We have 322 guests and no members online

Global Education Link

Mjengwa Blog

Mjengwa Blog

I am a writer, photographer, social entrepreneur, political analyst and a teacher- facilitator.

Website URL: http://www.mjengwablog.com


Si kutoka kinywani mwake, bali miongoni mwa wajumbe wake.
Hata kama kikao ni cha mwenyekiti.
Pichani ni kusanyiko la wajumbe wa warsha ya siku 3 iliyomalizika jana kuhusu mafunzo mafupi ya habari na mawasiliano vijijini kupitia Vyuo Vya Maendeleo ya Wananchi. Washiriki ni wakufunzi wa vyuo vitano vya maendeleo ya Wananchi kutoka Mbeya, Kilimanjaro, Ruvuma, Iringa na Mtwara. Pia wanahabari kumi, wawili wawili kutoka kwenye mikoa hiyo.
Maggid.

 Rais wa Jamhuri ya Muungano wa Tanzania Dkt. John Pombe Magufuli akilakiwa na Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Dkt. Augustine Mahiga alipowasili kwenye ukumbi wa mikutano wa Ikulu jijini Dar es salaam kwa minajili ya kuzungumza na Mabalozi wanaowakilisha Tanzania nchi za nje

 Rais wa Jamhuri ya Muungano wa Tanzania Dkt. John Pombe Magufuli akiwa na Katibu Mkuu Kiongozi Balozi Eng. John Kijazi na Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Dkt. Augustine Mahiga akingia kwenye ukumbi wa mikutano wa Ikulu jijini Dar es salaam kwa minajili ya kuzungumza na Mabalozi wanaowakilisha Tanzania nchi za nje

 Sehemu ya makatibu wakuu na mabalozi wanaowakilisha Tanzania nchi za nje wakiwa ukumbini

 Sehemu ya mabalozi wanaowakilisha Tanzania nchi za nje wakiwa ukumbini

 Mnadhimu Mkuu wa JWTZ  Luteni Jenerali Venance Mabeyo (kati) na  Bw. Alphayo Kidata, Kamishna Mkuu wa TRA (kulia) na maofisa wengine waandamizi wakiwa ukumbini

  Sehemu ya mabalozi wanaowakilisha Tanzania nchi za nje wakiwa ukumbini

  Sehemu ya maofisa Ubalozi wanaowakilisha Tanzania nchi za nje wakiwa ukumbini

 Kaimu Mkurugenzi wa Kituo cha Uwekezaji TIC Bw. Cliford Tandari (kulia) na maofisa wengine ukumbini hapo

  Sehemu ya maofisa Ubalozi wanaowakilisha Tanzania nchi za nje wakiwa ukumbini

 Kaimu  Mkurugenzi  Idara ya Itifaki Bw.. James Bwana akiwa na mabalozi wakurugenzi wa Idara mbalimbali Wizarani

 Balozi wa Tanzania nchini Urusi Luteni Generali Wyjones Kisamba akisimama wakati mabalozi wakitambulishwa 

  Balozi wa Tanzania Nchini Marekani Mhe,Wilson M.Masilingi akitambulishwa

 Waziri wa Nchi, Ofisi ya Rais Menejimenti ya Utumishi wa Umma Mhe Angela Kairuki, Katibu mkuu wake Dkt. Laurian  Ndumbaro, Mdhibiti na Mkaguzi Mkuu wa Hesabu za Serikali (CAG), Profesa Juma Assad na viongozi wengine wakiwa ukumbini

 Katibu Mkuu wa Wizara ya Mambo ya Nje, Ushirikiano wa Afrika Mashariki, Kikanda na Kimataifa, Balozi Aziz Ponary Mlima akiwatambulisha mabalozi

 Sehemu ya mabalozi hao

 Wajumbe wa mkutano huo

 Mabalozi

 Wajumbe wa mkutano

 Maofisa wa Wizara ya Mambo ya Nje, Ushirikiano wa Afrika Mashariki, Kikanda na Kimataifa (P.T)


Pichani mtoa mada, Bi. Happiness Matanji akielezea dhana ya pengo kwenye matumizi ya ICT kati ya wanaume na wanawake kwa kutolea mfano utafiti alioufanya kwenye nchi ya Uganda. Ni kwenye kusanyiko la Wakufunzi wa Vyuo vitano vya Maendeleo ya Wananchi na wanahabari kumi kutoka klabu tano za waandishi wa habari wa mikoa ya Mtwara, Ruvuma, Iringa, Mbeya na Kilimanjaro.
Warsha hiyo ya siku 3 iliandiliwa na Shirika la Karibu Tanzania Association na kuhitimishwa leo mkoani Iringa.
Maggid.

 

Watanzania na wageni wanakaribishwa Makumbusho na Nyumba ya Utamaduni DSM kwenye maonesho ya kistaarabu ya sanaa na Utamaduni wa Matanzania. Ukweli wanao udhuria maonesho haya wamekuwa wakipata faida mbali mbali hasa, kuepukana na kero ya foleni, Kukutana na marafiki wapya hasa wa kimataifa kwa faida ya kibiashara, kuimarisha mahusiano ya kifamilia kwa kuleta familia zao (mke,mume na watoto) wakila, kunywa na kuangalia maonesho ndani ya Ukumbi wa Kisasa wa maonesho ambazo zipo mbili tu Tanzania.

Ndugu zangu,

Kuna walioniomba nirejee mada kuhusu sanaa ya kuzungumza mbele ya hadhara . Bila shaka, sababu kuu ni ukweli, wengi tunapata tabu sana kila tunapotakiwa kuongea hadharani.

Kwa vile hata waliozaliwa na vipaji vya kuongea hadharani na kuvuta watu wanahitaji kujifunza zaidi, basi, hata asiye na kipaji, anaweza kujifunza na akawa mzungumzaji mzuri mwenye kuvutia hadhira yake.

Leo nitazungumzia kile kilicho muhimu kabisa kwa mtu anayehutubia. Kinaitwa ' actio' kwa Kigiriki.

Actio inahusu zaidi kinachoonekana kwa nje na hadhira ama wasikilizaji pale mzungumzaji anapokuwa akihutubia. Ni ile misogeo au mitikisiko mbalimbali ya mzungumzaji kimwili. Hii ikiwa ni pamoja na sauti na hata mawasiliano ya mboni za macho ya mzungumzaji na wasikilizaji wake.

Muhimu sana unavyozungumza. Jinsi unavyoitumia sauti yako vile unavyohama kutoka hali tofauti za sauti. Unavyobadilisha ukubwa ama ujazo wa sauti yako. Na ni kwa namna gani, wakati mwingine, kulingana na neno au sentesi unayotaka kuisema. unavyobadilisha sauti yako. Mfano mzuri hapa ni vile Mwalimu Julius Nyerere, alivyoweza kucheza vizuri na sauti katika hali zote;
Nyerere anatamka;
" .. Ni watu wa ovyo ovyo tu...!" Hapo aliweza kuibana sauti ikasikika kwa namna ya kuvutia kuweka msisitizo wa anachotaka kusema.

Ufundi Ni Upi Kwenye Kuhutubia?

Ili uweze kutoa hotuba ya nguvu ikaweza hata kuwaacha watu wasitamani umalize na kuondoka , basi, ni sharti mzungumzaji uwe na uwezo wa kumiliki vitu vitatu;

1. Mimic - inahusu taswira. Hapa ni jinsi unavyocheza na mdomo, macho, na hata kope za macho.

2. Prosodi- Ni neno la Kigiriki hili, ina maana ya namna unavyotumia sauti na hata unapoweka vituo kwenye hotuba.

3. Gestik- Hapa inahusu unavyotumia viungo vya mwili wako ukiwa jukwaani.

Tujikite kwenye Mimic.

Eneo hili ni muhimu sana maana ndipo hupelekea wasikilizaji ama wamuamini mzungumzaji au wasimwamini. Kama kinachoonekana kwenye mdomo na macho yako hakifanani na unachosema, kuna wataoguna mioyoni, kuwa unawadanganya. Ndipo hapa tena, Mwalimu Julius Nyerere alipata kusema; :" Mgombea akisema anakemea rushwa, basi, tukimuangalia usoni tuseme , naam, huyu kweli anakemea rushwa!"

Itaendelea...

Kwa mwenye kutaka ushauri wa bure niandikie;
This email address is being protected from spambots. You need JavaScript enabled to view it., au tuma ujumbe:
0754 678 252
Maggid.

Meneja Mradi wa Kiwanda cha Kuchakata Gesi cha Madimba,  Sultan Pwaga ( wa pili kutoka  kulia mbele) akimwongoza Katibu Mkuu wa Wizara ya Nishati na Madini Profesa Justin Ntalikwa ( wa tatu kutoka kulia mbele) kwenye ziara ya kukagua kituo hicho ili kujionea shughuli zake.

 Meneja Mradi wa Kiwanda cha Kuchakata Gesi cha Madimba,  Sultan Pwaga akielezea shughuli za kiwanda hicho mbele ya Katibu Mkuu wa Wizara ya Nishati na Madini Profesa Justin Ntalikwa (hayupo pichani)

 Meneja Mradi wa Kiwanda cha Kuchakata Gesi cha Madimba,  Sultan Pwaga (kulia) akifafanua jambo kwa Katibu Mkuu wa Wizara ya Nishati na Madini Profesa Justin Ntalikwa (kushoto) katika ziara hiyo.

 Eneo la mwanzo  la bomba la kusafirisha  gesi kuelekea Dar es Salaam  kupitia Mtwara, Lindi na Pwani kama linavyoonekana pichani.

 Sehemu ya kiwanda cha kuchakata gesi cha Madimba kama inayoonekana pichani.

Meneja Mradi wa Kiwanda cha Kuchakata Gesi cha Madimba,  Sultan Pwaga (kushoto) akitoa maelezo hukusu mikakati inayofanywa na kiwanda hicho katika kuhakikisha kuwa gesi ya uhakika inapatikana kwa Katibu Mkuu wa Wizara ya Nishati na Madini Profesa Justin Ntalikwa (kulia)

 Katibu Mkuu wa Wizara ya Nishati na Madini Profesa Justin Ntalikwa akisaini kitabu cha wageni mara baada ya kuwasili katika chumba cha kuongozea mitambo (control room) katika kiwanda cha kuchakata gesi cha Madimba.

Katibu Mkuu wa Wizara ya Nishati na Madini Profesa Justin Ntalikwa (kushoto) akifuatilia maelezo  ya namna ya uendeshaji wa  mitambo ya kuchakata gesi  ya Madimba yaliyokuwa yanatolewa na  Stanslaus Malya (hayupo pichani)

 Mtaalam kutoka kiwanda cha kuchakata gesi  cha Madimba, Stanslaus Malya akionyesha uongozwaji wa mitambo unavyofanywa katika kiwanda cha kuchakata gesi  cha Madimba.

Katibu Mkuu wa Wizara ya Nishati na Madini Profesa Justin Ntalikwa (waliokaa mbele katikati) na Kaimu Mkurugenzi wa Shirika la Maendeleo ya Petroli Nchini (TPDC) Kapuulya Msomba ( kushoto waliokaa mbele) wakiwa katika picha ya pamoja na wataalam wa kiwanda cha kuchakata gesi cha Madimba na wataalam kutoka Wizara ya Nishati na Madini, Shirika la Umeme Nchini (TANESCO) na TPDC.(P.T)

caf

Wataalamu wa Ufundi wa Shirikisho la Mpira wa Miguu Afrika (CAF), wanatarajiwa kutua nchini wakati wowote kuanzia sasa kwa ajili ya kukagua Uwanja wa CCM Kirumba jijini Mwanza.

Huu ni utaratibu wa CAF ambako baada ya muda hutembelea nchi wanachama kuangalia maendeleo ya miundombinu ya mpira wa miguu kabla ya kupandisha hadhi ya viwanja kwa ajili ya michuano ya kimataifa inayosimamiwa na kuendeshwa na CECAFA, CAF na FIFA.

Ukaguzi huo unafanyika wakati Tanzania inasubiri majibu ya Uwanja wa Sokoine wa Mbeya ambao ulikwiisha kukaguliwa na mapendekezo ya uboreshwaji kutolewa ili uweze kupandishwa hadhi ya matumizi ya kuchezwa mechi kubwa kama vile fainali za Kombe la Shirikisho, Ngao ya Hisani, michuano ya Ligi Kuu Tanzania Bara pamoja na mechi kubwa za kimataifa za kirafiki na mashindano ya CECAFA, CAF na FIFA.

Viwanja ambavyo CAF na FIFA inavitambua nchini Tanzania hadi sasa ni Amani wa Unguja, Zanzibar; Kaitaba wa Kagera, Azam Complex na Uwanja Mkuu wa Taifa vya Dar es Salaam.

Endapo CCM Kirumba utapitishwa, kutakuwa na nafasi ya kuruhusu kuchezwa mechi kubwa kama vile fainali za Kombe la Shirikisho, Ngao ya Hisani pamoja na mechi kubwa za kimataifa za kirafiki na mashindano ya CECAFA, CAF na FIFA.

Kirumba inaingia kwenye orodha ya viwanja vya Gombani ulioko Pemba; Sokoine wa Mbeya, Kaitaba wa Kagera ambavyo vilikwisha kukaguliwa na sasa vinasubiri kupitishwa ili kutumika kimataifa. Ujio wa viwanja hivyo, utapanua wigo wa Tanzania kuandaa michuano mikubwa katika ngazi ya timu za taifa kimataifa.(P.T)

canada

Timu 12 zinatarajiwa kushiriki Ligi ya Taifa ya Wanawake inayotarajiwa kuanza Novemba mosi, mwaka huu kwa mujibu wa taarifa ya Kamati ya Maendeleo ya Soka la Wanawake na Shirikisho la Mpira wa Miguu Tanzania (TFF), zilizoridhia tarehe hiyo.

Tayari klabu zimeagizwa kuzingatia jina kuenenda na namba za jezi mgongoni ili kuepusha mkanganyiko wa wachezaji wakati wa ligi hiyo inayofanyika kwa mara ya kwanza nchini Tanzania.

Timu 12 zinatarajiwa kushiriki ligi hiyo ambako kesho Oktoba 8, 2016 itakuwa ni siku ya kuchambua fomu za usajili wakati Oktoba 10, mwaka huu majina ya usajili yatatangazwa ambako pia klabu zitatumiwa kupitia anwani za barua pepe.

Oktoba 11 na 12, 2016 ni muda wa klabu kuleta mapingamizi yatakayosikilizwa Oktoba 15, mwaka huu. Majina ya pingamizi yatatangazwa kabla ya Oktoba 20, 2016 na maandalizi ya ligi yataendelea.

Wakati wote huo wa usajili, klabu hazina budi kutangaza aina ya rangi wanazotumia katika michezo ya nyumbani na ugenini na kutakiwa kusafiri na jozi zote mbili ili kuepuka mkanganyiko wa kufanana jezi.

Kutakuwa na jopo la makocha watakaofanya uteuzi wa wachezaji nyota watakaoitwa kwenye timu za taifa ambaye atagharamiwa na TFF.

Vyama vya mikoa visadie klabu katika bajeti zao kwa vile tathamini inaonyesha kuwa fedha zinazotoka hazitoshi. Vyama hivyo vya mikoa pia visaidie maandalizi ya michezo kama vile kuandaa uwanja nakadhalika ukioandoa waamuzi ambao watagharamiwa na TFF.

Hakutakuwa na zawadi ya fedha zaidi ya kombe la medali kwa timu shiriki, labda kama atatokea mdhamini mwingine. Hakutakuwa na zawadi kwa mchezaji bora, mfungaji bora, kipa bora, ingawa kutakuwa na jopo la kuwachagua. Mchezaji bora atachaguliwa kwenye hatua za mwisho wa mashindano, mfungaji bora atachaguliwa kuanzia hatua ya kwanza ya mashindano.(P.T)

mpn1

Naibu Waziri wa Nchi Ofisi ya Makamu wa Rais Muungano na Mazingira Mh. Luhaga Mpina (katikati) alipofanya ziara ya kukagua mazingira katika kiwanda cha kutengeneza viroba vya mifuko Unberg International kilichopo jijini Dar es salaam.      

mpn2

Naibu Waziri wa Nchi Ofisi ya Makamu wa Rais Muungano na Mazingira Mh. Luhaga Mpina (kushoto) mara baada ya kuwasili na kutembelea kiwanda cha kutengeneza sabuni ya unga cha Murzer kilichopo jijini Dar e s salaam.    

mpn3

Naibu Waziri wa Nchi Ofisi ya Makamu wa Rais Muungano na Mazingira Mh. Luhaga Mpina akikagua sehemu ya kuyeyushia viroba ya mifuko katika kiwanda cha Unberg International kilichopo jijini Dar es salaam mapema hii leo.

Kiwanda cha kutengeneza mifuko maarufu kama viroba cha UNBERG INTERNATIONAL cha jijini Dar es Salaam kinachomilikiwa na Raia wa China kilichopo katika eneo la viwanda Mandela Road jijini Dar es salaam, kimetozwa faini ya shilingi milioni ishirini na tano kwa kukiuka vibaya sheria ya mazingira ya mwaka 2004 na kanuni zake.

Kiwanda ambacho kilikuwa hata hakijulikani kinachotengeneza mifuko itumikayo kufungia bidhaa mbali mbali kama sabuni, saruji na sukari, kimeonekana kufanya kazi ya uzalishaji katika mazingira hatarishi kwa wafanyakazi kiwandani hapo pamoja na mazingira.

Hayo yamebainika katika siku ya pili ya hitimisho ya ziara ya Naibu Waziri Ofisi ya Makamu wa Rais Muungano na Mazingira Mhe. Luhaga Mpiga alipokua akikagua baadhi ya Mazingira ya jiji la Dar es Salaam na viwanda, ndipo alipoingia kiwandani hapo kwa kushtukiza na kujionea namna ambapo raia hao wa China wanavyotiririsha uchafu wa kinyesi cha binadamu katika mto msimbazi.

Naibu Waziri Mpina alisema, “Tunawapenda na kuwajali wawekezaji ila kwa Uchafuzi huu mnaoufanya hapa hata kama ingekuwa nchini kwenu hii isinge ruhusiwa, nilitaka kiwanda hiki kifungwe kabisa lakini lazima taratibu za kisheria zifuatwe. Kiwanda hakina hata cheti kimoja kinachowaruhsu kuanya kazi hizi” Alisisitiza Mpina.  Pamoja na uchafu wa maji baada ya kuswafisha malighafi ya mifuko hiyo kiwandani hapo ambayo nimifuko ya bidhaa mbali mbali ikirejelezwa bila kujali wala kutibu maji na kuyaachia katika mazingira.

Akitaja adhabu katika kiwanda hicho mratibu wa kanda ya mashariki kutoka baraza la taifa  la hifadhi na usimamizi  wa mazingira NEMC Bw. Jafari Chimgege, amesema kuwa kiwanda kinatakiwa ,kulipa faini hiyo ndani ya siku saba na kuacha kutiririsha maji pamoja na kurekebisha wa usafishaji viroba kiwandani hapo, kupata cheti chatathmini ya athari za mazingira pamoja na vibali vingine vya uwekezaji nchini.

Kwa upande wake mtaalam wa maji Ardhini kutoka bonde la Wami Ruvu Bw. Msuda,amewataka wawekezaji na wenye viwanda nchini kufika katika ofisi za Bonde zilikzopo Ubungo maji jijini Dar es Salaam  ili waweze kufanya mchakato wa kupata vibali na vyeti vya kutiirisha maji machafu yaliyotibiwa kwa njia sahihi.

Naibu waziri mpina amehitimisha ziara yae ya siku mbili jijini Dar es salaam ya kukagua baadhi ya viwanda na mazingira. (P.T)

maje

 Kijana Said Mrisho anayedaiwa kujeruhiwa na kutobolewa macho na Salumu Henjelewe maarufu kama Scorpion (katikati), akisaidiwa na ndugu zake wakati akiingia ofisi ya Mkuu wa Mkoa wa Dar es Salaa, Paul Makonda kuzungumza na waandishi wa habari.

 Mkuu wa Mkoa wa Dar es Salaam, Paul Makonda (kulia), akizungumza katika mkutano na waandishi wa habari kabla ya kumpa fursa kijana Said kuzungumza na wanahabari.

  Kijana Said Mrisho (kulia), akizungumza na wanahabari. Kulia kwake ni mke wake Stara Soud.

 Mkuu wa Mkoa wa Dar es Salaam akiwa ameinama kwa uchungu wakati kijana huyo alipokuwa akizungumza na wanahabari.

 Kijana Said Mrisho anayedaiwa kujeruhiwa na kutobolewa macho na Salumu Henjelewe maarufu kama Scorpion (kulia), akilia kwa uchungu wakati akizungumza katika mkutano na waandishi wa habari mbele ya Mkuu wa Mkoa wa Dar es Salaam, Paul Makonda leo. Kushoto ni mke wake, Stara Soud

 Mganga Mkuu wa Mkoa wa Dar es Salaam, Grace Magembe (kushoto), akimfariji kijana Said Mrisho.

 Mkuu wa Mkoa wa Dar es Salaam Paul Makonda akimfariji kijana Said Mrisho.

 Mama yake Said Mrisho, Halima Lwiza Abdallah  akilia.

 Ndugu zake Said Mrisho wakitoka ofisi ya mkuu wa mkoa Dar es Salaam baada ya kuzungumza na wanahabari. Kushoto mbele ni mama yake Said, Halima Lwiza Abdallah  na kulia ni mke wake, Stara Soud.

Said Mrisho akisaidiwa kushuka ngazi wakati akitoka kuzungumza na wanahabari ofisi ya mkuu wa mkoa wa Dar es Salaam.

Na Dotto Mwaibale

MAJONZI na vilio vilitawala ofisini kwa Mkuu wa Mkoa wa Dar es Salaam, Paul Makonda wakati Kijna Said Mrisho anayedaiwa kujeruhiwa na kutobolewa macho na Salumu Henjelewe maarufu kama Scorpion Buguruni Sheli alipokuwa akizungumza na waandishi wa habari mbele ya mkuu wa mkoa Dar es Salaam leo asubuhi kuwa hata ona tena katika maisha yake kufuatia kujeruhiwa vibaya kwenye mishipa ya macho na mtuhumiwa huyo na kupoteza uwezekano wa kuona.

“Nilijua ipo siku moja nitakufa lakini sikutegemea kuwa nitakuja kutolewa macho yangu kikatili kiasi hiki sijui mungu anampango gani na mimi wala sijui nini ya hatima ya maisha yangu” alisema Mrisho ambapo ukumbi mzima uligubikwa na ukimya sanjari  simanzi huku mke wake Stara Soud akishindwa kujizuia kulia.

Mrisho alisema anamshukuru sana Rais John Magufuli na Mkuu wa Mkoa wa Dar es Salaam, Paul Makonda kwa jitihada walizofanya za kumsaidia kupata matibabu lakini imeshindika kwa kuwa mishipa yote yenye uwezo wa kumfanya aweze kuona imeharibiwa vibaya na mtuhumiwa huyo hivyo ataweza kuona tena katika maisha yake.

“Iwapo kama mishipa isingeharibiwa kwa visu mama yangu kipenzi Halima Lwiza Abdallah alikuwa yupo tayari kutoa jicho lake moja kwa ajili ya kunisaidia niweze kuona lakini kwa bahati mbaya hilo halitawezekana baada ya madaktari kunieleza kuwa mishipa ya macho yangu imeharibiwa” alisema Mrisho kwa huzuni na kuanza kulia.

Mkuu wa Mkoa wa Dar es Salaam, Paul Makonda amesema wamepokea kwa huzuni taarifa hiyo ya madaktari na kumuomba Mrisho asikate tamaa kwani serikali itaangalia jinsi ya kumsaidia.

Makonda alisema serikali itatoa sh.milioni 10 kama mtaji ili ziweze  kumsaidia wakati wakiangalia namna ya kuwashirikisha watu wengine kwa ajili ya kumsaidia.

Makonda alisema serikali itamsaidia kufanyiwa upasuaji wa kuwekewa macho ya bandia ili awe katika mwonekano wa kawaida ingawa hatakuwa haoni.

“Pamoja na kumpatia kiasi hicho cha fedha katika kipindi hiki cha mpito ambacho atakuwa akihitaji kwenda katika matibabu na sehemu zingine tutakuwa tukimsaidia usafari wa kwenda maeneo hayo” alisema Makonda.

(Imeandaliwa na mtandao wa www.habari za jamii.com) (P.T)

Karibu Mjengwablog

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA