We have 303 guests and no members online

Matangazo Mapya

We provide the full IT solutions including web design, web development ...

Global Education Link

Waziri Mkuu wa Italia kujiuzulu

Published in Jamii

Italien | Ministerpräsident Matteo Renzi kündigt nach gescheitertem Referendum seinen Rücktritt an (REUTERS/A. Bianchi)

Waziri Mkuu wa Italia, Matteo Renzi amesema atajiuzulu, baada ya kushindwa katika kura ya maoni iliyofanyika jana Jumapili, kuhusu mapendekezo yake ya kuifanyika mageuzi katiba ya nchi hiyo.

Akilihutubia taifa kupitia televisheni baada ya matokeo ya awali kutangazwa, Renzi amesema majukumu ya serikali yake yamemalizika leo. Matokeo hayo yanaonyesha kambi yake ya kura ya 'Ndiyo' imeshindwa katika uchaguzi huo kwa kupata kati ya asilimia 42 na 46. Kambi ya 'Hapana' imepata kati ya asilimia 54 na 58 ya kura.

Renzi amesema leo mchana ataitisha kikao na baraza lake la mawaziri na kisha atawasilisha barua yake ya kujiuzulu kwa Rais Sergio Mattarella.DW

 

Ndugu zangu,

Hakika, simulizi kumhusu General Idi Amin mara nyingi ni juu ya mtu anayetisha. Kiongozi dikteta aliyeogopewa sana ndani na nje ya mipaka ya nchi yake ya Uganda. Hata hivyo simulizi unazozifuatilia hapa, zinalenga pia kwenye kumwangalia Idi Amin kama binadamu wengine na maisha aliyoishi.

Idi Amin hakuwa na baba aliyemjua. Ni mtoto aliyetelekezwa na baba yake. Mama yake aliyeishi kijiji cha Koboko jirani na mipaka ya Sudan na Zaire, aliondoka kijijini hapo huku Idd Amin akiwa mdogo sana. Alikwenda naye hadi mji wa Jinja. Huko ndiko alikokulia Idd Amin.

Idi Amin hakumaliza hata madarasa manne ya Shule ya Msingi. Lakini, Amin ambaye baba yake alibadili dini kutoka Ukatoliki na kuwa Muislam, naye akaja kuwa Muislamu. Amin alisoma japo kwa muda mfupi katika shule ya Kiislamu ya Bombo. Huko inasemwa, kuwa Idd Amin alikuwa hodari sana wa kukariri Qoran tukufu.

Amin alikulia katika mazingira ya kimasikini. Kama ilivyokuwa kwa akina mama wengine wengi, mama yake Idi Amin alikuwa akipika matoke ( ndizi) na kuuuza nje ya kambi ya jeshi pale Jinja . Idi Amin alionekana pia akifanya biashara ndogo ndogo katika mji huo wa Jinja. Hakika, Idd Amin aliingia jeshini kwa bahati tu. Ni baada ya kuonekana na afisa wa jeshi Mwingereza. Amin alikuwa na umbo la kikakamavu. Jeshini alikuwa hodari sana na hususan katika michezo. Idd Amin akaja kuwa bingwa wa ngumi uzito wa juu nchini Uganda.

Amin hakupenda ngumi tu. Alipenda muziki, kucheza na kupiga kinanda pia. Idd Amin alipenda sana kandanda, mara nyingi aliudhuria mechi za kandanda kwenye Uwanja wa Nakivubo pale Kampala. Amin alipenda pia kuogelea. Nyumbani kwake alihakikisha kuna bwawa la kuogelea. Mashindano ya mbio za magari yalimvutia sana Idi Amin, sio tu kufuatilia, Idd Amin aliwahi kushiriki mashindano ya magari.

Hata hivyo, inasimuliwa, kuwa ndani ya gari lake alikuwa na kimada. Katikati ya mbio hizo, Idd Amin alichepusha gari lake kando ili afanye ngono. Si ajabu, kuwa katika mbio zile za magari, General Idd Amin hakuwamo katika nafasi hamsini za mwanzo!

Simulizi hii itaendelea...

Maggid,

Iringa.

kula

 Katibu Tawala Msaidizi wa Mkoa wa Kigoma Bw. Daniel Machura akitoa hotuba ya kufunga mafunzo ya miradi ya maendeleo kwa ajili ya ufadhili wa washirika wa maendeleo kwa Mkoa wa kigoma. Kulia ni mmoja wa wakufunzi wa mafunzo hayo, Dkt. Wilhelm Ngasamiaku kutoka Chuo Kikuu  cha Dar es Salaam, kushoto ni Mratibu wa mafunzo hayo Bw. Paul Sangawe kutoka Tume ya Mipango.

kula-1

Mratibu wa Mafunzo Bw. Paul Sangawe akitoa muhtasari wa kile kilichojadiliwa katika mafunzo hayo yaliyodumu kwa muda wa siku tano. Katikati ni Katibu Tawala Msaidizi Mkoa wa Kigoma Bw. Daniel Machura na kulia ni mmoja wa wakufunzi wa mafunzo hayo, Dkt Wilhelm Ngasamiaku kutoka Chuo Kikuu cha Dar es Salaam.

kula-2

Mchumi kutoka Wizara ya Fedha na Mipango – Tume ya Mipango, Bw. Senya Tuni akionesha kitabu cha Mpango wa Taifa wa Maendeleo wa Miaka Mitano (2016/17-2020/21) kwa washiriki (hawapo pichani) wakati akiwasilisha mada juu ya Mpango huo.

kula-3

 Baadhi ya washiriki wakifanya mazoezi ya kanuni zinazotumika kuchagua miradi sahihi kwa ajili ya kupata ufadhili kutoka kwa washirika wa maendeleo. Mazoezi hayo yalifanyika mapema kabla ya kuhitimishwa kwa mafunzo hayo.

kula-4

Mmoja wa washiriki akichangia mada kabla ya kuhitimishwa kwa mafunzo hayo.

kula-5

Mmoja wa washiriki akichangia mada kabla ya kuhitimishwa kwa mafunzo hayo.

Na Adili Mhina, Kigoma.

Serikali imewaonya watumishi wasio waaminifu katika kusimamia na kuratibu miradi inayotekelezwa kwa fedha za washirika wa maendeleo kuepukana na vitendo vya rushwa na ubadhirifu kwani Serikali ya Awamu ya Tano haina huruma wala msamaha kwa watu wa aina hiyo.

Onyo hilo limetolewa mwishoni mwa juma na Katibu Tawala Msaidizi Mkoa wa Kigoma Bw. Daniel Machura wakati akifunga mafunzo ya maandalizi ya miradi ya maendeleo kwa ajili ya ufadhili wa washirika wa maendeleo kwa mkoa wa Kigoma yaliyofanyika mjini hapa na  kuendeshwa na Wizara ya Fedha na Mipango kupitia Tume ya Mipango kwa ufadhili wa Serikali ya Ubelgiji.

Mafunzo hayo yalishirikisha Wakurugenzi wa Mamlaka za Serikali za Mitaa, Makatibu tawala wa wilaya, Wakuu wa Idara za Mipango, Wachumi, Maafisa Mipango na Watakwimu ambao wana majukumu ya usimamizi na uratibu wa miradi katika sekretarieti ya Mkoa wa Kigoma na Halmashauri zake zote.

Machura alieleza kuwa Serikali ya sasa haina nafasi ya kuwalea watendaji ambao wanaweka maslahi yao mbele badala ya kuangalia wananchi katika kutekeleza miradi inayofadhiliwa na washirika wa maendeleo kitu kinachopelekea miradi mingi kutekelezwa chini ya kiwango bila kuzingatia thamani ya fedha.

Alieleza kuwa baadhi ya watumishi walifikia hatua ya kuandaa maandiko ya kuomba fedha za ufadhili wa miradi ya maendeleo ya wananchi lakini  fedha hizo zikipatikana walikuwa wanagawana na kuzitumia katika shughuli zao binafsi badala  ya kuzingatia malengo ya fedha hizo.

“Tulifika pabaya sana, watu walikuwa wanaandika proposal (andiko) kwa wafadhili ili wapate fedha za kutekeleza miradi ya wananchi lakini cha ajabu unakuta fedha zikipatikana wanagawana bila aibu kwa kuwa zimetoka nje, katika serikali ya sasa watu wa aina hiyo hawana nafasi kwenye utumishi wa umma,” alieleza Bw. Machura.

Alisisitiza kuwa viongozi wa mamlaka za serikali za mitaa hawana budi kuzingatia mafunzo waliyopata kwa ajili ya  kuongeza  ufanisi wa kusimamia miradi na kuleta maendeleo katika maeneo yao ya utawala ili wafadhili waendelee kuamini kuwa fedha zote wanazotoa zinatekeleza miradi iliyokusudiwa.

“Tukifanya hivyo Serikali ya Ubelgiji pamoja na wadau wengine wa maendeleo watakuwa tayari kuongeza michango yao katika kuusaidia mkoa wetu kujikomboa kutoka katika umaskini hususan kwa kuendelea kufadhili miradi mbalimbali ya maendeleo”, alisistiza.

Kwa upande wake mratibu wa mafunzo hayo ambaye pia ni Naibu Katibu Mtendaji anayesimamia Klasta ya Biashara za Kimataifa na Mahusiano ya Uchumi Tume ya Mipango, Bw. Paul Sangawe alibainisha kuwa kuna baadhi ya watendaji ambao hawatoi taarifa za matumizi ya fedha za miradi ya ufadhili kwa wakati, kitu ambacho kinarudisha nyuma jitihada za washirika wa maendeleo katika kufadhili miradi.

Kutokana na hali hiyo, Sangawe alishauri uongozi wa Ofisi ya Mkoa wa Kigoma kujiwekea utaratibu wa kukaa na halmashauri zake mara kwa mara ili kuangalia maendeleo ya miradi inayotekelezwa kwa fedha za washirika wa maendeleo na kuhakikisha utekelezaji wake unakwenda sambamba na malengo husika.

Aidha, Sangawe alisisitiza kuwa ni lazima mamlaka zinazohusika katika kufanya makubaliano ya mikataba na wafadhili kuwa makini na kuzingatia kuwa miradi inayotaka kufadhiliwa ni ile yenye tija kwa wananchi na ambayo inaharakisha kufikia malengo ya Dira ya Taifa ya 2025 ya kuipeleka Tanzania katika uchumi wa kati.

“Tusisite kukataa miradi ambayo haina tija kwa wananchi wetu, hata kama fedha ni zao lakini lazima ufadhili wao uendane na vipaumbele tulivyojiwekea kama Taifa. Tusipo zingatia hilo tutajikuta tunatekeleza miradi isiyo na faida kwa wananchi na kupelekea Serikali kupata hasara,” alisisitiza Sangawe.(P.T)

media

Mwanamazingira Alexander Van der Bellen amepata ushindi katika duru ya pili ya uchaguzi wa urais nchini Austria Jumapili hii Desemba 4, kwa mujibu wa runinga ya taifa ya Austria. Amemshinda mgombea wa chama cha FPO, Norbert Hofer, ambaye amekubali kwa haraka kushindwa kwake na kumpongeza mshindani wake kwa "ushindi" wake.

Waangalizi wamekua wakitarajia kukaribiana kwa wagombea hawa wawilii, kutokana na jinsi uchaguzi wa duru ya kwanza wa mwezi Mei ulivyokuwa, ambapo wagombea hao walishindana kwa kura chache kabla ya kura hizo kufutwa na Mahakam ya Katiba.

Wapiga kura wa Austria wamekosoa utabiri uliokua umetolewa hapo awali.Alexander Van der Bellen, mwenye umri wa miaka 72, kulingana na matokeo mapya ni rais mpya wa Austria.

Kwa sasa anaongoza kwa 53.6% ya kura dhidi ya 46.4% alizopata mshindani wake, ambaye kwa haraka amekubali kushindwa.

 "Nampongeza Alexander Van der Bellen kwa ushindi wake na nawatolea wito wananchi wa Austria kushikamana na kufanya kazi pamoja," amesema Norbert Hofer ambaye amesema ana "masikitiko makubwa".

Alexander Van der Bellen, ambaye aliwania katika mbio hizo za urais kama mgombea binafsi, amepata kura nyingi katika maeneo mbalimbali ikilinganishwa na kura alizopata katika duru ya kwanza mwezi Mei, ambazo zilifutwa na Mahakama ya Katiba kutokana na kukiukwa kwa taratibu za zoezi la kuhesabu kura.

Alexander Van der Bellen, amepata ushindi wa kura 31,000 dhidi ya msindani wake.RFI

tuzo

Naibu Mkurugenzi wa Idara ya Fedha (TRA) Bi.Anna Mndeme kulia akipokea tuzo ya utunzaji bora wa mahesabu kwa taasisi za umma kutoka kwa mwakilishi wa Mhasibu Mkuu wa Serikali Bw.Shogolo Msangi katikati wakati wa sherehe za kukabidhi tuzo hizo kwa wawasilishaji bora wa mapato kwa mwaka 2015 yaliyofanyika nje kidogo ya jiji la Dar es salaam na kushoto ni Mwenyekiti wa NBAA Prof.Isaya Jairo.

tuzo-1

Mkurugenzi wa Shirika la Utangazaji la Taifa (TBC) Dkt.Ayoub Rioba kulia akipokea tuzo ya utunzaji bora wa mahesabu kwa taasisi za umma baada ya kuwa mshindi wa pili kutoka kwa Mwakilishi wa Mhasibu Mkuu wa Serikali Bw.Shogolo Msangi kushoto wakati wa sherehe za kukabidhi tuzo hizo kwa wawasilishaji bora wa mapato kwa mwaka 2015 yaliyofanyika nje kidogo ya jiji la Dar es salaam.

tuzo-2

Afisa Mkuu wa Mapato kutoka Kampuni ya kutengeneza Sementi ( Tanga Cement plc) Bw.Pieter De Jager wa pili kulia akiwa ameshika tuzo ya washindi wa jumla kwenye mashindano ya wawasilishi bora wa mapato kwa mwaka 2015.

Kwa Mwakilishi wa Mhasibu Mkuu wa Serikali Bw.Shogolo Msangi katika waliokaa wakati wa picha ya pamoja na washindi wa wawasilishaji bora wa mapato wakati wa sherehe .

tuzo-3

Picha Na Ally Daud-Maelezo.

Na Ally Daud-MAELEZO

Mamlaka ya Mapato Tanzania (TRA) imeshinda tuzoya utunzaji bora wa mahesabu kwa taasisi za umma zilizoandaliwa na Bod ya Ukaguzi na Wahasibu (NBAA) kwa mwaka 2015.

Akipokea tuzo hiyo Naibu Mkurugenzi wa Idara ya Fedha (TRA), Bi. Anna Mndeme alisema kuwa wamepata tuzo hiyo kutokana na kuwasilisha vizuri mahesabu ya mwaka wa fedha yaliyowasilishwa kufuatana na viwango vya uwasilishwaji vinavyozingatiwa na Bodi ya Ukaguzi na Wahasibu (NBAA).

“Tumefanya vizuri na tumepata tuzo kwa kushika nafasi ya kwanza kutokana na kuwasilisha vizuri mahesabu ya mwaka wa fedha yaliyowasilishwa kufuatana na viwango vya uwasilishwaji vinavyozingatiwa na Bodi ya Ukaguzi na Wahasibu (NBAA),” alisema Bi. Mndeme.

Aidha Bi. Mndeme alisema kuwa tuzo hiyo ni chachu kwa TRA itayofanya waendelee kujituma zaidi katika ukusanyaji na utunzaji wa mapato ili kusaidia nchi kupata huduma bora za jamii kwa maendeleo ya taifa.

Kwa upande wake Mkurugenzi wa Huduma na Elimu kwa Mlipakodi TRA, Bw. Richard Kayombo alisema kuwa huo ni uthibitisho kwamba TRA inafanya kazi kwa ueledi na uwazi kupelekea kupata tuzo ya heshima.

Katika mashindano hayo Shirika la Utangazaji la Taifa (TBC) liliibuka washindi wa pili huku kampuni inayotengeneza saruji (Tanga Cement Plc) iliibuka kuwa washindi wa jumla kwenye tuzo hizo.(P.T)

 

neno

Makamo wa Rais wa Jamhuri ya Muungano wa Tanzania, Mama Samia Suluhu akisoma hotuba wakati wa uzinduzi wa mkutamo wa Chama cha Wasindikaji wa Vyakula nchini (TAFOPA) uliofanyika juzi katika ukumbi wa Mwl. Nyerere uliopo Jijini Dar es Salaam.

neno-1

Mwenyekiti wa Chama cha Wasindikaji wa Vyakula nchini (TAFOPA), Susan Laizer akisoma hotuba ya chama hicho iliyoelezea changamoto zinazowapata wajasiliamali hao katika shughuli za uzalishaji na uuzaji wa bidhaa zao.Mkutano huo umefanyika juzi katika ukumbi wa Mwl. Nyerere uliopo Jijini Dar es Salaam.

neno-2

Baadhi ya wajasiliamali wa Chama cha Wasindikaji wa Vyakula nchini (TAFOPA) wakisikiliza kwa makini mafunzo yanayptolewa katika mkutano huo uliofanyika juzi kwenye ukumbi wa Mwl. Nyerere uliopo Jijini Dar es Salaam.

neno-3

Makamo wa Rais wa Jamhuri ya Muungano wa Tanzania, Mama Samia Suluhu akiwa katika picha ya pamoja na Waziri wa Viwanda, Biashara na Uwekezaji, Charles Mwijage pamoja na baadhi ya wadau mbalimbali walioalikwa katika mkutamo wa Chama cha Wasindikaji wa Vyakula nchini (TAFOPA) uliofanyika juzi kwenye ukumbi wa Mwl. Nyerere uliopo Jijini Dar es Salaam.

Na Jacquiline Mrisho – MAELEZO.

Serikali ya Jamhuri ya Muungano wa Tanzania imejipanga kurekebisha Sera na Sheria za kodi ili kuwasaidia wafanyabiashara na wajasiliamali kupata thamani ya shughuli wanazozifanya.

Makamo wa Rais wa Jamhuri ya Muungano wa Tanzania, Mama Samia Suluhu ametoa kauli hiyo jijini Dar es Salaam alipokuwa akizindua Mkutano wa Chama cha Wasindikaji wa Vyakula nchini (TAFOPA) uliofanyika katika ukumbi wa Mwl. Nyerere uliopo Jijini humo.

Mama Samia amesema kuwa wafanyabiashara na wajasiliamali nchini wamekuwa wakilalamikia ongezeko la kodi katika bidhaa mbalimbali wanazozizalisha hadi kupelekea kushindwa kuona faida ya shughuli hizo hivyo ni muhimu kwa Serikali kusikiliza kilio chao kwa kutafuta namna bora itakayomaliza tatizo hilo.

“Serikali ya Awamu ya Tano imeliona tatizo hilo na imeahidi kulifanyia kazi kwa kuzipitia upya sheria hizo na kuzifanyia marekebisho ili kila mwananchi atoe kodi bila kinyongo na apate faida ya shughuli anayoifanya,”alisema Mama Samia.

Amezitaja changamoto zingine ambazo Serikali itazifanyia kazi ni kujenga miundombinu katika maeneo yaliyotengwa kwa ajili ya wajasiliamali, kupunguza muda wa upatikanaji wa leseni za biashara pamoja na kuhakikisha Mamlaka ya Serikali za Mitaa inatenga maeneo kwa ajili ya wajasiliamali hao.

Kwa upande wake Waziri wa Viwanda, Biashara na Uwekezaji, Charles Mwijage amesema kuwa jambo analojivunia katika uongozi wake ni kuweza kuwahamasisha Watanzania kuelewa ujenzi wa uchumi wa viwanda ambapo kwa sasa nchi nzima wanazungumzia habari hiyo.

“Asilimia kubwa ya wananchi wanazungumzia namna ya kuanzisha viwanda kama sehemu ya kujipatia kipato na ndio maana mikutano ya wajasiliamali imekua ikiongezeka siku hadi siku, hii inaonyesha dhahiri kuwa watanzania wameamua kushirikiana na Serikali katika kuinua uchumi wa nchi kupitia viwanda,”alisema Mwijage.

Naye Mwenyekiti wa Chama cha TAFOPA, Susan Laizer amefafanua kuwa maeneo yatakapotengwa yatasaidia kupunguza uharibifu wa mazao ya chakula yanayovunwa wakati wa msimu husika pia yatatoa ajira nyingi kwa wananchi watakaokuwa wakifanya shughuli za uzalishaji katika maeneo hayo.

“Tunaiomba Serikali yetu itusaidie kutenga maeneo kwa ajili ya shughuli zetu hadi kwenye sehemu za vijiji ili wakulima wapate soko la bidhaa zao kwa urahisi pamoja na kuepuka madalali wanaozorotesha vipato vyao,”alisema Bi. Susan.

Aidha, Bi Susan amempongeza Mama Samia kwa kuteuliwa na Umoja wa Mataifa kuwa mjumbe wa nchi za Mashariki na Kusini mwa Afrika kwenye jopo la kuwawezesha wanawake kiuchumi kwani ni sifa kwa Taifa na fursa kwa wasindikaji wote nchini.

Chama hicho kimeanzishwa rasmi mwaka 1977 baada ya wanawake kupata mafunzo ya usindikaji wa vyakula yaliyotolewa na Shirika la Maendeleo ya Viwanda Vidogo Tanzania (SIDO) ikishirikiana na Shirika la Maendeleo ya Viwanda Vidogo Duniani (UNIDO).(P.T)

TANO BORA ZA MJENGWABLOG KWENYE KATUNI ZA LEO..

Published in Jamii

1

2

3

4

5

6

7

8

9

10

Magazeti ya Leo Jumatatu

Published in Jamii

Neno La Leo: Kosa Kubwa Tunalolifanya Waafrika...

Published in Jamii


Ndugu zangu,
Watawala wengi wa Kiafrika hulewa madaraka. Hii ni pamoja na kuminya demokrasia na uhuru wa watu kushiriki siasa za ushindani wa kweli.
Ni hulka ya watawala kuwadharau wananchi na kutotanguliza maslahi ya wengi. Ndio maana unaweza hata leo kuona, kwenye miji ya nchi za Kiafrika, wakazi wa miji hiyo wakiingia mitaani kushangilia wanajeshi kuwaondoa madarakani viongozi waliochaguliwa kwa kupitia masanduku ya kura.
Demokrasia katika nchi zetu hizi bado changa sana. Lakini, kosa kubwa tunalofanya ni kujenga misingi dhaifu. Tunaangalia zaidi matukio na si mifumo.
Tunaangalia tija ya matokeo ya uchaguzi kwa kuangalia mbele chaguzi mbili au tatu zijazo, tunaishia hapo, ndivyo Waafrika tulivyo. Tunachoka haraka kufikiri, ama, tumekuwa wavivu wa kufikiri. Tukijaribu kufikiri, hatufikiri kwa bidii.
Mwafrika atajiuliza; " Kwa nini nipande mnazi leo madafu waje kula wengine?"
Wengi tumekuwa wabinafsi mno, hatuna mapenzi ya dhati kwa nchi tulizozaliwa. Na ubinafsi ndio chimbuko la maovu yote kwa walimwengu.
Tumekuwa ni watu wa kubadilisha taratibu, sheria na kanuni kulingana na mahitaji ya wakati uliopo na kwa kuangalia zaidi maslahi binafsi na ya vikundi.
Waafrika tunazungumzia sana kizazi chetu kijacho, lakini hatukijali. miyoyoni tunafikiria nafsi zaetu. Maana, tumejawa na ubinafsi na unafiki.
Tumekuwa watu wa hovyo hovyo, vichwani mwetu hatuna ya kesho kutwa wala mtondogoo, ya nini? Hatutakuwepo. Na hapo ndio mwisho wa reli ya kufikiri.
Ni Neno La Leo.
Maggid Mjengwa,
Iringa.
0754 678 252/ 0688 37 36 52

Tafakuri Jadidi: Nani Anamwelewa Magufuli?

Published in Jamii

Ndugu zangu,

Kwa mujibu wa takwimu za Kisayansi, mwaka 1950 nchi yetu ilikuwa na idadi ya Watanzania wapatao milioni saba. Takwimu hizo zinabainisha, ifikapo mwaka 2050, nchi yetu itakuwa na Watanzania wapatao milioni mia moja. Hii leo, idadi ya Watanzania inakadiriwa kuwa milioni arobaini na nane.

Nini tafsiri yake?

Tukianza na Krismas inayokuja mbele yetu, tunaona, kuwa mwaka 1950 kulikuwa na idadi ya Watanzania milioni saba tu waliosheherekea kuzaliwa kwa Yesu Kristo. Na hata sherehe nyingine za kidini zilisheherekewa na idadi hiyo ya Watanzania. Krismas ya mwaka huu itasherehekewa na Watanzania wapatao milioni arobaini na nane.

Maana kubwa ya taarifa hizo za kisayansi ni ukweli, kuwa, huko nyuma ilisemwa, kuwa ili tuendelee tunahitaji vitu vinne; ardhi, watu, siasa safi na uongozi bora, tunapaswa sasa kutafakari upya.

Kwamba tulidhani kuwa ardhi tunayo ya kutosha, hapana, huko tunakokwenda ardhi yetu itakuwa ndogo sana kwa idadi kubwa ya Watanzania watakaoongezeka. Hivyo basi, moja ya tishio la nchi yetu kuendelea ni kukua kwa kasi kwa idadi ya watu bila kuwa na uwiano wa mipango thabiti ya kuhakikisha kuna udhibiti wa rasilimali za nchi na kuwaandaa watu wanaoongezeka kwenye misingi bora ya elimu na uhakika wa huduma muhimu kama vile afya.

Kwamba kikubwa kinachohitajika kukabiliana na changamoto za kuongezeka kwa idadi ya Watanzania miaka 50 ijayo ni kuwa na siasa safi na uongozi bora. Na hakika, siasa za hovyo hovyo huzaa uongozi wa hovyo hovyo, na uongozi wa hovyo hovyo ndio utakaopelekea Watanzania milioni mia moja watakaoishi miaka 50 ijayo waione nchi yao kuwa ni mahali pagumu zaidi pa kuishi.

Inahusu kuwa na siasa safi na uongozi bora utakaokuwa na uwezo wa kufanya maamuzi magumu ya kuhakikisha rasilimali za nchi hii ikiwamo ardhi zinalindwa. Kwamba zinalindwa kwa ari ya kizalendo ili Watanzania wa kesho na kesho kutwa wapate hakika ya uhai wao na maisha yenye staha kwenye nchi waliyozaliwa. Inahusu kuwa na mipango madhubuti ya baadae. Kuingalia Tanzania kwanza na si majina ya watu, na vyama vyao vya siasa ambavyo kimsingi ni vya kupita tu.

Na ili tuelewe hatari ya huko tunakokwenda, tuna lazima, na hasa kwa viongozi wetu, kuwa na uelewa wa hali halisi ya sasa kwa maisha ya Watanzania walio wengi.

Tunakwenda Wapi?

Hili ni swali muhimu la kujiuliza kwa kila mmoja wetu.
Na ili mwanadamu ujue ulipo sasa na unakokwenda, ni vema ukajua ulikotoka.

Tuwe wakweli kwa nchi yetu. Njia ya tulikotoka na tulivyokuwa tukienenda kuutafuta mustakabali haikuwa yenyewe. Kama taifa tulikuwa tunaelekea kubaya.

Rais huyu tuliye naye sasa ameamua kufungua makabati na sio tu kutuonyesha mizoga yenye kunuka, bali, yeye mwenyewe kaingia mstari wa mbele kuitoa na kusafisha makabati, kwa mikono yake.

Uchumi ule wa nchi na anasa iliyombatana nayo kwa wachache ulikuwa ni sawa na 'Uchumi wa maputo ya mapovu'. Ni dhahiri ungefika mahali yangepasuka na kutuacha na bumbuazi kama taifa. Si ajabu yangetufika kama ya nchi ile ya Estland iliyofilisika mpaka watu walishindwa kutoa fedha zao kwenye ATM. Yangeweza kutufika kama ya Ugiriki kwa nchi kufilisika na bahati nzuri kwao waliokolewa na ' Wajomba zao'- Jumuiya ya Ulaya. Sisi kama taifa, na katika dunia tunayoishi sasa hatuna ' Wajomba'.

Hatupaswi tena kuruhusu hali ya kuogelea kwenye ' Uchumi wa Mapovu'. Mwisho wa siku mapovu hukatika tu. Tutalazimika kuyaogelea maji halisi ya kiuchumi yenye kina kirefu na cha hatari.

Huyu Rais tuliye naye sasa ametambua ukweli, kuwa katika haya ayafanyayo kwa taifa, kuna watakaompenda na kumchukia. Kilicho cha dhahiri ni kuwa, kwa vile rushwa na ufisadi ilikuwa kero namba moja kwa Watanzania, na kwa kuwa Rais ameamua kupambana na rushwa na ufisadi kwa nguvu zote. Na kwa kuwa ameonyesha kwa vitendo kuwa kwenye Tanzania ya sasa hakuna anayeogopewa kwa jina na cheo chake, au kwa chama chake, hata kama ni anachotoka Rais mwenyewe. Basi, kwa hayo machache kati ya mengine mengi aliyoyafanya ndani ya mwaka mmoja tu, Watanzania walio wengi wanamwona Rais aliyesimama upande wao.

Maana, Wananchi wanakerwa na viongozi wanaojiona "Mabwana Wakubwa". Kwa Rais, sio tu anapaswa kujipembua kutoka kundi la viongozi wa staili hiyo, bali, Rais ana wajibu wa kuondokana na viongozi wa aina hiyo. Watanzania wanaona akifanya hilo la mwisho. Maana, ni yeye waliyemchafgua na kumpa dhamana ya mwisho ya kuteua na kuwatengua madarakani viongozi kama hao.
Kikubwa kilichokosekana na kinachorudi sasa ni nidhamu, hivyo, kuzingatia maadili, kwa viongozi na raia.

Nani anamwelewa Magufuli?

Jibu, wenye kumwelewa wanaongezeka kwa idadi, lakini, ukweli unabaki, kama Krismas ya mwaka 1950 ilisheherekewa na Watanzania milioni saba, na ya mwaka huu itasheherekewa na Watanzania milioni 48, basi, Krismasi ya mwaka 2050 itasheherekewa na Watanzania milioni mia moja.

Na kwa haya anayoyafanya Magufuli wa leo, hatujui wa kesho atakuwaje, kama ataendelea hivi hivi, yumkini Watanzania wa mwaka 2050, ambao ni watoto na wajukuu zetu, wataelewa zaidi alichofanya Magufuli kwa taifa na watakuwa na kikubwa cha kusheherekea

Naam, kila kizazi na jukumu lake; hii ni tafakuri jadidi. Nakaribisha mjadala..

Maggid Mjengwa,
0754 678 252/ 0688 37 36 52

Yahya Jammeh;

Published in Jamii

Tiba Ya Ukimwi Aliyodai Kaigundua Ilikuwa Abrakadabra, Lakini, Hili La Kuendesha Uchaguzi Huru Na Kukubali Matokeo Kwa Yeye Mwenyewe Kumpigia Simu Mpinzani Wake Huenda Ni Chanjo Mujarab Ya Demokrasia Ya Afrika Aliyoitengeneza. Kwa La Kwanza Ameacha Kituko Na Atakuwa Ameacha Alama Ya Kudumu Kwa Hilo La Pili.

Maggid.(P.T)

Ulemavu barani Afrika unamaanisha nini?

Published in Jamii

Afrika Albinismus (Getty Images/AFP/T. Karumba)

Kwa Afrika kuwa mlemavu, inamaanisha maisha ya taabu na huzuni, leo ikiwa ni siku ya walemavu duniani, wengi hawawezi kupata elimu na hata kazi. Je misaada ya kimaendeleo inaweza kuleta mabadiliko?

Katika umri mdogo sana Jemimah Kutata alijifunza kupambana na tabia hii mbaya.

"Kwenda shule Afrika kwa mtu ambaye ana ulemavu ni ndoto kwa sababu wavulana wanapewa nafasi ya upendeleo, kwa hiyo ukiwa mwanamke, mwenye ulemavu hilo ni janga mara mbili" anasema Jemimah

Kuhudhuria shule ya msingi halikuwa swali la kujiuliza kwa Kutata pamoja na kuwa wazazi wake walimtaka aweze kupata elimu. Akiwa ni mtu wa kutegemea magongo mawili na kifaa maalum kwenye mguu wake wa kulia kinachomsadia kutembea ilimaanisha kuwa hangeweza kutembea umbali mrefu.

Kwa bahati nzuri wazazi wake walimpeleka katika shule ya bweni, lakini alipopata ajira kwa mara ya kwanza baadaye aligundua tena kwa mara nyingine inamaanisha nini hasa kuishi na ulemavu. Kutata anasema "Siku hizo mtu mweye ulemavu ilikuwa inachukua miaka kupandishwa cheo kwa sababu unaonekana kama ni mtu mgonjwa vile, uko katika meza yako na huwezi kuwa katika nafasi ya maneja."

Lakini licha ya kukumbana na changamoto hizo Jemimah Kutata ni mmoja kati ya walemavu wenye hali nzuri. Karibu asilimia 10 ya watoto wote wenye ulemavu barani Afrika wanahudhuria shuleni na karibu asilimia 80 ya watu wazima wenye ulemavu barani humo hawajaajiriwa. Kwa wengi hii inamaanisha maisha ya umasikini, taabu na kutengwa.

Sheria na miradi ya kuwasadia walemavu yakosolewa

Facundo Chaves Penillas, ni mshauri wa masuala ya haki za binadamu na ulemavu kutoka ofisi ya halmashauri kuu ya Umoja wa Mataifa inayoshughulikila haki za binadamu, anasema suala la watu wenye ulemavu barani Afrika ni tata na lina changamoto nyingi kama vile rasilimali, miundombinu,na katika mazingira mengine changamoto za kisiasa ambazo zinazuia nchi kuendelea kwa kasi na pia kuna masuala ya dini yanahusika.

Nchi nyingi za kiafrika zimetambulisha sheria kusaidia watu wenye ulemavu lakini kumekuwa na upungufu wa pesa kwa ajili ya kufanyia utekelezaji sheria hizo.

"Masuala mengi yana uhusiano na maendeleo na swali ni kuwa je ni jinsi gani nchi zinaweza kumudu huduma za muhimu na mabadiliko yanayotakiwa," aliongeza Penillas

Miradi mingi ya maendeleo imeshindwa kuzingatia mahitaji ya watu wenye ulemavu wakati kifungu cha 32 cha mkataba wa kimataifa wa haki za watu wenye ulemavu kinawataka kufanya hivyo. Mkataba huo umeanza kufanya kazi miaka 10 iliyopita lakini mabadiliko yanachanganya.

"Bado tuna njia ndefu ya kufika tunakoelekea, mipango ya kimataifa inahitaji kuwa na utaratibu ambao utawajumuisha watu wenye ulemavu," anasema Kutata mkenya ambaye ni mlemavu.

Hans- Joachim Fuchetel mbunge na katibu wa dola katika Wizara ya ushirikiano na maendeleo ya Ujerumani anasema Ujerumani imepanua mipango yake na kusema kuwa sasa wana miradi zaidi ya 40 katika nchi zaidi ya 20, na kuongeza kuwa Wizara inafanyia kazi mkakati mpya ambao inajumuisha mahitaji ya watu wenye ulemavu.

"Ujerumani haiko juu ya nchi ambazo zinafanya utekelezaji wa kifungu cha 32 lakini inaweza kujifunza mengi kutoka nchi nyingine" anasema Theresa Degener Profesa wa sheria ambaye alisaidia katika kuandika mkataba huo.

Jemimah Kutata amejifunza mengi kutoka katika harakati ambazo zimemjengea heshima katika maisha yake, kwa sasa anaendesha taasisi ya kifedha ambayo husaidia watu wenye ulemavu katika eneo la Pwani ya Kenya ikiwa ni muungano wa watu wenye ulemavu wa Kenya.

Kutata anasema, " Washiriki wengi sasa wanaweza kupata chakula, lakini najisikia kuwa bado kuna vitu zaidi vinahitajika kufanywa kwa walemavu kufahamu haki zao. DW

Waziri wa Fedha na Mipango Mhe. Dkt. Philip Mpango (Mb) akikata utepe kuashiria uzinduzi wa Jengo la pili la Taaluma lenye ghorofa 7 la Chuo cha Mipango ya Maendeleo Vijijini Kampasi Kuu ya Dodoma, lililogharimu shilingi Bilioni  10.3. Kulia kwake ni Mwenyekiti wa Baraza la Uongozi wa Chuo hicho Prof. Razack Lokina na kushoto kwake ni Mkuu wa Chuo cha Mipango ya Maendeleo Vijijini Dkt. Frank Hawassi wakifurahi kwa pamoja mara baada ya uzinduzi huo.

Waziri wa Fedha na Mipango, Mhe. Dkt. Philip Mpango, akiangalia viatu vya ngozi vilivyotengenezwa na mjasiliamali mdogo Bw. Stephano Chifwaguzi (nayeonesha bidhaa ya ngozi kiunoni) baada ya kuwezeshwa kiutaalamu na Chuo cha Mipango na Maendeleo Vijijini, kwa ufadhili wa Jumuiya ya Ulaya, wakati wa mahafali ya 30 ya Chuo hicho Kampasi Kuu ya Dodoma.

Meza Kuu ikiongozwa na Mgeni Rasmi, Waziri wa Fedha na Mipango, Mhe. Dkt. Philip Mpango (Mb) akifurahia mahafali ya 30 ya Chuo cha Mipango ya Maendeleo Vijijini, yaliyofanyika Kampasi Kuu ya Dodoma katika eneo la Miyuji-mkoani humo.

Wajumbe wa Baraza la kumi na la tisa la uongozi wa  Chuo cha Mipango ya Maendeleo Vijijini wakiimba wimbo wa Taifa wakati wa Mahafali ya 30 ya Chuo cha Mipango na Maendeleo Vijijini Kampasi ya Dodoma, iliyoko katika eneo la Miyuji, mkoani humo.

Wahitimu wa Chuo cha Mipango ya Maendeleo Vijijini pamoja na wageni waalikwa, wakiimba wimbo wa Taifa wakati wa Mahafali ya 30 ya Chuo hicho yaliyofanyika katika eneo la Miyuji, mkoani Dodoma.(P.T)

RAIS DKT SHEIN AZINDUA KONGAMANO LA WAJASIRIAMALI

Published in Jamii

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein alipokuwa akizindua Kongamano la Wajasiriamali katika ukumbi wa Baraza la Wawakilishi la Zamani Mnazi Mmoja Mjini Unguja jana.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimkabidhi zawadi Meneja wa Tawi la DTB hapa Zanzibar Mbarouk Ramadhan Mbarouk katika hafla ya uzinduzi wa Kongamano la Wajasiriamali Zanzibar katika ukumbi wa Baraza la Wawakilishi la Zamani Mnazi Mmoja Mjini Unguja jana.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimkabidhi zawadi Ofisa wa Taasisi ya ‘Mchele Z’bar Foundation’ hapa Zanzibar Eshe Haji Ramadhan katika hafla ya uzinduzi wa Kongamano la Wajasiriamali Zanzibar katika ukumbi wa Baraza la Wawakilishi la Zamani Mnazi Mmoja Mjini Unguja jana.

Mratibu wa Tume ya Sayansi na Teknolojia Dkt.Afwa Mohamed akitoa hutuba fupi kwa niaba ya Mkurugenzi Mkuu wa Tume ya Sayansi na Teknolojia katika hafla ya uzinduzi wa Kongamano la Wajasiriamali Zanzibar katika ukumbi wa Baraza la Wawakilishi la Zamani Mnazi Mmoja Mjini Unguja jana,ambalo lilizinduliwa na Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,

Baadhi ya Wajasiriamali wakimsikiliza Rais wa Zanzibar na Mwenyekiti wa Baraza la Mapinduzi Dk.Ali Mohamed Shein alipokuwa akizindua Kongamano la Wajasiriamali hao lililofanyika katika ukumbi wa Baraza la Wawakilishi la Zamani Mnazi Mmoja Mjini Unguja jana.

Baadhi ya Wajasiriamali wakimsikiliza Rais wa Zanzibar na Mwenyekiti wa Baraza la Mapinduzi Dk.Ali Mohamed Shein alipokuwa akizindua Kongamano la Wajasiriamali hao lililofanyika katika ukumbi wa Baraza la Wawakilishi la Zamani Mnazi Mmoja Mjini Unguja jana.

[Picha na Ikulu.](P.T)

Trump alituma ujumbe kupitia Tweeter akisema amepigiwa simu na kiongozi wa Taiwan, Mama Tsai Ing-wen

Trump alituma ujumbe kupitia Tweeter akisema amepigiwa simu na kiongozi wa Taiwan, Mama Tsai Ing-wen

Wizara ya mashauri ya nchi za nje ya Uchina, inasema kuwa imepeleka malalamiko kwa upande unaohusika wa Marekani, baada ya Rais mteule Donald Trump, kuzungumza kwa simu na rais wa Taiwan.

Uchina inaona Taiwan kuwa ni jimbo lake lilojitenga.

Msemaji wa wizara alisema, Uchina ni moja, na ndio msingi wa kisiasa katika uhusiano baina ya Marekani na Uchina.
Mazungumzo ya simu baina ya Bwana Trump na Rais wa Taiwan, Tsai Ing-wen, yamevunja msimamo wa kidiplomasia kwa Marekani.

Ofisi ya rais wa Taiwan ilitoa picha ikionyesha Rais Tsai Ing-we akiongea kwa simu na Trump

Ofisi ya rais wa Taiwan ilitoa picha ikionyesha Rais Tsai Ing-we akiongea kwa simu na Trump

Hapo awali, waziri wa mambo ya nchi za nje wa Uchina, Wang Yi, alisema mazungumzo hayo ya simu ni "ujanja wa Taiwan usiokuwa na maana".

Mwandishi wa BBC anasema ikiwa simu hiyo ni ishara ya mabadiliko ya sera za Marekani kuhusu Taiwan, basi Uchina itajibu kwa hasira.BBC

costttttttttttttttt

Na.Alex Mathias.

Timu ya Chelsea imendelea kuchinja katika ligi Kuu ya Uingereza baada ya kuwanyanyasa wenyeji Manchester City kwenye uwanja wao wa Estihad kwa ushindi wa magoli 3-1 na kujichimbia kileleni mwa Msimamo huo.

Alikuwa benki wa Chelsea Gary Cahil alijifunga baada ya Navas kupiga shuti ambalo lilimgonga beki huyu na kupelekea Man City waende mapumziko wakiwa wanaongoza kwa goli moja.

Kipindi cha pili kilikuwa kibaya kwa Guardiola na ujeuri wake wa kumng’ang’ania Sergio Aguero ambaye aliweza kukosa nafasi zaidi ya sita kipindi cha kwanza na dakika ya 60 Mshambuliaji mtukutu Diego Costa aliisawazishia Chelsea baada ya kupokea pasi toka kwa Fabregas.

Akichukua nafasi ya Pedro winga wa Brazil William alifunga goli la pili kwa pasi ya Costa baada ya kuingia goli hilo vijana wa Guardiola walichemka na kuanza kupiga pasi ambazo hazina faida huku Kocha Conte akitumia mfumo wa kujilinda na dakika ya 90 Eden Hazard alipigilia msumari wa tatu kwa goli safi.

redddd

Dakika za majeruhi ilitokea vurugu ya kufa mtu baada ya Aguero kumchezea Luiz rafu mbaya ambayo ilisababisha wachezaji wa Man City kujawa na jazba ambazo zilipelekea wachezaji wao wawili Aguero na Fernandinho kuoneshwa kadi nyekundu ya moja kwa moja ambayo itawafanya wakose mechi tatu muhimu ikiwemo ya Arsenal.

Kwa matokeo hayo Chelsea wamebaki kileleni wakiwa na pointi zao 34 huku wapinzani wao wakibaki kwenye nafasi ya tatu kwa pointi 30.

VIKOSI:MANCHESTER CITY: Bravo; Stones (Iheanacho, 78), Otamendi, Kolarov, Fernandinho, Gundogan (Toure 76), Navas, Sane (Clichy 69), Silva, De Bruyne, Aguero.

Subs not used: Caballero, Zabaleta, Sagna, Fernando

Goals: Cahill OG (45)

Yellow cards: Otamendi (17), Navas (81)

Red cards: Aguero (90+7), Fernandinho (90+7)

CHELSEA: Courtois; Azpilicueta, David Luiz, Cahill; Moses, Kante, Fabregas, Alonso; Pedro (Willian 49), Diego Costa (Chalobah, 81), Hazard (Batshuayi, 90+4).

Subs not used: Begovic, Aina, Ivanovic, Oscar

Goals: Costa (59), Willian (70), Hazard (90)

Yellow cards: Kante (50), Chalobah (90+7), Fabregas (90+7)

Referee: Anthony Taylor(P.T)

RAIS DK. JOHN POMBE MAGUFULI ATEUA MABALOZI WAPYA

Published in Jamii

rej1mabalozi1mabalozi2

WAZIRI MKUU KASSIM MAJALIWA ATEMBELEA VIWANDA ARUSHA

Published in Jamii

9

Waziri Mkuu, Kassim Majaliwa akisalimiana na Mkurugenzi Mtendaji wa Kiwanda cha unga cha MONABAN cha Arusha wakati alipokitembelea  Desemba 3, 2016.

4

Waziri Mkuu, Kassim Majaliwa akizindua kiwanda cha Lodhia Plastic Industries Limited kabala ya kukitembelea kiwanda hicho Desemba 3, 2016.   Kulia ni Mkuu wa Mkoa wa Arusha, Mrisho  Gambo na kulia kwa Waziri Mkuu ni Mwenyekiti wa Kampuni ya Nodhia Group, Haroon Nodhia.

1

Waziri Mkuu, Kassim Majaliwa kitazama matangi yanayotengenezwa katika kwanda cha Lodhia Plastic Industries wakati alipokitembelea kiwanda hicho Desemba 3, 2016

2

Waziri Mkuu,Kasim Majaliwa akitazama gari linalotengenezewa bodi maalum kwa ajili ya shughuli za utalii wakati alipotembelea kiwanda cha kutengeneza mabodi ya magari cha HansPaul cha jijini Atusha Desemba 3, 2016.

3

Waziri Mkuu, Kassim Majaliwa akipata maelezo kutoka kwa Mkurugenzi Mtendaji wa kiwanda cha Fibreboards cha Arusha, Tosky Hans (wapili kulia) kuhusu bidhaa zinazozalishwa na kiwanda hicho wakati alipokitembelea Desemba 3, 2016. Watatu kulia ni Mkuu wa mkoa wa Arusha Mrisho Gambo.

5

Waziri Mkuu, Kassim Majaliwa akipata maelezo kutoka kwa Mwenyekiti wa Kiwanda cha Lodhia Plastic Industries Limited cha jijini Arusha, Haroon Lodhia (kushoto ) kuhusu utengenezaji wa mabomba ya plastic wakati alipotembelea kiwanda hicho,Desemba 3, 2016.

7

Waziri Mkuu, Kassim Majaliwa akikagua shehena ya ungwa uliosindikwa wakati alipotembelea kwanda cha unga cha MOBAN cha jijiniArusha Desemba 3, 2016.

8

Waziri Mkuu, Kassim Majaliwa akitazama mfuko wenye unga wakati alipotembelea kiwanda cha unga cha MONABAN jijini Arusha Desemba 3, 2016.

(Picha na Ofisi ya Waziri Mkuu)(P.T)

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA