We have 306 guests and no members online

Global Education Link

Mjengwa Blog

Mjengwa Blog

I am a writer, photographer, social entrepreneur, political analyst and a teacher- facilitator.

Website URL: http://www.mjengwablog.com

.

 

Ndugu zangu,

Siku ile pale Hilton Hotel, Museveni alitumia maarifa yake katika medani za kiintelijensia kuweza kunusurika kutekwa. Maana, alipotoka tu hotelini pale, Museveni alikata kona moja ya mtaa na kuchukua teksi. Akamwambia dereva ampeleke Serena Hotel. Alipofikia Serena Hotel, Museveni akabadilisha teksi. Akamwambia dereva amwahishe kituo cha mabasi.

Museveni alipofika kituo cha mabasi, akaparamia basi la ' Matatu' kuelekea Namanga. Kwenye medani za kiintelijensia, kubadilisha vyombo vya usafiri ni njia ya kufuta nyayo zako kwa adui anayekufuatilia.

Museveni alijua kuwa huko nyuma, Jasusi Shaw angefanya jitihada za kuwasiliana na makachero wa Kenya na watu wa Uhamiaji Namanga, Shaw angefanya hivyo kuhakikisha kuwa Museveni anakamatwa. Lakini, Museveni hakuwa na mashaka, alitaka afike Namanga tu.

Si wengi wenye kufahamu, kuwa Yoweri Museveni aliunganishwa kwenye mfumo wa Intelijensia ( Usalama) wa Tanzania tangu mwaka 1976. Ni kwa kupitia Edward Sokoine, ni wakati huo Museveni akaunganishwa na watu wa Intelijensia, mmoja wao ni Kapteni Issonde. Hivyo, Museveni alipata mafunzo yake ya Kiintelijensia akiwa Tanzania.

Pale Hilton Hotel, Museveni alimwachia balaa kubwa rafiki yake aliyekuwa akinywa naye kahawa, maana , alikuwa ni Mganda asiyeelewa lolote. Jasusi Patrick Shaw, baada yakuona saa nzima na nusu imepita bila Museveni kurudi kumalizia kahawa yake, akabaini, kuwa Museveni amemtoroka. Ndipo Jasusi Shaw akamkamata Mganda yule na kumpa wakati mgumu. Kumwuliza maswali yasiyojibika.

Akampeleka hadi kituo cha polisi. Huko Mganda yule akahojiwa na makachero wa Kenya na kisha kuachiwa.

Alipofika Namanga Museveni akapumua. Maana, ni kama amefika nyumbani. Museveni alifahamika sana Namanga, upande wa Kenya na Tanzania. Hata wafanyabiashara wadogo wadogo walimjua Museveni.

Alikuwa maarufu kama ' Mzee Kassim'. Hilo lilikuwa moja ya majina matatu aliyotumia Museveni kuficha utambulisho wake kwa sababu za kiusalama. Akiwa Nairobi alijulikana kama Kassim, na Dar es salaam aliitwa Mussa. Na mara kadhaa alipenda sana kuvaa kanzu na kibaraghashea.

Alipofika Namanga watu walisema sasa amefika ' Mzee Kassim' wa kutumia! Maana wakati huo kulikuwa na wimbo maarufu wa ' Kassim' ulioimbwa na Mlimani Park Orchestre. Kassim aliiimbwa kama mtu aliyekuwa wa matumizi na kusahau familia.

Namanga Museveni alifahamika kama mfanyabiashara, na Museveni alikuwa kweli akipita na biashara zake za kuficha utambulisho wake. ( TRA ya Tanzania wakimfuatilia Museveni watabaini malimbikizo makubwa ya kodi ambayo hakupata kulipa TRA alipokuwa akifanya biashara ya mipakani!)

Museveni akifika Namanga ilikuwa akinunua kitu hata chenji ndogo ndogo anaacha!

Hivyo, kwa Museveni, Namanga aliweza kuvuka mpaka, awe na passport au bila passport! Kwa ufupi kabisa, nyendo za Yoweri Museveni zilikuwa zikifahamika na watu wa intelijensia ya Tanzania, na wakati ule na mvutano na vita kati ya Tanzania na Idd Amin wa Uganda, Museveni aliifanya kazi ya Intelijensia ya Tanzania pia.

Kuna mengi mengine ya kusimulia. 

Maggid,

bara1

Rais wa Jamhuri ya Muungano wa Tanzania Dkt. John Pombe Magufuli akiongoza Kikao cha Baraza la Mawaziri kilichofanyika leo tarehe 07 Desemba Ikulu jijini Dar es Salaam. Kikao hicho pia kilihudhuriwa na Makamu wa Rais Samia Suluhu Hassan pamoja na Waziri Mkuu Kassim Majaliwa. PICHA NA IKULU

bara2

Rais wa Jamhuri ya Muungano wa Tanzania Dkt. John Pombe Magufuli akiongoza Kikao cha Baraza la Mawaziri kilichofanyika leo tarehe 07 Desemba Ikulu jijini Dar es Salaam. Kikao hicho pia kilihudhuriwa na Makamu wa Rais Samia Suluhu Hassan pamoja na Waziri Mkuu Kassim Majaliwa. PICHA NA IKULU(P.T)

msangii

KWAMBA TAREHE 6.12.2016 MAJIRA YA SAA 14:00 KATIKA KIJIJ CHA KILABELA KATA YA NYATUKULA WILAYA SENGEREMA MKOA WA MWANZA, MWANAMKE MMOJA ALIYEJULINA KWA JINA LA RHODA JUMA MIAKA 30, MUHA, MKULIMA NA MKAZI WA KIJIJI CHA KILABELA, ANASHIKILIWA NA JESHI LA POLISI KWA TUHUMA ZA KUMFANYIA UKATILI WA KUMFUNGIA NDANI YA NYUMBA KWA MUDA WA MIEZI MINNE NA KUMSHAMBULIA SEHEMU MBALIMBALI ZA MWILI WAKE MTOTO MDOGO WA KIKE MWENYE UMRI WA MWAKA MMOJA NA NUSU AITWAYE JULIANA KITENDO AMBACHO NI KOSA LA JINAI.

INADAIWA KUWA MWANAMKE TAJWA HAPO JUU ALIKUWA AKIISHI NA MTOTO HUYO HAPO NYUMBANI KWAKE BAADA YA KULETEWA NA RAFIKI YAKE ALIYEJULIKANA KWA JINA MOJA LA RAHEL (RECHO) AMBAYE INADAIWA NDIO MAMA MZAZI WA MTOTO HUYO, AIDHA INASEMEKANA REHEL (RECHO) ALIMUACHA MTOTO HAPO KWA RAFIKI YAKE MWEZI  JULAI 2016, NA KWENDA KUSIKO JULIKANA KATIKA SHUGHULI ZAKE ZA UHUDUMU WA BAA.

AIDHA INADAIWA KUWA KWA KIPINDI CHOTE CHA MIEZI MINNE MTOTO ALIKUWA AKIFUNGIWA NDANI NA KUSHAMBULIWA SEHEMU MBALIMBALI ZA MWILI WAKE NA RHODA JUMA AMBAYE NI MAMA ALIYEACHIWA MTOTO, HALI ILIYOPELEKEA MTOTO KUWA NA MAKOVU MENGI MWILINI NA KUDHOOFIKA KIAFYA, WATU MAJIRANI WALIMUONA MTOTO HUYO WAKATI MAMA MWENYE KAYA ALIPOKWENDA KWENYE SHUGHULI ZAKE NA KUACHA MLANGO WAZI NDIPO WALITOA TAARIFA POLISI NA KUSAIDIA MTUHUMIWA KUKAMATWA.

MTUHUMIWA AMEKAMATWA NA TAYARI AMEFIKISHWA MAHAKAMANI LEO TAREHE 7.12.2016, ILI HATUA STAHIKI ZA KISHERIA ZIWEZE KUCHUKULIWA DHIDI YAKE, MTOTO AMELAZWA HOSPITALI YA WILAYA YA SENGEREMA AKIENDELEA KUPATIWA MATIBABU, HALI YAKE INAENDELEA VIZURI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWATAKA KUACHA KUTENDA UKATILI WA AINA YEYOTE ILE KWA WATOTO AU WATU WAZIMA KWANI NI KOSA LA JINAI, ENDAPO IKIBAINIKA MTU ANATENDA UKATILI ATAKAMATWA NA KUFIKISHWA KATIKA VYOMBO VYA SHERIA, HIVYO ANAWASIHI WANANCHI WATOE USHIRIKIANO KWA JESHI LA POLISI ILI TUWEZE KUDHIBITI UKATILI KATIKA MKOA WETU WA MWANZA.

IMETOLEWA NA:

DCP: AHMED MSANGI

KAMANDA WA POLISI (M) MWANZA(P.T)

pioo

Diwani wa kata ya Kibindu Ramadhani Mkufya ,akizungumza kabla ya vikundi vya ujasiriamali vilivyopo kwenye kata yake kupatiwa hundi ya mkopo kutoka halmashauri ya Chalinze.(Picha na Mwamvua Mwinyi)

ret

Afisa vijana na maendeleo ya jamii katika halmashauri ya Chalinze,Felister Kizito,akizungumza baada ya kukabidhi hundi za mkopo kwa makundi mbalimbali ya ujasiriamali jimbo hapo(Picha na Mwamvua Mwinyi)

ret-1

Mwenyekiti wa halmashauri ya Chalinze ,Saidi Zikatimu akizungumza na wananchi na watu waliojiunga katika vikundi vya ujasiriamali katika kata ya kibindu.(Picha na Mwamvua Mwinyi) 

Na Mwamvua Mwinyi,Pwani

HALMASHAURI ya Chalinze wilayani Bagamoyo mkoani Pwani imetumia kiasi cha sh.mil 79.5 ,kuwezesha  vikundi 26,vya wajasiriamali wanawake na vijana katika kata mbalimbali.

Aidha halmashauri hiyo imepanga kuviwezesha vikundi vya ujasiriamali 200  kwa kipindi cha mwaka mmoja ujao ili kuwaongezea mitaji na kuwainua  kiuchumi .
Akikabidhi fedha hizo katika vikundi hivyo,mwenyekiti wa halmashauri ya Chalinze,Saidi Zikatimu alisema ,fedha hizo zimetokana na asilimia 10 ya mapato ya ndani ya robo mwaka  kiasi cha sh.mil 809 ambayo yalikusanywa.

Alieleza kwamba upande wa kundi la wanawake wamepatiwa asilimia tano na vijana asilimia tano kati ya asilimia 10 iliyotengwa.

Zikatimu alisema lengo la kutolewa fedha hizo ni kuwawezesha wanawake na vijana kiuchumi ili kujiendeleza kimaisha .

“Lengo jingine ni kufuata sheria ambayo inataka asilimia 10 ya mapato ya ndani ya halmashauri yakopeshwe makundi hayo ya vya uzalishaji mali”alisema Zikatimu.

Hata hivyo mwenyekiti huyo alifafanua kuwa kwa kipindi hiki cha robo ya mwaka wamekusanya mil.809 katika mapato ya ndani ambapo mil.258 wametenga kwa ajili ya miradi ya maendeleo.

Zikatimu aliwaomba wajasiliamali hao kurejeshe fedha kwa wakati ili ziweze kuzungushwa katika makundi mengine ambayo bado hayajapatiwa mikopo kwa kipindi hiki.

‘Mrejeshe kwa wakati fedha hizi na mhakikishe mnazitumia kwa malengo lengwa sio tena mchezee ngoma,wanaume muolee wake wenza ama kulewea pombe la hasha ” alisema Zikatimu.

Alibainisha kuwa fedha hizo siyo msaada bali ni fedha kwa ajili ya kuinua miradi wanayojishughulisha nayo.

Zikatimu aliiomba jamii kujiunga vikundi mbalimbali na kufuata vigezo vinavyotakiwa na halmashauri ili kupata mikopo kirahisi.

“Hizi fedha ni kwa ajili ya wananchi wote na hasa wale waliojiunga kwenye vikundi,hivyo jiungeni vikundi,andikeni katiba na muwe na akaunti na miradi ya uzalishaji mali ili muwe mmetimiza vigezo”alisema.

Nae ofisa maendeleo ya jamii ambae pia ni ofisa vijana wa halmashauri ya Chalinze, Felister Kizito alisema kuwa vikundi hivyo vitaanza kurejesha fedha kuanzia mwezi January 2017.

Alisema wametoa fedha kwa viwango tofauti kuanzia mil 2.5 hadi mil 6 kwa kutegemeana na aina ya mradi ambao  kikundi kimeanzisha.

Felister aliwahimiza vijana kujiunga kwenye makundi ya ujasiriamali ikiwemo waendesha bodaboda,mama lishe ili wapatiwe fedha kirahisi.

Diwani wa kata ya Kibindu ,Ramadhani Mkufya ,alisema halmashauri hiyo imefanya jambo kubwa kwa kutoa fedha hizo ambazo zitasaidia kuboresha maisha ya wananchi.

Mkufya alieleza mikopo hiyo ya halmashauri ni nafuu na haina masharti magumu kama ilivyo kwa taasisi za kifedha ambazo watu wengi wameshindwa kukopa kutokana na masharti kuwa magumu.

Kwa upande wake diwani wa kata ya Msoga,Hassan Mwinyikondo,alisema halmashauri nyingi zimekuwa haziyatendei haki makundi hayo licha ya serikali kuweka mpango huo.

Aliitaka halmashauri ya Chalinze isikate isije kujiingiza katika urasimu kama halamshauri nyingine hivyo amewaomba viongozi wa halmashauri hiyo kusaidia vijana ili waweze kujiajiri na kuondokana na utegemezi.(P.T)

acha

Na.Alex Mathias

Mabingwa watetezi wa Ligi Kuu ya Vodacom Tanzania bara klabu ya Yanga imethibitisha rasmi kuachana na kiungo mkabaji mwenye uwezo wa kucheza nafasi nyingi uwanjani,Mbuyu Twite na nafasi yake kuchukuliwa na kiungo mkabaji Justine Zullu toka timu ya Zesco United ya nchini Zambia.

Licha ya kuachana na klabu hiyo mwenye uwezo wa kucheza nafasi nyingi uwanjani anaondoka kwa amani na akiacha maneno mazito nyuma yake.

“Yanga ni kama familia kwangu daima itabaki moyoni mwangu na kumbuka mashabiki walivyofurika kuja kunipokea siku ambayo niliwasili kwa ajili ya kuitumikia klabu hiyo na ni wakati sasa wa kuwapisha vijana ili kuleta changamoto mpya ili kuipeleka mbele zaidi klabu hii pale tulipoishia sisi”alisema Twite

Mbuyu Twite alijiunga na Yanga msimu wa 2013-14 akicheza vyema nafasi zote za ulinzi na kusimama kama kiungo mkabaji kwa muda mrefu na ikumbukwe usajili wake ulileta kelele nyingi kutokana na kuwa Simba nao walitoa pesa za usajili wa mchezaji huyu ila Yanga waliwazunguka watani zao na kumpandia dau na kuwazidi kete.

Kiraka huyu anaondoka Yanga akiwa na medali za ubingwa wa ligi kuu mwaka 2014-15 na 2015-16,Ngao ya Jamii 2014 na 2015 na pia atakumbukwa kwa kuweka rekodi ya kuipeleka timu hiyo katika hatua ya makundi ya Michuano ya kombe la Shirikisho barani Afrika.

Kumekuwa na taarifa kuwa kiungo huyu atajiunga na mahasimu wao wakubwa nchini Tanzania timu ya Simba kwa sasa Yanga ipo chini ya kocha mpya George Lwandamina raia wa Zambia ambaye amechukua mikoba ya Kocha Hans Van Der Pluijm ambaye amepandishwa cheo na kuwa Mkurugenzi Mkuu wa klabu hiyo na kuna taarifa za chini kuwa mshambuliaji Obrey Chirwa huenda akatolewa kwa mkopo kwenda klabu yake ya Zamani FC Platinum na kupisha usajili wa mshambuliaji ambaye anatajwa kuja Yanga kwa ajili ya kuimarisha kikosi katika michuano ya klabu bingwa Afrika inayotarajiwa kuanza Februari Mwakani.(P.T)

ambwene

Mwimbaji  Ambwene Mwasongwe

Mbunge wa jimbo la  Kilolo Bw  Venance Mwamoto  katikati aliyevaa tai akiwa na mbunge wa viti maalum  mkoa wa Iringa Ritta Kabati katika  picha ya  pamoja  na waimbaji wa kwaya ya  vijana  KKKT dayosisi ya  Iringa walipotembelea  bunge Juni 8 mwaka  huu 

Na  MatukiodaimaBlog 

MWIMBAJI wa nyimbo za injili maarufu nchini Ambwene Mwasongwe  na kwaya maarufu ya  vijana  wa kanisa  kuu la kiinjili la kilutheri Tanzania (KKKT)  usharika  wa Iringa mjini   ambayo ni washindi wa pili kiuimbaji Taifa kunogesha tamasha  la  uimbaji litakalosindikiza  uzinduzi wa ukumbi wa Mam mjini Mafinga .

Mratibu wa tamasha  hilo  Mary Mungai  alisema  kuwa  tamasha hilo kubwa la uimbaji limepangwa  kufanyika Desemba 26 mwaka huu ambalo   itakuwa ni  siku ya kusherekea sikuuu ya Chrismas  ,kutakuwa na  waimbaji mbali mbali kutoka ndani ya mji wa Mafinga ,nje ya Mafinga   na kutoka Dar es Salaam .

Alisema mbali ya  mwimbaji Mwasongwe na kwaya ya  vijana  kutoka  Iringa mjini ambayo ni kwaya  inayofanya  vizuri katika  nyimbo  za injili hapa  nchini pia  kutakuwa na  waimbaji  wengine mbali mbali pamoja na burudani nyingine na  kuwa  lengo  la tamasha  hilo  pamoja na kutoa burudani kwa  wakazi wa wilaya ya Mufindi na mikoa ya Iringa  na Njombe  bado itakuwa ni  siku ya MAM Hall itakayokwenda  sanjari na  uzinduzi wa   ukumbi wa  burudani na sherehe mbali mbali katika mji huo .

Hivyo alisema  kwa ajili ya  kuwashukuru  wananchi wa mji  wa Mafinga  kwa ushirikiano mbali mbali ambao  wameendelea  kuutoa amelazimika  kuandaa  tamasha hilo ambalo  wananchi  watashuhudia  kwa  kiingilio kidogo sana  kama  sehemu ya kuchangia  gharama ndogo ndogo  za  maandalizi ya tamasha .

Hivyo alisema   mchango kwa  V.I.P  utakuwa ni Tsh 10,000  wakati kawaida kwa  watu  wazima ni Tsh 5000 na watoto ni Tsh 3000 pekee  na  kuwa  ili  kuepusha  msongamano mlangoni tiketi zitaanza kuuzwa  Desemba 15 katika  ofisi ya  shule ya Southern Highlands Mafinga , Hazina Bima na Stationary ya Huruma Msigala

Akielezea kuhusiana na ukumbi huo  alisema ni  ukumbi pekee katika mikoa ya nyanda za  juu kusini kujengwa  kisasa na utakuwa na majukwaa mawili  moja la kati  litakuwa ni  jukwaa  linalotembea pia  kutakuwa na V.I.P kwa wageni maalum ambao ili  waweze  kuingia ukumbini watapandishwa ghorofani  kwa ngazi maalum  za umeme na  kushuka kwa  ngazi hadi  jukwaani iwapo watataka  kutoingilia mlango wa waalikwa  wote .(P.T)

tammmmma

Waziriwa Mambo yaKatiba na SheriaDkt Harrison Mwakyembe amewataka wajumbe wa Kamati ya Kimataifa inayojishughulisha na kuzuia mauaji ya kimbari katika nchi za ukanda wa Maziwa Makuu kuangalia upya mikakati ya kuondoa vitendo vya mauaji ya kimbari na ukiukwaji wa haki za binadamu katika ukanda huo.

Dkt. Mwakyembe amesema Ukanda wa Maziwa Makuu umekuwa ukishuhudia vitendo vya mauaji ya kimbari vikishamiri licha ya kwamba kila nchi imekuwa ikichua jitihada mbalimbali na kusaini makubaliano ya kikanda na kimataifa ya kuzuia vitendo hivyo.

Amesema wakati sasa umefika wa kujiangalia ni kwanini vitendo hivyo vimekuwa vikishamiri pamoja na jitihada zote ambazo kila nchi imekuwa ikizichukua ilikukomesha vitendo hivyo.

“ Ni wazi kuwa siku hizi mwelekeo wa matukio ya kihalifu umebadilika, zimeibuka njia nyingi mpya zinazosababisha mauaji ya kimbari na hata ukiukwaji wa haki za binadamu, kutokana na hali hiyo kuna haja ya kuboresha mikakati yenu ili kuzuia kuendelea kutokea kwa mauaji ya kimbari na ukiukwaji wa haki za binadamu,” alisema.

Aidha Mhe. Waziri pia amewaambia wajumbe wa kamati hiyo kuwa ni jukumu lao kuangalia namna ya kukabilia na changamoto ambazo zimekuwa zikijitokeza na hivyo kufanya vitendo hivyo kuendelea kuwepo miongoni mwa nchi za maziwa makuu.

Amewataka wataalamu hao kwenda mbali zaidi  na kubainisha hatua zitakazofaa kuchukuliwa za kisera, kisheria na kiutawala ilikukabiliana nac hangamoto ya kuendelea kuwepo kwa vitendo hivyo ili kuvikomesha ndani ya nchi za ukanda wa maziwa makuu

Mhe.Dkt Mwakyembe alikuwa akifungua mafunzo ya siku tatu ya kuwajengea uwezo na kubadilishana uzoefu wa wajumbe wa Kamati hiyo kwa nchi za Maziwa Makuu yanayofanyika jijini Dar es salaam. Mafunzo hayo yanajumuisha wajumbe kutoka nchi za Zambia, Rwanda, Burundi, Kenya, Uganda, Congo DRC, Sudani Kusini na mwenyeji Tanzania.(P.T)

jwt

Mkuu wa Majeshi ya Ulinzi Tanzania Jenerali Davis Mwamunyange (Kushoto), akimvisha cheo cha Meja Jenerali,Mkuu wa Kamandi ya Jeshi la Anga Brigedia Jenerali George William Ingram,Makao Makuu JWTZ Upanga Dar es Salaam.

jwt-1

 Mkuu wa Majeshi ya Ulinzi Tanzania Jenerali Davis Mwamunyange (kushoto) akimvisha cheo cha Meja Jenerali Mkuu wa Jeshi la Kujenga Taifa Brigedia Jenerali Michael Isamuhyo, Makao Makuu JWTZ Upanga Dar es Salaam.

jwt-2

Mkuu wa Majeshi ya Ulinzi Jenerali Davis Mwamunyange (Wa pili kushoto) pamoja na mnadhimu Mkuu wa JWTZ Luteni Jenerali Salvatory Mabeyo (Wa pili kulia) wakiwa katika picha ya pamoja na ma Meja Jenerali wapya, Makao Makuu JWTZ Upanga Dar es Salaam.

Picha kwa hisani ya  kurugenzi ya habari na uhusiano JWTZ(P.T)

Rais wa Jamhuri ya Muungano wa Tanzania Dkt. John Pombe Magufuli amemuagiza Waziri na Katibu Mkuu katika Ofisi ya Tawala za Mikoa na Serikali za Mitaa (TAMISEMI) kusitisha mara moja utekelezaji wa zoezi la kuwaondoa wafanyabiashara wadogo maarufu kwa jina la Machinga katika Jiji la Mwanza mpaka hapo mamlaka husika itakapokamilisha maandalizi ya maeneo watakapohamishiwa na kwa kuwashirikisha wamachinga wenyewe.

Rais Magufuli akiwa na Makamu wa Rais Mhe. Samia Suluhu Hassan ametoa agizo hilo leo tarehe 06 Desemba, 2016 Ikulu Jijini Dar es Salaam huku akionya kuwa kiongozi yeyote ambaye hayupo tayari kutekeleza agizo hilo aachie ngazi.

"Kumeibuka tabia ya Wakuu wa Mikoa, Wakuu wa Wilaya na Wakurugenzi kuwafukuza Wamachinga bila utaratibu wowote wa wapi wanawapeleka na wakati mwingine wanapelekwa maeneo ya mbali ambayo hayafai hata kwa kufanya biashara, hili jambo sio sawa hata kidogo.

"Sipendi Wamachinga wafanye biashara kwenye hifadhi ya barabara lakini hakuna sheria katika nchi hii inayosema mtu wa biashara ndogondogo au Mmachinga hatakiwi kukaa katikati ya mji, tukianza kwenda kwenye utaratibu wa namna hiyo maana yake tunaanza kutengeneza  madaraja ya Watanzania, kwamba kuna Watanzania fulani wa daraja fulani wanapaswa kukaa katikati ya mji na Watanzania wa daraja fulani hawatakiwi kukaa katikati ya mji, huo sio mwelekeo wetu na wala Ilani ya Uchaguzi ya Chama Cha Mapinduzi ambayo mimi na wewe (Makamu wa Rais) tulipita kuinadi, haisemi tutengeneze madaraja ya watu wanaostahili kukaa mjini na wengine hawastahili kukaa mjini, sasa nimeona hili nilizungumze na nataka kulirudia kwa mara ya mwisho" amesema Rais Magufuli.

Dkt. Magufuli ameelekeza kuwa Wamachinga walioondolewa katika maeneo yao Jijini Mwanza waachwe waendelee na shughuli zao mpaka hapo Halmashauri ya Jiji la Mwanza itakapokamilisha maandalizi ya mahali watakapohamishiwa na kwa kuwashirikisha Wamachinga wenyewe.

"Narudia na hii ni mara ya mwisho. Kawaambieni hata Wamachinga wa Mwanza warudi kwenye maeneo yao mpaka watakapowatengenezea utaratibu mzuri. Kigamboni hapa palikuwa na Wamachinga eneo fulani wamehama vizuri kweli, wakatengenezewa miundo mbinu yao katika soko lao na sasa hivi wanafanya kazi vizuri, na waliwashirikisha viongozi wa Wamachinga, lakini Mwanza imekuwa ni amri tu na wengine wanatumia hata msemo wa Hapa Kazi Tu, mimi sikusema msemo wa Hapa Kazi Tu wa namna hiyo, nadhani mmenielewa" amesisitiza Rais Magufuli alipokuwa akiwaekeleza Naibu Waziri wa TAMISEMI Mhe. Suleiman Jafo na Katibu Mkuu TAMISEMI Mhandisi Mussa Iyombe.

Wakati huo huo, Rais Magufuli ameagiza Wizara ya Nishati na Madini kusitisha mara moja zoezi la kuwaondoa wachimbaji wadogo katika Kijiji cha Nyaligongo kilichopo katika Kata ya Mwakitolyo Mkoani Shinyanga na badala yake wachimbaji hao waachwe waendelee na shughuli zao, na leseni ya mwekezaji anayedai eneo hilo ni lake aondolewe.

"Wale waliofukuzwa Shinyanga wabaki palepale, kama ni leseni ya huyo mwekezaji ifutwe, Mhe. Makamu wa Rais fuatilia hili, mweleze Waziri wa Nishati na Madini, waache kufukuza wananchi hovyohovyo, wale wanapata riziki yao, wanasomesha watoto wao lakini wanafukuzwa tu."Na hizi ndio ajira zenyewe, tulisema tunatengeneza ajira, wewe mwekezaji ni mmoja unakwenda kuwafukuza watu 5,000? haiwezekani na wala haingii akilini" amesisitiza Rais Magufuli.

Rais Magufuli amekemea vitendo vya wawekezaji wakubwa kupewa maeneo ambayo wachimbaji wadogo wanaendesha shughuli zao tena kwa mtindo kwa kutengeneza nyaraka zinaonesha mwekezaji husika alipewa eneo hilo kabla ya wachimbaji wadogo na kusisitiza kuwa mchezo huo hautavumiliwa.

Hata hivyo Rais Magufuli amesema maagizo yake hayana maana kuwa Wamachinga na Wachimbaji wadogo waendeshe shughuli zao kwa kuvunja sheria bali wazingatie sheria na Mamlaka zisiwanyanyase watu wanyonge

Gerson Msigwa

Mkurugenzi wa Mawasiliano ya Rais, IKULU

Dar es Salaam

06 Desemba, 2016.(P.T)

k1

Na Beatrice Lyimo-MAELEZO

SERIKALI inatarajia kuanzisha tuzo za umahiri kwa waandishi wa habari wa mitandao ya kijamii (blogs) nchini kuanzia mwaka 2017.

Hayo yamesemwa leo jijini Dar  es salaam na Waziri wa Habari, Utamaduni, Sanaa na Michezo, Nape Nnauye wakati akifunga Mkutano Mkuu wa Tanzania Bloggers Network (TBN) na semina ya wanachama wa umoja wa waendeshaji wa blog nchini.

Waziri Nape alisema kuwa lengo la tuzo hizo ni kuzisaidia blogs za Tanzania kubobea katika nyanja tofauti ikiwemo kilimo, mifugo, viwanda, hifadhi ya jamii kwa nia ya kuipa heshima tasnia ya habari nchini.

Aidha, Waziri Nape alisema kuwa tayari Serikali imeanza mazungumzo na   makampuni na taasisi mbalimbali kwa ajili ya kudhamini tuzo hizo ili kuhakikisha kuwa washindi wanapatikana kwa uwazi.

“Tuzo hizo zitakuwa za kwanza kwa namna zitakazovyoendeshwa kwa uwazi hivyo makampuni zaidi yanakaribishwa kuweza kuzidhamini mashindano hayo yatakayojielekeza kwenye nyanja tofauti” alisema Waziri Nape.

Waziri Nape pia alisema amewataka wamiliki na watendaji wa blogs nchini kushirikiana na Serikali ili kuweza kuijenga nchi.

“Tutumie fursa za kisiasa zilizopo, fursa za teknolojia ili kuhakikisha tiunajenga Tanzania tunayoitaka, ishaurini Serikali kwa kutumia taaluma mliyonayo ili kuweza kuipeleka nchi ya Tanzania tunayoitaka” alifafanua Waziri Nape.(P.T)

Karibu Mjengwablog

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA