Mjengwa Blog::Habari,Picha,Matangazo

14,150 WASHUHUDIA YANGA, RUVU SHOOTING: RAMBIRAMBI

2012-02-13T19:27:00.000+03:00

Release No. 021

TAARIFA KWA VYOMBO VYA HABARI

Februari 13, 2012

Watazamaji 14,150 ndiyo waliokata tiketi kushuhudia pambano la Ligi Kuu ya Vodacom kati ya Yanga na Ruvu Shooting lililochezwa jana (Februari 12 mwaka huu) Uwanja wa Taifa, Dar es Salaam na kuingiza sh. 47,554,000.

Hata hivyo ni watazamaji saba tu waliokata tiketi za VIP A zilizokuwa zikiuzwa sh. 15,000. Viingilio vingine vilikuwa sh. 10,000 kwa VIP B na C, sh. 5,000 viti vya rangi ya chungwa na kiiingilio cha sh. 3,000 kwa viti vya bluu na kijani kilichovutia watazamaji 12,853.

Baada ya kuondoa gharama za awali za mechi hiyo namba 119 na asilimia 18 ya Kodi ya Ongezeko la Thamani (VAT) ambayo ni sh. 7,254,000 kila timu ilipata sh. 8,583,000 wakati mgawo wa uwanja ulikuwa sh. 2,861,000.

Chama cha Mpira wa Miguu Mkoa wa Dar es Salaam (DRFA) sh. 1,144,400, TFF sh. 2,861,000, Mfuko wa Maendeleo ya Mpira wa Miguu (FDF) sh. 1,430,500, Baraza la Michezo la Taifa (BMT) sh. 286,100 na asilimia 10 ya gharama za mechi ni sh. 2,861,000.

Gharama za awali za mechi ni nauli ya ndani kwa waamuzi sh. 10,000, nauli ya ndani kwa kamishna sh. 10,000, posho ya kujikimu kamishna sh. 40,000, posho ya kujikimu waamuzi sh. 120,000 na mwamuzi wa akiba sh. 30,000. Gharama za tiketi sh. 4,000,000, umeme sh. 300,000, usafi na ulinzi kwa uwanja sh. 2,350,000 na Wachina (Beijing Construction) sh. 2,000,000.

Gharama nyingine ni Jichangie ambayo ni sh. 200 kwa kila tiketi; kila klabu ilipata sh. 990,500 wakati DRFA ilipata sh. 849,000.

Release No. 022

TAARIFA KWA VYOMBO VYA HABARI

Februari 13, 2012

Shirikisho la Mpira wa Miguu Tanzania (TFF) limepokea kwa masikitiko taarifa za kifo cha aliyewahi kuwa mjumbe wake wa Kamati ya Utendaji, Kassim Kashulwe kilichotokea Februari 9 mwaka huu nyumbani kwake Kigurunyembe mkoani Morogoro.

Licha ya kuwa mjumbe wa Kamati ya Utendaji ya TFF (wakati huo Chama cha Mpira wa Miguu Tanzania- FAT), pia Kashulwe aliwahi kuwa kiongozi wa Chama cha Mpira wa Miguu Mkoa wa Morogoro (MRFA) na baadaye kamishna wa mechi za Ligi Kuu.

Kwa mujibu wa taarifa tulizopata leo (Februari 13 mwaka huu) kutoka MRFA, Kashulwe alifia nyumbani kwake na kuzikwa juzi (Februari 11 mwaka huu) kwenye makaburi ya Kora yaliyoko nje kidogo ya mji wa Morogoro.

Mbali ya Kashulwe, wengine waliochaguliwa katika uchaguzi wa FAT uliofanyika mwaka 1993 mjini Kibaha ni Muhidin Ndolanga (Mwenyekiti), Alhaji Omari Juma (Makamu Mwenyekiti) na Kanali Ali Hassan Mwanakatwe (Katibu Mkuu) na wajumbe Abdul Msimbazi, Amin Bakhresa, Job Asunga, Joel Bendera, Masalu Ngofilo na Wilson Mwanja.

Msiba huo ni pigo kwa familia ya Kashulwe, TFF na familia ya mpira wa miguu nchini kwa kuwa mchango wake ulikuwa bado unahitajika.

TFF inatoa pole kwa familia ya marehemu Kashulwe, na MRFA na kuwataka kuwa na uvumilivu kipindi hiki cha msiba huo mzito. Pia TFF itatoa ubani wa sh. 200,000 kwa familia ya marehemu kama rambirambi zake.

Mungu aiweke roho ya marehemu Kashulwe mahali pema peponi. Amina

JK AONAAN AN MJUMBE MAALUM WA RAIS WA URUSI LEO IKULU, DAR ES SALAAM

2012-02-13T19:18:00.000+03:00

Rais Jakaya Kikwete akimsindikiza/akiagana na mjumbe maalumu wa Rais wa Urusi Bw. Mikhail V. Margelov Ikulu jijini Dar es salaam leo January 13m 2012

PICHA NA IKULU

UFAFANUZI WA MAKALA KUTOKA WIZARA YA BIASHARA VIWANDA NA MASOKO ZNZ

2012-02-13T19:06:00.000+03:00

Na Faki Mjaka Maelezo Zanzibar 13/02/2012

Wizara ya Biashara,Viwanda na Masoko Zanzibar imetoa ufafanuzi juu ya hali ya ununuzi na uhifadhi wa Zao la Karafuu Kisiwani Pemba kutokana na taarifa zilizochapishwa na Gazeti la Daily News la Februari 4 mwaka huu ambapo inadaiwa kwamba wakulima wa Zao la Karafuu wamekataa kuliuzia Shirika la Taifa la Biashara la Zanzibar ZSTC

Kwa mujibu wa taarifa rasmi ya Wizara hiyo imesema kuwa kauli hiyo siyo sahihi na wakulima bado wanaendelea kuliuzia Shirika hilo Karafuu zao kama ilivyopangwa ambapo hadi sasa jumla ya Tani 588.735 zenye thamani ya Tshs 8,824,850,750.00 zimeuzwa kwa Shirika hilo kwa Wilaya ya Micheweni tu.

Aidha kwa Wilaya ya Wete jumla ya tani 1,530.536 za Karafuu zenye thamani ya Tshs 22,923,724,500.00 zimeshauzwa kwa ZSTC jambo ambalo linaonesha utayari wa wakulima kuliuzia Shirika hilo.

Taarifa hiyo pia imefafanua kwamba Mkulima anaruhusiwa kuhifadhi karafuu zake kwa muda apendao iwapo tu Karafuu hizo zitahifadhiwa katika Maghala ya ZSTC na Mkulima hupewa Stakabadhi inayoonesha kiasi kinachohohifadhiwa ambapo kwa sasa kuna idadi kubwa ya wakulima wanaotumia utaratibu huo wa kuzihifadhi na kuziuza kwa siku za usoni.

Serikali ilichukua hatua hiyo ya uhifadhi kwenye maghala salama ya ZSTC kwa lengo la kuziepusha Karafuu Kusinyaa,kupungua kwa daraja la ubora na kuziepusha kushika moto,mambo ambayo yanaweza kupelekea maafa na kumkosesha mkulima faida iwapo zitahifadhiwa nyumbani

Kuhusu madai ya bei ya Karafuu taarifa hiyo imesema ukweli ni kuwa katika bei ya soko la dunia kilo moja inauzwa kwa Dola za Marekani 11-13 ambapo wastani wake ni sawa na Tshs 17,270 hadi 20.410 jambo ambalo linaifanya tofauti kati ya soko la ndani na nje iwe ni kati ya Tshs. 2,270 hadi 5,410

Kutokana na Uchambuzi huo taarifa hiyo imesema kwamba madai kuwa bei ya Karafuu kwa sasa kuwa ni Tshs 40,000 kwa kilo hayana ukweli wowote na upotoshaji wenye dhamira ya kulifanya Shirika la ZSTC na Serikali ionekane kuwa inawanyonya wakulima wa zao hilo

Taarifa hiyo inawashukuru wananchi kwa kuendelea na moyo wao wa kuzidi kuliuzia Shirika la ZSTC ambapo mpaka sasa shirika hilo limeweza kuvuka lengo la manunuzi kwa asilimia 119

WARAKA KWA RAIS JAKAYA KIKWETE (1)

2012-02-13T18:55:00.000+03:00

Na Manyerere Jackton

Mpendwa Rais, ni muda mrefu umepita tangu nilipokuandikia waraka. Mara ya mwisho nilikuandikia nikikuomba “uwe mkali kidogo.”

Maudhui yangu kwa wakati huo, yalikuwa kwamba kuona unakuwa mkali ili mambo yaweze kusonga mbele. Nakumbuka sana wakati wa kampeni ulivyokuwa ukionyesha kukerwa na mambo mengi, na ukaahidi kutumia uzoefu wako ulioupata ndani na nje ya nchi, kusaidia kuboresha mambo.

Mheshimiwa Rais, wananchi wanalalamika kuwa hali ya maisha ni ngumu. Kwa upande mmoja nakubaliana nao, lakini kwa upande mwingine napingana nao. Nakubaliana nao kwa sababu bei za vitu zinazidi kupaa, ilhali kipato kikiendelea kuwa kile kile. Kwa watumishi wengi wa umma, hali imeanza kuwa mbaya. Heshima imeanza kurejea kwa wafanyabiashara-fedha zinahifadhiwa katika soksi.

Nakubaliana na wanaosema hali ni ngumu kwa sababu sasa wananchi wanalazimika kusomesha watoto na hata ndugu zao yatima kwa gharama kubwa mno. Wanaopenda elimu wanashangaa kuona kwenye maji kunawekwa EWURA ili idhibiti bei, hata kama si wote tunaopata maji ya mamlaka husika, lakini kwenye elimu ambayo ni hitaji la msingi, hakuna “EWURA”. Gharama za kusomesha zimekuwa kubwa mno. Watoto wanaosoma katika sekondari za kata wanataabika kweli kweli. Uliahidi kushughulikia suala hili la ada, lakini umekaa kimya kana kwamba si wewe uliyelisema.

Pili, napingana na wanaosema kuwa maisha ya sasa ni magumu kwa sababu naamini maisha hayajawahi kuwa mepesi. Maisha ni mapambano. Anayepambana kwa haki, hupata. Hata wanaopambana kwa hila, wanapata. Sasa tunao majizi wengi wanaofaidi rasilimali za nchi. Wanatajirika na kutaka wanaonekane kuwa wametajirika kwa juhudi halali. Pamoja na yote, ukweli unabaki kuwa kujibidisha ndiyo njia sahihi ya mtu kufanikiwa katika maisha. Waswahili walisema mgaagaa na upwa hali wali mkavu. Hata mimi na wenzangu tumethubutu kuanzisha gazeti hili ingawa wapuuzi wachache wanasambaza sumu kuwa ni la wagombea urais. Siku hizi kuna sifa nyingine ya ziada ya kumtambua Mtanzania! Ukiona mtu anataka uendelee kuwa katika hali duni, basi ujue huyo ni Mtanzania! Ukifanya juhudi za kujikwamua, kosa. Utazuliwa kila jambo baya.

Mheshimiwa Rais, upole wako unawatia shaka wananchi. Unatukatisha tamaa wale tuliokuamini na kusimama kidete kukuunga mkono. Bila shaka unao washauri. Wananchi wameanza kujiuliza maswali mengi. Wanasema inawezekana hao washauri ulionao si washauri wa kukufaa maana kuna mambo ya wazi ambayo ulipaswa uyashughulikie, lakini hakuna kinachoonekana. Wanasema hata Usalama wa Taifa sasa amekuwa ni wa kulinda, na si kunusa na kukupatia taarifa za kiintelejensia. Pili, wanasema inawezekana washauri wako wanakupa yale unayotaka kuyasikia ili ufurahi, basi. Tatu, wanasema inawezekana wewe mwenyewe ukawa ni mbishi usiyetaka kupokea ushauri, na hata ukiupokea, huufanyii kazi. Walau hili la ubishi naweza kulitilia shaka.

Nne, wanasema wewe ni mtu usiyetaka lawama hata kidogo. Wanasema una utaratibu wa kutaka “mambo yajimalize yenyewe”. Wanasema una utaratibu wa kujiweka kando na mambo mengi, makubwa na mazito kitaifa, kana kwamba nawe unaamini kuwa zaidi yako na Mungu, kuna kiongozi mwingine mkubwa kuliko wewe katika taifa hili. Wanasema marais wengine unaowasikia-Rais wa TFF, Rais wa Chama cha Ngumi, Rais wa Masharobalo, Rais wa Mashabiki wa Arsenal, na kadhalika-si wenzako. Wewe uko juu ya wote. Usitarajie kuwa ni wasaidizi wako!

Wananchi wanatoa mfano wa karibuni kabisa wa mgomo wa madaktari. Wanashangaa kuona mgomo huo umedumu kwa zaidi ya nusu mwezi wewe ukiwa kimya. Unakwenda ughaibuni ilhali wapigakura wako wakikata robo kwa kukosa matibabu. Waziri Mkuu alitoa kauli ambayo wanaamini ulimtuma. Kauli ya kuwatisha madaktari kuwa wangefukuzwa kazi endapo wasingerejea kazini. Ulifanya hivyo eti kupima upepo. Ulipoona upepo umekuwa mkali, ukaendeleza ukimya kabla ya kumtumia tena Waziri Mkuu kupooza mambo. Sasa madaktari mnawatekelezea matakwao yao, je, hao waliokufa kwa uzembe wa Serikali, utawapa kifuta machozi?

Mheshimiwa Rais, wananchi bado wanakumbuka namna ulivyokaa kimya wakati misuguano mikali ikiendelea ndani ya Serikali na Chama Cha Mapinduzi. Leo suala la kujivua gamba limekuwa kama tukio la kiimani la kurejea kwa yule tunayembiwa kuwa atarejea wakati wowote. Tukiuliza lini anarejea, tunapozwa kwa kuambiwa kuwa kwake yeye miaka elfu moja ni sawa na siku moja! Wewe ndiye Mwenyekiti wa CCM, bila shaka ukiamua jambo fulani limalizwe ndani ya chama, litamalizwa tu. Lazima tuwe na utaratibu wa kumaliza mambo ili tuweze kuendelea na mengine yenye tija kwa taifa, hasa masuala ya uchumi.

Mheshimiwa Rais, wananchi wanajua namna ulivyo na moyo wa huruma na upendo kwa watu wako. Wakati fulani Sinza tulifungiwa barabara karibu saa nzima, baadaye tukaambiwa kuwa ulikuwa ukienda kuhani msiba wa ndugu wa mmoja wa wasaidizi wako. Kwa siku za karibuni katika jiji la Dar es Salaam na miji mingine nchini umeshiriki sana kuhani na hata mazishi ya wapendwa wetu wengi. Umewajulia hali wagonjwa hopitalini na hata nyumbani. Bila shaka hata kama ningekuwa mimi, kitendo cha kutembelewa na Rais wa nchi nyumbani au hospitalini ni cha kufurahisha na kunitia moyo. Naweza kukiongeza kwenye “CV” yangu!

Lakini, Mheshimiwa Rais, wananchi huku mitaani wanasema umezidisha. Wanasema si lazima kila msiba uhudhurie, na wala si kila mgonjwa lazima umjulie hali wewe mwenyewe kwa kufika. Wanasema kama ungeweza, basi ungekuwa ukiwatuma wawakilishi wako, na kwa kweli kwenye msiba zikitolewa salaamu na ubani kutoka kwa Mheshimiwa Rais, naamini kila mmoja atasisimkwa na kuguswa na upendo wa kiongozi wetu mkuu. Mgonjwa anapokuwa hospitalini, akapata salaamu rasmi kutoka kwa Rais, atafarijika. Hawezi kuzikataa eti kwa sababu Rais kamtuma mwakilishi. Wanasema, ingawa watu wote ni sawa mbele ya Mungu, bado kuna ukweli kwamba akiugua jenerali, waziri, katibu mkuu, ni tofauti na atakavyougua mtendaji wa kitongoji, mjumbe wa nyumba kumi, mwana muziki wa Bongo Fleva mchuuzi au mwandishi wa habari wa aina yangu!

Hili jambo linazungumzwa sana jijini Dar es Salaam. Sijui ni kwa sababu gani, lakini unaweza kuamini kuwa Dar es Salaam wanalalamika kwa sababu mara nyingi wamezuiwa kwenye foleni kwa sababu, ama Rais anakwenda kuhani msiba, au anatoka kumjulia hali mgonjwa hospitalini. Mheshimiwa Rais, haya maneno yanazungumzwa sana. Inawezekana ukawa umeyapata. Kama hayajakufikia, basi naomba kupitia waraka huu, ujue hizi ndizo hisia za watu. Wanataka kuona ukishughulika zaidi na kero zinazowakabili. Kero zinazohusu taifa zima lenye watu zaidi ya milioni 40, na si kwenda huku na kule kwa mambo binafsi.

Mheshimiwa Rais, huku mitaani wanasema kwamba umeshindwa kuboresha uchumi kwa sababu wewe ukiwa kiongozi mkuu, umeacha mambo yajiendeshe yenyewe. Ni kama umeridhika. Umeshindwa kuwakemea waziwazi viongozi wanaopoteza muda kujadili mambo yasiyokuwa na tija, na umeendelea kuwalea wanaonekana kuwa ni mzigo.

Kwa mfano, wanajiuliza, iweje Waziri aliye katika Baraza lako la Mawaziri, awe na ugomvi hadharani na mawaziri wenzake? Iweje waziri mmoja asimame na kuitaka Serikali iwaombe radhi wananchi kwa ukosefu wa umeme na huduma nyingine za kijamii? Je, huyu anakuwa wapi wakati Baraza la Mawaziri linapokutana kujadili mambo yanayolihusu taifa? Wanajiuliza, iweje waziri awe mgonjwa, Waziri Mkuu aulizwe, na yeye ajibu kuwa mwenye haki ya kueleza ugonjwa unaomsibu ni waziri mwenyewe, lakini ajitokeze waziri mwingine na kusema ni lazima Serikali isema huyo waziri mwenzao anaumwa nini? Hivi ni haki kweli kwa Serikali yako kubebeshwa mzigo wa kuzungumzia ugonjwa wa waziri, tena ugonjwa ambao si wa ajali? Je, tuna hakika kuwa waziri huyo ugonjwa wake unatokana na majukumu yake ya kitaifa, na si mambo mengine binafsi? Kweli ugonjwa wa waziri unaweza kuwa mjadala wa kitaifa hadi wananchi washindwe kufanya mambo mengine ya kimaendeleo? Kwanini afya ya waziri itutatize kana kwamba anayeumwa ni rais wa nchi? Kama ugonjwa wa waziri tu, Serikali inalazimishwa iutangaze, rais akiugua, ugonjwa unaomsumbua utangazwe na Katibu Mkuu wa Umoja wa Mataifa?

Mheshimiwa Rais, wananchi wengi wanaamini kuwa kuyumba kwa mambo kunatokana na wewe mwenyewe. Wanatoa mfano kuwa ili mabehewa yaweze kusafiri, ni lazima injini iwe inafanya kazi, na tena iwe inavuta mabehewa yasiyo na matatizo ya kiufundi. Injini ikiwa na kushkeli, mabehewa hayawezi kutekeleza wajibu wake. Injini ikiwa nzuri, lakini mabehewa yakawa na matatizo ya magurudumu au ya kiufundi, safari haipo. Dawa yake ni kuyaondoa na kuweka yaliyo salama. Katika hili, wewe unachukuliwa kuwa ni injini, hivyo una wajibu wa kuwaonyesha njia viongozi walio nyuma yako. Lakini kama wewe mwenyewe huwafanyi walio nyuma yako wafanye kazi, kwanini wabebeshwe lawama?

Mheshimiwa Rais, leo naomba niishie hapa. Nitaendelea na waraka huu wiki ijayo. Ninayasema haya kwa nia njema ili ikiwezekana, yakusaidie katika kutekeleza dhima yako kubwa uliyoaminiwa na kukabidhiwa na Watanzania.

Manyerere J. N

0759 488 955

MSAMA TAMASHA LA PASAKA

2012-02-13T18:42:00.000+03:00

NA SAMIA MUSSA

ZAIDI ya watu milioni moja wenye matatizo wanatarajia kufaidika na Tamasha la Pasaka litakapotimiza miaka 20, tangu kuanzishwa kwake na kufanyika katika mikoa mbalimbali nchini.

Akizungumza hivi karibuni jijini Dar es Salaam, Mwenyekiti wa tamasha hilo, Alex Msama, alisema tamasha hilo limelenga kiwasaidia watanzania, hivyo limekusudia kuwasaidia watanzania milioni moja kwa kuwapatia misaada mbalimbali.

Walengwa katika misaada hiyo ni wasiojiweza, walemavu, wajane na watoto yatima ambao wanasaidiwa fedha za ada na matumizi mbalimbali ya shule.

Msama alisema lengo lake kubwa la tamsha hilo litakapotimiza miaka 20 tangu kuanzishwa kwake, watanzania wasiopungua milioni moja wawe wamenufaika nalo, ambapo mwaka huu ni la kimataifa.

“Tusiitegemee Serikali kwa kila kitu, haiwezi kumsaidia kila mtu, vitu vingine tunatakiwa tufanye wenyewe kwa ajili ya kusaidia wenzetu kupitia vyanzo mbalimbali kama hili tamasha,” alisema.

Msama alisema kuwa, maandalizi ya tamasha la mwaka huu yanaendelea vizuri, ambapo tayari wamepatiwa kibali na litafanyika sehemu ya wazi ili liweze kushuhudiwa na wadau wengi wa muziki huo.

Licha ya maandalizi kuanza mapema, Msama alisema tamasha hilo la kimataifa litawahusisha waimbaji wa muziki huyo wa kimataifa ambao watatangazwa hapo baadaye.

Msama aliwataka waimbaji wazawa kuhakikisha mwaka huu, wanatumia vyombo vya muziki moja kwa moja, kwani suala la CD linaweza lisitumiwe.

“Wasanii mwaka huu watakuwa wengi zaidi ya mwaka jana, nawaomba waimbaji wa nyumbani wasitumie CD, kama ilivyokuwa mwaka jana nusu nzima ya wasanii walitumia,” alisema

Mbali ya mandalizi hayo kuendelea, wamekuwa na wakati mgumu kuamua tamasha hilo lifanyike mkoa gani kwasababu mikoa kama Mbeya, Kilimanjaro, Mwanza na Morogoro imeomba baada ya kufamnyika Jijini Dar es Salaam Aprili nane lihamie huko.

“Hatujajua litaelekea wapi baada ya Dar es Salaam, ila tuko katika mazungumzo kuona lifanyike mkoa gani kati ya mikoa hii iliyoomba baada ya siku chache tutatoa taarifa rasmi litaendelea wapi,” alisema

MAALIM SEIF NA KATIBA MPYA

2012-02-13T18:35:00.000+03:00

Na Zahira Bilali na Khadija Khamis-Maelezo Zanzibar 13/02/2012.

MAKAMU wa Kwanza wa Rais wa Zanzibar, Maalim Seif Sharif Hamad amesema

jambo linalowagusa zaidi Wazanzibari katika kuelekea kupata Katiba Mpya ya Jamhuri

ya Muungano ni kuwa na mfumo wa Muungano ambao hauwabani Wazanzibari katika

nyanja zote ikiwemo kisiasa, kiuchumi na kijamii.

Amesema, kwa Wazanzibari ambao tayari wanayo Katiba yao iliyo sawa na ile ya

Jamhuri ya Muungano, suala kubwa wanalopaswa kulizingatia ni kuwepo katiba mpya

itakayotoa haki sawa kati ya pande mbili za Muungano huo, bila ya kuwepo dhana ya

mkubwa au mdogo.

Maalim Seif ameyasema hayo leo huko hoteli ya Bwawani mjini Zanzibar, wakati

alipokuwa akifungua mkutano wa pili wa Hali ya Siasa Zanzibar, ulioandaliwa na

Mpango wa Utafiti na Elimu ya Demokrasia Tanzania (REDET) wa Idara ya Sayansi ya

Siasa na Utawala Chuo Kikuu cha Dar es Salaam.

“Wazanzibari watakuwa na fursa ya kipekee kuamua aina gani ya Muungano wenye

maslahi kwao, uwe kama ulivyo sasa, uwe Muungano wa serikali tatu au Muungano

wa mkataba kwa mambo watakayo kubaliana pande mbili, badala ya ule wa kufungana

kikatiba”, alisema Maalim Seif.

Makamau wa Kwanza wa Rais wa Zanzibar, alisema jambo la muhimu katika

kufanikisha lengo hilo, ni wananchi kote Zanzibar wanapaswa wajipange vizuri, ili

wakati wa kutoa maoni utakaofika waweze kutoa maoni juu ya katiba mpya yenye

maslahi kwao.

Alieleza kwamba, yeye pamoja na viongozi wengine kama vile Rais Dk. Ali Mohammed

Shein na Makamu wa Pili wa Rais, Balozi Seif Ali Idd na viongozi wengine wamekuwa

wakiwahimiza wananchi wa Zanzibar kufuatilia kwa makini mchakato wa kupata katiba

hiyo mpya, itakayokuwa na maslahi kwa wananchi wa Zanzibar na wenzao wa Tanzania

Bara.

Maalim Seif alisema malengo hayo yatakapoweza kufikiwa migogoro, malalamiko na

manung’uniko mengi ambayo yamekuwa yakijitokeza tokea Muungano huo ulipoasisiwa

mwaka 1964, yataweza kupungua na kuondoka kabisa.

Akizungumzia Serikali ya Umoja wa Kitaifa Zanzibar, Maalim Seif alisema mfumo

huo wa serikali umeleta faida kubwa kwa Zanzibar, tokea ulioanzishwa zaidi ya mwaka

mmoja uliopita, ikiwemo kuondoa kabisa tabia ya mivutano inayotokana na itikadi za

kisiasa.

Alisema huko nyuma kabla ya kufikiwa maridhiano wananchi wa Zanzibar walikabiliwa

na mifarakano ya hali ya juu, hali iliyosababisha kwa kiasi kikubwa maendeleo yao kusua

sua.

Alieleza kuwa kupatikana kwa maridhiano ya kweli na baadaye kuundwa serikali ya

aina hiyo, kumelata umoja miongoni mwa wananchi na hivi sasa Wazanzibari wote

wanachangia na kushiriki katika harakati za maendeleo ya nchi yao.

Alisema miongoni mwa wananchi hao ni wale ambao kwa muda mrefu wamekuwa

wakiishi nje ya Zanzibar, ambao hivi sasa wamekuwa na hamu kubwa ya kuona Zanzibar

inapia hatua kubwa ya maendeleo.

“Wazanzibari wanaoishi nje wamekuwa wakieleza kufurahishwa kwao na maelewano

yetu, baadhi yao hivi sasa wanajumuika kusaidia wenzao kwa kuleta misaada na

vifaa kama vya elimu na afya na wengine wanafuatilia hatua za kufungua miradi ya

uwekezaji”, alisema Maalim Seif.

Alifahamisha kuwa faida kubwa nyengine zinazopatikana hivi sasa ni kuonesha

mshikamano wa wanajamii wote, kama hali iliyojitokeza mwezi Septemba mwaka jana,

baada ya kutokea maafa ya kuzama kwa meli ya MV. Spice Islander, jambo ambalo

huko nyuma wakati kukiwa hakuna maelewano, mshikamano kama huo usingeweza

kupatikana.

Alisema mbali na wananchi wenyewe wa Zanzibar, pia wawekezaji vitegauchumi kutoka

nje ya nchi wameridhishwa na hali ya amani na utulivu, amabyo ni muhimu katika

shughuli za kufungua miradi ya kiuchumi.

Akizungumzia changamoto zinazojitokeza kwenye serikali ya Umoja wa Kitaifa, Maalim

Seif alisema kati ya hizo ni kuwepo baadhi ya viongozi na watu ambao hawafurahishwi

na Maridhiano ya Wazanzibari.

“Watu hao ni wachache, baadhi yao wamekuwa wakijaribu kutia fitna, ili kuvuruga

maelewano, kwa bahati mbaya yapo magazeti machache yanayotolewa Tanzania Bara

ambayo yamepania kuleta chokochoko, ili kuvuruga kuaminiana kuliko jengeka”, alionya

Maalim Seif.

Hata hivyo, Makamu wa Kwanza wa Rais, ambaye pia ni Katibu Mkuu wa Chama cha

Wananchi CUF, alisema azma ya watu hao wachache haitafanikiwa na badala yake

mshikamano na umoja miongoni mwa Wazanzibari utaendelea kuimarika.

Alisema kwamba watu hao wenye mawazo tenganishi watashindwa, kwasababu

wananchi wengi wa Zanzibar wanaona hali ya umoja na maelewano miongoni mwao ina

faida kubwa zaidi kuliko kutengana.

IMETOLEWA NA MAELE ZANZIBAR

AY, MWANA FA, CHEGGE, TEMBA, DOGO ASLAY WAFANYA ‘KURUFU’ DAR LIVE

2012-02-13T18:23:00.000+03:00

East African Melody wakiwa kazini

Mwanamuziki wa 'Twanga Pepeta', Luiza Mbutu, akiimba na kucheza.

KITUO cha maraha cha Dar Live kilichoko Mbagala jijini Dar kilirindima kwa vifijo vya burudani ya muziki kutoka vikundi mbalimbali vya wasanii.

Ilikuwa ni ‘kufuru tupu’ wakati wasanii AY akishirikiana na Mwana FA walipotoana jasho na wenzao kina Chegge na Temba kutoka katika kundi la Wanaume Family yote hayo yakisindikizwa na burudani kutoka kundi la taarab la East Africa Melody, Wakali Dancers, Dogo Aslay, Shilole na bendi ya muziki wa dansi ya African Stars 'Twanga Pepeta.. AY (kushoto) na Mwana FA wakikamua.

Temba akichana mistari.

Uwazi publishers

WAZIRI MWINYIHAJI AONGELEA MIPANGO YA WIZARA YAKE

2012-02-13T17:07:00.000+03:00

Na Ramadhan Ali-Maelezo Zanzibar 13.2.2012

WIZARA ya Nchi Ofisi ya Rais na Mwenyekiti wa Baraza la Mapinduzi katika mwaka wa fedha 2011/2012 imelenga kutekeleza mipango iliyowekwa katika dira ya 2020, maendeleo ya milenia, kukuza uchumi na kupunguza umaskini pamoja na kutekeleza ilani ya ccm ya 2010-2015.

Akizungumza na waandishi wa habari katika ukumbi wa zamani wa baraza la wawakilishi Kiwajuni kuhusu majukumu, malengo, mafanikio pamoja na mikakati ya wizara hiyo kwa kipindi cha Julai mpaka Disemba 2011, waziri wa wizara hiyo Mh. Mwinyihaji Makame amesema kipaumbele kimewekwa katika kuendeleza umoja wa kitaifa, utoaji huduma na kuwashajiisha wazanzibari wanaoishi nje kuchangia maendeleo ya kijamii na kiuchumi.

Amesema Wizara hiyo imeweza kutekeleza malengo yake iliyojiwekea ya nusu mwaka kama ilivyojipangia, ikiwemo kukuza mashirikiano ya kikanda na kimataifa, kwa ufanisi na mafanikio makubwa.

Hata hivyo Mh. Mwinyihaji Makame amesema pamoja na mafanikio hayo wizara inakabiliwa na changamoto mbali mbali katika utekelezaji wa majukumu yake ikiwemo uhaba wa vitendea kazi na watendaji wenye taaluma kwa baadhi ya kada na ukosefu wa nafasi za kufanyia kazi pamoja mlundikano wa mahabusu magerezani.

Amesema Wizara ya Nchi Afisi ya Rais na Mwenyekiti wa Baraza la Mapinduzi imepanga mikakati mbali mbali katika kukabiliana na changamoto zinazoikabili wizara hiyo ikiwa ni pamoja na kuajiri wafanyakazi wapya kwa mujibu wa mahitaji ya wataalamu hasa katika mikoa, wilaya na halmashauri ili kuongeza ufanisi.

Dk. Mwinyihaji amefanya mkutano huo na waandishi wa habari ikiwa ni mwendelezo wa utekelezaji wa agizo la Rais Shein kwa Mawaziri kutoa taarifa kwa wananchi kuhusu mafanikio na changamoto za utekelezaji katika Wizara zao

MWADUI YAHAMIA IRINGA

2012-02-13T15:36:00.000+03:00

Mkazi huyo wa eneo la M.R Hotel Miyomboni katika Manispaa ya Iringa ameibuka kuwa mkali wa wiki hii katika safu ya mtandao huu baada ya kukutwa akichimba madini ndani ya chumba chake zioezi lililoanza zaidi ya wiki tatu sasa bila ya kukutana na madini hayo
Polisi wakiingia kutazama machimbo hayo ndani ya nyumba ambako limechimwa shimo lenye andaki kubwa zaidi ya futi 60 sasa Naibu meya wa Manispaa ya Iringa Grevas Ndaki kushoto akiwahoji wachimbaji wa madini hao ambao wamekuwa wakichimba madini hayo bila kibali cha manispaa japo yapo maneno kuwa si madini ya kawaida

Chanzo:http://www.francisgodwin.blogspot.com/

Kwanini Zambia Wameweza Kuuangusha ' Mbuyu'- Ivory Coast?

2012-02-13T09:27:00.000+03:00

Ndugu zangu,

Ukitaka kuukata na kuuangusha mbuyu usianze kufikiria unene wake. Jana usiku jirani zetu Zambia wameafanya maajabu ya soka. Vijana wa Chipolopolo wamatwaa ubingwa wa Afrika kwa kuwafunga Ivory Coast.

Ndio, Zambia jana wametufanya tujisikie, kuwa; “ We are all Zambians”. Kwamba sote ni Wazambia.

Siri ya ushindi wa Zambia?

Ni Uzambia. Ni utaifa. Ni uzalendo. Tuliwaona vijana wa Chipolopolo wanaojituma uwanjani. Vijana waliokuwa tayari kufia uwanjani, Vijana kama akina Kampamba, Mulenga, Sunzu, Nkausu, Chansa na wengineo.

Na katika maisha, ili mwanadamu afanikiwe unahitaji kuwa na ‘ K’ tatu; Kujitambua, Kujiamini na Kuthubutu.

Vijana wa Chipolopolo wamejitambua. Wameijua historia yao. Wamejua walikotoka. Wamejua, kuwa kuna baba zao, mwaka 1993 walikuwa njiani kwenda Senegal kucheza mechi muhimu kufuzu kutafuta tiketi ya kucheza Kombe La Dunia. Usafiri ulikuwa mgumu. Walipanda ndege ya jeshi. Ndege ilianguka pwani ya Gabon, wachezaji wote 18 walipoteza maisha. Walikufa kwa ajili ya nchi yao.

Ndio maana jana, kwa kuitambua historia hiyo. Wazambia wale waliingia uwanjani wakiwa tayari kufia uwanjani kwa ajili ya nchi yao. Tulimwona beki Joseph Mussonda akiumia vibaya. Alijikaza kuendelea. Ikaonekana haiwezekani kabisa. Akatolewa nje. Alitokwa na machozi kwa muda mwingi. Si kwa maumivu ya mguu tu, ni kwa kuona uchungu wa kukosa kuwa uwanjani kuipigania nchi yake. Huo ni moyo mkubwa wa uzalendo. Wazambia wale hawakuwa wakifikiria posho zao, bali taifa lao. Na hakuna ahadi yoyote ya fedha waliyopewa kabla ya mechi ya jana.

Ndio, Wazambia wale walionyesha kujiamini sana. Walicheza mpira wao. Walikuwa focused muda wote.Hawakujali majina makubwa kama ya akina Drogba, Kolo Toure, Yahya Toure, Koite, Gervinjo, Gosso Gosso na mengineyo. Hawakujali kama walicheza na nyota wanaovichezea vilabu vikubwa huko Ulaya. Chipolopolo walicheza mchezo wao. Mwanzo hadi mwisho. Hata pale Ivory Coast walipokuwa wakijaribu kubadilisha mbinu na hata kubadilisha nafasi za wachezaji uwanjani, bado Zambia waliendelea kucheza mpira wao.

Kuna mengi ya kujifunza kutoka kwa jirani zetu wa Zambia. Nitaendelea na uchambuzi wangu…

Maggid Mjengwa,

Iringa.

Jumatatu, Februari 13, 2012

WASANII WAJENGA KIJIJI MKURANGA

2012-02-13T07:57:00.000+03:00

Waandishi wa habari za michezo pamoja na wasanii, wakitembea kwa ajili
ya kwenda kuangalia ujenzi unaoendelea wa nyumba zao, katika kijiji
cha Mwanzega Kimbiji Tarafa ya Mkuranga Chingungweni Mkoa wa Pwani
jana kutoka kulia ni Tomm Chilala, Kibwana Dachi na Kikumbi Mwanza
Mpango ' King Kiki'.(picha na www.burudan.blogspot.com)

Mwenyekiti wa Mtandao wa Wasanii Tanzania (SHIWATA) Cassim Taalib
(kulia) akiwa na wajumbe pamoja na viongozi wa mtandao huo
walipokwenda kuangalia ujenzi unaoendelea wa nyumba zao, katika kijiji
cha Mwanzega Kimbiji Tarafa ya Mkuranga Chingungweni Mkoa wa Pwani
jana wa pili kulia ni Ahmed Olotu 'Chilo' Kikumbi Mwanza Mpango ' King
Kiki' Katibu wa mtandao huo, Selemani Pembe.(picha na
www.burudan.blogspot.com)

Mwenyekiti wa Mtandao wa Wasanii Tanzania (SHIWATA) Cassim Taalib
(katikati) akimwelekeza Sheikh Majaliwa Selemani aliekwenda kuangalia
maendeleo ya kijiji cha Mwanzega Mkulanga Tarafa ya Chingungweni,
zinapojengwa nyuma kwa ajili ya wasanii Sheikh Majaliwa , alitoa Ahadi
ya kujenga Msikiti na Madrasa itakayofadhiliwa na African Relief
Comettee Kuwait (picha na www.burudan.blogspot.com)

ZAMBIA MABINGWA AFRIKA-2012

2012-02-13T06:57:00.000+03:00

Zambia imechukua ubingwa wa Kombe la Mataifa ya Afrika 2012 baada ya kuwafunga Ivory Coast kwa mikwaju ya penati 7-8.

Mchezo huo ulimaliza dakika 90 za kawaida, kabla ya kwenda muda wa ziada, na hadi katika mikwaju ya penati.

Awali nahodha wa Ivory Coast, Didier Drogba alikosa penati ambayo ingeipa ushindi kabla ya kumalizika kwa dakika 90 za kawaida.

Ivory Coast wamekosa penati 2 kati ya walizopiga ambapo Kolo Toure na Gervinho walikosa mikwaju hiyo.

Ivory Coast wataendelea kusubiri kunyakua kombe hilo, licha ya kuwa na wachezaji kadhaa wanaocheza Ulaya hasa katika Ligi Kuu ya England.

Tembo wa Ivory Coast walipoteza katika mchezo wa fainali mwaka 2006 dhidi ya Misri kwa mikwaju ya penati.

Lakini kwa Chipolopolo, ambao wamewahi kushika nafasi ya pili mara mbili, wamemaliza kwa ushindi kwa kuhanikizwa na vifo vya wachezaji wenzao mwaka 1993, baada ya ndege yao kuanguka karibu na uwanja ilipochezewa fainali mjini Libreville.

Mara ya mwisho kwa timu hiyo kutoka Kusini mwa Afrika kufika fainali ilikuwa mwaka 1994, mwaka mmoja tu baada ya wachezaji 18 wa nchi hiyo kupata ajali ya ndege karibu na mji mkuu wa Gabon.

Wakielekea katika mchezo wa fainali, wachezaji hao wa sasa walisema wanahisi nguvu kutokana na kukumbuka janga lililowapata wenzao.

Kwa kushinda mchezo wa fainali, wameonesha dhamira ya kuwashinda wapinzani wao ambao walikuwa wakipewa nafasi kubwa ya kupata ushindi.

BURUDANI HAINA ITIKADI

2012-02-13T06:31:00.000+03:00

Wana CCM wakiserebuka na wenzao wa CHADEMA wakati gari ya matangazo ya CHADEMA ilipokuwa ikipiga wimbo na kuburudisha.tuendeleze siasa za kirafiki namna hii.CCM imeshinda uchaguzi huo na CHADEMA wamekuwa wa pili

Mdau

CCM YASHINDA UZINI

2012-02-13T06:27:00.000+03:00

Chama cha Mapinduzi

5377

Chama cha Demokrasia na maendeleo

281

Chama cha Wananchi

223

TADEA

FFP

Kura zilizopigwa

5902

Kura zilizoharibika

Wasiopiga kura

2852

NEC ya CCM - Yaridhia mabadiliko ya Katiba ya CCM

2012-02-13T06:12:00.000+03:00

Sehemu ya wajumbe wa halmashauri Kuu ya CCM katika mkutano huo

Mwenyekiti wa CCM Rais Jakaya Kikwete akiwa meza kuu na Rais wa Zanzibar Dkt Mohamed Ali Shein, Makamu Mwenyekiti wa CCM (Visiwani) na Rais Mstaafu wa Zanzibar Dkt Amani Abeid Karume, Rais Mstaafu wa awamu ya Pili Alhaj Ali Hassan Mwinyi, Makamu Mwenyekiti wa CCM (Bara) Mh Pius Msekwa na Katibu Mkuu wa CCM Mh Wilson Mkama kabla ya kuanza kwa mkutano wa Halmashauri Kuu leo katika jengo la White House la Makao Makuu ya chama hicho mjini Dodoma leo February 12, 2012

Picha na IKULU

Taarifa kwa vyombo vya habari

Utangulizi:
Halmashauri kuu ya chama cha mapinduzi imefanya kikao chake maalum chini ya mwenyekiti wake wa taifa dr. Jakaya mrisho kikwete tarehe 12.02.2012. Katika kikao hicho halmashauri kuu ya taifa pamoja na mambo mengine imeamua;

Kufanya marekebisho ya katiba ya ccm ya 1977, toleo la 2010 na kanuni zake.

Halmashauri kuu ya taifa imeridhia marekebisho ya katiba ya CCM ya 1977, toleo la 2010 hivyo kubadili namna ambavyo wajumbe wa halmashauri kuu ya CCM taifa inavyopatikana.

Kwa mujibu wa mabadiliko hayo wajumbe wa halmashauri kuu ya taifa ya CCM watakuwa katika makundi yafuatayo:-
(a) ngazi ya taifa
wajumbe 10 kutoka tanzania bara
wajumbe 10 kutoka tanzania visiwani
(b) wajumbe 10 wa kuteuliwa na mwenyekiti wa CCM taifa
(c) wajumbe wanaoingia kwa nafasi zao.
(d). Wajumbe wanaotoka kwenye vyombo vya uwakilishi
i. Wanaochaguliwa na bunge 10 (bara 8, zanzibar 2)
ii. Wanaochaguliwa na blw 5 (zanzibar 5)
(e). Wajumbe wanaochaguliwa kutoka wilayani.-221
wajumbe wa halmashauri kuu ya taifa waliochaguliwa kupitia wilaya watakuwa ni viongozi wa kazi za muda wote ili kuweka wazi zaidi wajibu wa wajumbe hao wa kuwa karibu na wanachama na kushughulikia shida zao.
(f). Wajumbe toka kwenye jumuiya za chama
i. Wanaochaguliwa na uwt 15 (bara 9, zanzibar 6)
ii. Wanaochaguliwa na uvccm 10 (bara 6, zanzibar 4)
iii.wanaotokana na wazazi 5 (bara 3, zanzibar 2)

Aidha halmashauri kuu ya taifa imeamua kuwa viongozi wakuu wastaafu ngazi ya taifa waundiwe baraza la ushauri.
Baraza hilo litakuwa na wajumbe wafuatao:-
• marais wastaafu wa jamhuri ya muungano wa tanzania ambao walikuwa wenyeviti wa ccm taifa.
• marais wastaafu wa zanzibar ambao pia walikuwa makamu wenyeviti wa ccm taifa.
• makamu wa mwenyekiti wa ccm taifa wastaafu.

Baraza litakuwa na kazi ya kutoa ushauri kwa chama cha mapinduzi na serikali zinazoongozwa na ccm, kwa madhumuni hayo hayo katika jambo mahsusi. Wajumbe wa baraza hilo wanaweza pia kualikwa ama wote au mwakilishi wao kuhudhuria vikao vya chama ngazi ya taifa.
Imetolewa na:

Nape M. Nnauye.
Katibu wa NEC wa itikadi na uenezi

WATEJA WA M-PESA KUNUFAIKA ZAIDI

2012-02-13T06:04:00.000+03:00

· Yashusha Gharama za m-pesa kwa 75%

· Kiwango cha kuongeza salio kwa m-pesa nacho chaongezwa hadi 25%

Kampuni ya huduma za simu za mkononi inayoongoza nchini leo imetangaza kwa mpigo kwa wateja wake nchini jumla ya ofa 4 zitakazowafanya kuzidi kufaidika, kuwezeshwa na kufurahia zaidi huduma za Vodacom m-pesa.

Wateja wa m-pesa sasa wamepunguziwa gharama za kufanya miamala kupitia huduma hiyo ambapo sasa kila muamala utagharimu Shilingi 50 ikiwa ni punguzo la asilimia 75. Wakati huo huo Vodacom ikiongeza kiwango ambacho mteja anaweza kununua muda wa maongezi kupitia huduma hiyo ya m-pesa hadi asilimia 25 kutoka asilimia 10 ya sasa.

Katika taarifa yake kwa vyombo vya habari Mkurugenzi Mtendaji wa Vodacom Bw. Rene Meza amesema”Tunatambua ni kwa kiwango gani huduma ya m-pesa imekuwa ya umuhimu kwa maisha ya kila siku ya Watanzania, hivyo ni jambo la muhimu pia kwetu kuwapatia ofa zinazoakisi matumizi yao na kuyafanya kuwa rahisi na nafuu zaidi.” “Hii ndio dira yetu kwa mwaka huu na kuendelea” Alisema Bw. Meza.

Ofa nyengine iliyotangazwa na kampuni ya Vodacom Tanzania ni inayomwezesha mteja wa m-pesa sasa kuweza kutuma kiasi cha chini zaidi cha fedha cha shilingi 500 kupitia simu yake ya mkononi. Bw. Meza ameielezea ofa hii kuwa inalenga kuhakikisha kila Mtanzania bila kujali hali yake ya kiuchumi anafaidika na huduma bora,salama, ya uhakika na kuaminika ya m-pesa.

Aidha, pamoja na ofa hizo, kampuni ya Vodacom imezindua pia promotion ya m-pesa ambapo jumla ya Shilingi 480 Milioni zitashindaniwa na wateja kadri ambavyo wanavyotumia huduma ya m-pesa.

Katika promosheni hii wateja 100 watakuwa wakijishindia zawadi ya fedha taslimu za kitita cha Shilingi 50,000 kwa kila mshindi kupitia droo zitakazochezeshwa kila siku huku droo kuu ya kila mwezi kwa miezi mitatu ikitoa mshindi wa Shilingi 10 Milioni. Promosheni hiyo itadumu kwa siku tisini kuanzia Februari 13, mwaka huu.

“Dhamira yetu ni ya dhati kuhakikisha wateja wetu wanakuwa na furaha wakati wote na huku tukiwawezesha kadri wanayotumia huduma ya MPESA. Tutaendelea kuboresha mfumo wa m-pesa sambamba na huduma zinazopatikana katika MPESA ili izidi kuendana na mahitaji halisi ya maisha ya kila siku ya wateja.” Alisema Bw. Meza.

Kupitia huduma ya m-pesa mteja anaweza kufanya malipo kwa huduma mbalimbali za kijamii ikiwemo kununua umeme – LUKU, kulipia DAWASCO na DSTV. Aidha huduma ya m-pesa inaweza pia kutumika kulipia tiketi za usafiri wa ndani wa anga kwa mashirika ya ndege ikiwemo Precision Air na Coastal Air, kulipia ada za shule, kuweka na kutoa fedha katika akaunti ya benki ya CRDB na huduma nyengine nyingi.

Hakuna shaka huduma ya Vodacom m-pesa ndiyo huduma ya kibenki kupitia simu za mkononi inayoongoza nchini ikiwa na mtandao mpana wa mawakala zaidi ya 18,000 walionena nchi nzima mijini na vijijini na inayokua kwa kasi. Ubora na umashauri wa huduma hii unaifanya kampuni ya Vodacom kuzidi kung’ara na kuongoza soko la huduma za simu za mkononi nchini.

Kutoka fullshangweblog

Mkwaju Wa Penalti Wa Mwenyekiti Wenu!

2012-02-13T00:28:00.000+03:00

Iringa, jana jioni. Golini amesimama kamanda wangu. Alipogeuka nyuma akaziona nyavu zinatingishika!

The Nyalukoloz!

2012-02-12T23:18:00.001+03:00

Iringa, leo jioni.

Utabiri Wangu: Zambia 2, Ivory Coast 1

2012-02-12T22:19:00.000+03:00

FAINALI LEO NANI ZAIDI?

2012-02-12T15:54:00.000+03:00

Chipolopolo

Ivory Coast

"Tabora iliyodidimia inahitaji kuinuliwa"(michango ya wadau facebook)

2012-02-12T15:17:00.000+03:00

‎

Mwitiko kwa post ya mwenyekiti alipokuwa Tabora

"Ndugu zangu,

Leo nimetembea kwa miguu kutoka mahali nilipofikia maeneo ya Ali Hassan Mwinyi Stadium hadi Chuo Cha Ualimu kunakofanyika

mafunzo ya wanahabari. Umbali wa kilomita mbili hivi. Nimetembea nikiongea na wenyeji ambao wengi wanatembea kwa miguu.

Kuna niliyojifunza njiani. Tabora si mji wa daladala, hazizidi nne mji mzima.

Baiskeli na pikipiki ndio daladala za Tabora Mjini. Na moja kubwa linalochangia Tabora kubaki nyuma ni miundo mbinu mibovu

ikiwamo barabara na ukosefu wa usafiri wa uhakika wa treni umechangia kurudisha nyuma maendeleo ya Tabora.

Na lingine ni attitude ya umwinyi ya baadhi ya watu wa Tabora Mjini. Jana nimezunguka sana kutafuta vocha ya simu, naambiwa

kuna wenyeji ambao hawataki kufanya biashara ya vocha ambayo faida yake yaweza kuwa shilingi elfu nne kwa vocha za laki moja!

Tabora inahitaji muingiliano zaidi na watu wa mengine. Miundo mbinu itawezesha hilo.

Naam, Tabora iliyodidimia inahitaji kuinuliwa, na wenye jukumu la kwanza la kuifanya kazi hiyo ni Wana-Tabora wenyewe."

Maggid Mjengwa,

Tabora, Januari, 26, 2012 — with John Leonce Mihambo.

Like · · Unfollow post · 26 January at 17:22

Steven Itimba Sambali, Hamisi Masoud Mtwale, Vincent Mhangwa and 20 others

like this.

Na Muandishi Wetu

mjengwa yuko sa hihi, kunamaeneo tumebadilika, ila kwa yy mgeni

ambae kafika mara ya kwanza hajui wapi tulikuwa. ila tunapaswa

kujifunga mkwiji kama kweli tunataka tutoke hapo alipopaona kaka

MJENGWA. JUZI kulikuwa na mkutano wa wakuu wa ka...See more

26 January at 17:27 · Like

Kalugulu Malugu jamaa katuchana kweli! tena katupa za uso! ss hebu ona

hiyo nyumba ni katikati ya tabora tena kona ya kwenda stendi mpya hivi

inaleta taswira gani? jamani aibu! TABORA ITAJENGWA NA WANA

TABORA

26 January at 17:32 · Like · 1

Na Muandishi Wetu "Naam, Tabora iliyodidimia inahitaji kuinuliwa,

na wenye jukumu la kwanza la kuifanya kazi hiyo ni Wana-

Tabora wenyewe." NIKIRUDIA HII KAULI YAKE NAHISI

KIZUNGUZUNGU,"TABORA ILIYODIDIMI!" hivi kwao iringa pale

katikati hakuna nyumba kama hizi?

26 January at 17:36 · Like · 2

Nassoro Shaban jamani wageni wakitukosoa tukubali, anaekuambia

unamatongo tongomachoni anakupenda kuliko yule anae ona aibu

kukwambia nakukuacha kuaaibike mbele za watu. tuchukue hatua, ss

daladala 4 manispaa au kijiji?

26 January at 17:40 · Like

Na Muandishi Wetu mi sijabisha ila jamaa kashangaa kama hajawahi

kuona mji kama huu! na hiyo nyumba ndo katundika kwenye ka blog kake

yaani ijenge taswira nchi nzima tabora ndio nyumba zote ziko hivyo?!

Nassoro Shaban

26 January at 17:45 · Like · 3

Apollo Ndali mji wetu ulipewa Manispaa KIUJANJA UJANJA hauna

hadhi hyo, tupambane kwa pamoja tuupe hadhi, tupunguze siasa, daladala

tumeziua wenyewe zilikatazwa hizi baiskeli hapa mjini na ziliisha kabisa

ikaingia siasa zikarudi. mfanya biashara gani ss alete daladala kwenye hii

vurugu ya baiskeli. eti soko kuu halina hata choo uliwahi kuona wapi?

26 January at 17:50 · Like

Adelaida Kanyanga napita....

26 January at 17:53 · Like

Na Muandishi Wetu hahaha "UMWINYI"

26 January at 17:59 · Like

Maganga Lucas Confidentiality iko wapi?

26 January at 19:20 via Mobile · Like

Elias Kigula Mlundwa yeah, old is best

26 January at 20:57 · Like · 1

Elias Kigula Mlundwa wakat magorofa mjini yanaanguka

26 January at 20:58 · Like

Hamisi Kimwaga Daah inatia uchungu mkoa wetu kila kitu kipo juu

hususani vyakula,kila kibaya tunatolewa mfano mkoa wetu hivi ni nini

jamani?tukaze buti wanatabora

26 January at 21:00 via Mobile · Like

Masanja Samambale Kalukensa

Naunga mkono comments za "Na Muandishi Wetu" Huyu mjengwa kama

katumwa vile kuja kuidhalilisha mboka manyema yaani ukiangalia ktk

hicho kiglobu uchwara chake picha zote alizoweka ni nyumba za tope

utafikiri tbr hakuna nyumba za maana!Hv una...See more

26 January at 21:14 · Like · 3

Buberwa Mwemezi mmmh...tuwe wazalendo tu tunapojadil matatizo

ya mkoa wetu..na ifike mahali tukubali kwamba matatizo yapo tena

mengi,tukianza kwa kukubali itatusaidia kutafuta njia muafaka wa

kutatua matatizo yetu haina haja ya kuchukia bila sababu za msingi,na

tusilinganishe matatizo ya mikoa mingine na Tbr,cha muhimu ni kujua

wapi tunataka tufike na tuwekeze nguvu zetu hapo.....

26 January at 22:18 · Like

Salehe Daudi Danguche

NIMEZALIWA TABORA....NIKIWA darasa la 1...NIKA KAA NJE

YA TABORA KWA MIAKA 8 MFULULIZO.SIKU NILIPORUDI

TABORA SIKUHITAJI MTU WA KUNIONGOZA MJINI KWANI

TOKA NILIPOONDOKA 95 mpaka 2003 niliporud hakuna kilichokuwa

KIPYA KILICHOWEZA KUNIPOTEZA...See more

26 January at 23:07 via Mobile · Like

Vicent Paschal Let us take thz as a challenge 2reach at ze apex

waungwana!

26 January at 23:42 via Mobile · Like

Homecomplex Cyprian's hio geto n kama unaelekea stand et...

27 January at 00:43 · Like

Salim Salimost Mohamed Hiyo ni kweli tupu kaka Majid

27 January at 01:04 · Like

Salim Salimost Mohamed @Na Muandishi Wetu napingana na wewe,

UKWELI NI UKWELI TU HAIJALISHI NI NANI ALIEUSEMA!

Jamani Tabora............!

27 January at 01:10 · Like

Shabani Mahenge @wazambi well done kwa nukuu.@wanatabora

hzo geto hata dar zipo nyingi tu lkn isiwe sababu ya kuendelea kuwa

hivyo.chamc

27 January at 01:46 via Mobile · Like

Na Muandishi Wetu Salim Salimost Mohamed kaka hakuna anebisha

mji wetu wa tabora unachangamoto nyingi sana, ila majid alivyo ziweka

weka nikama haja wahi kuona mji wa hovyo kama tabora katika maisha

yake, mpuuzi tu yule ukiacha brbr za kuunganisha mkoa na mkoa, tbr ndio

manispaa ya pili ukiondo moshi yenye kilomita nyingi za brbr za lami za

mjini iringa inashika nafasi ya 5 hapa nina maana brbr za manispaa.

27 January at 03:17 · Like · 1

Esther Kadamah Ngassa yap ni kweli kabisa ujakosea!

27 January at 04:54 · Like

Jackson Mosha Hayoo ndoo maisha bora kwa kila mtanzania tulio ahidiwa

na mheshimiwa rais we2.!!!,,,.,.,

27 January at 06:05 · Like

Phares Kavana

Mimi nimekaa Iringa Mafinga JKT almost Miezi sita, "Tukijongo" wkend

tulikuwa Isyonje, Ipogoro, tagamenda, Kihesa niliona hakuna tofauti na

Kiloleni, Isevya, Kanyenye nk sana labda Gangilonga ndo iko sambamba

na Cheyo.Kwa Mujibu wa hiyo h...See more

27 January at 06:16 · Like · 5

Mathias Malange Big up kamanda Wazambi.! Huo ni ukweli kamanda!

27 January at 07:39 via Mobile · Like

David Mgombele mzee mzima wazambi that's point to be kept by wana

tabora. nyumba za madebe hadi leo bado zimetamalaki. barabara za lami

nyembamba na zimejengwa kiubabaishaji sana. Niliwahi kushuhudia

barabara inayotoka roundabout ya kwenda urambo hadi stadium ya

Ali Hassan mwinyi lami ilikuwa inamiminwa kwa kutumia ndoo. Nani

anayewapa tender hawa? Manispaa imulikwe,

27 January at 10:18 via · Like · 1

Phares Kavana Hao ndio wa kuadabishwa..hakuna huruma.

27 January at 10:27 · Like

Micah Kanyatta mimi pia naamini Nassor Wazambi, wanatabora tuna kazi

kubwa tu. hawa watu wanakwenda bungeni sijui kama wanaona mbele.....

matumaini kwetu ni giza nene....

27 January at 10:50 via Mobile · Like

Na Muandishi Wetu @kavana, umemaliza kaka. nasikia hata uwanja

wa ndege wa Mwanza ulikuwa ujengwe tabora, material zote zilikuwa

zimefika hapa kwa ajili ya kujenga uwanja wa ndege wa tabora, ghafla

nduli Iddy Amin akalianzisha huko kagera, ndipo tukaachwa ukajengwa

wa MZA

27 January at 13:54 via Mobile · Like

Vincent Mhangwa Hiyo nyumba iko Isenya, MWanza Road, au Ng'ambo?

Ha ha haaaaaa. Utani tu.

27 January at 23:56 · Like

Rajabu Hamisi

Wanatabora wenzangu,

Mimi huwa namueshimu sana Mjengwa katika uandishi wake lakini

kwa hili la Tabora ameonesha mapungufu makubwa sana ya taaluma ya

uandishi. Simpingi kwamba Tabora ipo nyuma kimaendeleo ila hakuwa

structured zaidi.Nilimsha...See more

28 January at 02:36 via Mobile · Like · 2

Phares Kavana

Hakuna Investor atakaye endekeza uzalendo badala ya faida.Ni kinyume

cha kanuni za ukuaji uchumi wa Mtu na Jamii husika. Lazima kuwe na

potential market, potential market ni population ya watu wenye Uwezo wa

kununua. Uwezo wa kununua unawez...See more

28 January at 04:01 · Like

Unearther Miyeye wahoooo!!!! kweli jamani

28 January at 07:01 · Like

Steven Itimba Sambali

Tusiwe wagumu na wakali wa kuambiwa ukweli. Tuupokee tu na

kuufanyia kazi. Mgalula alishasema hapa jinsi alivyofanyiwa mizengwe

kupata kibali wakati mtu kana na hela zake kuwekeza nyumbani.

Angeliweza kabisa kwenda kuziwekeza maeneo kama Do...See more

28 January at 08:28 · Like

Phares Kavana Njia ya kuikomboa TBR ni kuiunganisha kwenye

Network ya mzunguko wa Pesa hapo ndipo fursa itakuwa sawa kwa

watu wote.Ssasa hivi wanaomudu kuinvest tabora ni watu wachache. c

kwamba hawataki lakini hali hairuhusu kupata faida. Hiy exception ya

kina mgalula wapo lakini haitoshi. Steve tunahitaji barabara Tabora That

is FACT!

28 January at 08:43 · Like

Write a comment...

WAAMUZI, KAMISHNA WAONDOLEWA VPL

2012-02-12T08:20:00.001+03:00

Release No. 020

TAARIFA KWA VYOMBO VYA HABARI

Februari 12, 2012

Waamuzi watatu na kamishna mmoja wameondolewa kuchezesha na kusimamia mechi za Ligi Kuu ya Vodacom (VPL) kutokana na kuonesha upungufu katika uchezeshaji na usimamizi.

Uamuzi huo ulifanywa na Kamati ya Ligi iliyokutana jana (Februari 11 mwaka huu) ambapo pamoja na mambo mengine ilipitia taarifa za waamuzi na makamishna wa VPL ambayo leo (Februari 12 mwaka huu) inaendelea katika raundi ya 17.

Peter Mujaya wa Mwanza aliyechezesha mechi namba 101 kati ya JKT Ruvu Stars na Yanga amefungiwa kwa miezi 12 kwa mujibu wa Kanuni ya 26(a) ya Ligi Kuu ya Vodacom kwa kushindwa kumudu mchezo huo, hivyo kupata alama za chini.

Naye Isihaka Shirikisho wa Tanga ameondolewa kwenye orodha ya waamuzi wa VPL msimu huu kwa kushindwa kumudu mchezo namba 105 kati ya Simba na JKT Oljoro. Moja ya udhaifu alioonesha ni kushindwa kumuadhibu mchezaji Patrick Mafisango ambaye alimsukuma baada ya kumuonesha kadi nyekundu Haruna Moshi wa Simba.

Mwamuzi mwingine aliyefungiwa kwa miezi 12 kwa mujibu wa Kanuni ya 26(a) ni Kennedy Mapunda wa Dar es Salaam aliyechezesha mechi namba 107 kati ya Villa Squad na Simba. Moja ya udhaifu wa Mapunda ni kushindwa kumpa kadi nyekundu Fred Cosmas wa Villa Squad baada ya kumuonesha kadi ya pili ya njano.

Pia waamuzi wasaidizi Michael Mkongwa wa Iringa na Kudura Omary wa Tanga waliochezesha mechi namba 112 kati ya Yanga na Mtibwa Sugar wameondolewa katika mechi zilizobaki za VPL kwa kutokuwa makini. Mwamuzi wa mechi hiyo Ibrahim Kidiwa amepewa onyo.

Waamuzi wengine waliopewa onyo na kutakuwa kujirekebisha ni Hashim Abdallah wa Dar es Salaam aliyechezesha mechi namba 92 kati ya Moro United na Yanga, na mwamuzi msaidizi wa mechi ya Simba na Coastal Union, Issa Malimali wa Ruvuma.

Kamishna wa mechi namba 112 kati ya Yanga na Mtibwa Sugar, Mohamed Nyange ameondolewa katika orodha ya makamishna kwa mechi zilizobaki za VPL kutokana na ripoti yake kuwa na upungufu.

MAFISANGO AONYWA, SIMBA YAPIGWA FAINI

Kamati ya Ligi imeagiza mchezaji Patrick Mafisango wa Simba aandikiwe barua ya onyo kutokana na kumsukuma mwamuzi Isihaka Shirikisho baada ya kumuonesha kadi nyekundu mchezaji mwenzake Haruna Moshi kwenye mechi kati ya Simba na JKT Oljoro.

Nayo klabu ya Simba imepigwa faini ya sh. 500,000 baada ya washabiki wake kurusha makopo ya soda na chupa za maji wakipinga uamuzi wa mwamuzi Shirikisho kumtoa kwa kadi nyekundu Haruna Moshi.

Wachezaji waliopigwa faini ya sh. 500,000 kila mmoja baada ya kuoneshwa kadi nyekundu kutokana na kupiga ambapo pia wanakosa mechi tatu za ligi kwa mujibu wa Kanuni ya 25 ni nahodha wa Yanga, Shadrack Nsajigwa na Cyprian Lukindo wa Villa Squad.

SIMBA, AZAM ZAINGIZA MIL 67/-

Pambano la Ligi Kuu ya Vodacom kati ya Simba na Azam lililochezwa Februari 11 mwaka huu Uwanja wa Taifa, Dar es Salaam limeingiza sh. 67,548,000.

Jumla ya watazamaji 19,257 walikata tiketi kushuhudia mechi hiyo namba 117 kwa kiingilio cha sh. 3,000, sh. 5,000, sh. 10,000 na sh. 15,000 kwa VIP A.

Baada ya kuondoa gharama za awali za mchezo na asilimia 18 ya Kodi ya Ongezeko la Thamani (VAT) ambayo ni sh. 10,303,932.20 kila timu ilipata sh. 13,182,800.34, uwanja sh. 4,394,266.78.

Chama cha Mpira wa Miguu Mkoa wa Dar es Salaam (DRFA) sh. 1,757,706.78, TFF sh. 4,394,266.78, Mfuko wa Maendeleo ya Mpira wa Miguu (FDF) sh. 2,197,133.39, Baraza la Michezo la Taifa (BMT) sh. 439,426.78 na asilimia 10 ya gharama za mechi ni sh. 4,394,266.78.

Gharama za awali za mechi zilikuwa nauli ya ndani kwa waamuzi sh. 10,000, nauli ya ndani kwa kamishna wa mchezo sh. 10,000. wamuzi wa akiba sh. 30,000, tiketi sh. 4,350,000, maandalizi ya uwanja (pitch) sh. 400,000, umeme sh. 300,000, usafi na ulinzi kwa uwanja sh. 2,350,000 na Wachina (Beijing Construction) sh. 2,000,000.

Gharama nyingine ni Jichangie ambayo ni sh. 200 kwa kila tiketi; kila klabu ilipata sh. 1,347,990,280 wakati Chama cha Mpira wa Miguu Mkoa wa Dar es Salaam (DRFA) kilipata sh. 1,555,420.

Whitney Houston Afariki Dunia

2012-02-12T07:40:00.000+03:00

Los Angeles,

Whitney Houston, who ruled as pop music's queen until her majestic voice and regal image were ravaged by drug use, erratic behavior and a tumultuous marriage to singer Bobby Brown, died Saturday. She was 48.

More Entertainment stories
1. What was Whitney Houston's best song?
  
  Singer will be remembered for both her wistful, romantic ballads and her power-pop tunes, as well as a stunning performanc...
2. Catch up! 10 hottest entertainment clicks
3. George Lucas: Greedo always shot first
4. Denzel Washington is at home in 'Safe House'
5. 'Downton Abbey's' O'Brien is a hottie!

Beverly Hills police Lt. Mark Rosen told reporters outside the Beverly Hilton that Houston was pronounced dead at 3:55 p.m. in her room on the fourth floor of the hotel. Her body remained there and Beverly Hills detectives were investigating.

"There were no obvious signs of any criminal intent," Rosen said.

Houston's publicist, Kristen Foster, said the cause of death was unknown.

Rosen said police received a 911 call from hotel security about Houston at 3:43 p.m. Saturday. Paramedics who were already at the hotel because of a Grammy party unsuccessfully tried to resuscitate the singer, he said.

What was Whitney Houston's best song?

Houston's end came on the eve of music's biggest night — the Grammy Awards. It's a showcase where she once reigned, and her death was sure to cast a heavy pall on Sunday's ceremony.

Her longtime mentor Clive Davis was to hold his annual concert and dinner Saturday, and a representative of the show said it would proceed.

Producer Jimmy Jam, who had worked with Houston, said he anticipated the evening would become a tribute to her, and he expected there to be one at the Grammys as well.

Houston was supposed to appear at the gala, and Davis had told The Associated Press that she would perhaps perform: "It's her favorite night of the year ... (so) who knows by the end of the evening," he said.

Source: http://www.msn.com

Utafiti:Chanjo ya ukimwi yagundulika (gazeti mwananchi)

2012-02-12T05:10:00.000+03:00

Leon Bahati

UTAFITI wa hivi karibuni uliofanywa katika Chuo Kikuu cha Tiba cha Johns Hopkins nchini Marekani, umegundua kuwa matumizi ya dawa za kurefusha maisha (ARV) yanaweza kuwafanya waathirika wa Virusi vya Ukimwi (VVU) kukutana kimwili na wapenzi wao bila kondomu, pasi kuwapa maambukizi.

Wakati wataalamu hao wakifikia hatua hiyo muhimu katika kupata jibu la janga hilo lililoitesa dunia kwa miongo kadhaa sasa, kuna taarifa njema pia za kugunduliwa kwa chanjo mpya ya Ukimwi.

Kwa upande wa utafiti wa ARV walioufanyiwa majaribio kwenye sehemu mbalimbali za dunia, umebaini kuwa mtu ambaye anatumia dawa za kurefusha maisha, anaweza kufanya tendo la ndoa bila ya kutumia kondomu na mtu ambaye hana Ukimwi na asimwambukize kwa asilimia 95.

Mkuu wa Mtandao wa Maabara za Kuchunguza VVU katika chuo hicho, Profesa Susan Eshleman, alisema kwenye ripoti ya ugunduzi huo, wamebaini dawa za kurefusha maisha kwa waathirika wa HIV, sasa zinaweza kutumika kama sehemu ya kuzuia maambukizi.

Profesa Eshleman alisema kwamba muathirika wa VVU anayetumia ARV kikamilifu anaweza kujamiiana na mtu ambaye hana virusi bila kondomu na asimwambukize.

“Huu ni ugunduzi wa kustajabisha,” alisema Profesa Eshleman akifafanua: “Matokea haya yameleta mapambazuko mapya katika sayansi ya kuzuia maambukizi na inawaweka watafiti kwenye mazingira mazuri zaidi ya kupata suluhisho la kukabiliana na maradhi haya.”

Walivyogundua njia

Profesa Eshleman anasema utafiti huo walioupa jina la HPTN 052 walifanya kupitia maeneo mbalimbali ya dunia hasa yenye kasi kubwa ya maambukizi kama vile Afrika, Brazili, India na Thailand.

Kwenye ripoti hiyo ambayo pia ilichapishwa kwenye jarida maarufu la kisayansi linaloitwa Science, watafiti hao wanasema kwamba mtu anapotumia ARV, hufikia wakati fulani wingi wa virusi mwilini hupotea kiasi kwamba anakuwa karibu sawa na yule ambaye hajaambukizwa.

“Jambo la msingi katika utafiti huu ni kwamba dawa hizi za kurefusha maisha zinapotumiwa kikamilifu, hupunguza mzigo wa virusi mwilini kwa zaidi ya mara 200. Ni sawa na kusema inapunguza hadi kufikia karibu na sifuri,” inaeleza ripoti hiyo.

Ni katika mazingira hayo, ripoti hiyo inasema kuwa damu ya muathirika inakuwa haina virusi na hivyo uwezekano wa kumuambukiza mpenzi wake unakuwa haupo.

Ripoti hiyo inaeleza kuwa ARV inafanya kazi mbili, kwanza kurefusha maisha ya muathirika kwa kupunguza virusi mwilini na pili ni kumkinga asiambukize wengine.

Sifa nyingine ya ARV, anasema ni kwamba inapunguza uwezekano wa waathirika kupata ugonjwa wa Kifua Kikuu (TB) kutokana na kiwango cha kinga za mwili kupanda.

Onyo la utafiti

Pamoja na kwamba njia hii imeonekana kuwa ni nzuri kwa ajili ya kuzuia maambukizi, wataalamu hao wanasema ni hatari pale itakapotumika vibaya.

Hatari wanayoizungumzia ni kwa muathirika iwapo atatembea na mpenzi ambaye ni muathirika, lakini akawa hajatumia ARV au ametumia, lakini siyo kwa kiwango ambacho VVU vimepunguzwa hadi kufikia karibu na sifuri.

Watalaamu hao wanasema iwapo muathirika atapata maambukizo mapya, atajiweka katika hatari ya kupata usugu kwa aina ya ARV anayotumia.

Ili kuwaweka katika mazingira salama, wataalamu hao wamewashauri waathirika wanaotumia ARV kutobweteka na badala yake kuendelea kutegemea kondomu kama moja ya njia za kuzuia maambukizo mapya na kuimarika kiafya.

Wataalamu wazungumzia utafiti huo

Wataalamu na watafiti mbalimbali wameelezea utafiti huo kuwa ni mafanikio mazuri katika kurahisisha njia ya chanjo katika kutoa kinga kwa waathirika na wale ambao hawajaambukizwa.

Kwa sasa zipo aina nane za chanjo za Ukimwi duniani ambazo wataalamu wapo kwenye hatua mbalimbali za majaribio na wamekuwa wakizielezea kuwa zina matumaini.

Mkuu wa Mambo ya Afya wa Serikali ya Marekani, Profesa Anthony Fauci ambaye pia ni Mkurugenzi wa Taasisi ya Utafiti wa Magonjwa ya Kuambukiza na Mzio (NIAID), aliuelezea ugunduzi huo kuwa ni wakushangaza.

Wataalamu wengine pia wakauelezea kuwa mtu anaweza kuuchukulia kama ni utani, lakini ni jambo ambalo litaleta mapinduzi makubwa ya kukabiliana na VVU.

Profesa Eshleman alisema utafiti wao utafungua urahisi wa njia ya wanasayansi wanaoendelea na tafiti nyingine kuwa katika mazingira mazuri ya kutatua tatizo hilo.

Profesa Eshleman anasema mkakati walio nao kwa sasa ni kufanya uchunguzi zaidi wa njia hiyo katika ngazi ya kijamii na kimataifa.

Alisema anaamini kwamba njia hiyo itakuwa na matokeo mazuri katika ngazi hiyo kabla haijathibitishwa rasmi kutumika kimataifa.

A.Kusini waiwekea mkakati

Serikali ya Afrika Kusini tayari imeweka mkakati wa kutumia njia hiyo kuliokoa taifa hilo lenye kasi kubwa ya maambukizo kuliko mengine duniani.

Mmoja wa wataalamu wa afya wa nchi hiyo, Dk Brian Williams, anasema tayari wamefanya tathmini na kuona baada ya miaka mitano watakuwa wamefanikiwa kuyakabili maradhi hayo.Dk Willams, anasema Afrika Kusini ina waathirika milioni sita na kwamba ni asilimia 30 tu wanaopatiwa tiba ya ARV.

“Ili kuwagharimia waathirika hao itabidi tutumia Dola za Marekani kati ya milioni mbili hadi tatu (Sh 3.2 trilioni hadi 4.8 trilioni) kununua dawa za ARV kwa mwaka,” alisema Dk Williams.

Kutokana na uzoefu wake, Williams alisema utafiti huo utasaidia waathirika kuwa katika mazingira mazuri ya kupatiwa chanjo ambayo ipo mbioni kupatikana.

Tanzania ipo pazuri

Tanzania ni moja ya nchi ambazo matumizi ya ARV kwa waathirika ni makubwa kutokana na mpango wa Serikali wa kuwapatia dawa hizo bure kote nchini.

Tangu Rais Jakaya Kikwete atangaze mpango wa kupima kwa hiari miaka michache baada ya kuingia madarakani, aliwahakikishia wale wote watakaojikuta wameambukizwa, watapatiwa dawa za kurefusha maisha bure.

Mwananchi Jumapili lilipowasiliana kwa njia ya simu na Waziri wa Afya na Ustawi wa Jamii, Dk Hadji Mponda, alisema asingeweza kulizungumzia suala hilo kwa kuwa hakuwa ofisini na asingependa kuzungumza kwa njia ya simu.

Mkuu wa Utawala wa Taasisi ya Utafiti wa Tiba ya Binadamu Hospitali ya KCMC (KCRI), Lucy Shara alilimbia gazeti hili kwamba suala la matumizi ya ARV nchini imekuwa ikifanyika ipasavyo kwa wale wanaojitokeza kwa hiari.

Shara alikiri kuwa wataalamu nchini wamekuwa kwenye tafiti mbalimbali za VVU na kwamba hata suala la ufanisi wa dawa za ARV wamekuwa wakiujadili mara kwa mara kupitia vikao na semina mbalimbali.

Lakini akasema suala la utafiti huo wa Marekani lilijadiliwa kwenye mkutano uliofanyika Jijini Dar es Salaam karibuni.

“Juzi tulikuwa kwenye semina hapo Dar es Salaam. Wasiliana na wataalamu wetu wa pale Muhimbili (Hospitali ya Taifa) wanaweza wakakueleza jambo hili kwa uzuri zaidi,” alisema Shara.

Juhudi za kuwapata wataalamu wa Utafiti wa Chuo Kikuu cha Tiba na Sayansi Muhimbili (MUHAS) kulieleza suala hili hazikufanikiwa kutokana na tatizo la kimawasiliano.

Chanjo mpya yagundulika

Utafiti wa chanjo Ukimwi uliosimamiwa na Chuo Kikuu cha Tiba cha Harvard nchini Marekani na kusimamiwa na Profesa Dan Barouch wa chuo unaelezewa kuwa na mafanikio makubwa katika kukabiliana na ugonjwa wa Ukimwi ambao mpaka sasa hauna chanjo wala tiba ambayo imetambuliwa rasmi kimataifa.

Taarifa iliyotolewa NIAID kwa gazeti hili wiki iliyopita, inaeleza kuwa utafiti huo uliofanywa Profesa Nelson Michael wa Jeshi la Marekani, akishirikiana na Profesa Jaap Goudsmit, Dk Vanessa Hirsch na Ilnour Ourmanov, una sema mafanikio ya utafiti huo yanawapa matumaini ya kupata chanjo madhubuti.

Walisema kwenye ripoti hiyo kuwa katika majaribio kadhaa waliyofanya, chanjo hiyo iliweza kumsaidia Nyani kuwa na chembechembe kinga ambazo zina uwezo wa kumkinga asiweze kuambukizwa VVU.

Utafiti huo uliotangazwa Januri 4, mwaka huu unaeleza kuwa kinachofanyika kwa sasa ni kuendelea na utafiti huo katika hatua ya majaribio kwa binadamu.Kwa sasa chanjo hiyo walisema ipo kwenye hatua ya awali ya majaribio ya usalama wa dawa kabla ya kuingia kwenye majaribio ya uwezo wa dawa kwenye mwili wa bianadamu.

Utafiti ulivyofanyika

Walisema walimpa nyani chanjo hiyo na baada ya muda alitengeneza chembechembe kinga za aina ya protini na walipojaribu kumuambukiza VVU, virusi walidhibitiwa na kushindwa kushambulia seli nyeupe za binadamu ama kwa jina la kitaalamu CD4, ambazo ni kinga muhimu dhidi ya maradhi mengine.

Kwa kawaida VVU hushambulia seli hizi nyeupe na kuzifanya makoloni ya kuwawezesha kuzaliana na kuongezeka mara dufu mwilini hivyo kujenga mazingira ya mtu kuugua Ukimwi.

Matokeo ya utafiti huo yanafikisha idadi ya aina nane za chanjo dhidi ya VVU ambazo zimo kwenye majaribio katika hatua mbalimbali duniani.

Mojawapo ya chanjo hizo amabazo zipo kwenye hatua mbalimbali za majaribio, ipo ile ambayo mafanikio makubwa yalichangiwa na wanasayansi wa hapa nchini waliokuwa wanafanya kazi katika Hospitali ya Rufaa ya KCMC, mkoani Kilimanjaro.

Wanasayansi wa Tanzania waligundua kwamba baadhi ya watu walioathirika na Virusi vya Ukimwi (VVU), kwa muda fulani wanajijengea wenyewe kinga inayoweza kudhibiti virusi hivyo na kuwa na afya njema bila kuwa na haja ya kutumia dawa za ARV.   

Wataalamu hao wa KCMC mjini Moshi walifanikisha utafiti huo wa mwaka 2006 na 2010 na mwishoni mwa mwaka jana wakaliambia Mwananchi Jumapili kuhusu ugunduzi huo.

Kiongozi wa Ushirikiano wa kiutafiti kati ya KCMC na Chuo Kikuu cha Afya cha Duke cha nchini Marekani, Dk Elizabeth Reddy aliliambia gazeti hili kuwa matokeo hayo yatawezesha kutengeneza chanjo itakayowezesha watu wote kuwa na kinga hizo, hivyo kutoathirika na VVU.  

Alisema jambo la msingi katika utafiti huo ni kugundulika kwa VVU kuwa wana gamba lenye protini iliyochanganyika na sukari, ambayo huvifanya kushindwa kutambuliwa na kinga za kawaida za mwili wa binadamu.   

Lakini, Dk Reddy alisema kuwa katika ugunduzi wao, wamebaini aina ya kinga za mwili ambazo hutambua virusi kupitia aina hiyo ya sukari kwenye gamba la nje la VVU na kuvishambulia hadi kuviua.   

Alisema kuwa utafiti huo ulifanyika katika maabara ya KCMC kwa ushirikiano wa timu ya wataalamu wa afya wa Tanzania pamoja na wa Marekani.

Alibainisha kuwa utafiti huo ulihusisha Watanzania kadhaa walioambukizwa VVU hapa nchini, lakini wamekuwa wakiishi bila kuathirika. Dk Reddy alisema kuwa utafiti huo umefanyika maeneo mengi duniani, lakini kituo cha KCMC ndicho kilichotoa mwanga mkubwa zaidi ambao hatua zake za mwisho zilithibitishwa na wataalamu waliobobea nchini Marekani.   

Kiongozi huyo wa utafiti, alisema kuwa Taasisi ya Utafiti wa Magonjwa inayosimamiwa na Mfuko wa Good Samaritani (GSF) ambao ndio pia unaosimamia taasisi nyingine kama vile Chuo Kikuu cha Afya cha Tumaini na Hospitali ya KCMC, ndiyo inayopaswa kupewa shukurani kwa matokeo hayo.

Dk Reddy anaamini kwamba ndani ya kipindi cha miaka mitano ijayo, chanjo kadhaa zitakuwa zimethibitishwa.www.mwananchi.co.tz

KAMATI KUU DODOMA MAMBO MAZITO

2012-02-12T05:02:00.000+03:00

Kuna taarifa ambazo hazijathibitishwa kuwa wabunge wa CCM wanajiandaa kuasi tena kwa kukataa mapendekezo ya kubadili katiba yatakayowasilishwa kwenye NEC leo.Tusubiri

Mdau

UCHAGUZI JIMBO LA UZINI ZANZIBAR LEO

2012-02-12T04:57:00.000+03:00

Mwenyekiti wa Tume ya uchaguzi Zanzibar

Tutaona kama haki itatawala ni chama gani kitachaguliwa na wana uzini.CUF,CCM,au CHADEMA? Mwamuzi ni dakika 90

Mdau wa Mjengwablog,Zanzibar

MWINYI AFUNGA KAMPENI ZA CCM UZINI

2012-02-11T23:49:00.000+03:00

Na Faki Mjaka-Maelezo Zanzibar

Mwenyekiti Msataafu CCM Ali Hassan Mwinyi amewataka wananchi wa Jimbo la Uzini

kutofanya makosa kumchagua Mgombea wowote wa Chama cha Upinzani badala yake

wamchague Mgombea wa CCM Mohammed Raza Daramsi ambaye ndiye mgombea

anayefaa kwa ajili ya maendeleo yao

Mwinyi ameyasema hayo katika kiwanja za Manzese Uzini wakati alipokuwa akifunga

kampeni za CCM katika kinyanganyiro cha kugombea nafasi ya Ujumbe wa Baraza la

Wawakilishi kwa Jimbo hilo

Amesema Mohammed Raza ni Mpenda maendeleo na anayejali watu hivyo wananchi wa

Uzini wana kila sababu za kumchagua Mgombea huyo wa CCM ambaye anawazidi sifa

wagombea wote wa vyama vya upinzani

Ameongeza kuwa kama watamchagua Raza matatizo ambayo yanalikabili Jimbo la Uzini

yatakuwa yamepata suluhisho la kudumu kutokana na dhamira ya dhati iliyojengeka

katika nafsi ya Mgombea wao na Chama chao

Ameyataja matatizo ambayo yanalikabili Jimbo hilo kuwa ni pamoja na Maji Safi na

Salama, Elimu na Afya na kudai kuwa yanaweza kupata suluhu iwapo Raza atachaguliwa

Mwinyi ambaye pia ni Rais Mstaafu wa Jamhuri ya Muungano wa Tanzania

amewasisitiza mamia ya wananchi hao waliohudhuria katika kampeni hizo kutekeleza

ahadi ya Chama kwa kumchagua Raza kama ambavyo Uongozi wa CCM ulitekeleza

ahadi ya wananchi hao kwa kumsimamisha mgombea huyo ambaye alikuwa chaguo lao

Kwa upande wake Mjumbe wa Kamati Kuu CCM Balozi Seif Idd amewataka wananchi

hao kutochezea bahati waliyoipata ya kumchagua Raza kwani ni mtu mwenye upendo na

kuwajali wanyonge.

Mjumbe huyo ambaye pia ni Makamu wa Pili wa Rais Zanzibar amesema kuwa ikiwa

Raza ameweza kusaidia wananchi wa Majimbo mbali mbali wakiwemo wa Jimbo lake

hapana shaka Raza atakuwa na juhudi zaidi ya kuwasaidia wananchi wake mwenyewe

Kwa upande wake Raza amesema atahakikisha anawapatia maendeleo wananchi wa

Jimbo la Uzini pale watakapomchagua na kuweza kuwa nao kwa bega katika kusimamia

Ilani ya CCM

Amesema Ilani ya CCM ndiyo ilani ambayo inatekelezeka kwa maendeleo ya wananchi

wa Jimbo hilo hivyo waendelee kumuunga mkono kwa kumpa kura ambazo zitamfanya

awe Mjumbe wa Baraza la Wawakilishi ili awatumikie

Wananchi wa Jimbo la Uzini watapiga kura kesho kumchagua Mwakilishi wa Jimbo

hilo ambapo jumla ya Wagombea Watano wa Vyama mbali mbali vya siasa nchini

wanagombea nafasi hiyo iliyoachwa kufuatia kifo cha Mwakilishi wa Jimbo hilo.

SERENGETI FREIGHT FORWARDERS: WAZEE WA KAZI

2012-02-11T18:32:00.001+03:00

Ofisi zetu

LETE MZIGO WAKO TUTAUFIKISHA MPAKA SEBULENI KWAKO DAR!

KUTUMA DOCUMENTS BY DHL £25 NA TUNAWEZA KUCHUKUA NYUMBANI KWAKO POPOTE UK

KWA WALIO TANZANIA TUNA SUPLY VITU VIFUATAVYO KWA BEI YA JUMLA KUTOKA UK KWA BIASHARA

USED TESTED FRIDGES FROM £15

USED TESTED TV's FROM £10

USED TESTED COMPUTERS (with flat screen)FROM £60

USED TESTED WASHING MACHINES FROM £25

USED TESTED LAPTOPS (na mkoba wake) FROM £65

TUNACHUKUA ODA ZA JUMLA TU KWA EXPORT NA PIA TUNAVYO VITU VINGI SANA KAMA VILE PASI, BLENDERS, KETTLES, COPIERS,NK

PIA KAMA UNATAKA KUNUNUA MAGARI AU MASHINE ZOZOTE HAPA UK SIE TUNAWEZA KUKUSAIDIA KUNUNUA NA KUKUSAFIRISGIA MPAKA NYUMBANI

FROM TILBURY

NEXT VESSEL SAILS 22/02/2012 CUT OFF 17/02/2012

OUR PRICESS FROM SHEERNESS

NEXT VESSEL SAILS ON 18/02/2012 CUT OFF 16/02/2012

SEA CARGO/VIFURUSHI MPAKA DAR AT £2.20 PER KILO INCLUSIVE CUSTOMS CLEARANCE

NEXT CONTAINER FOR VIFURUSHI KUONDOKA 10/02/2012

CHUKUA MZIGO WAKO MAGOMENI DAR

TEL 00255 22 5000002

CHRIS LUKOSI 07903828119

SIMON LOUIS (MOHSIN) 07950689243

HASSAN (RICHARD) 07405159255

HQ - UNIT 92 THAMES INDUSTRIAL PARK, PRINCESS MARGARET ROAD, EAST TILBURY, RM18 8RHRH

email: info@serengetifreight.co.uk or serengetifreight@yahoo.co.uk

Tell (+44) 01375 855917 Fax (+44) 01708202477

www.serengetifreight.co.uK

MSUGUANO MPYA CCM

2012-02-11T10:59:00.000+03:00

Saturday, 11 February 2012 09:01

HOFU YA WAPINZANI KUCHUKUA NCHI YAZIZIMA, WABUNGE WAKE WAPINGA MABADILIKO YA KATIBA NDANI YA CHAMA

Waandishi Wetu, Dodoma

MSUGUANO mpya umeibuka ndani ya (CCM) baada ya Kamati ya Wabunge wa CCM kupinga mapendekezo ya mabadiliko ya Katiba ya chama hicho yanayowaondoa kuwania nafasi za chama, huku wakihoji uongozi ulikopata mamlaka ya kufanya marekebisho hayo bila kuwashirikisha.

Suala la mabadiliko hayo ni miongoni mwa mambo yaliyotarajiwa kuibuka katika mkutano wa wabunge hao na Mwenyekiti wa CCM, Rais Jakaya Kikwete ambao ulitarajiwa kufanyika jana usiku kwenye ukumbi wa mikutano wa chama hicho uliopo makao makuu, Dodoma.

Mkutano huo wa Rais Kikwete na wabunge wa chama chake, unatangulia vikao vya juu vya chama hicho, ambavyo ni Kamati Kuu ya CCM (CC) inayotarajiwa kukutana leo na ukifuatiwa na Halmashauri Kuu (NEC) kesho, ili kubariki mabadiliko hayo ya Katiba ya CCM.

Habari kutoka ndani ya kikao cha wabunge wa CCM kilichofanyika juzi usiku, zinasema wabunge hao walisema marekebisho hayo yamefanyika bila kuwashirikisha, hali inayowatia wasiwasi kwamba huenda CCM kikapoteza uongozi wa nchi.

Habari zaidi kutoka ndani ya kikao hicho zinasema, hofu kubwa waliyonayo wabunge ni mabadiliko makubwa yanayotarajiwa kufanywa katika katiba kwamba huenda yakabadili mfumo wa uchaguzi wa ngazi zote ndani wa CCM, huku wao wakiathirika kwa kiasi kikubwa.

Mchakato wa marekebisho hayo umekuwa ukifanywa na Kamati ya Marekebisho ya Katiba ya CCM chini ya Makamu Mwenyekiti wa chama hicho Tanzania Bara, Pius Msekwa na matokeo ya kazi yake yatawasilishwa katika vikao vya CC leo na NEC kesho.

Miongoni mwa mabadiliko ambayo yamekuwa yakitajwa ni pamoja na wabunge na wajumbe wa Baraza la Wawakilishi kuzuiwa kugombea nafasi yoyote ndani ya chama, ikiwa ni hatua ya kufanya mageuzi yenye lengo la kuondoa tatizo la baadhi ya watu kujilimbikizia madaraka.

Hata hivyo Katibu wa Itikadi na Uenezi wa CCM, Nape Nnauye alisema jana mjini Dodoma kwamba, mabadiliko yanayotarajiwa kufanywa na NEC ya chama hicho ni kufanya wajumbe wa Halmashauri Kuu wachaguliwe katika ngazi za wilaya badala ya mkoa.

“Mimi nadhani hofu ya wabunge haina msingi, kwani hata kama wabunge watazuiwa ama hawatazuiwa kuwa viongozi wa chama katika ngazi hizo wanazozitaja si suala la kikatiba bali inaweza kuwa ni kanuni tu,” alisema Nape na kuongeza:

“Hata hivyo, watapingaje kitu ambacho bado hakijawasilishwa kwenye mkutano? Kama kuna mtu ana wazo hilo ataliwasilisha kwenye vikao, lakini nasema katiba haiwezi kumwengua mbunge katika kugombea nafasi yoyote ile, kinachoweza kumwengua ni kanuni.”

Nape alisisitiza kuwa, hadi jana hakukuwa na pendekezo lolote la kuwaengua wabunge katika kugombea nafasi za uongozi wa chama.

Hata hivyo alithibitisha kuwa uchaguzi ndani ya chama hicho unatarajiwa kufanyika kwa kuzingatia marekebisho yatakayofanywa, ambayo pia yanapendekeza wajumbe wa NEC kutoka katika jumuiya za CCM kuchaguliwa na jumuiya husika badala ya kupigiwa kura na Mkutano Mkuu.

Wabunge CCM

Inadaiwa kuwa Naibu Katibu Mkuu wa CCM Bara, Kapteni John Chiligati, alipata wakati mgumu kuwashawishi wabunge hao kukubali mabadiliko hayo bila mafanikio.

“Mimi kidogo nimwambie wewe (Chiligati) ulikuwa miongoni mwa waliokuwa kwenye mikakati ya kumwangusha JK (Jakaya Kikwete). Haiwezekani wakajifungia ndani na kufanya mabadiliko wanavyotaka,” alidokeza mbunge mmoja.

Taarifa hizo ziliwanukuu wabunge hao wakidai kuwa suala hilo linahitaji mjadala wa kitaifa ili kutoa wigo mpana kwa wanachama kutoa mawazo yao.

“Mnafanyaje mabadiliko bila kutushirikisha, unashika dola kwa kuwa na wenyeviti wa matawi ya CCM? Lazima uwe na wabunge ndiyo ushike dola, sasa mnatupuuza halafu mnakwenda kutuengua pembeni bila kutushirikisha, hatuwezi kukubali,” chanzo chetu kilimnukuu mmoja wa wabunge akilalamika na kuongeza:

“Kama mnasema nafasi za chini zitenganishwe, basi iwe hivyo kwa ngazi za juu kwa mwenyekiti na Rais na yenyewe itenganishwe muone moto utakaowaka.”

Hata hivyo, wabunge hao wamekubali mfumo wa kupata wajumbe wa NEC kutoka wilayani kuendelea, lakini wakakataa jinsi ya kupata wajumbe wengine na kutaka mjadala wa wazi kwa wanachama wao.

Kwa mfumo ulivyo sasa, mbali na wabunge kuruhusiwa kuchaguliwa kuwa wajumbe wa NEC, pia wana wawakilishi 20 kupitia kamati yao ambao huingia katika chombo hicho cha kufanya uamuzi ndani ya CCM.

Viti maalumu

Katika hatua nyingine wabunge wa Viti Maalumu CCM nao walitaka yafanyike mabadiliko kwenye kanuni ambayo nayo inatarajia kuwekwa ndani ya katiba ya chama hicho ya kuwataka kuwa na ukomo wa nafasi zao.

Kwa mujibu wa mapendekezo ya Baraza Kuu la Umoja wa Wanawake Tanzania (UWT) ambayo yatapitiwa na CC leo, pamoja na kupitishwa na NEC kesho ni kwamba mwisho wa wabunge wa Viti Maalumu utakuwa ni miaka 10.

Kwenye Kamati ya Wabunge wa CCM, wa UWT, Mwenyekiti wa Jumuiya hiyo ya Wanawake, Sophia Simba aliwashawishi wabunge waongeze kipindi hicho, lakini hoja yake iligonga mwamba.

Simba aliingiza tena ajenda hiyo katika kikao cha wabunge wote wa CCM kilichokutana juzi jioni chini ya Chiligati, lakini wazo hilo pia lilipata upinzani mkali kutoka kwa wabunge.

Kutokana na hali hiyo, Simba, Anna Abdalah, Diana Chilolo na wabunge wengine waliotumikia nafasi zao kwa vipindi viwili, huenda ubunge wao ukafikia ukomo baada ya kipindi cha sasa, hivyo wakitaka kuendelea lazima warejee kugombea nafasi hizo majimboni au kusubiri huruma ya rais katika nafasi zake za uteuzi.

Habari kutoka ndani ya kikao cha wabunge wa CCM, zinasema walioongoza kupinga kuongezwa kwa muda huo ni Mbunge wa Simanjiro, Christopher Ole Sendeka na yule wa Same Mashariki, Anne Kilango Malecela ambao waliungwa mkono kwa asilimia kubwa na wabunge vijana.

“Kwa ujumla kila mahali jamaa alikuwa anagonga mwamba na tumejipanga vikali kumweleza mwenyekiti kupitia wabunge wanaoingia ndani Halmashauri Kuu na Kamati Kuu kuwa lazima mambo haya yaondolewe,’’ alisema mmoja wa wabunge.

Mbunge huyo alisema mambo mengi ambayo yalikuwa yamependekezwa na kupelekwa kwa wabunge wa chama hicho yalionekana hayana maana kwani yalikuwa yakiwanyima haki.Alisema kuwa wabunge walisimama na kumweleza Naibu Katibu Mkuu huyo kuwa hawana mpango wa kuendelea kujadili mambo ya katiba ya CCM na badala yake wakamtaka aishauri Serikali ili iendelee kushughulikia kero za wananchi.

Rais Jakaya Kikwete

Hata hivyo, hata kabla ya kuanza kwa vikao hivyo, Rais Kikwete alikutana na wabunge hao jana usiku, kikao ambacho kilielezwa kuwa ni cha kuweka mambo sawa kabla ya kuanza kwa vikao vya juu vya chama hicho.www.mwananchi.co.tz

Uchambuzi Wa Habari: Madaktari Waangusha Mbuyu!

2012-02-11T08:55:00.000+03:00

Ndugu zangu,

Ijumaa ya jana, tena asubuhi na mapema, nilisoma kichwa hicho cha habari kwenye gazeti la Mwananchi la mtandaoni . Kinavutia. Kinaacha tafsiri nyingi.

Habari hiyo ilitokana na mkutano Waziri Mkuu Mizengo Pinda na madaktari waliogoma. Mkutano ambao ulimalizika kwa kupatikana suluhu ya mgogoro, na hivyo basi, madaktari kumaliza mgomo wao.

Naam, ni heri hekima inayokuja kwa kuchelewa kuliko inayokosekana kabisa. Watanzania tunashukuru kwa Serikali na madaktari kutanguliza hekima na kufikia suluhu ya mgogoro.

Na hekima kubwa hapa ni kwa Serikali kutambua hekima za madaktari wetu kuwa hekima iliyohitajika ni kwa Serikali kuwasaidia madaktari katika kuuangusha mbuyu; Blandina Nyoni. Katika hilo tunawapongeza kwanza madaktari wetu kwa kuonyesha uzalendo mkubwa wa kuwa tayari kupambana hadi risasi ya mwisho na hatimaye kufanikiwa kuukata mbuyu ambao sasa ndio tunajua, kuwa ulikuwa mzizi wa mgogoro uliosababisha mgomo wa madakati na kuleta madhara makubwa.

Maana, ni heri kutibiwa na daktari aliyemaliza mgomo na kurudi kazini na moyo mkunjufu kuliko kutibiwa na daktari aliyelazimishwa kwa nguvu kurudi kazini huku akiwa bado na kinyongo.

Na Waziri Mkuu Pinda aliweka wazi sababu kuu tatu za Serikali kuwasimamisha kazi vigogo wawili wa Wizara ya afya Na Ustawi wa Jamii; Katibu Mkuu, Blandina Nyon na Mganga Mkuu wa Serikali, Dr. Mtasiwa.

Kwanza; ni kwa tuhuma za kuingiza nchini robo tatu ya vifaa bandia vya vipimo vya Ukimwi kutoka Korea Kusini.
Pili; tuhuma za kuanzisha kampuni ya kusambaza nguo kwa madaktari.

Tatu; kuiingiza kinyemela kampuni ya kufanya usafi ndani ya Hospitali ya Taifa ya Muhimbil.

Na Waziri Mkuu Pinda alisema mwenyewe, kuwa tuhuma hizo ni nzito zinazoidhalilisha Serikali na kamwe haitakuwa busara kuzifumbia macho huku Serikali ikiendelea kudhalilika. Pinda anasema;
“Nimeamua kuwasimamisha kazi Katibu Mkuu na Mganga Mkuu wa Serikali, ili kuweza kupisha uchunguzi , maana hizi tuhuma zinafedhehesha taifa."

Aliongeza; “Kwa upande wa Waziri na Naibu Waziri wa Afya, nimeshapeleka ushauri kwa Rais kutokana na yeye kuwa mwenye dhamana, siwezi kuliongelea hili hapa ila yule aliyewateua, atafanya maamuzi, najua kitakachofuata mnakijua,” alisema Pinda huku madaktari wakilipuka kwa shangwe na kuimba nyimbo ya mshikamano. ( Mwananchi, Februari 10, 2012)

Na hapa nachukua fursa hii kumpongeza kwa ujasiri wake wa kuyatamka aliyoyatamka, na pia nampa Waziri Mkuu wangu Mizengo Pinda nyongeza ya sababu za wahusika kuchukuliwa hatua kali zaidi.
- Wahusika wamesababisha madhara makubwa kwa jamii ikiwamo vifo vya wagonjwa vilivyotokana na mgomo ambao wao , kama wangewajibika ipasavyo, walikuwa na uwezo wa kuzuia usitokee.
-
Wahusika wamewadhalilisha madaktari wetu na taaluma yao kwa ujumla.

- Wahusika kwa kuingiza nchini vifaa bandia ( feki) vya kupimia UKIMWI ni uhalifu mkubwa usiohitaji kuundiwa Tume bali kufunguliwa jarada la uchunguzi kwenye ofisi ya Upepelezi yenye kuhisika na uhalifu wa aina hiyo.

Matumaini yetu kwa siku chache zijazo?
Waziri mwenye dhamana na Naibu wake nao wakae pembeni maana tumewapa dhamana ya kuisimamia Wizara husika na wameshindwa kulisimamia hili la mgomo wa madaktari na hatimaye kutufikisha hapa tulipo. Wakikaa pembeni, kwa hiyari yao, au kwa kuombwa na Rais aliye na dhamana kuu, basi, watasaidia kurudisha imani yetu wananchi kwa Serikali. Watachangia pia kurudisha heshima ya Serikali na nchi.

Je, kwenye pori la mibuyu, yote imeangushwa?
Hapana, mibuyu iko mingi. Madaktari wetu wameangusha mbuyu mmoja tu. Na si kwa ’ shoka moja’. Mashoka yalikuwa mengi yakiwamo ya wanaharakati. Na jamii ikipiga sana kelele mibaya huanza kutingishika. Mibuyu haiangushwi bila kelele za wengi. Ni kama paka aliyeopoa kipande cha nyama chunguni. Ukimwandama sana atakitema. Na ikumbukwe, mibuyu porini inaanza kama mipapai.

Je, tunafanyaje basi kuitambua mibuyu inapokuwa katika hatua kama ya mipapai na hivyo tukaing’olea mbali?

Katiba, Katiba, Katiba…Ni kwenye Katiba Mpya inayokuja. Katiba iweke kipengelea kinachohakikisha , kuwa pale unapoonekana mbuyu, basi, kazi ya kuuangusha isihitaji mashoka mengi na hata kuchukua roho za watu. Inawezekana.

Maggid Mjengwa,

Iringa.

Jumamosi, Februari 11, 2012

MATEMBEZI YA MSHIKAMANO Vs MAANDAMANO YA AMANI

2012-02-11T08:18:00.000+03:00

Umati mkubwa sana wa wana CCM wakitembea kwa mshikamano juzi wakati wa maadhimisho ya miaka 35 ya kuzaliwa chama chao (hapa ni Iringa)

Umati wa wanaCHADEMA wakiwa kwenye maandamano yao mwaka jana (hapa ni Iringa)

Mwenyekiti nimeona niombe ufafanuzi wa mambo haya kwani naona kuna matumizi ya maneno tofauti kwa jambo lilelile kutokana na muhusika. inapokuwa CCM wanatembea pamoja wanasema ni matembezi ya mshikamano, bali wanapotembea CHADEMA huitwa maandamano.Sasa ni nini tofauti kati ya matembezi ya mshikamano na maandamano na kwa nini maandamano hupigwa marufuku wakati matembezi ya mshikamano hayazuiwi wala kukemewa kama maandamano? naamini uchambuzi na tafsiri zako mwenyekiti na nadhani utanipa tafsiri sahihi juu ya hili.asante

Na Mpanduji Mpanduji

TACAIDS WAENDESHA MAFUNZO

2012-02-11T07:41:00.000+03:00

Afisa Uhusiano wa TACAIDS Grory Mzirai akitoa mada katika semina ya kuwajengea uwezo waandaji wa vipindi vya Redio na Watangazaji kwa Kanda ya Mashariki inayofanyikwa kwa siku mbili kwenye hoteli ya Kibaha Confernce Center Maili moja Mjini Kibaha.

Lugano Henry Meneja Mawasiliano na Mafunzo wa kampuni ya Masoko Agency akizungumza katika semina hiyo inayofanyika kwa siku mbili katika hoteli ya Kibaha Conference Center mjini Kibaha.

Waratibu wa Ukimwi katika mikoa ya Dar es salaam, Pwani, Lindi na Mtwara wapo kwa ajili ya kuwaelezea masuala mbalimbali washiriki wa semina hiyo, kuhusu maambukizi ya ukimwi na kupambana na janga zima la Ukimwi linalotishia jamii na nyanja mbalimbali za kiuchumi nchini Tanzania kutokana na kudhoofisha nguvu kazi ya Rasirilimali watu.
Semina hiyo imeandaliwa na Taasisi ya kuzuia ukimwi TACAIDS ikishirikiana na kampuni ya Masoko Agency ya jijini Dar es salaam na tayari imeshafanyika katika kanda Kaskazini Arusha, Kanda ya Ziwa Mwanza, Kanda ya Kati Dodoma, Kanda ya Nyanda za Juu Kusini Mbeya na sasa ni Kanda ya Mashariki Mjini Kibaha
John Bukuku

BILIONI 7 (SABA) ZAKWAPULIWA KISHAPU

2012-02-11T07:28:00.000+03:00

Na. Aron Msigwa –MAELEZO.

9/2/2012.Dodoma.

Ofisi ya Mdhibiti na Mkaguzi mkuu wa Hesabu za Serikali (CAG) imebaini ubadhirifu mkubwa wa fedha za serikali kiasi cha shilingi bilioni 7 kufuatia ukaguzi maalum uliofanyika katika Halmashauri ya wilaya ya Kishapu, mkoani Shinyanga.

Akizungumza na waandishi wa habari leo mjini Dodoma wakati wa kuwasilisha ripoti za matokeo ya kaguzi 5 za ufanisi/Thamani ya fedha Mdhibiti na Mkaguzi mkuu wa Hesabu za Serikali Bw. Rudovick Utouh akiwa ameambatana na baadhi ya wenyeviti wa kamati za kudumu za Bunge amesema kuwa Ofisi yake imebaini matukio 14 yenye jumla shilingi bilioni 7 ambayo yana kila dalili za ubadhirifu wa fedha za umma.

Bw. Utouh amefafanua kuwa ofisi yake imebaini ubadhirifu huo kufuatia uhakiki wa kina na ukusanyaji wa ushahidi kuhusiana na hati za malipo zilizokosekana wakati wa ukaguzi uliopita wa mwaka wa fedha 2009/2010 na pia kufanya mahojiano na viongozi na wahasibu ambao wanahusika na utunzaji wa nyaraka za malipo ili kubaini ukweli kuhusiana na upotevu wa hati hizo za malipo.

Amesema wataalam wa ofisi yake katika kubaini ubadhirifu huo ilipitia hati zote za malipo sanjari na kuhakiki stakabadhi za malipo ili kujua uhalali wa malipo yaliyofanywa na Halmashauri bila kuidhinishwa na mkurugenzi wa Halmashauri pamoja na kufanya mahojiano na viongozi mbalimbali wa Halmashauri hiyo ili kupata maoni yao.

Amebainisha kuwa ukaguzi huo maalum uliofanywa katika wilaya ya Kishapu ofisi yake iligundua mambo mbalimbali yaliyojitokeza yakiwemo udhaifu katika mifumo ya udhibiti wa ndani ,mabadiliko ya wakurugenzi watendaji wa Halmashauri kila baada ya muda mfupi,Mabadiliko ya mara kwa mara katika Idara ya fedha yakihusisha mweka Hazina, Udhaifu wa kitengo cha ndani cha ukaguzi kutokuwa na mkuu wa kitengo pamoja na mabadiliko katika Idara ya Mipango.

Mambo mengine ni pamoja na udhaifu katika idara mbalimbali za wilaya hiyo zikiwemo Ujenzi,Idara ya maji,kitengo cha Ugavi pamoja na udhaifu katika kitengo cha Uhasibu ambacho kiligundulika kuandika vocha na kulipa fedha taslimu bila idhini pamoja na kutumia makusanyo ya fedha kabla ya kupelekwa benki.

Pia amefafanua kuwa ofisi yake iligundua taarifa mbalimbali za kibenki zilizoghushiwa na kutumika zaidi ya shilingi milioni 200 na hundi zilizoghushiwa na kulipwa kiasi cha shilingi milioni 500 na uhamisho wa fedha toka akaunti moja kwenda nyingine bila idhini ya mkurugenzi na kutumika kinyume na malengo pamoja na uhamisho wa fedha kwenda kwenye akaunti zisizofahamika.

Bw. Utouh ameongeza kuwa kulikuwa na matumizi yaliyofanywa kinyume na malengo yaliyokusudiwa katika miradi ya maji,mfuko wa afya wa pamoja huku akifafanua kuwa ofisi yake imebaini kuwepo kwa ushirikiano kati ya watumishi wa Halmashauri na watumishi wa benki katika kufanikisha vitendo hivyo vya ubadhirifu wa fedha za halmashauri.

“Hali hii ya ushirikiano kati ya watumishi wa Halmashauri na benki umeonekana katika kaguzi zetu maalum tulizofanya huko nyuma kwenye Halmashauri za wilaya ya Kilosa na Rombo” amesema.

Kwa upande wake Mwenyekiti wa Kamati ya Kudumu ya Bunge ya Hesabu za serikali za mitaa Augustino Mrema ambaye pia ni mbunge wa Vunjo ameipongeza ofisi ya Mdhibiti na Mkaguzi Mkuu wa Hesabu za serikali kwa kubainisha ubadhirifu huo na kusisitiza kuwa kuwa matokeo hayo lazima yafanyiwe kazi na serikali.

“Naiomba serikali izifanyie kazi ripoti hizi ili ili matokeo yake yazae matunda na wahusika wote walioshiriki katika kufanya uharifu huu wakamatwe na kufikishwa mahakamani na kushughulikiwa kwa mujibu wa sheria za nchi” amesisitiza.

Naye Mwenyekiti wa kamati ya Kudumu ya Bunge ya Mashirika ya Umma Zitto Kabwe ambaye pia ni mbunge wa Kigoma Kaskazini ameipongeza ofisi ya CAG kwa kazi nzuri iliyofanyika na kuiomba ikamilishe ukaguzi wa Shirika la Usafiri Dar es Salaam (UDA).

WARSHA YA UANDISHI WA MISWAADA YA FILAMU/SCREENPLAY WORKSHOP(Level 1)

2012-02-11T07:10:00.000+03:00

Je ?unajua kuwa hadithi za Filamu zozote hujengwa kwa wahusika, wahusika ndiyo

wabeba lengo zima la filamu? je wajua jinsi ya kuwajenga wahusika wako ili waweze

kubeba lengo la hadithi ya Filamu kiufasaha? je unajua kuwa ukikosea kumjenga

mhusika mkuu katika hadithi ya Filamu yako ni vigumu hadithi ya Filamu bora? basi

ukitaka kuyajua yote haya karibu katika warsha ya uandishi wa miswada ya filamu

pale IDARA YA SANAA CHUO KIKUU CHA DAR ES SALAAM Kuanzia tarehe 13-15

Februari 2012 ,Kutakuwa na Warsha ya Uandishi wa Miswaada ya Filamu/Screenplay

Workshop(Level 1) , Idara ya Sanaa na Sanaa za Maonesho, Chuo Kikuu cha Dar

es Salaam kila siku kuanzia saa 3 asubuhi hadi saa 8 mchana , Cheti cha Ushiriki

Warsha itakuwa kwa Kiswahili (na Kiingereza ikibidi) na mshiriki anaweza kuwa mtu

yoyote anayependa kuandika miswada ya filamu (amateur scriptwriter) au mwandishi

Hima wadau wote wa Tasnia ya Filamu ,Sanaa, Sanaa za Maonyesho na Uandishi wa

ubunifu msikose nafasi hii muhimu ya warsha mafunzo daraja la kwanza ilikujijengea

misingi mizuri ya Uandishi wa Miswaada ya Filamu

Kwa maelezo zaidi kuhusiana na warsha hii tafadhali wasiliana na IDARA YA SANAA

CHUO KIKUU CHA DAR ES SALAAM ,Ndg.John Mwakilama Simu Namba 0714 13 22

49, na barua pepe :mwakilamajohn@yahoo.com

OMARY MJENGA AKIWA NA FAMILIA YA BALOZI TANZANIA NCHINI UINGEREZA

2012-02-11T06:50:00.000+03:00

Kutoka kulia ni Mtoto wa Balozi Mdogo nchini Uingereza anaitwa Maya, anaefuata ni Mwakilishi wa UNOPS Siera Leone Ndugu Omary Mjenga, anaefuata ni Mke wa Balozi Mdogo Uingereza, anaefuata ni Balozi mdogo wa Tanzania Nchini Uingereza Mh. Chabaka Kilumanga, na wa mwisho ni Aziz Msuya mtoto wa Balozi wetu Pretoria Afrika ya kusini.

Mjenga yuko Nchini Uingereza kuhudhuria moja Kikao ambacho kiko ndani ya majukumu yake ya kikazi.

Na Henry Henry

JK AMEKUTANA NA WABUNGE WA CCM USIKU

2012-02-11T06:39:00.001+03:00

Picha na Michuzi

TUNAWEZA KUWA NA TEKNOLOJIA YETU

2012-02-11T06:27:00.001+03:00

Kutoka Mabadiliko

DAR LIVE WEEKEND HII

2012-02-10T23:20:00.000+03:00

LIGI KUU YA VODACOM 2011/2012

2012-02-10T23:13:00.000+03:00

Release No. 019

TAARIFA KWA VYOMBO VYA HABARI

Februari 10, 2012

Ligi Kuu ya Vodacom (VPL) inaingia raundi ya 17 kesho (Februari 11 mwaka huu) kwa mechi tano huku ile ya Kagera Sugar na Mtibwa Sugar iliyokuwa ichezwe Februari 12 mwaka huu ikilazimika kusogezwa mbele kwa siku moja.

Mechi za kesho (Februari 11 mwaka huu) ambazo zitaanza saa 10 kamili jioni ni kati ya Simba na Azam (Uwanja wa Taifa, Dar es Salaam), Toto Africans na Moro United (Uwanja wa CCM Kirumba, Mwanza), Polisi Dodoma na Villa Squad (Uwanja wa Jamhuri, Dodoma), Coastal Union na African Lyon (Uwanja wa Mkwakwani, Tanga) na JKT Oljoro na JKT Ruvu (Uwanja wa Kumbukumbu ya Sheikh Kaluta Amri Abeid, Arusha).

Kagera Sugar na Mtibwa Sugar sasa zitacheza Februari 13 mwaka huu kwa vile Uwanja wa Kaitaba, mjini Bukoba siku ya Februari 12 mwaka huu umetolewa kwa shughuli za kijamii. Mabadiliko hayo pia yamesababisha mechi kati ya Toto Africans na Mtibwa Sugar iliyokuwa ichezwe Februari 15 mwaka huu kwenye Uwanja wa CCM Kirumba sasa kuchezwa Februari 16 mwaka huu.

Nayo mechi namba 119 kati ya Yanga na Ruvu Shooting iliyokuwa ichezwe Februari 12 mwaka huu kwenye Uwanja wa Azam- Chamazi, sasa itafanyika siku hiyo hiyo kwenye Uwanja wa Taifa.

Mechi hiyo imehamishiwa Uwanja wa Taifa kutokana na maombi ya Yanga kwa vile itakuwa ni sehemu ya sherehe za maadhimisho ya miaka 77 tangu kuasisiwa kwa klabu hiyo.

MGAMBO, MORANI KUCHEZA FEB 12

Mechi ya Kundi A ya Ligi Daraja la Kwanza (FDL) kati ya Mgambo Shooting ya Tanga na Morani ya Manyara iliyokuwa ichezwe Februari 11 mwaka huu kama ilivyokuwa ile ya Kundi C kati ya AFC ya Arusha na Polisi ya Morogoro zimesogezwa mbele kwa siku moja.

Mabadiliko hayo yametokana na mechi hizo kuingiliana na za Ligi Kuu ya Vodacom (VPL) zinazochezwa kwenye viwanja vya Mkwakwani, Tanga na Kumbukumbu ya Sheikh Kaluta Amri Abeid, Arusha.

Mechi nyingine za FDL zitaendelea kesho (Februari 11 mwaka huu) kama ratiba inavyoonesha. Kundi A, Burkina Faso itakuwa mwenyeji wa Polisi Dar Salaam kwenye Uwanja wa Jamhuri mjini Morogoro wakati Temeke United na Transit Camp zitaoneshana kazi Uwanja wa Mabatini mjini Mlandizi.

Kundi B litashuhudia mechi kati ya Mbeya City na Majimaji kwenye Uwanja wa Kumbukumbu ya Sokoine jijini Mbeya huku JKT Mlale wakiwa wenyeji wa Small Kids kwenye Uwanja wa Majimaji mjini Songea. Nayo Tanzania Prisons itakuwa mgeni wa Polisi Iringa kwenye Uwanja wa Kumbukumbu ya Samora.

Mechi ya Kundi C itakuwa moja ambapo Rhino FC itakaikaribisha 94 KJ ya Dar es Salaam kwenye Uwanja wa Ali Hassan Mwinyi mjini Tabora.

KOZI YA MAKOCHA NGAZI PEVU YAAHIRISHWA

Shirikisho la Mpira wa Miguu Tanzania (TFF) limeahirisha kozi ya ukocha ngazi pevu (Advanced Level) iliyokuwa ifanyike jijini Dar es Salaam kuanzia Februari 12- 25 mwaka huu.

Kozi hiyo imeahirishwa kwa vile wengi wa makocha walioomba hawakufikia vigezo vilivyowekwa. Vigezo vya msingi vilikuwa mwombaji awe na cheti cha ukocha ngazi ya kati (Intermediate Level), wawe wanafanya kazi hiyo ya ukocha (active) na kuwasilisha cheti cha elimu ya sekondari (kidato cha nne).

Mwisho wa kuwasilisha maombi kwa ajili ya kozi hiyo ilikuwa Februari 5 mwaka huu. Makocha 34 waliwasilisha maombi kwa ajili ya kushiriki kozi hiyo, lakini waliokidhi vigezo ni 12 tu.

Makocha waliokidhi vigezo kwa ajili ya kozi hiyo ni Sospeter Vedasto kutoka mkoani Pwani, Beatus Manga (Temeke), Renatus Shija (Pwani), Ntungwe Selemani (Pwani), William Mamiro (Kinondoni), Ngawina Ramadhan (Temeke), Khatib Mtoo (Temeke), Hamisi Chimgege (Temeke), Selemani Mkumya (Temeke), Idd Cheche (Azam), Mohamed Mayosa (Temeke) na Imam Mbarouk (Shinyanga).

Wawezeshaji wa kozi hiyo ambayo sasa tarehe yake ya kufanyika itatangazwa baadaye ni Mkufunzi wa Shirikisho la Kimataifa la Mpira wa Miguu (FIFA), Jan Poulsen, Mkufunzi wa Shirikisho la Mpira wa Miguu barani Afrika (CAF) ambaye pia ni Mkurugenzi wa Ufundi wa TFF, Sunday Kayuni na Mkufunzi wa Chama cha Mpira wa Miguu cha Denmark (DBU), Kim Poulsen.

KIPRE BOLOU WILFRIED RUKSA AZAM

Mshambuliaji Kipre Bolou Wilfried aliyejiunga na Azam kutoka Ivory Coast sasa ni ruksa kuichezea timu hiyo michuano ya Ligi Kuu ya Vodacom (VPL) inayoendelea kwenye viwanja mbalimbali nchini.

Shirikisho la Mpira wa Miguu la Ivory Coast (FIF) jana (Februari 9 mwaka huu) limetoa Hati ya Uhamisho wa Kimataifa (ITC) kwa mchezaji huyo aliyeombewa uhamisho katika dirisha dogo la usajili kutoka timu ya Sewe Sport ya nchini humo.

YANGA, MTIBWA SUGAR ZAINGIZA MIL 49/-

Pambano la Ligi Kuu ya Vodacom kati ya Yanga na Mtibwa Sugar lililochezwa Februari 8 mwaka huu Uwanja wa Taifa, Dar es Salaam limeingiza sh. 49,510,000.

Jumla ya watazamaji 14,604 walikata tiketi kushuhudia mechi hiyo namba 112 kwa kiingilio cha sh. 3,000, sh. 5,000, sh. 10,000 na sh. 15,000 kwa VIP A.

Baada ya kuondoa gharama za awali za mchezo na asilimia 18 ya Kodi ya Ongezeko la Thamani (VAT) ambayo ni sh. 7,552,372.88 kila timu ilipata sh. 8,933,048.14, uwanja sh. 2,977,682.71.

Chama cha Mpira wa Miguu Mkoa wa Dar es Salaam (DRFA) sh. 1,191,073.08, TFF sh. 2,977,682.71, Mfuko wa Maendeleo ya Mpira wa Miguu (FDF) sh. 1,488,841.36, Baraza la Michezo la Taifa (BMT) sh. 297,768.27 na asilimia 10 ya gharama za mechi ni 2,977,682.71.

Gharama za awali za mechi zilikuwa nauli ya ndani kwa waamuzi sh. 10,000, nauli ya ndani kwa kamishna wa mchezo sh. 10,000.

Posho ya kujikimu kwa kamishna na waamuzi sh. 160,000, mwamuzi wa akiba sh. 30,000, tiketi sh. 4,000,000, maandalizi ya uwanja (pitch) sh. 400,000, umeme sh. 300,000, usafi na ulinzi kwa uwanja sh. 2,350,000 na Wachina (Beijing Construction) sh. 2,000,000.

Gharama nyingine ni Jichangie ambayo ni sh. 200 kwa kila tiketi; kila klabu ilipata sh. 1,022,280 wakati Chama cha Mpira wa Miguu Mkoa wa Dar es Salaam (DRFA) kilipata sh. 876,280.

MECHI ZA YANGA, SIMBA CAF

Klabu za Zamalek ya Misri na Kiyovu Sport zimekataa maombi ya mechi zao za marudiano za Ligi ya Mabingwa na Kombe la Shirikisho dhidi ya Yanga na Simba kusogezwa mbele kwa wiki moja kutoka wikiendi ya Machi 2, 3 na 4 mwaka huu.

Baada ya mazungumzo na klabu za Simba na Yanga, Shirikisho la Mpira wa Miguu Tanzania (TFF) lilituma maombi Shirikisho la Mpira wa Miguu Afrika (CAF) kuomba mechi hizo zisogezwe ili wachezaji wapate fursa ya kutosha kuzitumikia klabu zao na timu ya Taifa (Taifa Stars).

Februari 29 mwaka huu Taifa Stars itacheza mechi ya mchujo ya Kombe la Mataifa ya Afrika kwa ajili ya fainali za mwakani nchini Afrika Kusini dhidi ya Msumbiji kwenye Uwanja wa Taifa, Dar es Salaam.

Wikiendi ya Machi 2, 3 na 4 mwaka huu Yanga itakuwa inarudiana na Zamalek ugenini wakati Simba itarudiana na Kiyovu Sport jijini Dar es Salaam. CAF ilikuwa tayari kuridhia maombi hayo iwapo Chama cha Mpira wa Miguu cha Misri (EFA) na Shirikisho la Mpira wa Miguu la Rwanda (FERWAFA) wangekubali.

Lakini EFA na FERWAFA wamekataa ombi hilo kwa vile litavuruga ratiba ya mechi za ligi katika nchi hizo.

Alice Foundation na Wizara ya Fedha yaandaa mafunzo ya MKUKUTA

2012-02-10T22:58:00.000+03:00

wajumbe wa Mkutano walipata mda wa kujadili mada kwa vikundi.

picha ya pamoja na wawakilishi kutoka serikali za Mitaa katika kata ya Ubungo pamoja na mwenyekiti wa Alice Foundation

facilitator Mr. Ghumpi From Ministry of Finance akielezea kwa kina kuhusu MKUKUTA

Mrs. Alice Dosi Mwamsojo(kushoto) akiteta jambo na mmoja wa wajumbe wa Alice Foundation katika mafunzo ya MKUKUTA

volunteers wa Alice Foundation wakati wa mafunzo ya MKUKUTA

Facilitator Mr William (MOF) na Mwenyeji wake Mwenyekiti wa Alice Foundation ambaye ndiye mwandaaji wa Training ya MKUKUTA

Na Alice Dosi

MADAKTARI NA WAUGUZI WAREJEA KAZINI

2012-02-10T22:25:00.000+03:00

Afisa Uhusiano katika hospitali ya taifa ya Muhimbili Aminieli Eligaesha akizungumza na waandishi wa habari leo Ofisini kwake Jijini Dar es Salaam (hawapo pichani) kuhusu kurejea kwa huduma za afya katika hospitali hiyo, kufuatia mgomo wa madaktari bingwa na wauguzi uliofanywa katika kipindi cha wiki tatu sasa.

Na MAELEZO WAZIRI MKUU

MWALIKO KWA WANAHABARI

2012-02-10T22:17:00.000+03:00

The 16th Meeting of the Intergovernmental Committee of Experts (ICE)

“Harnessing the APRM Potential to Advance Governance of Mineral Resources in Africa”

Dar Es Salaam- 13th to 17th February 2012

Time—9.00 AM

Venue—Ubungo Plaza

Mwaliko

Mkutano wa 16 wa Kamisheni ya Uchumi ya Umoja wa Mataifa(UNECA) unatarajiwa kuanza Jumatatu

13-02-2012

Muda—3.00 Asubuhi

Sehemu- Ubungo Plaza

Wanahabari mnakaribishwa

JK KATIKA MAZISHI YA MWENYEKITI WA CCM

2012-02-10T22:03:00.000+03:00

Rais Jakaya Mrisho KLikwete katika mazishi ya Mzee Omar Selemani ambaye alikuwa Mwenyekiti wa Baraza la Wazee wa CCM Mkoa wa Dodoma. Mzee Suleiman alifariki dunia hospitalini ya mkoa wa Dodoma jana tarehe 9 Februari, 2012 alikokuwa amelazwa kwa matibabu.
PICHA NA IKULU

SERENGETI FREIGHT FORWARDERS

2012-02-10T21:48:00.000+03:00

LETE MZIGO WAKO TUTAUFIKISHA MPAKA SEBULENI KWAKO DAR!

KUTUMA DOCUMENTS BY DHL £25

KWA WALIO TANZANIA TUNA SUPPLY VITU VIFUATAVYO KWA BEI YA JUMLA KUTOKA UK KWA BIASHARA

USED TESTED FRIDGES FROM £15

USED TESTED TV's FROM £10

USED TESTED COMPUTERS (with flat screen)FROM £60

PHOTOCOPY MACHINES FROM £200

USED BICYCLES FROM £12

USED TESTED WASHING MACHINES FROM £25

USED TESTED LAPTOPS (1gb RAM 80gb storage) FROM £65

TUNACHUKUA ODA ZA JUMLA TU KWA EXPORT NA PIA TUNAVYO VITU VINGI SANA KAMA VILE PASI, BLENDERS, KETTLES, COPIERS,NK

SIO LAZIMA UWE NA MTAJI MKUBWA KUNUNUA KUTOKA UK!

HATA FRIDGE KUMI TUTAKUNULIA NA KUKULETEA MPAKA DUKANI KWAKO. SIO LAZIMA UFUNGE SAFARI

PIA KAMA UNATAKA KUNUNUA MAGARI AU MASHINE ZOZOTE HAPA UK SIE TUNAWEZA KUKUSAIDIA KUNUNUA NA KUKUSAFIRISHIA MPAKA NYUMBANI

NUNUA GARI KWA DEALER YOYOTE UK TUTALIFUATA, TUTALIKAGUA NA KULISAFIRISHA MPAKA NYUMBANI

kama unahitaji kitu chochote hapa UK tafadhali naomba ututumie email au utupigie simu

FROM TILBURY

NEXT VESSEL SAILS 22/02/2012 CUT OFF 17/02/2012

FROM SHEERNESS

NEXT VESSEL SAILS ON 18/02/2012 CUT OFF 16/02/2012

SEA CARGO/VIFURUSHI MPAKA DAR AT £2.20 PER KILO INCLUSIVE CUSTOMS CLEARANCE

CHUKUA MZIGO WAKO OFISINI KWETU MAGOMENI DAR

NO 4 MTAA WA MWINYIMKUU

TEL 00255 22 5000002

kama unataka kuagiza kitu au kufanya booking yoyote tutumie email au tupigie kwenye namba zifuatazo;

CHRIS LUKOSI +44 07903828119 & 07404279633

SIMON LOUIS (MOHSIN) +44 07950689243

HASSAN (RICHARD) +44 07405159255

HQ - UNIT 92 THAMES INDUSTRIAL PARK, PRINCESS MARGARET ROAD, EAST TILBURY, RM18 8RHRH

email: info@serengetifreight.co.uk or serengetifreight@yahoo.co.uk

Tell (+44) 01375 855917 Fax (+44) 01708202477

www.serengetifreight.co.uK

JK ATUA DODOMA LEO, AENDESHA KIKAO CHA BARAZA LA MAWAZIRI

2012-02-10T16:59:00.001+03:00

Rais Jakaya Mrisho Kikwete akipeana mikono na Mkuu wa Wilaya ya Bahi Bi. Betty Mkwasa mara baada ya kuwasili uwanja wa ndege wa Dodoma leo January 10, 2012

Rais Jakaya Mrisho Kikwete akiendesha kikao cha Baraza la Mawaziri ukumbi wa TAMISEMI mjini Dodoma leo

PICHA NA IKULU

MKUTANO WA SITA WA BUNGE KUHITIMISHWA LEO.

2012-02-10T16:43:00.004+03:00

Spika wa Bunge la Jamhuri ya Muungano wa Tanzania Anna Makinda akiingia ndani ya ukumbi wa bunge leo mjini kuongoza kikao cha tisa cha mkutano wa sita wabunge ambapo bunge linahitimisha shughuli zake mjini Dodoma.

Mbunge wa Same Mashariki Anna Kilango akijadili jambo na Mwanasheria mkuu wa serikali Jaji Frederick Werema ndani ya ukumbi wa Bunge leo wakati wa kipindi cha maswali na majibu mjini dodoma

Mbunge wa Singida mjini Mohammed Dewji akimsikiliza kwa makini Waziri wa Nchi,Ofisi ya Rais Uhusiano na Uratibu Stephen Wasira ndani ya ukumbi wa bunge leo mjini Dodoma.

Wajumbe na Viongozi wa chama cha wamiliki wa shule Vyuo na shule binafsi (TAMONGSCO) wakiwa katika picha ya pamoja mara baada ya kutoka ndani ya ukumbi wa bunge leo mjini Dodoma. Viongozi hao wapo bungeni Dodoma kukutana na kamati ya kudumu ya bunge ya huduma za jamii kwa lengo la kuhimiza ushirikiano kati yao na wabunge pamoja na serikali ili kubadilishana uzoefu na kujadili changamoto zinazoikabili sekta binafsi ya elimu nchini Tanzania.

Mbunge wa Bumbuli January Makamba akiwasilisha Hoja binafsi kuhusu sheria ya udhibiti wa shughuli za upangaji nyumba za makazi aliyoitoa chini ya kanuni ya 54 (1) ya kanuni za bunge toleo la 2007 ya kuliomba bunge kuazimia kwa kauli moja ,kuitaka serikali katika mkutano ujao wa saba kuleta Muswaada wa Sheria ya kudhibiti Upangaji wa Nyumba na Makazi kufuatia malalamiko mengi kutoka kwa wananchi wanaoishi mijini kutokana na adha wanazopata katika kutafuta nyumba za kupanga au kuishi kwenye nyumba hizo.

Spika wa Bunge la Jamhuri ya Muungano wa Tanzania Anne Makinda akiwasalimia viongozi na wachezaji wa timu ya Villa Squard ya Kinondoni jijini Dar es salaam waliofika bungeni hapo kuona shughuli mbalimbali zinazofanywa na bunge.

Spika wa Bunge la Jamhuri ya Muungano wa Tanzania Anne Makinda akifurahia jambo na wanafunzi wa shule ya sekondari Hijra ya mjini Dodoma nje ya ukumbi wa Bunge Dodoma.

Picha na Aron Msigwa – MAELEZO.

MADAKTARI WAANGUSHA MBUYU

2012-02-10T13:27:00.000+03:00

[Katibu Mkuu wa Wizara ya Afya na Ustawi wa Jamii, Blandina Nyoni]

KATIBU MKUU, MGANGA MKUU WIZARA YA AFYA WANG’OLEWA, VYOMBO VYA DOLA VYAWACHUNGUZA KWA UFISADI, MADAKTARI WAREJEA KAZINI

Waandishi Wetu

WAKATI madaktari nchini wakiafiki kusitisha mgomo wao na kukubali kurejea kazini leo, sakata hilo limeacha jeraha kubwa kwa Katibu Mkuu wa Wizara ya Afya na Ustawi wa Jamii, Blandina Nyoni na Mganga Mkuu wa Serikali, Dk Deo Mtasiwa, kwa kusimamishwa kazi.

Hatua hiyo ilitangazwa jana na Waziri Mkuu , Mizengo Pinda alipokutana na madaktari hao katika Hospitali ya Taifa Muhimbili (MNH), huku akiweka bayana kuwa hatima ya Waziri wa Wizara hiyo, Dk Haji Mponda na Naibu wake, Dk Lucy Nkya, inabaki mikono mwa Rais Jakaya Kikwete.

Pinda, alisema watendaji hao wa ngazi ya juu ya Wizara ya Afya, wamesimamishwa kazi kupisha uchunguzi wa vyombo vya dola, dhidi ya tuhuma mbalimbali zinazohusishwa na utendaji wao.

Katika mkutano huo, Waziri Mkuu aliweka wazi sababu kuu tatu za Serikali kuwasimamisha kazi vigogo hao wa wizara.

Pinda aliyelazimika kuacha kikao cha Bunge mjini Dodoma na kurejea Dar es Salaam juzi kushughulikia mgomo huo, alisema sababu ya kwanza ya kuwasimamisha watendaji hao, ni tuhuma za kuingiza nchini robo tatu ya vifaa bandia vya vipimo vya Ukimwi kutoka Korea Kusini.

Alitaja sababu zingine kuwa ni tuhuma za kuanzisha kampuni ya kusambaza nguo kwa madaktari na kuiingiza kinyemela kampuni ya kufanya usafi ndani ya Hospitali ya Taifa ya Muhimbil.Pinda alisema tuhuma hizo ni nzito zinazoidhalilisha Serikali na kamwe haitakuwa busara kuzifumbia macho huku Serikali ikiendelea kudhalilika.

“Nimeamua kuwasimamisha kazi Katibu Mkuu na Mganga Mkuu wa Serikali, ili kuweza kupisha uchunguzi maana hizi tuhuma zinafedhehesha taifa."

Aliongeza; “Kwa upande wa Waziri na Naibu Waziri wa Afya, nimeshapeleka ushauri kwa Rais kutokana na yeye kuwa mwenye dhamana, siwezi kuliongelea hili hapa ila yule aliyewateua, atafanya maamuzi, najua kitakachofuata mnakijua,” alisema Pinda huku madaktari wakilipuka kwa shangwe na kuimba nyimbo ya mshikamano.

Alisema malalamiko ya madaktari ni makubwa na kwamba, yana msingi wa kusikilizwa na kusihi kamati iliyoundwa kuorodhesha kila kitu ili Serikali iweze kuyafanyia kazi.

Alisema baada ya madaktari mabingwa kumweleza hali ilivyo katika hospitali hiyo ya Muhimbili, ndipo aliweza kujua kwa undani matatizo yao makubwa.Soma zaidi www.mwananchi.co.tz

Kazi afanye mume, mshahara kupewa mke

2012-02-10T09:43:00.000+03:00

Mshahara sasa kwenda kwa mke

Maafisa katika jimbo la Gorontalo nchini Indonesia wamepata njia mpya ya kuhakikisha wake wa wafanyakazi wa serikali wanapata mgao wa kutosha wa mshahara wa waume zao.

Mpango huo ni kuweka fedha za mishahara katika akaunti za benki za wake wa wafanyakazi wa serikali. Mpango huo unatazamiwa kuanza mwezi Machi na unatarajiwa kuweka familia pamoja, kutokana na kongezeka kwa vitendo vya wanaume kutumia fedha za ziada kwa wanawake wa nje.

Ni mpango rahisi lakini wa aina yake. Kuanzia mwezi Machi, kila mwanaume aliye na mke na anayefanya kazi katika serikali katika jimbo la Gorontalo atashuhudia mshahara wake ukiingia kwanza katika akaunti yake na mara moja fedha hizo kuhamishwa kwenye akaunti ya mke wake.

Hatua hiyo ni ya kuzuia matumizi "mabaya" ya fedha. Maafisa wanasema wamepokea malalamiko mengi mwezi uliopita kutoka kwa wake wa wafanyakazi wa serikali, ambao wanasema hwapati fedha za kutosha kutoka kwa waume zao kwa ajili ya matumizi ya nyumbani.
Msemaji wa jimbo la Gorontalo Rudy Iriawan amesema kanuni hiyo mpya ina lengo la kulinda familia zisimeguke. "Tuna wasiwasi kwa kuwa mwanaume ndio anadhibiti fedha za familia.
Na tunataka kuhakikisha mishahara ya wafanyakazi wa serikali inatumika kujenga familia na sio kwa ajili ya mambo mengine hasa wanawake wa nje".
Hata hivyo maafisa hao pia wameonya kuwa wake wa wafanyakazi hao wa serikali wasitumie fedha kujinunulia vitu vya kifahari.
Wametakiwa kuzingatia hatua hiyo kama kazi, zimesema mamlaka, katika kutazama fedha za familia za nyumba zao.
source BBC

Fainali kuchelewa nusu saa kuanza

2012-02-10T09:40:00.001+03:00

Chipolopolo kupambana na Tembo wa Ivory Coast

Muda wa kuanza kwa mchezo wa fainali wa Kombe la Mataifa ya Afrika siku ya Jumapili utachelewa kuanza kwa nusu saaa kutokana na "matatizo ya kiufundi".

Mchezo wa fainali kati ya Zambia na Ivory Coast utakaochezwa mjini Libreville, uliokuwa uanze saa nne usiku saa za Afrika Mashariki, sasa utaanza nusu saa baadaye- saa nne na nusu usiku.

Shirikisho la Soka Barani Afrika Caf, halijatoa sababu yoyote zaidi kuhusiana na mabadiliko hayo.

Tiketi za mchezo wa fainali hazijafanikiwa kuuzwa zote kama ilivyotarajiwa, huku robo tatu ya tiketi hizo zikiwa hazijanunuliwa.
Waandaaji wamesema siku ya Jumatano kuwa asilimia 70 ya tiketi, zimeuzwa kwa ajili ya mchezo huo katika mji mkuu wa Gabon siku ya Jumapili.
Zambia itacheza mechi ya fainali ya michuano hiyo kwa mara ya tatu kwenye uwanja wa de l'Amitie, wakiwa wanatafuta kunyakua kombe la Afrika kwa mara ya kwanza.
Ivory Coast itakuwa ikitafuta ushindi kwa mara ya pili, miaka 20, baada ya kucheza na kushinda mechi ya fainali dhidi Ghana.
Timu hizo mbili zinakutana baada ya Chipolopolo kutoka Zambia kuichapa Ghana 1-0 mjini Bata, huku Ivory Coast wakiichapa Mali 1-0 mjini Libreville siku ya Jumatano.
Source:BBC

Capello abwaga manyanga England

2012-02-10T09:37:00.000+03:00

LONDON, England
KOCHA Fabio Capello amejiuzulu kama meneja wa timu ya taifa ya soka ya England, chama cha FA kimethibitisha habari hizo.

Capello amejiuzulu baada ya kukutana na mwenyekiti wa chama cha FA cha England, David Bernstein, na katibu mkuu Alex Horne, katika afisi za uwanja wa Wembley.

Taarifa ya FA ilielezea: "Chama cha soka cha FA kinathibitisha kwamba Fabio Capello leo amejiuzulu kama meneja wa timu ya England."

Siku ya Jumatatu, Capello, ambaye ni raia wa Italia, katika magazeti ya Italia alielezea kutopendezwa na hatua ya chama cha FA kumvua John Terry unahodha wa timu ya taifa ya England.

Taarifa ya FA iliendelea kueleza; "Katika mkutano ulioendelea kwa zaidi ya saa nzima, hatua ya Fabio kujiuzulu ilikubaliwa, na ataacha madaraka hayo mara moja".

Bernstein alielezea: "Ningelipenda kusisitiza kwamba wakati wa mkutano, na katika wakati wote ambao Fabio amekuwa meneja wa timu ya taifa, tabia yake imekuwa ni ya mtu aliyesimamia kazi yake kwa heshima".

Mkutano wa Bernstein akiwa na maafisa wakuu wa timu ya England, kukutana na waandishi wa habari, unatazamiwa kufanyika Alhamisi, saa sita mchana za Uingereza, katika uwanja wa Wembley.

Chama cha FA kimeelezea hakitatoa maelezo zaidi hadi baada ya mkutano huo.

John Terry, mchezaji wa Chelsea, na mwenye umri wa miaka 31, inadaiwa alitumia matamshi ya ubaguzi wa rangi dhidi ya mchezaji wa QPR, Antonio Ferdinand.

Terry anakanusha madai hayo, na kesi yake itasikilizwa mwezi Julai.

Siku ya Jumapili, Capello akizungumza katika kituo cha matangazo cha RAI nchini Italia, alisema haamini uongozi wa michezo unafaa kumuadhibu mtu, huku akisubiri uamuzi kutolewa na mahakama.
Chanzo:Mwananchi

Al-Shabaab yaungana rasmi na al-Qaeda

2012-02-10T09:29:00.000+03:00

Mpiganaji wa al-Shabaab akisimamia ugawaji chakula Somalia

Kundi la Waislam wenye itikadi kali nchini Somalia, al-Shabaab, limetangaza kuwa linaungana na kundi la al-Qaeda.

Tamko hilo limetolewa katika picha ya video iliyotolewa na makundi hayo mawili.

Yusuf Garaad wa Idhaa ya Kisomali ya BBC ambaye ameitazama video hiyo amesema kundi hilo ambalo jina lake kamili ni Harakat al Mujahiddin al Shabaab, limetangaza rasmi kuungana na al-Qaeda.

Madai ya muungano huo yametolewa na kiongozi wa al-Shabaab, Ahmed Godane, au maarufu kama Abu Zubair.

Mkuu wa al-Qaeda, Ayman al-zawahiri

Akizungumza kwa lugha ya Kiarabu,Abu Zubair amesema sasa watatii maelekezo kutoka kwa kiongozi wa al-Qaeda, Ayman al-Zawahiri.

Akizungumzia Marekani, Ahmed Godane amesema wakati wa dola pekee duniani- Marekani - sasa umefikia mwisho na kuwa utawala wa Uislam ndio utachukua mamlaka.

Kiongozi wa al-Qaaeda, Ayman al-Zawahiri, ambaye pia ameonekana katika video hiyo, ameisifia al-Shabaab na kukiri na kukubali kwa kundi hilo kuungana na al-Qaeda.

Amesema hizo ni habari njema kwa wafuasi wake.

Wapiganaji

Al-Zawahiri amesema Somalia itakuwa ngome ya Jihad katika pembe ya Afrika na kuongeza kuwa watateketeza kile alichotaja kuwa ni kiburi cha majeshi ya Kikristo kutoka Marekani, Ethiopia na Kenya dhidi ya Wasomali.

Ametoa wito kwa al-Shabaab kulinda watu wake hasa wale ambao ni dhaifu, na pia kutaka kwa wananchi wa Somalia kuunga mkono uamuzi wa vijana wao, akimaanisha al-Shabaab.

Al-Shabaab ni kundi lenye wapiganaji maelfu kadhaa, wengi wao wakiwa ni Wasomali. Hata hivyo wanao pia wapiganaji wa kigeni kutoka katika nchi zinazoizunguka Somalia na hata sehemu nyingine duniani.

Mitindo yao ya upiganaji ni pamoja na mabomu ya kujitoa mhanga na pia ya kutegwa ndani ya magari.

Mwenendo

Al-Shabaab kwa sasa inadhibiti maeneo kadhaa ya kusini na kati ya Somalia.

Katika miezi kadhaa iliyopita wamekuwa wakibanwa kutoka pande kadhaa. Mjini Mogadishu wanapambana na majeshi ya kulinda amani ya Umoja wa Afrika, Amisom, yenye wanajeshi kutoka Uganda, Burundi na Djibouti. Majeshi hayo yanadhibiti zaidi mji mkuu, Mogadishu.

Upande wa kusini, majeshi ya Kenya yameshambulia ngome za al-Shabaab ardhini, baharini na angani. Majeshi ya Ethiopia pia yanashambulia kundi hilo kwa upande wa kaskazini na tayari wameteka mji wa Beled Weyne, mji muhimu katikati mwa Somalia.

Kuungana kwa al-Shabaab na al-Qaeda huenda kukabadili mwenendo mzima wa mzozo wa Somalia.

Source:BBC

" Mwenyekiti Nanasi La Elfu Moja Unakuna Kichwa!"

2012-02-10T09:22:00.001+03:00

Mwkt, hata kununua nanasi nako unaitaji ujikune kichwa? (picha ya pili). Ndio maana nywele zako hazichaniki, ni kwa sababu ya kukunwa kunwa kila mara.

Mdau.

Jibu:

Ndugu yangu ,

Si kukuna kichwa tu. Wakati mwingine kichwa kinauma pia, maana, hali ya uchumi ni ngumu na vitu vinapanda bei kila kukicha. Mwaka jana nanasi hilo hilo nimenunua kwa shilingi mia tano. Sasa leo unapofikiria kununua mananasi matano ina maana ya shilingi elfu tano. Na huko tunakokwenda tutanyonyoka nywele. Unaposikia Spika anasema Mbunge mwisho wa mwezi anaishiwa hata anafikia kukopa hela ya mafuta basi ni lazima ukune kichwa!

Maggid,

Iringa.

Mbeya Nako Kwachafuka Tena!

2012-02-10T07:49:00.001+03:00

Wafanyabiashara soko la soweto wakitaka kuandamana kupinga ongezeko la ushuru kutoka sh 200 hadi 300 wakisema hawaoni sababu kwani hakuna huduma katika soko hilo

Picha kwa hisani ya Mbeyayetublog

Chadema, CCM wageuza mahakama uwanja wa mapambano

2012-02-10T06:32:00.000+03:00

Peter Saramba, Arusha
HALI ya usalama katika viwanja vya Mahakama Kuu kanda ya Arusha ilikuwa tete jana, baada ya waliodhaniwa kuwa wafuasi wa Chama cha Demokrasia na Maendeleo(Chadema), kuanzisha vurugu zilizohusisha pia makada wa Chama cha mapinduzi(CCM), wakati wa kuahirishwa kwa kesi inayohusu kupinga Ubunge wa Godbless Lema(Chadema).

Vurugu hizo zilizohusisha wafuasi wa vyama hivyo vyenye upinzani mkali mjini hapa, zilitokea Saa 6:45 mchana wakati shauri la kesi hiyo likiahirishwa na kupelekea wapinzani hao kutafutana nani si mwenzao na kugundua uwapo wa kada wa CCM aliyedaiwa kuwa na silaha miongoni mwa wafuasi wa Chadema .

Chanzo cha vurugu hizo zilianzia wakati wafuasi wa CCM wakiwa ndani ya mgahawa ulioko eneo la mahakama hiyo kujipatia chochote, wenzao wa Chadema waliamua kutoka nje ya geti la mahakama na ndipo wafuasi hao wa upinzani walipomgundua mtu mmoja miongoni mwao kuwa siyo mwenzao na kuanza kumhoji kabla ya kumpekua na kudai kumkuta na silaha hizo.

Kada huyo wa CCM aliyedaiwa kujipenyeza katikati ya wana Chadema akiwa na silaha alitambuliwa kwa jina la James Mallya ambaye ni dereva wa Jumuiya ya Umoja wa wanawake wa CCM (UWT) mkoa wa Arusha na alilazimika kutimua mbio hadi ndani ya mgahawa walipokuwa wenzake kujinusuru na kichapo kutoka kwa wana Chadema.

Katibu wa Umoja wa vijana wa CCM (UVCCM), Mkoa wa Arusha, Abdalah Mpokwa alithibitisha kumtambua kijana huyo kuwa mwanachama na dereva wa UWT na kuongeza kuwa alikimbizwa hospitali na kuruhusiwa kutoka baada ya kufanyiwa uchunguzi na kupatiwa dawa.“Namshukuru Mungu kijana yule anaendelea vema baada ya madaktari kuthibitisha kuwa hakupata madhara makubwa, amepewa dawa na kuruhusiwa,” alisema Mpokwa.

Katibu huyo wa UVCCM aliwataka viongozi na wafuasi wa Chadema kujenga utamaduni wa kuvumiliana kuhusu tofauti za kiitikadi zilizopo miongoni mwao kwani licha ya kutofautiana, wanaendelea kubakia kuwa watanzania na wana Arusha wenye lengo moja la kujiletea maendeleo.Kwa upande wake, Kada wa Chadema, Rashid Shubet alisisitiza kumkuta mwana CCM huyo akiwa na silaha hizo katikati ya wana Chadema bila kueleweka vema alikuwa na nia gani na kuwataka viongozi wa pande zote kudhibiti hisia za wanachama na wapenzi wa vyama vyao.

Kamanda wa polisi Mkoa wa Arusha, Tobias Andengenye hakupatikana jana kuzungumzia suala hilo baada ya simu zake zote za mkononi kutopatikana na hata Akili Mpwapwa anayekaimu nafasi hiyo hakupatikana.
Katika hatua nyingine shauri la kupinga Ubunge wa Godbless Lema (Chadema), jimbo la Arusha linaendelea kuunguruma leo kwa mlalamikaji wa kwanza, Mussa Mkanga kuendelea kutoa ushahidi wake kuhusu hoja kumi zilizowafanya wafungue kesi hiyo ambazo zinabishaniwa na upande wa madai na utetezi.

Jaji Gabriel Rwakibarila anayesikiliza shauri hilo baada ya Jaji Aloyce Mujulizi kujitoa alitaja hoja zinazobishaniwa kuwa ni pamoja na iwapo walalamikaji hao wana haki kisheria kufungua kesi hiyo.Pande hizo pia zinabishana iwapo wadai wamefungua shauri hilo kwa niaba ya wapiga kura wote wa Arusha, wametumwa au iwapo wao ni mawakala wa aliyekuwa mgombea ubunge kupitia CCM, Dk Batilda Burian.

Hoja zingine ni iwapo maneno kuwa Dk Burian hakustahili kuchaguliwa kuwa mbunge wa Arusha kwa sababu ni mwanamke aliyeolewa Zanzibar na hivyo anaenda huko mara baada ya uchaguzi na kwamba ni mwanamke asiye mwaminifu aliyezaa na kupata ujauzito nje ya ndoa yalitamkwa na Mbunge Lema katika mikutano yake ya kampeni mwaka 2010.

Katika uamuzi mdogo alioutoa kuhusu pingamizi la wakili wa wadai, Alute Mugwai aliomba shahidi huyo asihojiwe kuhusu barua ya malalamiko kwa Kamati ya Uchaguzi Jimbo la Arusha juu ya Lema kukiuka kanuni za maadili ya uchaguzi, Jaji Rwakibarila aliruhusu shahidi huyo kutoa ushahidi na kusahihi maelezo yake yanayodaiwa na wakili Kimomogoro kuwa yanapingana na kilichomo kwenye hati ya mashtaka.www.mwananchi.co.tz

MAREKEBISHO YA SHERIA YA KATIBA:WEREMA APENDEKEZA MAPENZI YA DHARURA

2012-02-09T21:11:00.001+03:00

Ile nia njema iliyoonyeshwa na serikali baada ya kujifunza na kuleta marekebisho ya sheria ya katiba yako shakani kwani mama malecela anataka turudi tulikotoka.amekomaa komakoma kutaka wakuu wa wilaya wabaki kuwa wasimamizi wakuu wa katiba mpya huku upinzani ukiunga mkono mapendekezo ya serikali kuwaondoa na kuingiza wakurugenzi wa wilaya.inavyoonekanakwetu MALECELA na wenziye wanataka turudi nyuma.mwanasheria wa serikali katika kujaribu kunusuru hali amependekeza mapenzi ya dharura kati ya vyama hasimu bila shaka.spika amezuia kupigwa kura juu ya jambo hilo.nadhani ameona athari zinazoweza kuletwa na kura za ushabikizinazoweza kusahau maumivu ambayo taifa limepata kabla.tusubiri kesho

mdau

Nanasi Moja Chalinze Shilingi Elfu Moja!

2012-02-09T16:44:00.000+03:00

Jana alasiri.

MAMA NKYA NA BISIMBA WAKAMATWA NA POLISI

2012-02-09T14:42:00.001+03:00

Walikwenda Muhimbili wakati Pinda akiwa kwenye kikao na madaktari.Hatufahamu nini kimeendelea ila ni kama walipelekwa kituo cha Osterbay kwa mahojiano.Tunafuatilia.Yasemekana hasa kisa ni maandamano ya jana waliyoyaongoza
Afisa wa polisi aliyehojiwa sababu za kukamatwa kwao amesema walikuwa wanasababisha msongamano mkubwa wa watu na kwamba wangehatarisha amani wakati waziri mkuu akiendelea na kikao

Mdau wa Mjengwablog,Dar

JK Akutana Na Waziri Wa Mambo Ya Nje Wa Marekani

2012-02-09T14:23:00.000+03:00

Rais Jakaya Mrisho Kikwete akizungumza na Naibu Waziri wa Mambo ya Nje wa Marekani Bw. Johhnie Carlson na Ujumbe wake walipomtembelea Ikulu jijini Dar es salaam leo January 9, 2012

Picha ya pamoja

Rais Jakaya Mrisho Kikwete na Naibu Waziri wa Mambo ya Nje wa Marekani Bw. Johhnie Carlson na Ujumbe wake pamoja na waziri wa Nishati na Madini Mh Williuam Ngeleja walipomtembelea Ikulu jijini Dar es salaam leo January 9, 2012
Picha na IKULU

ELIMU BORA AU BORA ELIMU...

2012-02-09T11:52:00.002+03:00

Mwanafunzi akiaandaa chakula cha mchana kama alivyokutwa na mdau wa Mjengwa Blog maeneo ya njia panda ya mlolo-Iringa

Ivory Coast na Zambia kukutana fainali

2012-02-09T10:43:00.000+03:00

Ivory Coast wameifunga Mali 1-0 na kufuzu fainali

Ivory Coast itakutana na Zambia kwenye fainali ya Kombe la Mataifa ya Afrika baada ya timu hizo mbili kushinda mechi zao za nusu fainali.

Ivory Coast imefuzu baada ya kuishinda Mali 1-0 katika nusu fainali yao mjini Libreville, nchini Gabon.

Bao la ushindi la Ivory Coast lilifungwa na mchezaji wa Arsenal Gervinho katika kipindi cha pili.

Awali katika mji wa Bata nchini Gabon Zambia iliibandua Ghana kutoka mashindano hayo kwa kuifunga 1-0.

Bao la Zambia lilifungwa katika dakika ya 78 na mshambuliaji Emmanuel Mayuka.

Katika kipindi cha kwanza mshambuliaji wa Ghana Asamoah Gyan alikosa kufunga penalti, mlinda mlango wa Zambia akautema nje mpira.

Fainali ya Kombe la Mataifa ya Afrika itachezwa siku ya Jumapili mjini Libreville, nchini Gabon, mechi ambayo itatangazwa moja kwa moja kupitia Idhaa ya Kiswahili ya BBC.

Source:BBC

WAVULANA WAPETA MATOKEO KIDATO CHA NNE

2012-02-09T10:39:00.000+03:00

Mwanafunzi wa Shule ya Sekondari Marian Girls, Roselye Tandau (16) akishangilia jijini Dar es Salaaam jana baada ya kutangazwa mshindi wa pili katika mtihani wa Kitaifa wa Kidato cha nne wa mwaka 2011. Picha na Venance Nestory

BARAZA la Mtihani la Taifa(Necta) limetangaza matokeo ya mtihani wa kidato cha nne uliofanyika mwaka jana yanaonyesha kuwa asilimia 53.59 ya wanafunzi 426,314 waliofanya mtihani huo wamefaulu.

Hata hivyo, wakati asilimia hiyo ambayo ni sawa na wanafunzi 180,216 wakifurahia matokeo hayo, wenzao 3,301 wamefutiwa matokeo kutokana na udanganyifu ikiwamo mfanano usio wa kawaida wa majibu. Akitangaza matokeo hayo jijini Dar es Salaam jana, Katibu Mtendaji wa Necta, Dk Joyce Ndalichako alisema wasichana waliofaulu ni 90,885 sawa na asilimia 48.25 na wavulana ni 134,241 sawa na asilimia 57.51.

“Mwaka 2010 watahiniwa waliofaulu walikuwa 223,085 sawa na asilimia 50.74, hivyo ufaulu umeongezeka kwa asilimia 2.63,” alifafanua Dk Ndalichako. Wanafunzi 10 bora Dk Ndalichako aliwataja wanafunzi 10 bora kitaifa kuwa ni Moses Andrew Swai kutoka shule ya Feza Boys, Rosalyn Tandau kutoka Marian Girls, Mboni Mumba kutoka St Francis Girls na Sepiso Mwamelo kutoka St Francis Girls. Wengine na shule zao kwenye mabano ni Uwella Rubuga (Marian Girls), Hellen Mpanduji (St Mary’s Mazinde Juu), Daniel Wallace Maugo (St Joseph Millennium), Benjamin Tilubuzya, (Thomas More Machrina), Simon Mbangalukela (St. Joseph Millennium) na Nimrod Rutatora (Feza Boys).

Wasichana 10 bora
Kwa upande wa wasichana kumi bora, Dk Ndalichako aliwataja na shule walizotoka kwenye mabano kuwa ni Rosalyn (Marian Girls), Mboni (St Francis Girls), Sepiso Mwamelo (St Francis Girls), Uwella Rubuga (Marian Girls) na Hellen Mpanduji (St Mary’s Mazinde Juu). Wengine ni Lisa Chille (St Francis Girls Mbeya), Elizabeth Ng’imba (St Francis Girls Mbeya), Doris Noah (Kandoto Sayansi Girls), Herieth Machunda (St Francis Girls Mbeya) na Daisy Mugenyi (Kifungilo Girls Tanga).

Wavulana 10 bora
Wavulana kumi waliofanya vizuri zaidi katika mtihani humo ni Moses Andrew Swai (Feza Boys), Daniel Maugo (St Joseph Millennium), Benjamini Tilubuzya, (Thomas More Machrina), Simon Mbangalukela (St. Joseph Millenium) na Nimrod Rutatora (Feza Boys). Wengine ni Simon Mnyele (Feza Boys), Paschal Madukwa (Nyegezi Seminary), Henry Stanlay (St Joseph Millenium), Fransisco Kibasa (Mzumbe) na Tumain Charles (Iliboru).

Shule 10 bora

Matokeo hayo yanaonyesha shule kumi bora zenye zaidi ya watahiniwa 40 kuwa ni St. Francis Girls ya Mbeya, Feza Boys, St Joseph Millenium, Marian Girls, Don Bosco Seminary, Kasima Seminary, St. Mary’s Mazinde Juu, Canossa, Mzumbe na Kihaba.

Matokeo hayo yanaonyesha pia shule 10 bora zenye watahiniwa chini ya 40 kuwa ni Thomas More Machrina, Feza Girls, Dungunyi Seminary, Maua Seminary, Rubya Seminary, St Joseph Kilocha Seminary, Sengerema Seminary, Lumumba, Queen of Apostles- Ushirombo na Bihawana Junior Seminary.

Shule 10 za mwisho

Shule kumi za mwisho zenye watahiniwa zaidi ya 40 ni Bwebwera, Pande Daraja, Mufindi, Zirai, Kasokala, Tongoni, Mofu, Mziwa, Maneromango na Kibuta. Na shule kumi za mwisho zenye watahiniwa chini ya 40 ni Ndongosi, St Luke, Igingwa, Kining’inila, Ndaoya, Kilangali, Kikulyungu, Usunga, Mto bubu day na Miguruwe. Waliofutiwa matokeo Dk Ndalichako alifafanua zaidi kuwa watahiniwa 3,301 waliobainika kufanya udanganyifu wamefutiwa matokeo na hawataruhusiwa kufanya mtihani wowote wa Necta kwa kipindi kisichopungua miaka mitatu.

Dk Ndalichako alisema kati yao watahiniwa waliofanya mtihani huo walikuwa 426,314, sawa na asilimia 94.67 ya watahiniwa wote waliosajiliwa. “Mwaka 2010 watahiniwa waliosajiliwa walikuwa 458,114 hivyo, idadi ya watahiniwa imepungua kwa watahiniwa 7,790 sawa na asilimia 1.70,” alisema Dk Ndalichako. Alisema mwaka jana, watahiniwa wa shule waliosajiliwa walikuwa 349,39 na watahiniwa huku wa kujitegemea wakiwa ni 100,934. Akifafanua zaidi juu ya matokeo hayo, Mtendaji Mkuu huyo wa Necta alisema watahiniwa 450,324 walisajiliwa kufanya mtihani huo ambao wasichana ni 201,799, sawa na asilimia 44.81 na wavulana 248,525, sawa na asilimia 55.19. Alisema jumla ya watahiniwa wa shule 180,216 sawa na asilimia 53.59 ya waliofanya mtihani wa kidato cha nne wamefaulu, kati yao wasichana wakiwa 69,913 na wavulana 110,303.

Kwa upande wa watahiniwa wa kujitegemea, waliofaulu ni 44,910 wasichana wakiwa 20,972 na wavulana 23,938.

Waliofutiwa mitihani

Dk Ndalichako alisema Necta imefuta matokeo ya watahiniwa 3,03 waliobainika kufanya udanganyifu kati yao, watahiniwa wa shule ni 3,301 na wawili wakiwa wa maarifa (QT). Akifafanua zaidi juu ya udanganyifu huo alisema , 182 walikamatwa na wasimamizi wakiwa na makaratasi (notes) sita walikamatwa na simu, watatu walikuwa wakifanyiwa mtihani na watu wengine, wanne walisajiliwa kufanya mtihani kwa majina ya watu wengine.

Dk Ndalichako aliongeza kwamba, pia watahiniwa 2,896 karatasi zao za majibu zilikuwa na mfanano usio wa kawaida, 155 karatasi zao za majibu zilikuwa na miandiko zaidi ya mmoja, 14 kubadilishana karatasi katika chumba cha mtihani, 18 kukamatwa na karatasi za majibu zaidi ya moja, 25 wakiwa na mfanano usio wa kawaida wa majibu , kuwa na vikaratasi ama kubadilishana vikaratasi. “Mtu mmoja unakuta mitihani yake ya majibu ina miandiko zaidi ya 10, na jeshi la polisi ndilo lililothibitisha kuwa miandiko ya wanafunzi hawa ilikuwa inatofautiana. Alisema pia kuwa, baraza hilo limefuta matokeo ya watahiniwa nane walioandika matusi ya nguoni kwenye karatasi zao za majibu. “Kitendo cha kuandika matusi kwenye karatasi za majibu kinaonyesha utovu wa nidhamu, hivyo pamoja na kuwafutia matokeo ufuatiliaji zaidi unaendelea ili kuona hatua za kuwachukulia,” alisema Dk Ndalichako.

Pia alitoa onyo kali kwa vituo vilivyohusika na udanganyifu huo, huku akisema kwa vilivyobaika vitaandikiwa barua ya kutaka vijieleze kwa nini visifutiwe matokeo. Dk Ndalichako akielezea zaidi juu ya hali hiyo, alisema baadhi ya watahiniwa waliandika nyimbo za kizazi kipya (Bongo fleva) kwenye karatasi zao za majibu huku wengine wakichora michoro isiyo eleweka na wachezaji wa mpira. “Mwingine aliandika bongo fleva, ngoja niwasomee ‘wasahihishaji msinisamehe..., acha utani na girl wangu, najukuja home nakukuta.. nikifeli mtihani naendelea na fani ya muziki,” Dk Ndalichako alisoma moja ya karatasi za majibu za watahiniwa hao huku akiruka baadhi ya maeneo akisema ameandika matusi yasiyoweza kusomeka.

Ubora wa ufaulu kwa jinsi

Dk Ndalichako alisema ubora wa ufaulu kwa kuangalia madaraja waliyopata watahiniwa wa shule unaonyesha kuwa, jumla ya watahiniwa 33,577 sawa na asilimia 9.98 wamefaulu katika daraja la kwanza mpaka la tatu.

“Wasichana waliofaulu katika daraja la kwanza mpaka la tatu ni 10,313 sawa na asilimia 7.13 na wavulana ni 23,267, sawa na asilimia 12.13,” alisema Dk Ndalichako. Aliongeza kwamba, waliopata daraja la nne ni 146,639 sawa na asilimia 43.60 ambao wavulana ni 87,039 sawa na asilimia 45.40 na wasichana 59,600, sawa na asilimia 41.22. Dk Ndalichoka aliongeza kwamba, waliofeli ni 0156,089 sawa na asilimia 46.41, kati yao wavulana wakiwa 81,418 sawa na asilimia 42.47 na wasichana wakiwa 74,667, sawa na asilimia 51.64. mwisho

Chanzo.Mwananchi

PINDA ANAONGEA NA MADAKTARI MUDA HUU

2012-02-09T10:33:00.005+03:00

Madaktari kwenye ukumbi wa CPL leo asubuhi wakisubiri ujio wa PM.Amechelewa kwa dakika 51 ila sasa ameshafika na maongezi yameanza.Dk.Ulimboka yuko mbele na madaktari bingwa wako mbele.tutawajuza zaidi.

UPDATES
Katibu mkuu na mganga wa serikali wameondolewa, waziri na naibu waziri watashughulikiwa na rais, call allowances za madaktari bingwa ni 25000/= na madaktari wa kawaida ni 20000/=, madaktari watapewa nyumba na green card...kikao kinaendelea .
UPDATES
Madaktari wamekubali offers za serikali na wametoa mwezi mmoja kuona kama kweli serikali inatekeleza kwa dhati ahadi zake.Kesho wataingia kazini
Mdau wa Mjengwablog,Dar es salaam

MGOMO WA MADAKTARI:NAPINGANA NA ASKOFU KILAINI

2012-02-09T08:11:00.000+03:00

Mwandishi wa maneno haya ni mkatoliki anayejua uzito wa kauli ya baba askofu.Anapenda kuamini kuwa askofu ametoa msimamo wake binafsi na siyo tamko la kanisa wala maoni hayo siyo mafundisho rasmi ya kanisa.Askofu anapinga mgomo wa madaktari kwani ni kinyume cha maadili,anawataka wawe na huruma na watumie mbinu mbadala kudai madai yao.Hata hivyo anakubali na kusema kuwa hawa ni watu muhimu sana.Sasa kwa nini nampinga askofu.Kwanza askofu hakuweka lawama zake sawasawa kwa upande wa serikali badala yake amewaangalia tu madaktari,pili askofu anajaribu kujenga picha kuwa madaktari ndiyo wanasababisha wagonjwa kukosa huduma kwa kugoma kwao badala ya serikali ambayo imekataa kutimiza madai ya madaktari.

Fundisho la kanisa linaruhusu migomo kama hatua muhimu na wakati mwingine ya lazima kwenye kudai haki za raia.Kanisa linataka serikali iimarishe na kuboresha huduma za jamii ili wale wanaofanya kazi wafurahie matunda ya kazi zao na wajisikie kufanya kazi zaidi,pia serikali inapaswa kuhakikisha uwepo wa haki za binadamu.Katekisimu ya Kanisa Katoliki inasema kuwa mshahara wa haki(siyo mkubwa) ni matunda halali ya kazi.kukataa kulipa au kuzuia malipo ni grave injustice..Mishahara inapaswa kumwezesha mtu kuendesha maisha yenye staha kwake mwenyewe, watoto na familia yake.

Migomo ni halali kimaadili(KKK) Pale inapokuwa haiwezi kuzuilika au ikiwa njia nyingine zimeshindikane au ikiwa ni lazima ili kupata faida fulani (proportionate benefit) .Sasa baba askofu anaweza pia kuulizwa maswali haya.je serikali imetoa mishahara ya haki kwa madaktari? na wanaendesha decent life? je serikali imeimarisha huduma za jamii zikiwemo matibabu kiasi cha kuwafanya wafanyakazi kufurahia kufanya kazi zao? je, mgomo wa madktari umetokea kwa sababu madaktari wamependa au ni baada ya njia zote kushindikana kutokana na serikali kawadharau na kutowasikiliza? kama majibu yote ni hapana ni vipi tena askofu asipinge ukosefu wa haki serikali inaofanya kwa watanzania hawa badala yake anakemea madaktari. na je mantiki inaonyeshaje kawa madakatari na siyo serikali ndo wanasababisha mateso ya watu,mimi nadhani lawama zote ziende kwa serikali,Tatizo kwa askofu kilaini anayeongoza serikali kwake ni chaguo la Mungu na hajawahi kusema kama Mungu alishajitenga naye.Labda anaona akikemea serikali atakuwa amefanya kufuru kwani atadharau mteule wa mungu.Vinginevyo Mgomo wa madaktari haujavunja maadili yoyote ya taifa, dini na hata udaktari wenyewe.Napingana na baba askofu na ninaunga mkono mgomo wa madaktari hadi serikali itakapotimiza madai yao au itakapojiuzuru.maswali kama watu wanakufa nk yanayo majibu ya kuridhisha

Mdau
.

Kilaini: Mgomo wenu madaktari ni maafa kwetu

2012-02-09T07:30:00.001+03:00

Waandishi Wetu
ASKOFU Msaidizi wa Jimbo la Bukoba, Methodus Kilaini amewasihi madaktari kuangalia upya uwezekano wa kudai maslahi yao kwa njia mbadala na mgomo ambao unasababisha maafa.

Akizungumza na Mwananchi, Askofu Kilaini alisema pamoja na madaktari kuwa wana hoja katika madai yao, hakubaliani na mgomo kwa kuwa ni kinyume na maadili.

Askofu Kilaini alisema, “Madaktari ni watu muhimu zaidi na iwapo ingeitishwa kura ya kubainisha nani alipwe zaidi kati ya madaktari na wabunge, watu wengi wangependekeza walipwe zaidi madaktari na siyo wabunge," alisema Kilaini na kuongeza:

"Lakini mimi sikubaliani na jinsi wanavyogoma na kupita hospitali huku wameweka mkono mfukoni na kuacha watu wakiwa wamejilaza pembeni wanaumwa.”

Alisema japokuwa malipo wanayolipwa ni kidogo na yanakatisha tamaa, madaktari wanapaswa kuwa na huruma na wananchi ambao wamekuwa wakitaabika kwa kukosa tiba kutokana na mgomo huo.

Muhimbili bado

Katika hospitali za Muhimbili na Taasisi ya Tiba ya Mifupa (MOI), wagonjwa waliolazwa katika wodi mbalimbali wameomba serikali kushughulikia suala hilo kama ilivyo kwa masuala mengine ya dharura.

Wakizungumza kwa uchungu katika wodi ya Sewahaji, walisema kinachoendelea mgomo huo sasa ni janga linalohatarisha maisha yao na ya ndugu zao.

Janne Shaban ambaye alidai amefika hosptalini hapo kumuuguza mumewe, alisema kitendo cha serikali kushindwa kutatua tatizo la madaktari ni hatari na kitaangamiza maisha ya watu wengi wasio na hatia.

"Mimi nipo nimekuja na mume wangu amelazwa katika wodi ya Sewahaji, mgonjwa anaumwa hapati tiba na sasa tumeambiwa tuondoke tuende wapi? Nyumbani kunanini cha kumpa mgonjwa? alihoji Shabani na kuongez: serikali inapaswa kulichukulia tatizo hilo kama janga la dhararu kwani linahatarisha maisha ya walio wengi.

Hata hivyo, Msemaji Mwandamizi wa Hospitali hiyo Aminiel Aligaesha alisema uongozi wa hospitali hiyo umepokea barua kutoka kwa madaktari hao bingwa unaoelezea azima ya mgoma huo.

Alisema kutokana na hatua hiyo huduma katika hosptali hiyo zitaendelea kuzorota huku akisisityiza kuwa idadi ndogo ya madaktari bingwa itaendelea kufanya kazi ya kuangalia wagonjw akatika kitengo cha dhararu.

Mwenyekiti wa jumuiya ya madaktari inayoongoza harakati za mgomo huo, Dk Stephen Ulimboka alisema madaktari wataendelea na mgomo hadi madai yao yatakapotekelezwa.

Mgomo Bugando

Madaktari waliopo katika mafunzo ya vitendo wa Hospitali ya Rufaa ya Bugando (BMC), jijini Mwanza wametangaza kuanza mgomo rasmi kuanzia jana saa 6:00 mchana na kuungana na madaktari bingwa wa hospitali ya Muhimbili walionza mgomo juzi.

Hatua hiyo itasababisha madaktari bingwa wa Bugando walioajiriwa na kanisa Katoliki kushindwa kutoa huduma, tofauti na hapo awali ambako madaktari wa mafunzo kwa vitendo, ndiyo wanaopaswa kuwapokea wagonjwa na kuwahudumia kabla ya kufika kwa madaktari bigwa.

“Iwapo madaktari walio katika vitendo watatekeleza azma yao ya kugoma, itatubidi sisi madaktari bigwa tuanze kuhudumia wagonjwa kwa masaa ishirini na nne jambo ambalo litakuwa gumu kwetu na tutashindwa kufanya kazi,”alisema mmoja wa madaktari bingwa ambaye hakutaka jina lake kutajwa .

Alisema madaktari bingwa ni wachache kulingana na wagonjwa wanaopokelewa hospitalini hapo na kusema, wanahofia hali ya matibabu BMC itakuwa ngumu kulinganishwa na hapo awali.

Hata hivyo, Kaimu Mkurugenzi wa hospital hiyo Dk Japhet Ngilioma alisema siyo rahisi kilichotokea katika hospital ya Muhimbili kutokea katika hospitali hiyo ya Bugando kutoka na hospitali hiyo kuwa chini ya uangalizi wa kanisa Katoliki.

Alisema hadi saa 6:00 mchana madaktari wote bingwa waliokuwepo katika zamu walikuwa kazini na kliniki zote zilikuwa zikifanya kazi bila ya kuwepo dalili yeyote ya mgomo kwa madaktari wa pande zote mbili.www.mwananchi.co.tz

MAANDAMANO KUUNGA MKONO MADAKTARI YATAIFANYA SERIKALI ISIKIE?

2012-02-09T07:03:00.001+03:00

Jana Dar es salaam
Picha kwa hisani ya Michuzijr

PINDA ANATAKA KUKUTANA NA MADAKTARI

2012-02-09T06:41:00.000+03:00

WAZIRI MKUU MIZENGO PINDA YUPO DAR ES SALAAM KUTOKA DODOMA KUSHUGHULIKIA MGOMO WA MADAKTARI AMBAO UMEKUWA UKIENDELEA KWA LENGO LA KUUPATIA UFUMBUZI. JANA AMEKUTANA NA UONGOZI WA HOSPITALI YA TAIFA YA MUHIMBILI PAMOJA NA MADAKTARI BINGWA KUTOKA SEKTA YA UMMA NA BINAFSI NA WASTAAFU. LEO SAA 3 ASUBUHI ATAKUTANA NA MADAKTARI BINGWA, MADAKTARI WALIOSAJILIWA (REGISTRALS) NA MADAKTARI WALIOKO KWENYE MAFUNZO KWA VITENDO (INTERNS) NA BAADA YA HAPO SAA 4 ATAKUTANA NA WAFANYAKAZI WA HOSPITALI YA MUHIMBILI, MOI, OCEAN ROAD NA WAWAKILISHI KUTOKA HOSPITALI ZA MKOA WA DAR ES SALAAM, KWENYE UKUMBI WA CPL, MUHIMBILI. MATARAJIO YA SERIKALI NI KWAMBA MAZUNGUMZO HAYO YATAWEZA KUMALIZA MGOGORO HUU NA MADAKTARI WOTE KUREJEA KAZINI NA HIVYO KUREJESHA HUDUMA ZA MATIBABU KATIKA HALI YA KAWAIDA KWA WANANCHI WA TANZANIA. HIVYO SERIKALI INAWAOMBA WOTE WANAOHUSIKA WAFIKE KATIKA MIKUTANO HIYO BILA YA KUKOSA. (IMETOLEWA NA OFISI YA WAZIRI MKUU)

MAANDAMANO YA MGOMO WA MADAKTARI YATAWANYWA NA POLISI

2012-02-08T22:08:00.000+03:00

Makubaliano: Tukutane Salander Bridge mchana huu (saa nane); tuwe na mabango ili kuishinikiza serikali kuacha kufanya mzaha na afya za watu.Tujitokeze kwa wingi; tutakubaliana zaidi cha kufanya baada ya hapo."Source:

Legal and Human Rights Centre | Facebook

SSERIKALI IMEIMARISHA ULINZI NDANDA SEKONDARI KUEPUSHA VURUGU

2012-02-08T19:55:00.002+03:00

Na Magreth Kinabo, MAELEZO

8/2/2012

Serikali imesema imeimarisha ulinzi katika shule ya sekondari ya wavulana ya Ndanda kufuatia tishio la vurugu linalodaiwa kufanywa na baadhi ya wanafunzi waliogoma kurudi darasani na kufanya mitihani ya kidato cha sita.

Katibu Tawala wa mkoa wa Mtwara Yussuf Matumbo aliiambia Idara ya Habari kuwa ulinzi umeimarishwa katika shule hiyo ambapo askari wa kulinda usalama wako wa kutosha ili kuhakikisha kanakuwepo usalama mpaka mitihani hiyo itakapomalizika.

Kwa mujibu wa taarifa ya chombo kimoja cha habari iliyoandikwa leo(jana) ilieleza kuwa juzi Mkuu wa Mkoa huo , Joseph Simbakalia alitoa tamko la kuwataka wanafunzi waliofukwa shuleni hapo kurejea maramoja ili waweze kufanya mitihani hiyo na kuwataka wafuate sheria na kanuni za shule kipindi chote cha mitihani.

Alisema kati ya wanafunzi 20 waliokuwa wamegoma kurejea madarasani na kufanya mitihani hiyo, ni mwanafunzi mmoja tu ndiye aliyeomba radhi na kuendelea na mitihani.

Aliongeza kuwa licha ya serikali kuwafutia adhabu ya kuwafukuza shule wanafunzi hao, wanafunzi 19 wameendelea kugomea mitihani hiyo kwa madai ya kuishinikiza serikali iwaombe radhi baada ya kutoa taarifa ya kuwasamehe.

Awali, wanafunzi hao walifukuzwa shule kutokana na madai ya kutaka kujengwa kwa msikiti shuleni hapo ili nao waweze kuabudu shuleni kama ilivyo kwa madhehebu mengine.

Shule hiyo inamilikiwa na serikali ambapo awali ilikuwa ikimilikiwa na kanisa la Katoliki, hata hivyo shule hiyo iko katika eneo la kanisa hilo.

WAFUNGWA WASHONA MIDOMO

2012-02-08T14:24:00.000+03:00

Wajishona midomo

Zaidi ya wafungwa elfu moja nchini Kyrgistan wameshona midomo yao, kupinga hali mbaya za magereza.
Hata hivyo mamlaka za huko zinasema magenge ya uhalifu ndio yanachochea hali hiyo ili waweze kutoroka gerezani.
Kyrgistan ni nchi iliyokuwa chini ya utawala wa kisovieti, na ina wananchi milioni tano, na wafungwa elfu saba na mia sita. Kwa miaka mingi kumekuwa na matendo yanayofanywa na wafungwa, lakini hili la Jumamosi iliyopita lilizidi kiwango.
Kwanza wafungwa wengi walifanya mgomo wa siku kumi wa kula. Lakini hatua ya kuishona midomo yao imekuwa ya kipekee kiasi cha kutikisa maafisa wa magereza.
Mwandishi mmoja wa habari wa AP alishuhudia baadhi ya wafungwa wakiwa wamejishona midomo huku wakiwa wamebakiza tundu dogo tu la kupitishia maji. Wafungwa hao wametumia nyuzi ngumu na hata waya kujishona.
source BBC

Ghana na Mali zaingia nusu fainali

2012-02-08T14:21:00.000+03:00

Ghana siku ya Jumapili ilifuzu kuingia nusu fainali ya Kombe la Mataifa ya Afrika kwa kuishinda Tunisia magoli 2-1, katika muda wa ziada.

Kipindi cha kawaida cha dakika 90 kilipokwisha, timu hizo zilikuwa sare ya 1-1.

Black Stars ya Ghana sasa kupambana na Zambia katika nusu fainali

Nahodha wa Black Stars ya Ghana, John Mensah, alifunga bao la kwanza katika mechi hiyo, katika dakika ya tisa, kabla Sabeur Khalifa kuisawazishia Tunisia kabla ya kipindi cha kwanza kumalizika.

Bao la ushindi la Ghana lilifungwa na Andre 'Dede' Ayew.

Katika historia ya mashindano ya Kombe la Mataifa ya Afrika, Tunisia haijawahi kuishinda Ghana.

Black Stars sasa wana matumaini ya kuendelea katika mashindano hayo na kupata ubingwa baada ya subira ya miaka 30, na watakutana na Zambia katika nusu fainali itakayochezwa uwanja wa Bata, siku ya Jumatano, tarehe 8 Februari, na ikiwa ni nusu fainali ya kwanza.

Mali na Ivory Coast nao watapambana katika nusu fainali ya pili siku ya Jumatano, katika uwanja wa Libreville.

Mali ilifuzu kuingia nusu fainali baada ya kuwashinda wenyeji Gabon 5-4 katika kupiga mikwaju ya penalti, baada ya mechi kumalizika kwa sare ya 1-1, na mabao kukosekana hata katika muda wa ziada.

Bao la Eric Mouloungui lilikuwa limewatia matumaini wenyeji Gabon, ambao mwaka huu wamekuwa wakishirikiana na Equatorial Guinea kuandaa mashindano ya mwaka huu.

Lakini kutangulia sio kufika, na Tidiane Diabate aliweza kuisawazishia Mali, zikiwa zimesalia dakika tano tu kabla ya mechi kumalizika.

Kwa kushindwa kufungana katika muda wa ziada, ilikuwa ni pigo kubwa wakati wa mikwaju ya penalti, Pierre-Emerick Aubameyang aliposhindwa kuifungia Gabon bao.

Gabon hawajawahi kufuzu kufika nusu fainali za mashindano ya Kombe la Mataifa ya Afrika.

Idhaa ya Kiswahili ya BBC, ikishirikiana na redio washirika, itakutangazia nusu fainali kati ya Mali na Ivory Coast kutoka mjini Libreville, Gabon, katika matangazo maalum ya Ulimwengu wa Soka.

Charles Hilary vile vile atakutangazia mechi ya fainali ya mashindano hayo.

Source:BBC

YAH: TAARIFA YA ASASI ZAKIRAIA JUU YA MGOGORO WA SERIKALI NA MADAKTARI/MGOMO WA MADAKTARI

2012-02-08T10:38:00.000+03:00

Tarehe 21 Januari 2012, madaktari wanafunzi wa Hospitali ya Taifa ya Muhimbili (MNH) walitangaza rasmi kuwa wangeanza mgomo baada ya siku tatu (24/01/2012) usio na kikomo hadi pale serikali itaposikiliza na kutekeleza madai kadhaa ya madaktari juu ya hali ya utoaji huduma za afya mahospitalini, hawawataki viongozi wa Wizara ya Afya,maslahi ya madaktari na ugumu wa maisha. Hata hivyo serikali haikuchukua hatua zozote zilizokidhi mahitaji ya madaktari hao na badala yake ikaonekana kana kwamba hakuna maelewano kati ya madaktari na Serikali kilichopelekea madaktari hawa kugoma rasmi kwa kuendeleza mkutano wao Hoteli ya StarLight. Baada ya malumbano ya takribani siku saba, Waziri mkuu aliingilia kati suala hili baada ya madaktari kukataa kuongea na Wizara ya afya. Majibu ya waziri mkuu ndio yaliyokuza hasira na chuki kwa jamii na madaktari. Kwa mfano Waziri Mkuu aliwashurutisha Madaktari warudi kazini ama sivyo watafukuzwa kazi na kuwa Madai ya maslahi ya madaktari ni makubwa mno serikali haiwezi kumudu kuyalipa. Aliahidi kuwa atapeleka madaktari kutoka Jeshini na JKT kama madaktari hawa hawatarudi kazini. Kufuatia hili Kituo cha Sheria na haki za Binadamu na shirika la Sikika tuliamua kutoa taarifa kwa vyombo vya habari na kusisitiza umuhimu wa kufikia suluhu katika jambo hili. Pia Kituo na Sikika kiliitwa kwenye kamati ya Bunge ya huduma za jamii ili kuweza kutoa maoni yao. Tulichoweza kuieleza kamati ni kuwa kuna haja ya kuwa na Msuluhishi atakaye suluhisha mgogoro huu wa madaktari na Serikali. Pia tulichukuwa hatua ya juu ya kujaribu kuwatafuta wasuluhishi kutoka TEC, BAKWATA,CCT, na APHF ili kutatua suala hili. Cha kushangaza ni pale Serikali ilipokataa kushiriki kwa kusema kuwa iko tume iliyoundwa na Serikali kutatua mgogoro huo. Tarehe 6 Februari tumeshuhudia madaktari Bingwa nao wakiunga mkono mgomo huu hali iliyopelekea huduma kusimama kabisa na kurudisha wagonjwa majumbani. Hali hii imetufanya tuitishe Mkutano huu wa pamoja tuje tujadili nini cha kufanya ili kuweza kunusuru maisha na kurudisha huduma za afya. AIDHA, kwa siku na hatua tofauti zilizofuata imejidhihirisha kuwa serikali na madaktari wameshindwa kupata muafaka. Hii inakuja huku pia juhudi za Bunge kujishirikisha kutatua tatizo hili zikionekana kutokuwa na lengo. Ikumbukwe kuwa:- 1. Ibara ya 14 ya katiba inatoa haki ya kuishi kwa binadamu, hii ikizingatiwa kuwa kusitishwa kwa huduma zinazohitajika za afya kunaongeza/kunaweka watanzania mazingira ya kuipoteza haki hii, 2. Ibara ya 11 (1) ya katiba inatoa Haki ya matibabu (pamoja na haki zingine) kwa raia huku ikiweka jukumu hilo mikononi mwa serikali; 3. Ibara ya 6(1) ya Mkataba wa Haki za Kiraia na Kisiasa (1966) ambao Tanzania iliridhia tangu 1976 inatoa haki asilia ya kuishi kwa kila binadamu na kuwa haki hii inapaswa kulindwa kasheria na hakuna atakayenyang’anywa haki hii kwa sababu yeyote.Ni jukumu kwa kila nchi mwanachama wa mkataba huu kuwa na jukumu la kulinda Haki ya Kuishi ya raia wake; 4. Ibara ya 12 ya Mkataba wa Haki za Kiraia za Kiuchumi, Kijamii na Kiutamaduni unazitaka nchi wanachama kutambua na kutekeleza Haki za kila binadamu kupata huduma bora zaidi za kiafya, kimwili na kiakili. Ikizingatiwa Ibara ndogo ya 12 (2) (d), ambayo inazitaka nchi kutengeneza mazingira kwa watoa huduma bora za afya wakati wa ugonjwa; 5. Ibara ya 91(1) ya Katiba ya Jamhuri ya muungano wa Tanzania inatoa jukumu kwa serikali kutumia rasilimali za nchi kutekeleza haki na matakwa ya jamii/raia; Hii ikizingatiwa kuwa madai ya madaktari ni juu ya hali mbaya ya kutoa huduma mahospitalini na maslahi duni wanayopatiwa kwa kutekeleza wajibu wao. Tunazingatia pia kuwa migogoro ya maslahi na hali duni ya kutoa huduma za afya imekuwepo tangu miaka ya 1991 na kwamba utatuzi wa matatizo yaliyoainishwa haujafanyika; hapa kuna mifano ya kutoongezeka posho za kufanya kazi za ziada kwa madaktari ya Shs 10,000/= tangu mwaka 2002; mishahara duni na ambayo haiendani na hali halisi ya maisha kwa sasa huku maslahi ya kada zingine za umma na viongozi wa kisiasa zikiongezeka, huku;- 1. Ibara ya 23 (1) ya Katiba ikitoa haki kwa kila anayeajiriwa kupata mshara na maslahi ya haki toka kwa mwajiri. Ibara hii imetiliwa nguvu na sheria na:15 ibara ya 6 ya 1984. Tumeona pia kuwa serikali imekuwa ikishughulikia suala hili bila kujali maslahi ya raia na Katiba, haswa pale Waziri Mkuu alipoamua kuwalazimisha madaktari kurudi kazini kinyume cha Ibara ya 25 (2) ya Katiba ianayopiga marufuku kazi za shuruti nchini. Izingatiwe kuwa sehemu ya Katiba inayotoa Haki hizi (Sehemu ya Pili ya Misingi ya Katiba) inapiga marufuku mahakama kujihusisha na jukumu la kuamua juu ya haki hizi (ibara ya 7 (2) na hivyo kurudisha jukumu la kutetea haki hizi mikononi mwa wananchi wenyewe. AIDHA iabara ya 8 ya Katiba inatamka wazi kuwa Serikali itapata mamlaka yake yote kutoka kwa wananchi. Hii inatukumbusha kuwa, • KWA KUWA mgogoro huu umevunja haki kadhaa pamoja na haki ya kuishi kwa wananchi kadhaa na kuwa unahatarisha haki za raia wengine zaidi; • KWA KUWA Serikali imeshindwa kutumia haki na mamlaka tuliyoipa kutekeleza wajibu wake; • KWA KUWA Serikali imeshindwa hata kutumia rasilimali tulizoikabidhi kuatua tatizo hili linalohitaji utatuzi wa haraka; • NKWA KUWA Katiba inatoa jukumu la moja kwa moja kwa wananchi kuchukua hatua za kuiwajibisha serikali kutekeleza wajibu wake, • Na KWA KUWA Ibara ya 26 ya Katiba inamtaka kila raia wan chi hii kuilinda Katiba na sheria zingine za Nchi; Hivyo Basi, Tunapendekeza • Kuitisha maandamano bila kikomo ya wananchi wote, mahala popote Tanzania na nje ya nchi, kuishinikiza serikali kutekeleza wajibu wake kwa raia na kutatua mgogoro huu mara moja. • Kukutana katika viwanja vya mnazi mmoja kwa muda usio na kikomo mpaka Serikali itakapochukuwa hatua.

SHUKRANI

2012-02-08T09:43:00.000+03:00

Khadija Abdul - 1972 – 2012

Familia ya Ndugu Abdallah Mrisho Salawi - Meneja Mkuu wa Global Publishers Ltd, inachukua fursa hii kutoa shukrani za dhati kwa watu wote walioshiriki, kwa namna moja au nyingine, katika mazishi na maziko ya mpendwa mkewe, Khadija Abdulhussien, aliyefariki dunia usiku wa kuamkia Alhamis Feb 2, 2012, katika hospitali ya Aga Khan jijini Dar es salaam.

Shukrani za pekee ziwaendee wafanyakazi wote wa Global Publishers na hususani Mkurugenzi Mtendaji, Ndugu Eric Shigongo, ambaye alikuwa akifuatilia kwa karibu maendeleo ya afya ya marehemu tangu mwanzo na kutoa ushauri kila mara, alijitolea kwa hali na mali ili kuokoa maisha ya mpendwa wetu bila kuchoka hadi dakika ya mwisho neno la Mungu lilipotimia.

Shukrani pia ziwaendee Dk. Wayi wa Kinondoni Hospital, Dk. Hirji wa Ebrahim Hajji Hospital na Dk. Nyawawa wa Aga Khan Hospital kwa jitihadi walizozifanya za kujaribu kuokoa maisha ya Khadija.

Familia inawashukuru pia majirani, jamaa na marafiki wote wa Mrisho waliyoko nchini na nje ya nchi ambao wamekuwa wakimfariji kwa njia mbalimbali za mawasiliano na kumtia moyo katika kipindi hiki kigumu.

Familia haina cha kuwalipa zaidi ya kuwaombea kwa Mungu abariki kila jambo mnalolifanya hapa duniani na hakika mmejiwekea thawabu nyingi kwake. Kwa kuwa kila nafsi itaonja mauti, basi hatuna budi kumshukuru Mungu kwa kutimiza ahadi yake na tuseme: Yeye (khadija) ni wa Mwenyezimungu na kwake Mungu sote tutarejea!

Mungu ampumzishe Khadija katika moja ya viwanja vya peponi – Amen!

"Great achievement, involves great risks"
Abdallah Mrisho
www.abdallahmrisho.blogspot.com