwa asilimia 33 ya mshahara wa mwisho kwa kipindi cha miezi 6,”

“Kipindi hicho cha miezi 6 kikiisha, mtu huyo kama hajapata ajira atawekwa katika hatua nyingine ambapo ataruhusiwa kuchukua nusu ya fedha alizochangia katika kipindi chake cha ajira,” alisema Mushi.

Akizungumzia wale waliopoteza ajira zao wakiwa hawajafikisha kipindi cha miezi 18, Mushi alisema kuwa wataruhusiwa kuchukua asilimia 100 ya fedha walizochangia kipindi chote walipokuwa kwenye ajira.

“Watu hao wataruhusiwa kuchukua fedha zao kwa asilimia 100 ambazo walichangia kipindi wakiwa waajiriwa. Hata hivyo, napenda kuwaambia Watanzania kuendelea kuichangia mifuko hiyo kwani ina manufaa zaidi nyakati za uzeeni baada ya kustaafu,” alisema Mushi.

(Imeandaliwa na mtandao wa www.habari za jamii.com  (P.T)

DFID YASAIDIA UJENZI WA SHULE YA SEKONDARI IHUNGO

Published in Jamii

ihu

Na: Frank Shija, MAELEZO.

MSAADA wa Shilingi bilioni 6.3 umetolewa na Serikali ya Uingereza kupitia Idara yake ya Maendeleo ya Kimataifa (DFID) ili kufanikisha ujenzi wa Shule ya Sekondari ya Ihungo iliyo haribika baada ya kuathiriwa na tetemeko la Ardhi lililotokea tarehe 10 Septemba mkoani Kagera.

Hayo yabainishwa na Waziri wa Elimu, Sayansi na Teknolojia alipozungumza na waandishi wa habari ofisini kwake leo Jijini Dar es Salaam kuhusu huo.

Profesa Ndalichako amesema kuwa msaada huo umetokana na ziara aliyoifanya tarehe 17 na 18 mkoani Kagera ambapo mwakilishi kutoka DFID nchini alishiriki katika zaiara hiyo na kutembelea shule zilizo haribika kutoka na tetemeko hilo.

“Baada ya bunge kuisha tarehe 17 na 18 nilifanya ziara ya kutembelea shule zilizoharibika kutokana na tetemeko, kwa bahati wadau wetu wa maendeleo DFID waliungana name kutembelea shule za Ihungo na Rugambwa kutokana ziara ile wameamua kutusaidia” Alisema Ndalichako.

Kufuatia ziara hiyo ambapo walijionea uharibifu mkubwa wa majengo ya shule ya Ihungo na nyumba za walimu wa Shule ya Sekondari ya Rugambwa, DFID waliguswa na athari walizozikuta na kuamua kusaidia ujenzi wa Shule ya Ihungo na nyumba 10 za walimu wa Shule ya Sekondari ya Wasichana ya Rugambwa.

Amesema kuwa msaada huo umelenga kujenga upya shule ya Sekondari ya Ihungo ikiwa ni pamoja na kujenga maabara ya kisasa na kununua samani zilizoharibika.

Mpaka sasa wataalamu kutoka Wakala wa Majengo Tanzania (TBA) wapo mkoani Kagera mabapo leo wanakabidhiwa shule hizo na Manispaa ya Bukoba ili waanze ujenzi wake unaotarajiwa kukamilika mwezi Januari mwakani.

Kwa upande wake Mkuu wa Idara ya Maendeleo ya Kimataifa nchini (DFID Tanzania) Vel Gnanendran amesema kuwa Serikali ya Uingereza imeguswa sana na athari zilizotokana na tetemeko la ardhi lililotokea mkoani Kagera.

“Kwa niaba ya Serikali ya Uingereza tunatoa pole sana kwa Mhe. Rais Magufu na waathirika wote wa tetemeko la Ardhi mkoani Kagera kwa ni tukio lisilo pangwa”. Alisema Mkuu huyo.

Vel amesema kuwa lengo kubwa la wao kutoa msaada huo ni kuhakikisha miundombinu ya shule zilizoharibika kujengwa haraka ili wanafunzi waweze kurejea mashuleni katika wakiwa katika hali ya kawaida.

“Tumeguswa sana na athari zilizotokana na tetemeko la Kagera, Serikali ya Uingereza kupitia ofisi ya DFID Tanzania imetoa msaada wa pound milioni 2.23 ambazo ni sawa na shilingi bilioni 6.3 za Kitanzania”. Alisema Vel.

DFID ni idara iliyo chini ya Serikali ya Uingereza ambayo imekuwa ikisaidia masuala mbalimbali ya maendeleo katika nchi zinazoendelea ikiwemo Tanzania. (P.T)

Shimon Peres ameaga dunia

Published in Jamii

Israel Prortrait Shimon Peres s/w

Rais wa zamani wa Israel Shimon Perez ameaga dunia akiwa na umri wa miaka 93. Peres ambaye hadithi ya maisha yake iliandamana na kuzaliwa kwa taifa la kiyahudi alifariki mapema leo katika hospitali mmoja mjini Tel Aviv

Mwanawe wa kiume Chemi, alithibitisha kifo cha babake kwa wanahabari waliokusanyika nje ya hospitali ambayo Shimon Peres amekuwa akitibiwa kwa wiki mbili zilizopita. Hali ya Peres ilizorota kufuatia ugonjwa wa kiharusi wiki mbili zilizopita, uliosababisha kuvuja damu kwenye ubongo. Waziri Mkuu Benjamin Netanyahu alitoa taarifa akiomboleza kifo cha Peres.

Alisema ataandaa kikao maalum cha Baraza la Mawaziri baadaye leo. Baada ya hapo, kamati maalum itaandaa mipango ya mazishi ambayo wageni wengi mashuhuri wa kimataifa na viongozi wa dunia wanatarajia kuhudhuria.

Maafisa wamesema mwili wa Peres utawekwa katika majengo ya bunge Alhamisi ili kuwapa fursa wananchi kutoa heshima zao za mwisho. Mazishi yake yamepangwa Ijumaa katika Mlima Herzl, eneo la makaburi ya kitaifa mjini Jerusalem.

Wakati habari za kifo cha Peres zikienea, salamu za rambirambi zilianza kumiminika kutoka Israel na kote duniani. Rais Barack Obama alimwelezea Peres kuwa mtu aliyejitolea kwa ajili ya Israel. Alisema mwangaza umezimika, lakini matumini aliyouachia ulimwengu yataendelea kuwaka milele.

Rais wa zamani Bill Clinton na mgombea wa urais wa Democratic Hillary Clinton walisema wamempoteza rafiki wa dhati. Marais wa zamani George H Bush na George W Bush pia walitoa salamu zao za rambirambi. Rais wa Ujerumani Joachim Gauck alisema Peres aliiongoza Israel kuliko mwanasiasa mwingine yoyote. Aliihudumia nchi yake katika majukumu tofauti na misingi imara wakati lilipokuja suala la usalama wa Israel na pia nia thabiti wakati lilipohusika suala la kuendeleza mchakato wa amani na Wapalestina.

Naye waziri wa Mambo ya Kigeni wa Ujerumani Frank-Walter Steinmeier alisema Peres ndiye aliyetengeneza mahusiano mazuri kati ya Israel na Ujerumani baada ya Vita Kuu ya Pili ya Dunia.

Shimon Perez ambaye pia aliwahi kuwa waziri mkuu mara mbili, ni miongoni mwa kizazi cha mwisho cha wanasiasa walioshuhudia kuzaliwa kwa taifa jipya la Israel mnamo mwaka 1948. Alishinda tuzo ya Nobel kwa pamoja na waziri mkuu Yitzhak Rabin na aliyekuwa kiongozi wa Wapalestina Yasser Arafat kutokana na mchango wake katika mazungumzo ya mikataba ya Oslo, ambayo ilitoa fikira ya kuundwa taifa huru la Palestina.DW

TAARIFA YA KATIBU MKUU JUU YA UPATIKANAJI WA DAWA

Published in Jamii

mpoki

Na. Lilian Lundo – MAELEZO

Waziri wa Elimu, Sayansi na Teknolojia Mhe. Prof. Joyce Ndalichako ameitaka Bodi mpya ya Tume ya Vyuo Vikuu Tanzania (TCU) aliyoizindua leo jijini Dar es Salaam, kushughulikia kikamilifu changamoto zilizoko katika Tume hiyo.

Prof. Ndalichako ameiambia bodi hiyo kuwa amekuwa akipokea malalamiko kutoka kwa wanafunzi wa vyuo vikuu kuhusiana na vyuo wanavyosoma, hivyo ni wakati wa bodi hiyo kufuatilia kwa ukaribu malalamiko hayo na kuyafanyia kazi.

“Tunaelewa kwamba wanafunzi ni watu wa kulalamika kila wakati, lakini yapo malalamiko ambayo yana tija na ni lazima yatatuliwe, kwa mfano malalamiko yanayohusu uvurugaji wa matokeo au taratibu zinazokuwa kandamizi kwa wanafunzi na walimu wa vyuo vikuu,” alifafanua Prof. Ndalichako.

Akitolea mfano wa taratibu kandamizi katika vyuo hivyo, Prof. Ndalichako amesema kwamba mwanafunzi anapopoteza kitabu cha chuo hulipishwa mara tatu ya gharama ya kitabu hicho huku mwanafunzi huyo akiwa ni mtoto wa masikini hali inayopelekea wanafunzi kutoazima vitabu wakihofia kulipishwa gharama kubwa pindi vitabu hivyo vitakapopotea.

Vile vile amesema kuwa kuna baadhi ya vyuo vimekuwa vikiwataka walimu kutoa taarifa ya kuacha kazi miezi mitano kabla ya kuacha kazi ambapo sheria mama inamtaka mwajiriwa kutoa taarifa ya kuacha kazi kwa mwajiri miezi mitatu kabla ya kuacha kazi.

Aliendelea kwa kusema kuwa taratibu hizo zinawakandamiza walimu kwani chuo kinapoamua kumfukuza kazi mwalimu humfukuza papo kwa hapo bila kumpa muda wa kujiandaa.

Pia amesema kuwa amepokea malalamiko kutoka kwa wanafunzi wa chuo kikuu cha Ifakara mwezi Mei mwaka huu kuhusiana na walimu wa chuo hicho kuvuruga matokeo yao, lakini chuo hicho akijatoa maamuzi juu ya walimu hao mpaka hii leo, hivyo kuwaacha wanafunzi kuendelea kubaki nyumbani bila kujua hatima yao.

Aliongeza kwamba TCU inamamlaka yote yakuvifuatilia vyuo vikuu vyote nchini pamoja na kuangalia utendaji kazi wa vyuo hivyo ikiwa unaendana na viwango vilivyowekwa.

Aidha, ameitaka TCU kufanya utafiti wa wanafunzi walioko vyuoni ili kubaini wanafunzi wasio na sifa kutokana na baadhi ya vyuo kuingiza wanafunzi kinyemela bila kupitia TCU au Baraza la Taifa la Elimu ya Ufundi (NACTE).

Vile vile, Prof Ndalichako ameitaka Bodi hiyo kutunga sheria ya Vyuo Vikuu itakayoipa meno tume hiyo kusimamia vyuo vikuu bila kuwa na pingamizi lolote.

Bodi hiyo itafanyakazi kwa kipindi cha miaka 3, kuanzia Septemba 28 mwaka huu hadi Septemba 2019, ikiongozwa na Mwenyekiti Prof. Philip Jacob Mtabaji. (P.T)

Marekani yamfukuza mshukiwa wa mauaji ya Rwanda

Published in Jamii

media

Fuvu na vifaa vingine vya mhanga wa Mauaji ya Kimbari katika eneo la kumbukumbu la mjini Kigali, nchini Rwanda.

Serikali ya Marekani imechukua uamuzi wa kumrejesha nyumbani Leopold Munyakazi, mmoja wa wasomi wa Rwanda anayetuhumiwa kuhusika katika mauaji ya kimbari yaliyotokea nchini Rwanda mwaka 1994.

Bw Munyakazi anatuhumiwa kuwa alivaa majani ya mgomba mmoja wakati wa mauaji ya kimbari nchini Rwanda kwa lengo la kujitambulisha kuwa ni kutoka jamii ya watu wa kabila la Wahutu. Bw Munyakazi pia anatuhumiwa kupanga mashambulizi ya usiku katika nyumba za familia za watu kutoka jamii ya Watutsi.
Awali Leopold Munyakazi alipoteza kesi ya kupata uhifadhi nchini Marekani.

Hata hivyo Leopold Munyakazi, ambaye wakati fulani alihudumu kama muhadhiri wa chuo kikuu nchini Rwanda amekana madai hayo.

Itakumbuka kwamba watu 800,000 kutoka jamii ya Watusti na nWahutu wenye msimamo wa wastani waliuawa katika kipindi kisichozidi siku 100, baada ya ndege aliyokua ikimsafirisha rais wa Rwanda Juvenal Habyarimana kudunguliwa wakati ilipokua ikitua kwenye uwanja wa Kanombe usiku wa tarehe 6 mwezi Aprili mwaka 1994.

Wakati huo Rais Habyarimana alipoteza maisha akiwa pamoja na mwezake wa Burundi Cyprien Ntaryamira. Katika jali hiyo mawaziri wawili wa Burundi katika utawala wa Ntaryamira waliangamia.

Mpaka sasa ni vigumu kujua waliohusika na kuingusha ndege iliyokua ikimsafirisha Aliyekuwa rais wa Rwanda, Juvenal Habyarimana. RFI

TANO BORA ZA MJENGWABLOG KWENYE KATUNI ZA LEO..

Published in Jamii

KUMI BORA ZA MJENGWABLOG KURASA ZA NDANI MAGAZETINI LEO

Published in Jamii

1

2

3

4

5

6

7

8

9

10

Magazeti ya Leo Alhamisi

Published in Jamii

Kaimu Mtendaji Mkuu wa Wakala wa Huduma za Misitu Tanzania ( TFS) Prof. Dos Santos (kulia) akizungumza katika hafla fupi ya kusainiana mkataba wa kuuziana Malighafi  ya miti aina ya Misindano na  Mikaratusi baina ya Wakala huyo na  kiwanda Kiwanda cha Karatasi cha Mufindi ( MPM) yaliyofanyika jijini jana Dar es Salaam . ( Picha na Lusungu Helela, Wizara ya Maliasili na Utalii)

waka1

Kaimu Mtendaji Mkuu wa Wakala wa Huduma za Misitu Tanzania ( TFS) Prof. Dos Santos (kulia)  na Mkurugenzi wa Kiwanda cha Karatasi cha Mufindi ( MPM) Jaswart Singhrai  wakisaini mkataba wa kuuziana Malighafi  ya miti aina ya Misindano na  Mikaratusi baina ya Wakala huyo na  kiwanda  hicho yaliyofanyika jana jijini  Dar es Salaam . ( Picha na Lusungu Helela, Wizara ya Maliasili na Utalii)

waka2

Kaimu Mtendaji Mkuu wa Wakala wa Huduma za Misitu Tanzania ( TFS) Prof. Dos Santos (kulia) akibadilishana hati ya mkataba wa kuuziana Malighafi  ya miti aina ya Misindano na  Mikaratusi na Mkurugenzi wa Kiwanda cha Karatasi cha Mufindi ( MPM) Jaswart Singhrai jana jijini Dar es Salaam.  ( Picha na Lusungu Helela, Wizara ya Maliasili na Utalii)  (P.T)

NA Beatrice Lyimo-MAELEZO

WAZIRI wa Mambo ya ndani ya nchi Mwigulu Nchemba anatarajia kuwa mgeni rasmi katika Mkutano Mkuu wa Mwaka wa 47 wa Jumuiya ya Waislamu wa Ahmadiyya utakaofanyika kuanzia Septemba 30 hadi Octoba 2 mwaka huu.

Akizungumza kwa niaba ya Mkuu wa Jumuiya hiyo Sheikh Tahir Mahmood Chaudhry, Katibu Mkuu Msaidizi Abdurahman Ame alisema kuwa mkutano huo utafanyika eneo la kitonga, kata ya Msongola Manispaa ya Ilala jijini Dar es Salaam.

Alisema Jumuiya imeandaa mkutano huo kwa lengo la kuhamasisha amani katika jamii na kuwakumbusha waumini hasa wa kiislamu juu ya misingi sahihi ya dini ya kiislamu pamoja na kumjua na kutimiza haki ya Mwenyezi Mungu.

“Wajibu wa kiongozi wa dini ni kuandaa na kuhamasisha masuala ya dini, hivyo lengo la mkutano huo ni kuhamasisha amani katika jamii na pia kuwakumbusha waumini wa kiislamu juu ya kumjua, kuishi na kutimiza haki ya Mwenyezi Mungu hali itakayosaidia kuondokana na vitendo viovu,” alifafanua Katibu huyo.

Mbali na hayo, mkutano huo utabebwa na kaulimbiu isemayo “kuitambua amani ya jirani yako, huvunjilia mbali kuta zinazowatenganisha” ikiwa na ujumbe ya kwamba kuna haja ya kuelimisha jamii uzuri wa mafundisho ya dini kwa kutumia vitabu vitakatifu kupitia vyombo mbalimbali vya masasiliano.

Vile vile, Washiriki mbalimbali kutoka ndani na nje ya nchi zikiwemo Kenya, Uganda, Burundi, Malawi, Msumbiji na Uingereza wakiwemo viongozi wa vyama vya siasa, taasisi za kidini na za kijamii watashiriki katika mkutano huo.

Ahmadiyya ni jumuiya ya waislamu ya kimataifa iliyoenea katika nchi 209 duniani kwa lengo la kuleta uhuisho wa dini ya kiislamu kwa kutangaza kwa amani ujumbe sahihi wa Islam duniani kote. (P.T)

Rais wa Jamhuri ya Muungano wa Tanzania Dkt John Pombe Magufuli akiwa na maafisa na viongozi wengine mbalimbali akikata utepe kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli akimshukuru Balozi wa Canada nchini Mhe. Ian Myles baada ya kukata utepe kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli na mkewe Mama Janeth Magufuli wakiingia kwenye ndege mojawapo baada ya kukata utepe kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli na mkewe Mama Janeth Magufuli pamoja na maafisa wengine waandamizi wakiwa kwenye ndege mojawapo baada kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli na mkewe Mama Janeth Magufuli wakitoka kwenye ndege mojawapo na kuelekea ingine baada kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli akimpongeza mmoja wa wafanyakazi kwenye ndege mojawapo baada kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe akishuka kwenye ndege mojawapo baada kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Mstahiki Meya wa Jiji la Dar es salaam Mhe Isaya Mwita akishuka kwenye ndege mojawapo baada ya Rais Magufuli kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Mstahiki Meya wa Jiji la Dar es salaam Mhe Isaya Mwita na Meya wa Halmashuri ya Manisapaa ya Temeke Mhe Abdallah Chaurmebo pamoja na Mkuu wa Wilaya ya Ilala Mhe Sophia Mjema wakijiandaa kupiga picha ya kumbukumbu mara baada ya Rais Magufuli kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli, Mama Janeth Magufuli pamoja na viongozi wengine waandamizi katika picha ya kumbukumbu na watumishi na viongozi wa ATCL mara baada ya Rais Magufuli kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli, Mama Janeth Magufuli pamoja na viongozi wengine waandamizi katika picha ya kumbukumbu na Brass band ya Polisi mara baada ya Rais Magufuli kuzindua rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016.

Rais wa Jamhuri ya Muungano wa Tanzania Dkt John Pombe Magufuli, Mama Janeth Magufuli wakiagana na wafanyakazi wa ATCL baada ya uzinduzi rasmi ndege mbili mpya aina ya Bombadier Q400 zilizonunuliwa na serikali kwa ajili ya Shirika la Ndege la Tanzania (ATCL) katika Uwanja wa Ndege wa Kimataifa wa Dar es salaam leo Jumatano Septemba 28, 2016. PICHA NA IKULU. (P.T)

 Makamu wa Rais Mhe. Samia Suluhu Hassan leo amekutana na kufanya mazungumzo na ujumbe kutoka kampuni ya China Electronics Corporation ya kutoka nchini China, Ikulu jijini Dar es Salaam 

 Makamu wa Rais Mhe. Samia Suluhu Hassan akiwa kwenye picha ya pamoja na ujumbe kutoka kampuni ya China Electronics Corporation ya kutoka nchini China, Ikulu jijini Dar es Salaam 
 BOFYA HAPA KWA PICHA ZAIDI (P.T)

Naibu Waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akisalimiana na Chifu Kayamba wa Pili wa Kabila la Wakonongo. Wakati wa kupokelewa alipowasili ofisi za Mkuu wa Wilaya ya Mlele,Mkoani Katavi.

Mkuu wa Wilaya ya Mlele, Bi.Rachel Kasanda akisoma taarifa kwa Naibu Waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla (katikati).

Naibu Waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akikagua moja ya vifaa katika chumba cha Maabara ya hospitali ya Mlele.

Naibu Waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla amefanya ziara ya kikazi katika Wilaya ya Mlele na kutembelea Hospitali ya Mlele ya Wilaya hiyo pamoja na Hospitali ya Mpanda iliyopo Wilaya ya Mpanda Mkoani Katavi huku akitoa maagizo mbalimbali ya kiutendaji.

Katika ziara yake katika Hospitali ya Mlele, Dk.Kigwangalla amewaagiza viongozi wa Serikali wa Wilaya na ule wa Hospitali hiyo kuhakikisha wanakamilisha mambo muhimu ikiwemo ujenzi wa chumba cha upasuaji, jengo la kuhifadhia mahiti na vitu vingine huku akitaka ndani ya miezi mitatu view vimekamilika.

Akiwa katika Hospitali hiyo ya Mlele, Dk.Kigwangalla ameweza kutembelea sehemu mbalimbali za hospitali pamoja na kukagua ujenzi wa majengo ya Chumba cha upasuaji, chumba cha kuhifadhia maiti na majengo mengine ambapo amemtaka Mkuu wa Wilaya kuhakikisha wanafanya juhudi wanakamilisha kwa wakati majengo hayo ili wananchi wapate huduma bora.

Kwa upande wa ziara yake hiyo katika Wilaya ya Tanganyika yaliyopo makao makuu ya Mkoa wa Katavi, Dk. Kigwangalla ameweza kutembelea Hospitali ya Mpanda ambayo kwa sasa inahudumia kama Hospitali ya Mkoa ambapo napo ameagiza kufanyiwa marekebisho mbalimbali ikiwemo kuzingatia masuala usafi.

Aidha, ametoa maagizo kuhakikisha wanafunga mfumo wa malipo wa kisasa katika vyanzo vyote vya mapato ili kukusanya pesa nyingi zaidi zitakazoweza kuendesha huduma za Afya ndani ya Hospitali hiyo. (P.T)

1

Diwani wa  viti maalum CHADEMA Sara Mwajeka na  Mwalimu mkuu wa shule ya msingi Igumbilo, Fredrick Asenga wakionyesha mfano wa sare za wanafunzi walizotoa msaada

 Naibu Meya wa manispaa ya Iringa Joseph Lyata na Mwalimu mkuu wa shule ya msingi Igumbilo, Fredrick Asenga wakiwa tayari kukabidhi sare kwa wanafunzi

Hawa ni baadhi ya wanafunzi mia mbili (200) wanaoishi katika mazingira magumu wanatarajiwa kusaidiwa msaada wa pesa kwa ajili ya kununulia sabuni,nauli kila wiki na sare za shule ya msingi.

NA FREDY MGUNDA,Iringa

ZAIDI ya wanafunzi mia mbili (200) wanaoishi katika mazingira magumu wanatarajiwa kusaidiwa msaada wa pesa kwa ajili ya kununulia sabuni na nauli kila wiki na wanawake walionda timu maalum ya kutoa msaada kutoka Chama cha Demokrasia na Maendeleo (Chadema).

Msaada huo unatarajiwa kutolewa kwa wanafunzi wanaoishi katika mazingira magumu kutoka kata nne zilizoko manispaa ya Iringa ambazo ni Miyomboni, Igumbilo, Kitanzani na Ruaha na kugharimu zaidi ya shilingi milioni 3.5

Akizungumza wakati wa kuwakabidhi msaada wa sare za shule,viatu na soksi wanafunzi hao, katika hafla fupi ya iliyofanyika katika shule ya msingi ya Igumbulo, Diwani wa   viti maalum CHADEMA Sara Mwajeka alisema kuwa wameamua kuwasaidia wanafunzi hao kwa lengo la kuwapatia elimu bora japo kuwa misaada hiyo haiwezi kumaliza shida zao.

Mwajeka aliongeza kuwa wanafunzi wenye mazingira magumu wanatakiwa kusoma ili taifa lipate wasomi wengi wenye tija ya kuisaidai nchi yao kuendelea kiuchumi.

“Mimi kama mama napata uchungu kuona wanafunzi wenye mazingira magumu wanasoma kwa taabu huku wana uwezo mkubwa darasani,hivyo tunajitaidi na kujikuna pale tunapoweza kuwasaidia wanafunzi nawaomba watu wenye uwezo kuwasaidia wanafunzi wote wenye mazingira magumu” alisema Mwajeka.

Kwa upande wake Naibu Meya wa manispaa ya Iringa Joseph Lyata aliwapongeza timu ya wanawake wa Chama cha Demokrasia na Maendeleo (CHADEMA) manispaa ya Iringa kwa kutoa msaada huo ambao ni mkubwa kwa maisha ya wanafunzi wanaoishi kwenye mazingira magumu.

“Tanzania yetu kuna matajiri wengi sana lakini wanashindwa kuwasaidia watoto wanaoishi katika mazingira magumu lakini wakimama hawa wamejitoa kwa kile walicho nacho kuwasaidia wanafunzi hao hivyo nami naunga mkono kuendelea kuchangia watoto hawa” alisema Lyata

Aidha Lyata aliwataka viongozi wa nchi kuwaangalia wanafunzi wanaoishi katika mazingira magumu ili kufuata na kumuenzi Mwalimu Nyerere kwa vitendo kwani alikuwa anapenda sana elimu ili wananchi waweze kuongeza ufahamu na kujua mbinu za kujitegemea na sio kuomba omba kila siku.

“Jamani kusaidia wanafunzi wenye mazingira magumu hawana idikadi ya vyama,dini wala makabila tunatakiwa kuwasaidia kutokana na uwezo wetu wa kifedha,mm nimekuwa mwalimu kwa muda mrefu na nayajua matatizo ya wanafunzi wenye mazingira  wanavyosoma kwa taabu ni aibu kwa taifa kama Tanzania kuwa wanafunzi wanaoteseka kama hawa” alisema Lyata.

Naye Mwalimu mkuu wa shule ya msingi Igumbilo, Fredrick Asenga aliwashukuru timu ya wanawake wa Chama cha Demokrasia na Maendeleo (CHADEMA) na Naibu Meya, Joseph Lyata kuwa kuwasaidia wanafunzi wa shule hiyo kwani wamewapunguzia na kuwaondolea aibu iliyokuwa inawakumba kutokana na umasikini wao.

“Wanafunzi hawa walikuwa wanavaa sare ambazo zilikuwa zimechanika na ilikuwa aibu kwa wanafunzi wengine lakini kwa msaada huu mmefanya wajisikie nao ni matajiri na najua sasa watasoma kwa bidii bila kujiangalia  wamekaaje hongereni sana na karibuni tena kuendelea kuwasaidia wanafunzi hawa” alisema Asenga.

Misaada hiyo imetolewa na timu ya wanawake wa chama cha demokrasia na maendeleo(CHADEMA) manispaa ya Iringa kwa lengo la kuwasaidia watoto wenye mazingira magumu wasome wakiwa na furaha kwa kuwa nao ni binadamu kama binadamu wengine. (P.T)

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA