We have 321 guests and no members online

Global Education Link

Mjengwa Blog

Mjengwa Blog

I am a writer, photographer, social entrepreneur, political analyst and a teacher- facilitator.

Website URL: http://www.mjengwablog.com

jai1

Jaji Mkuu Mhe. Mohamed Chande Othman akiangalia baadhi ya Ripoti zilizofanyiwa kati na Tume ya Kurekebisha Sheria Tanzania alipotembelea Banda la Tume wakati wa Maonesho ya Kimataifa ya Biashara (SABASABA) katika viwanja vya JK Nyerere Dar es Salaam.

jai2

Jaji Mkuu Mhe. Mohamed Chande Othman akipata maelezo katika Banda la Mahakama ya Rufaa Tanzania

jai3

Jaji Mkuu Chande Othman akizungumza na Waandishi wa Habari mara baada ya kumaliza kutembelea Banda la Mahakama katika viwanja vya Mwl. JK Nyerere Dar es Salaam.

jai4

Jaji Mkuu Mhe. Mohamed Chande Othman akiwa katika viwanja vya JK Nyerere Dar es Salaam wakati wa Maonesho ya Biashara ya Kimataifa (SABASABA) Picha zote na Munir Shemweta Tume ya Kurekebisha Sheria)(P.T)

Ndugu zangu,

Kabla ya kuanza kwa fainali za Kombe la Dunia , mwaka 1998 zilizofanyikia Ufaransa, kiongozi wa chama chenye mlengo wa kibaguzi nchini humo, National Front, Jean Marie Le Pen ( Pichani). Alitoa matamko ya kibaguzi kulaumu kuwa kikosi cha Ufaransa hakitoi taswira ya Ufaransa kwa vile kina, kama alivyotamka mwenyewe; " Black, Blanc, Beur" akiwa na maana, weusi, weupe na waarabu.

Mbaguzi huyu na wafuasi wake walishindwa kuelewa kuwa hiyo ndio taswira halisi ya Ufaransa ya wakati huu. Wakati huo kikosi cha Ufaransa kilikuwa na wachezaji wa aina ya Marcely Dessaily, Emmanuel Petit na Zinedine Zidane.

Kiongozi mbaguzi huyo alishindwa hata kuisoma historia kujua kuwa hata mwaka 1931, kwenye kikosi cha Ufaransa kulikuwa na mchezaji mweusi kwa jina la Raoul Diagne.

Katika kulaani kitendo cha kiongozi huyo mbaguzi, kwenye mechi ya ufunguzi wa fainali za Kombe la Dunia, kati ya Ufaransa na Afrika Kusini, kikosi cha Ufaransa ( Pichani) kilijipanga kwa kushikana mabegani kuonyesha mshikamano wa watu wa Ufaransa bila kujali tofauti zao za rangi na kidini.

Hii nayo ni simulizi ya kandanda inayotukumbusha tulikotoka na wajibu wetu katika kupambana na vitendo vyote vya kibaguzi.
Maggid,
Iringa.(P.T)

Ndugu zangu,

Ulimwengu wa soka ulipatwa na mshtuko mkubwa kwenye mechi ya kufungua dimba fainali za Kombe la Dunia mwaka 2002.

Senegal ilikutana na wakoloni wao waliowatawala zamani, Ufaransa.
Na kwenye kikosi cha Ufaransa alicheza pia Patrick Vieira, mzaliwa wa Senegal.

Wakiongozwa na wachezaji aina ya El Hadji Diouf, Senegal ikiwa ni mara yake ya kwanza pia kushiriki fainali hizo, ilifanya miujiza kwa kuwafunga Ufaransa kwa 1-0.

Ilikuwa ni kwenye dakika ya 30, El Hadji Diouf alimtoka beki Frank Leboeuf kwenye wingi ya kushoto, na kisha Diouf akashusha majalo kwenye goli la Ufaransa.

Mabeki wale wa Ufaransa walichanganywa na majalo yale kwa jinsi mpira ulivyokuwa unayumba angani. Emmanuel Petit na kipa wake Fabien Benitez wakapoteana.

Alikotokea hakukujulikana, mshambuliaji wa Senegal, Papa Boupa Diop akapachika bao lile pekee kama inavyoonekana pichani.

Naam, kandanda haijapata kukaukiwa na simulizi za kusisimua, zinakuja. Unaweza pia kupata simulizi mbalimbali za kusisimua na kuelimisha, kila siku, kwa kutembelea http://mjengwablog.com
Maggid,
Iringa.(P.T)

Watu zaidi ya 90 wameuwawa Jumapili (03.07.206) katika miripuko miwili ya mabomu mjini Baghdad likiwemo shambulio kubwa linalodaiwa kufanywa na kundi la Dola la Kiislamu llilouwa watu zaidi ya 86 wakiwemo watoto 15.

Takriban watu zaidi ya 90 wameuwawa Jumapili (03.07.206) katika miripuko miwili ya mabomu katika mji mkuu wa Iraq likiwemo shambulio kubwa linalodaiwa kufanywa na kundi la Dola la Kiislamu ambalo limeuwa watu zaidi ya 86 wakiwemo watoto 15.

Miripuko hiyo imeonyesha uwezo wa wanamgambo hao wa itikadi kali kufanya mashambulizi ya kiwango kikubwa licha ya kushindwa katika mapambano makubwa ikiwa ni pamoja na kuupoteza mji wa Fallujah ambao serikali imetangaza kuwa umekombolewa kikamilifu kutoka kundi la Dola la Kiislamu wiki moja tu iliopita.

Shambulio lililosababisha maafa makubwa limetokea katika wilaya ya Karada ilioko katikati ya mji mkuu wa Baghdad ambapo mshambuliaji aliliripuwa lori lake lililokuwa limesheheni miripuko nje ya kituo cha maduka na kuuwa watu 86 na kujeruhi wengine 170.Kwa mujibu wa afisa wa polisi miongoni mwa waliouwawa ni watoto 15,wanawake 10 na polisi sita.

Mripuaji huyo wa kujitowa muhanga alijiripuwa muda mfupi baada ya kuigia saa sita usiku wakati familia na vijana zilipokuwa nje mitaani baada ya kufuturu kutoka saumu ya mchana kutwa kwa ajii ya mwezi mkutukufu wa Ramadhan.Maafisa wanasema wengi ya waliouwawa walikuwa kwenye jengo la maduka la ghorofa na eneo la kujipumbaza ambapo wengi waliteketea kwa moto na wengine kukosa pumzi.

Muda mfupi baadae kundi la Dola la Kiislamu lilidai kuhusika na mripuko huo katika taarifa walioyoiweka kwenye mtandao ambapo imesema iliwalenga makusudi Waislamu wa madhehebu ya Shia.Shirika la habari la AP halikuweza kuyakinisha ukweli wa taarifa hiyo lakini iliwekwa kwenye tovuti ambayo kwa kawaida hutumiwa na watu wenye itikadi kali.

Taharuki katika eneo la tukio

Katika eneo la tukio wazima moto na wananchi wameonekana wakizibeba maiti ambazo zimefunikwa na mablankenti na mashuka. Moshi ulikuwa umeligubika jengo hilo la maduka ambalo lilikuwa limezungukwa na mabaki ya gari yaliyoteketea na vibanda vya biashara.Kundi la wanawake lilikuwa limeketi sakafuni likiwalilia vipenzi vyao.

Katika shambulio la pili bomu lililotengenezwa kienyeji limeripuka kaskazini mwa Baghdad katika eneo la Shaab na kuuwa watu watano na kujeruhi wengine 16. Hakuna kundi lililodaia kuhusika na shambulio hilo lakini lina alama ya wanamgambo wa kundi la Dola la Kiislamu ambao mara nyingi hulenga wilaya za kibishara na maeneo ya Washia.

Idadi kubwa ya maafa inalifanya shambulio hilo kuwa la maafa makubwa kutokea katika mj huo mkuu mwaka huu.Hapo tarehe 11 mwezi wa Mei wanamgambo wa kundi la Dola la Kiislamu (IS) waliripuwa magari matatu yaliyotegwa mabomu mjini Baghdad na kuuwa watu 93.

Abadi azomewa

Masaa machache baada ya kutokea kwa miripuko ya Jumapili Waziri Mkuu wa Iraq Haider al Abadi na wabunge walilitembelea eneo la tukio ambapo video zilizowekwa kwenye mitandao ya kijamii zimeonyesha umma wenye ghadhabu ukimwita al-Abadi "mwizi" na kuuzomea msafara wake.Mashuhuda wamesema umati huo ulilirushia gari la al-Abadi mawe,viatu na mapipa ya plastiki.

Mjumbe wa Umoja wa Mataifa kwa Iraq Jan Kubis amesema shambulio la Karada ni la woga na kukihirisha lisilo methali na ameitaka serikali ya Iraq kuongeza juhudi za usalama kuwalinda wananchi wa Iraq wakati wa sherehe za Eid-al-Fitry ambazo zinaadhimisha kumalizika kwa mwezi wa Ramadhan.

Amesema wanamgambo wa IS ambao wamekuwa wakipata vipigo na kushindwa katika medani za mapambano wanalipiza kisasi kwa kuwashambulia raia wasiokuwa na hatia.

Kundi la Dola la Kiislamu bado linadhibiti mji wa pili kwa ukubwa nchini humo wa Mosul na maeneo makubwa ya ardhi kaskazini na magharibi mwa nchi hiyo.DW

media

Takribani watu 20 wamepoteza maisha leo Jumapili katika ajali ya barabarani kwenye barabara kuu nje ya mji mkuu wa Uganda, Kampala na wengine kadhaa wamejeruhiwa,wengine wako katika hali mbaya polisi imesema.

Msemaji wa polisi Phillip Mukasa ameithibitishia AFP taarifa za ajali hiyo na kuongeza kuwa majeruhi wamepelekwa hospitalini kutoka na majeraha makubwa waliyopata.

Magari matano yamehusika katika ajali hiyo katika barabara kuu ya Kampala-Masaka wakati gari binafsi lilipokuwa likijaribu kuyapita magari mengi katika njia yenye magari mengi umbali wa kilometa 150 Kusini Magharibi mwa mji mkuu Kampala.RFI

001.KAMATA MPUNGA

Meneja Uendelezaji wa Masuala ya Kibiashara wa Vodacom Tanzania (Business Continuity Management), Ajit Mistry (kushoto) na Afisa msimamizi wa michezo ya kubahatisha Tanzania, Abdallah Hamed (wa pili kushoto) wakimshuhudia Meneja Uhusiano wa Vodacom Tanzania, Matina Nkurlu (kulia) akiwaonyesha namba ya simu ya Shomari Almasi mkazi wa Mwanza aliyeibuka mshindi wa kitita cha shilingi Milioni 20/- katika droo ya mwezi ya promosheni ya ‘Kamata Mpunga’ inayowawezesha wateja wa mtandao huo kujishindia pesa taslimu kuanzia shilingi Milioni 1 hadi 100. Jumla ya washindi 61 wamepatikana kupitia promosheni hiyo. Ili mteja aweze kushiriki katika promosheni hii anatakiwa kutuma neno “GO” kwenda namba 15544 aidha mteja anaweza kujiunga moja kwa moja kwa kutuma neno ”WIN” kwenda namba 15544 na mteja atapata ujumbe wa kujibu maswali.

002.KAMATA MPUNGA

Meneja Uhusiano wa Vodacom Tanzania, Matina Nkurlu (katikati) akiongea na waandishi wa habari (hawapo pichani) wakati wa kuchezesha droo ya mwezi ya promosheni ya”Kamata Mpunga”ambapo Shomari Almasi, mkazi wa Mwanza, aliibuka mshindi wa mwezi wa kitita cha shilingi Milioni 20/- Wengine katika picha kushoto ni Ofisa msimamizi wa michezo ya kubahatisha Tanzania, Abdallah Hamed na Meneja wa huduma za ziada wa kampuni hiyo, Mathew Kampambe.

Mkazi wa kitongoji cha Mkoani kilichopo Nyamagana jijini Mwanza,Shomari Almas ameibuka mshindi mwezi wa kitita cha shilingi milioni 20 kupitia promosheni ya ”Kamata Mpunga”inayoendeshwa na Vodacom Tanzania.

Akiongea kwa furaha baada ya kutangazwa kuwa ameibuka kuwa mshindi wa droo ya mwezi Shomari Almasi ambaye anajishughulisha na kilimo na ufugaji alisema kuwa ndoto yake ya kuboresha maisha yake imetimia.

“Nashukuru Vodacom kwa kuleta promosheni hii kwa kuwa wakati nashiriki sikujua kama nitaibuka na ushindi.Nikipatiwa fedha hizo nitaendeleza shughuli zangu za kilimo na ufugaji pia mipango yangu ya kuoa na kuazisha familia yangu itafanikiwa”.Alisema.

Meneja Uhusiano wa Vodacom Tanzania,Matina Nkurlu amesema kuwa promosheni hii ambayo inaendelea imeishawezesha wateja 61 wa Vodacom kujishindia vitita vya mamilioni ya fedha.Washindi 58 wamejinyakulia shilingi milioni 1 kila mmoja,washindi watatu wa mwezi wamejinyakulia shilingi milioni 5 kila mmoja.

“Napenda kutoa wito kwa wateja wetu na watanzania wote kwa ujumla ambao hawajajiunga na mtandao wetu waweze kujiunga na kuchangamkia promosheni hii kwani kila siku kuanzia Jumatatu hadi Jumamosi kuna washindi 3 ambapo kila mshindi anajinyakulia shilingi Milioni 1/- na kila mwisho wa wiki yaani Jumapili kuna mshindi mmoja wa Milioni 5/= na mwisho wa mwezi kuna mshindi wa milioni 20/= na kuna mshindi wa zawadi kubwa ya mwisho wa promosheni ni ya kitita cha shilingi Milioni 100/= “Alisema

Aliongeza kusema kuwa ili mteja aweze kushiriki katika promosheni hii ni rahisi sana mteja anachotakiwa kufanya ni kutuma ujumbe mfupi wa maneno kwa kuandika neno “GO” kwenda namba 15544 ambapo atapata ujumbe wa kumfahamisha kuwa ameingia kwenye mchezo na ataanza kupokea maswali atakayotakiwa kuyajibu kwa ajili ya kujiongezea pointi za ushindi na mteja atakatwa shilingi 300 tu kwenye muda wake wa maongezi ”. maswali atakayopokea mteja yatakuwa na majibu 2 moja likiwa jibu sahihi na lingine likiwa sio sahihi.

Kwa wateja ambao hawana nafasi ya kujibu maswali ili wasipitwe na promosheni hii alisema wanatakiwa kutuma neno “WIN” kwenda namba 15544 na atakatwa kiasi cha shilingi 200 tu watakuwa hawahangaiki kujibu maswali ila watakuwa wameingizwa kwa droo moja kwa moja.(P.T)

Mkuu wa Kitengo Cha wateja binafsi na wafanya baishara wadogo wa BancABC, Bi Joyce Malai akiongea na waandishi wa habari (hawapo pichani) wakati wa uzinduzi wa kadi ya VISA ya BancABC maalum kwa wateja wao na hata wasio wateja wao. BancABC imezindua kadi hiyo ya Visa ili kupunguzia wateja adha kubwa ya kubeba fedha tasilimu wanaposafiri ndani na nje ya nchi. hafla ya uzinduzi ilifanyika jana viwanja vya sabasaba 

Mkuu wa Masoko wa BancABC, Bi Upendo Nkini, akielezea faida za kadi Mpya ya VISA ya BancABC inayomwezesha mteja kufanya malipo ya mtandaoni kwa urahisi kwa kuwa kadi hiyo inalindwa kwa kutumia teknolojia mpya ya CHIP na PIN.

Wafanyakazi wa BancABC kitengo cha huduma kwa wateja Bw, Ally Miraji kushoto na Bi Neema David wakimuhudumia mmoja wa wateja aliyekuwa akichukua kadi ya VISA ya BancABC bw, Fredrick Israel katika banda la Bank hiyo viwanja vya sabasaba. BancABC imezindua kadi hiyo ya Visa ili kupunguzia wateja adha kubwa ya kubeba fedha tasilimu wanaposafiri ndani na nje ya nchi na kwamba ni njia bora ya kufanya malipo kupitia mitandao kwa kuwa imeunganishwa na mitandao ya simu kama Airtel Money, TigoPesa, na Mpesa. mteja ili kupata kadi hiyo sio lazima awe na akaunti ya BacABC. hafla ya uzinduzi ilifanyika jana viwanja vya sabasaba

Wafanyakazi wa BancABC kitengo cha huduma kwa wateja Bw, Ally Miraji kushoto na wenzake wakitoa huduma ya maelekezo kwa bw, Ahmad Ibrahim kuhusu matumizi ya kadi mpya ya VISA ya BancABC katika viwanja vya sabasaba.

BancABC imezindua kadi hiyo ya Visa ili kupunguzia wateja adha kubwa ya kubeba fedha tasilimu wanaposafiri ndani na nje ya nchi na kwamba ni njia bora ya kufanya malipo kupitia mitandao kwa kuwa kadi hiyo imeunganishwa na mitandao ya simu kama Airtel Money, TigoPesa, na Mpesa hafla ya uzinduzi ilifanyika jana viwanja vya sabasaba.

Kadi ya VISA ya BancABC ndio kadi pekee inayohudumia wateja wa huduma za fedha za mitandao ya simu. 

BancABC, ambayo ni sehemu ya Atlas Mara, imekuja na tiba ya kukithiri kwa wizi wa pesa ambao husababishwa na baadhi ya watu kuzunguka na fedha nyingi mifukoni mwao kwani imeanzisha kadi mpya ya Visa ambayo itaweza kujazwa pesa kwa kutumia shilingi ya Tanzania, Rand ya Afrika Kusini, Dola ya Kimarekani, Euro na Pauni ya Uingereza. 

Akizungumza Jijini Dar es Salaam, Mkuu wa Kitengo Cha wateja binafsi na wafanya baishara wadogo, Bi Joyce Malai alisema kadi hiyo itaweza kutumiwa na wateja walio na wasio na akaunti za BancABC na kwamba itawapunguzia adha kubwa ya kubeba fedha tasilimu wanaposafiri nadani na nje ya nchi na kwamba ni njia bora ya kufanya malipo kupitia mitandao. 

Alisema watatumia maonesho ya Saba Saba kuitangaza kadi hiyo na wateja wataweza kupata kadi ndani ya muda mfupi baada ya zoezi fupi la usajili ambalo ni papo kwa papo. “Ukiwa na kadi hii utaepuka usumbufu mkubwa mno kwani huhitaji kubeba fedha tasilimu na pia sio lazima uwe na akaunti ya benki,” alisema. 

Alisema watumiaji wataweza kupata huduma masaa 24, siku saba kwa wiki mahali popote kupitia ATM zaidi ya 400 zenye huduma ya Visa nchini Tanzania ambapo ATM za aina hii zinafikia milioni 1.3 duniani na pia watumiaji wanaweza kufanya miamala kwa watoa huduma zaidi ya 1000 Tanzania na zaidi ya milioni 35 duniani kote. 

“Tumepata ushuhuda na mrejesho mzuri kutoka kwa wateja wetu ambao wana watoto wanaosoma nje ya nchi kwani wanaweza kuwatumia fedha za kujikimu kila mwezi bila kuingia gharama za ziada,” alisema.

“Kinachofaya kadi hii ya Visa iwe ya kipekee ni pale ambapo mteja anaweza kuweka fedha kwenye kadi kwa kutumia huduma ya kutuma pesa kupitia simu ya mkononi yoyote na tunajivunia kuwa benki yetu ndio yenye huduma hii pekee kwa sasa,” alisema.

Kwa mujibu wa Mkuu wa Masoko, Bi Upendo Nkini, faida nyingine za kadi hiyo ni kama vile kufanya malipo ya mtandaoni kwa urahisi zaidi, kuthibiti matumizi kwani utatumia kiasi cha fedha kilichoko kwenye kadi pekee na pia kuwa na amani kwani pesa zinakuwa salama kwani kadi inalindwa kwa kutumia teknolojia mpya ya CHIP na PIN.

Alisisitiza kuwa hii ndio kadi pekee ya Visa Tanzania ambayo unaweza kutumia kwa ruzuku tano ambazoni shilingi ya Tanzania, Rand ya Afrika Kusini, Dola ya Kimarekani, Euro na Pauni ya Uingereza na kwamba kadi hiyo, ambayo inaweza kutolewa kwa mtu kama zawadi, inaweza kutolewa nyingine pindi inapoibiwa au kupotea.

“Kadi hizi zitapatikana katika banda letu lililoko katika maonyesho ya Saba Saba Ukumbi wa Kimataifa lakini pia unaweza kutuma ujumbe mfupi wenye neno VISA ikifuatiwa na Wilaya uliyopo , kwenda namba 15774,” alisema.

Atlas Mara iliinunua BancABC in Juni 2014 huku ikizidi kujitanua Tanzania, , Botswana, Mozambique, Zambia na Msumbiji. Baada ya hapo ilinunua benki mbili nchini Rwanda (BR Commercial na BPR ambazo zinaendelea kukamilisha mchakato wa kuungana).

Waziri wa Habari, Utamaduni Sanaa na Michezo Mhe. Nape Nnauye akiwasili kwenye uwanja wa michezo wa Chuo cha bandari kushuhudia mechi ya mpira wa miguuu kati ya timu ya Goms united ya Gongo la Mboto na Buguruni United.

Waziri wa Habari, Utamaduni Sanaa na Michezo Mhe. Nape Nnauye akiwasalimia wachezaji wa timu ya Goms United kabla mechi kuanza kwenye uwanja wa michezo wa Chuo cha bandari ambapo timu ya Goms United ya Gongo la Mboto ilicheza na na Buguruni United

Mshambuliaji wa Buguruni United akijaribu kutaka kmtoka beki wa Goms unite.

Kipa wa Buguruni United akiruka bila mafanikio na kuruhusu goli la kwanza kufungwa na Goms United.

Waziri wa Habari, Utamaduni Sanaa na Michezo Mhe. Nape Nnauye akizungumza wakati mechi ya mpira wa miguuu kati ya timu ya Goms United ya Gongo la Mboto na Buguruni United .

Amsha amsha ya mashabiki.

Sehemu ya watazamaji

Waziri wa Habari, Utamaduni Sanaa na Michezo Mhe. Nape Nnauye akimkabidhi zawadi mchezaji bora wa siku kutoka timu ya Goms Utd, kushoto ni Mkurugenzi wa Clouds Media Ndugu Joseph Kusaga.

Timu ya Goms Utd iliibuka na ushindi wa magoli 2-0 dhidi ya Buguruni Utd katika mzunguko wa 16 wa michuano hiyo ya Ndondo Cup.(P.T)

Karibu Mjengwablog

Uchambuzi wa Soka

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA