We have 301 guests and no members online

Mjengwa Blog

Mjengwa Blog

I am a writer, photographer, social entrepreneur, political analyst and a teacher- facilitator.

Website URL: http://www.mjengwablog.com

Ndugu zangu,

Jana ilikuwa ni Siku ya Mashujaa. Usiku huu nimeangalia kipindi maalum cha televisheni kikionyesha matukio ya Vita Vya Kagera.

Tumeonyeshwa pia tukio lile la kihistoria pale nchi yetu ilipowapokea rasmi mashujaa wetu wa Vita Vya Kagera 1979. Nilikuwa miongoni mwa watoto wale pale National Stadium. Nilikuwa na miaka 13 tu.

Ilikuwa ni siku ya ajabu, maana, shughuli nzima iliingia doa pale kwa macho yetu tuliposhuhudia ndege yetu ya kijeshi ikianguka na kuwaka moto.

Hakika, rubani yule alifanya kazi ya kijasiri na kizalendo sana, maana, ingewezekana kabisa ndege ile kutuangukia uwanjani na kusababisha madhara makubwa.

Nakumbuka kuiona ndege ile ikishuka huku ikitoa moshi, haikuwa jambo la kawaida. Hata katika umri wangu ule mdogo, nikahisi kuna kitu hakijaenda sawa wakati nikiiangalia ndege ile ikigeuza kule juu angani. Mara tukaona ikishuka kwa kwa namna ya kukosa mwelekeo sahihi. Rubani akafanikiwa kuikwepesha kuangukia uwanjani na hatimaye ndege ile ya kijeshi ikaanguka nje ya uwanja.

Nakumbubuka kushuhudia uwanja ukikumbwa na butwaa kuu. Mara zikasikika sauti za watu wakipiga kelele, kuna tulioanza kukimbilia eneo la tukio, kwa shauku ya kujua nini kimetokea, nami nilikuwa mmoja wao. Lakini sikufika mbali, nikarudi nilikosimama. Pale chini uwanjani na jirani kabisa na jukwaa kuu.

Na hata aliyekuwa Waziri wa Ulinzi, Rashid Kawawa, alikuwa ni mmoja wa viongozi walioshuka jukwaani akikimbia, naye alionekana aliyeshtushwa, na pengine alilazimika kushuka jukwaani kwa vile alikuwa ni waziri mwenye dhamana ya Ulinzi. Rashid Kawawa alikuwa akiwajibika kwenye kazi yake.

Kwa kuangalia kwenye jukwaa kuu, niliiona sura ya Rais Julius Nyerere ikiwa imevaa huzuni kubwa. Baadae alianza Rashid Kawawa kutoa maelezo ya kumkaribisha Rais azungumze na wananchi. Kawawa aliongea kwa dakika chache sana na hakuficha kuonyesha kushtushwa.

Ajabu ya tukio lile, mambo yaliendelea kama yalivyopangwa. Najiuliza, ingelikuwa imetokea miaka hii, kungelikuwa na umati wenye nidhamu kama iliyoonyeshwa na umati ule, kwamba umati wa siku ile ulifuata maelekezo. Watu walibaki uwanjani, hawakutokomea kwenda kwenye kuona kilichotokea nje ya uwanja.

Ikafika muda wa Rais wa nchi kusimama na kuongea. Nyerere aliposimama kuzungumza, napo ilikuwa ajabu kwangu katika umri ule, kuwa Julius Nyerere hakusema lolote juu ya tukio lile.

Lakini hii leo, ninapoangalia tukio la siku ile kupitia televisheni, nimekuwa mwelewa zaidi, kuwa Julius Nyerere alisimama kama Mkuu wa Nchi, alilijumuisha tukio lile na mashujaa wengine waliojitoa muhanga kwa ajili ya nchi yetu.

Julius Nyerere hakushuka chini na kuzungumzia tukio la kuanguka kwa ndege ile. Badala yake, alitoa hotuba muhimu kwa taifa baada ya vita. Na ni katika siku ile Julius Nyerere alitangaza miezi kumi na nane ya kufunga mikanda.

Na hakika, makovu ya kiuchumi ya Vita Vya Kagera yangalipo mpaka hii leo. Naam, Vita Si Lelemama.

Maggid Mjengwa,
Zanzibar.(P.T)

Mkuu wa wilaya ya Moshi Kipi Warioba akiongozana na kundi la wapanda mlima Kilimanjaro kutoka kampuni ya Mgodi ya Geita Gold Mining (GGM) waliopanda kwa lengo la kuchangisha fedha za kusaidia taasisi mbalimbali zinazo shughulika na mapambano dhidi ya Ukimwi.

Makamu wa Rais wa Kampuni ya Geita Gold Mining (GGM)  ,Simon Shayo akizungumza wakati wa hafla fupi ya mapokezi ya kundi la wapanda mlima wakiwemo wafanyakazi wa mgodi huo waliopanda kwa leongo la kuchangisha fedha  za kusaidia taasisi mbalimbali zinazo shughulika na mapambano dhidi ya Ukimwi.

Kiongozi wa kundi la wafanyakazi wa kampuuni ya Mgodi ya Geita Gold Mining ,Kelvin Yasiwa akizungumza kwa niaba ya wenzake mara baada ya kuwasili wakitokea katika kilele cha Uhuru ,Mlima  Kilimanjaro.

Balozi wa Tume ya kudhibiti Ukimwi nchini (TACAIDS) Msanii Mrisho Mpoto akizungumza mara baada ya kurejea salama kutoka katika kilele cha Mlima Kilimanjaro.

Kaimu Mkuu wa Mkoa wa Kilimanjaro,Kipi Warioba akikabidhi cheti kwa mtoto Lucy Mashauri(15)baada ya kufanikiwa kufika katika kilele cha Mlima Kilimanjaro.

Kaimu Mkuu wa Mkoa wa Kilimanjaro,Kipi Warioba akikabidhi cheti kwa mtoto Jacob Musa (16) baada ya kufanikiwa kufika katika kilele cha Mlima Kilimanjaro.

Balozi wa Tume ya Kudhibiti Ukimwi nchini (TACAIDS) Msanii Mrisho Mpoto akifurahia baada ya kukabidhiwa cheti kwa kufanikiwa kufika katika moja ya vilele vya Mlima Kilimanjaro,kilele cha Stela .

Kaimu Mkuu wa Mkoa wa Kilimanjaro na Mkuu wa wilaya ya Moshi,Kipi Warioba aliyekua mgeni rasmi katika hafla hiyo Kipi Warioba akizungumza mara baada ya kuwapokea wapandaji wa Mlima Kilimanjaro kutoka kampuni ya Mgodi ya Geita Gold Mining.

Washiriki wa changamoto ya kupanda Mlima Kilimanjaro kwa lengoo la kuchangisha fedha kwa ajili ya kusaidia taasisi mablimbali zinazojishughulisha na mapambano dhidi ya Ukimwi wakifungua “champagne” kuonesha furaha mara baada ya kurejea salama kutoka katika kilele cha Mlima Kilimannjaro.

Washiriki wa changamoto ya kupanda Mlima Kilimanjaro kwa lengo la kuchangisha fedha kwa ajili ya kusaidia taasisi mbalimbali zinazojihusisha na mapambano dhidi ya Ukimwi wakiwa katika picha ya pamoja na mgeni rasmi wa hafla ya mapokezi yao,Kaimu Mkuu wa Mkoa wa Kilimanjaro,Kipi Warioba.

Makamu wa Rais wa Kampuni ya Mgodi wa Geita Gold Mining (GGM) Simon Shayo akizungumza na waandishi wa habari muda mfupi baada ya mapokezi ya washiriki wa changamoto ya kupanda Mlima Kilimanjaro kwa lengo la kuchangisha fedha kwa ajili ya mapambano dhidi ya Ukimwi.

Na Dixon Busagaga wa Michuzi Blog,Kanda ya Kaskazini.(P.T)

1

Wakaguzi wa magari kutoka jeshi la Polisi wakifuatilia mafunzo wakati wa semina ya ukaguzi wa magari iliyofanika jijini Mwanza.

2

Wakaguzi wa magari kutoka jeshi la Polisi wakifuatilia mafunzo  ya ukaguzi wa magari kwa vitendo kutoka kwa Mkufunzi Hubert Kubo kutoka kampuni ya CFAO wakati wa semina ya ukaguzi wa magari iliyofanyika jijini Mwanza.

3

4

5

Wakaguzi wa magari kutoka jeshi la Polisi walitembelea maeneo ya kiwanda 7/8-.Wakaguzi wa magari kutoka jeshi la Polisi  wakishauriana jinsi ya ukaguzi wa magari makubwa wakati wa semina hiyo.

Na Mwandishi Wetu-Mwanza

Katika mkakati wake wa  kushirikiana na serikali na jamii katika kutoa elimu ya usalama,kampuni ya TBL Group imedhamini semina kwa  wakaguzi wa magari kutoka Jeshi la Polisi jijini Mwanza ambayo imefanyika katika kiwanda cha TBL cha Mwanza na kuendeshwa na Mtaalamu wa magari kutoka kampuni ya CFAO,Bw.Hubert Kubo.

Semina hiyo iliendeshwa kwa  njia shirikishi ambapo  washiriki walijadiliana masuala mbalimbali yanayohusiana na usalama barabarani na changamoto zilizopo katika kukagua vyombo vya moto na  jinsi ya kupunguza ajali za barabarani nchini.(P.T)

j1

Rais wa Jamhuri ya Muungano wa Tanzania Dkt John Pombe Joseph Magufuli akisalimiana na Makamu wa Rais wa Benki ya Maendeleo ya Afrika Dkt Frannie Leutier aliyemtembele Ikulu ya Chamwino mjini Dodoma leo Julai 26, 2016. Kushoto ni ni Mwakilishi wa Benki hio nchini, Bi. Tonia Kandiero.

j2

Rais wa Jamhuri ya Muungano wa Tanzania Dkt John Pombe Joseph Magufuli akimewangalia  Makamu wa Rais wa Benki ya Maendeleo ya Afrika Dkt Frannie Leutier akisaini kitabu alichotunga kabla ya kumkabidhi Rais alipomtembele Ikulu ya Chamwino mjini Dodoma leo Julai 26, 2016

j3

Rais wa Jamhuri ya Muungano wa Tanzania Dkt John Pombe Joseph Magufuli akipokea kitabu kutoka kwa   Makamu wa Rais wa Benki ya Maendeleo ya Afrika Dkt Frannie Leutier alipomtembele Ikulu ya Chamwino mjini Dodoma leo Julai 26, 2016.

j4

   Rais wa Jamhuri ya Muungano wa Tanzania Dkt John Pombe Joseph Magufuli akiagana na Makamu wa Rais wa Benki ya Maendeleo ya Afrika Dkt Frannie Leutier aliyemtembele Ikulu ya Chamwino mjini Dodoma leo Julai 26, 2016. Katikati ni Mwakilishi wa Benki hio nchini, Bi. Tonia Kandiero.j5

Rais wa Jamhuri ya Muungano wa Tanzania Dkt John Pombe Joseph Magufuli katika picha ya pamoja na Makamu wa Rais wa Benki ya Maendeleo ya Afrika Dkt Frannie Leutier  na ujumbe wake aliyemtembele Ikulu ya Chamwino mjini Dodoma leo Julai 26, 2016. Wa tatu kutoka kushoto ni Naibu Waziri wa Fedha na Mipango Dkt. Ashatu Kijaji, wa tatu kulia ni Mwakilishi wa Benki hio nchini, Bi. Tonia Kandiero, kulia ni Mchumi Mkuu kutoka Idara ya Fedha za Nje Bw. Johannes Jovin akifuatiwa na Mkrugenzi Idara ya Ushirikiano wa Kimataifa Wizara mambo ya Nje Balozi Celestine Mushy. Kushoto ni Mshauri wa Rais Masuala ya Profesa Longinus Rutasitara akifuatiwa na Mshauri wa Rais masuala ya Diplomasia Balozi Zuhura Bundala.

PICHA NA IKULU (P.T)

media

Jenerali Taban Deng Gai

Kundi moja la waasi wa zamani nchini Sudan Kusini limetangaza kuchukua nafasi ya Riek Machar kama Makamu wa rais wa kwanza, baada ya kiongozi huyo kuondoka jijini Juba baada ya kuzuka tena kwa mapigano mapya wiki mbili zilizopita.

Hata hivyo, Machar ambaye haifahamiki yuko wapi, ametupilia mbali taarifa kuwa nafasi yake imechukuliwa na Jenerali Taban Deng Gai aliyeongoza waasi katika mazungumzo ya amani mwaka uliopita nchini Ethiopia.

Jenerali Gai amesema, anashikilia wadhifa huo kwa muda tu na ikiwa Machar atarejea atamwachia.

“Nashikilia nafasi hii kwa muda tu kwa sababu ya amani, na ikiwa Riek Machar atarejea, nitamwachia nafasi hii,” amesema.

Riek Machar Makamu wa kwanza wa rais nchini Sudan Kusini

Mshirika wa karibu wa Machar ameliambia Gazeti la kila siku nchini Kenya Daily Nation kuwa uamuzi wa Jenerali Gai ambaye zamani alikuwa Gavana wa jimbo la Unity halikuridhiwa na viongozi wakuu wa chama cha upinzani cha SPLM-OI na huenda amehongwa na rais Kiir.

Wiki iliyopita, Waziri wa Habari na msemaji wa serikali Michael Makue Lueth alinukuliwa na Gazeti na Sudan Tribune akisema kuwa nafasi ya Machar inaweza kuchukuliwa na mtu mwingine kutoka upande wa upinzani ikiwa Machar kwa mujibu wa mkataba wa amani wa Addis Ababa uliokubaliwa mwaka uliopita.

Riek Machar na rais Salva Kiir baada ya kutia saini mkataba wa amani jijini Addis Ababa mwaka jana

Wakati hayo yakijiri, rais Salva Kiir alizuru jijini Kampala mwishoni mwa juma lililopita kushauriana na rais Yoweri Museveni kuhusu hali inavyoendelea katika nchi yake.

Ripoti zinasema kuwa Kiir, amemwomba msaada wa kijeshi rais Museveni huku kiongozi huyo wa Uganda akimtaka Kiir kukubali kutumwa kwa vikosi vya Kimataifa vya kulinda amani. RFI

Mhamiaji wa Syria aliyekataliwa hifadhi ya ukimbizi Ujerumani mwaka mmoja uliopita amekufa baada ya kuripuwa bomu karibu na tamasha la muziki mkoani Bavaria ambalo limemuuwa yeye mwenyewe na kujeruhi watu wengine kadhaa.

Polisi imesema watu 12 wamejeruhiwa watatu kati yao wakiwa mahatuti katika shambulio hilo lililofanyika katika mji wa Ansbach mji wenye wakaazi 40,000 ulioko kusini magharibi mwa Nuremberg ambapo ndiko pia kuliko kambi ya jeshi la Marekani.

Mwanaume huyo mwenye umri wa miaka 27 inasemekana alikuwa akipatiwa matibabu ya akili baada ya kujaribu kujiuwa mara mbili na kwa mujibu wa polisi alikuwa amekusudia kushambulia tamasha hilo la muziki lakini alikataliwa kuingia ndani kwa sababu alikuwa hana tiketi na ndipo aliporipuwa bomu hilo nje ya mkahawa ulioko karibu.

Akizungumza katika mkutano na waandishi wa habari ulioitishwa kwa haraka Jumatatu (25.07.2016) waziri wa mambo ya ndani wa jimbo la Bavaria Joachim Herrmann hakufuta uwezekano wa shambulio hilo kuwa na uhusiano na kundi la Dola la Kiislamu.

Hermmannn) amesema "Mripuko huo ulikuwa ni kifurushi kilichokuwa kimejazwa vipande vya vyuma ambao ungeliweza kujeruhi au kuuwa watu wengi zaidi mambo yanayosababisha kuwepo kwa tuhuma kwamba hili ni shambulio la Waislamu wa itikadi kali. Hata hivyo tunatakiwa kufanya uchunguzi wa kina kuyakinisha hilo. Tunataraji kutowa maelezo kwa wananchi hivi karibun."

Jaza ya kufadhiliwa

Herrmann amesema inatisha kwamba mtu aliyekuja katika nchi yao kutafuta hifadhi ametenda tendo hilo la kinyama na kujeruhi idadi kubwa ya watu baadhi yao wakiwa katika hali mahatuti.

Tukio hilo litazidi kupalilia mashaka ya wananchi yanayozidi kuongezeka kuhusu sera ya Kansela Angela Merkel ya kuwacha milango wazi kwa wakimbizi ambapo kwayo zaidi ya wahamiaji milioni moja wameingia nchini Ujerumani katika kipindi cha mwaka mmoja uliopita wengi wao wakikimbia vita nchini Syria, Iraq na Afghanistan.

Akizungumzia tukio hilo naibu mkuu wa polisi wa mji Ansbach Roman Fertinger ametilia mkazo kujumuishwa kwa vipande vya chuma katika bomu hilo.

Naibu mkuu huyo wa polisi amesema "Baadhi ya vipande vya chuma vilipatikana vimezagaa.Vipande vya aina hii kwa kawaida hutumika kwa shughuli za mbao.Itabidi tuchunguze kubaini iwapo vilitumika katika bomu hilo."

Mashambulizi yaliyoikumba Ujerumani hivi karibuni yanazusha masuala mazito kuhusu sera ya kuwapa hifadhi wakimbizi na usalama nchini kote hilo likiwa ni shambulio la nne la matumizi ya nguvu nchini katika kipindi kisichozidi wiki moja likiwemo lile la mauaji ya watu tisa yaliyofanwa na Mjerumani mwenye asili ya Iran Ijumaa iliopita.

Sera ya Merkel lawamani tena

Stephan Meyer mbunge kutoka chama cha kihafidhina cha Kansela Angela Merkel amesisitiza kwamba ni kosa kabisa kumlaumu Angela Merkel na sera yake ya wakimbizi kwa mfululizo wa matumizi ya nguvu katika kipindi cha moja lililopita.

Mayer ameliambia shirika la utangazaji la Uingereza BBC kwamba wahamiaji na wakimbizi milioni moja nukta moja walioingia nchini mwaka jana ni changamoto kwa wasimamizi ya sheria juu ya kwamba wimbi hilo la wakimbizi limepunguwa katika miezi ya hivi karibuni.

Mayer ambaye ni msemaji wa masuala ya ndani wa chama cha Christian Social Union cha jimbo la Bavaria ambacho ni chama ndugu cha chama Merkel cha CDU amesema hawawezi kusajili na kudhibiti wahamiaji wote wanaovuka mpaka na kuingia Ujerumani.DW

Promota wa mchezo w masumbwi nchini  Haruna Mussa ‘Dippo’  katikati akizungumza na mashabiki wa mchezo wa ngumi za kulipwa wakati alipowatambulisha kupigana kwa mabondia wa kike Halima Bandola na Joyce Awino watakao oneshana umwamwamba Agost 7 katika uwanja wa ndani wa  Taifa.

Promota wa mchezo w masumbwi nchini  Haruna Mussa katikati akiwainua juu mabondia mbele ya mashabiki wa mchezo wa ngumi za kulipwa wakati alipowatambulisha kupigana kwa mabondia wa kike Halima Bandola na Joyce Awino watakao oneshana umwamwamba Agost 7 katika uwanja wa ndani wa  Taifa .(P.T)

Japan

Mtu anayeaminika kuwa mashambuliaji amejisalimisha kwa polisi

Watu 19 wameuawa nchini Japan baada ya mtu mmoja kuwashambulia watu kwa kisu katika kituo kimoja cha walemavu, kilichoko katika mji wa Sagamihara, magharibi mwa mji mkuu Tokyo. Watu zaidi ya 20 wamejeruhiwa, wengi wao vibaya.

Ripoti nchini Japan zinasema kuwa mtu mmoja ambaye alikuwa akifanya kazi katika kituo hicho cha Tsukui Yamayuri-en, alijipeleka hadi kituo cha polisi na kukiri kuwa ndiye aliyetekeleza mauaji hayo ya kutisha na kwa sasa anazuiliwa.

Mtu huo ametambuliwa kama Satoshi Uematsu, mwenye umri wa miaka 26.

Polisi wanasema mshukiwa alikuwa amemwandikia barua spika wa bunge la chini mwezi Februari akitishia kuwaua walemavu.

Alitibiwa hospitali lakini baadaye akaachiliwa.

Visa vya mauaji ya watu wengi kwa pamoja huwa nadra sana nchini Japan.

Visa vya watu kuchomwa visu mwaka 2001 na 2008 vilisababisha vifo vya watu saba na wanane mtawalia.

Mwaka 1995, shambulio la kutumia gesi ya sumu ya sarin katika treni mjini Tokyo, ambalo lilitekelezwa na watu wa madhehebu ya Aum Shinrikyo, lilisababisha vifo vya watu 12.BBC

Mwenyekiti Mstaafu wa Chama cha Mapinduzi CCM Dkt.Jakaya Kikwete akizungumza na wananchi na wafuasi wa Chama cha Mapiduzi katika hafla ya kumkaribisha nyumbani mwenyekiti huyo mstaafu wa CCM,iliyofanyika wilaya ya Bagamoyo Mkoa wa Pwani.

wananchi na wafuasi wa Chama cha Mapiduzi wakimsikiliza Mwenyekiti Mstaafu wa Chama cha Mapinduzi CCM Dkt.Jakaya Kikwete katika hafla ya kumkaribisha nyumbani mwenyekiti huyo mstaafu wa CCM,iliyofanyika wilaya ya Bagamoyo. 

Mbunge wa Jimbo la Mkuranga Abdallah Ulega akisalimiana na Mke wa Rais Mstaafu Dkt.Jakaya Kikwete,mama Salma Kikwete, katika hafla ya kumkaribisha nyumbani mwenyekiti huyo mstaafu wa CCM,iliyofanyika wilayani Bagamoyo,wengine ni wabunge wa mkoa huo wakimsalimia Mwenyekiti huyo mstaafu wa Chama cha Mapinduzi (CCM).

Mwenyekiti Mstaafu wa Chama cha Mapinduzi CCM Dkt.Jakaya Kikwete akiwa kwenye picha ya pamoja na viongozi mbalimbili wa mkoa wa Pwani.(Picha na Emmanuel Massaka,Globu ya jamii)

Na David John Pwani 

MWENYEKITI Mstaafu wa Chama cha Mapinduzi CCM Dkt.Jakaya Kikwete amesema anashukuru Mungu Kwa kuutua mzigo salama huku akiicha nchi ikiwa salama tulii kabisa. 

Amesema kuwa safari yake ya urais ilianzia Bagamoyo akitokea wilayani hapo ambapo baada ya hapo alikwenda Kibaha kutangaza nia ya kugombea urasi nakudai kuwa amejisikia flaha kurudi tena Bagamoyo akiwa salama. 

Amesema wakati akielekea kutanga nia ya kugombea urais alikuwa na mtoto wake Ridhiwani Kikwete ambapo yeye alikuwa anaandika na Ridhiwani anachapa kwenye Komputa. 

Dkt.Kikwete ameyasema hayo leo wilayani Bagamoyo katika hafla ya kumkaribisha Nyumbani baada ya kuitumikia nchi Kwa miaka mingi, ambapo iliandaliwa na Chama Cha Mapinduzi Mkoa wa Pwani. 

Alisema.anashukuru Kwa Mara nyingine kurudi mahala alipoazia na kwamba amemaliza salama na ameacha nchi ikiwa salama na imetulia tulii kama Maji kwenye mtungi. Akikumbuka mchakato wa mwakajana wa kumpata Mgombea ulikuwa na mambo mengi lakini mambo yalikwenda salama na hakuna lililokuwa limeharibika . 

"Ilikuwa Kazi kubwa si ndogo lakini hatimaye wa kavuka na wakaingia kwenye uchaguzi ambao ulikuwa na vurumayi"amesema Dkt.Kikwete .Aidha amesema kuwa hata hivyo katika uchaguzi huo kulikuwa hakuna mtu ambaye alipatwa na tukio la kumpiga mwezake hali ambayo iliwashangaza hata nchi jirani. 

Alisema kuwa katika kipindi chake cha uongozi amefanya kazi kubwa ya kusukuma maendeleo ya wananchi Kwa mikoa yote,wilaya zote bila ubaguzi wowote ule huku akikiri kukabiliana na Changamoto ya kunyoshewa vidole hususani pale alipojalibu kupeleka maendeleo Wilayani Bagamoyo konakamba wananchi wa Bagamoyo walikuwa hawana haki. 

Aidha Dkt.Kikwete alisema kuna wakati alisimamisha fedha za ujenzi wa barabara hiyo na kupeleka fedha hizo kujenga barabara ya Geita, Sengerema,usagala ,na kulizuka na Maneno mengi dhidi yake na hadi kufikia wabunge kulumbana. 

Amesema hata hivyo anashukuru kwamba amemaliza salama na Kwa Bahati nzuri amepatikana rais ambaye ana ari kubwa ya kuwaletea maendelea watu huku akitaka watanzania kumuunga mkono.

Wanachama wa Chama cha Mapinduzi Mkoa wa Pwani leo wamejitokeza Kwa wingi kumkaribisha nyumbani Mwenyekiti Mstaafu wa Chama hicho Dkt.Jakaya Kikwete katika sherehe zilizofanyika wilayani Bagamoyo. Wanachama hao ambao walitoka katika wilaya zote za Mkoa wa Pwani wakiongozwa na Mwenyekiti wa Chama hicho mkoa Masikuzi. pamoja na Katibu Joyce Masunga walimuaga na kumkaribisha Kwa nyimbo mbalimbali.(P.T)

Karibu Mjengwablog

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA