We have 325 guests and no members online

Global Education Link

Mjengwa Blog

Mjengwa Blog

I am a writer, photographer, social entrepreneur, political analyst and a teacher- facilitator.

Website URL: http://www.mjengwablog.com

mitumba

Na Beatrice Lyimo-MAELEZO Dar es Salaam

Serikali imezimia kuachana na biashara ya kuingiza nguo za mitumba kutoka nje ya nchi ifikapo mwaka 2018.

Maazimio hayo yamebainishwa na Waziri wa nchi, Ofisi ya Waziri Mkuu – Sera, Bunge, Kazi, Vijana, Ajira na Wenye Ulemavu Mhe. Jenista Mhagama katika uzinduzi wa mafunzo ya uanagenzi ya ushonaji nguo katika kiwanda cha Tanzania Tooku Garments Company, Ltd.

Mhe. Jenista Mhagama amesema kuwa katika nchi za Jumuiya ya Afrika Mashariki wamekubaliana kwamba ifikapo mwaka 2018 soko la Afrika Mashariki halitaingiza nguo za mitumba kutoka nje.

Ameongeza kuwa kwa kutekeleza azimio hilo Serikali imeandaa  mafunzo ya kuhakikisha vijana wengi wanapata stadi za kushona nguo nchini ili kuwawezesha kufanya kazi katika viwanda vilivyopo na vitakavyojengwa kwa ajili ya kutengeneza bidhaa zetu wenyewe na kuacha kutegemea bidhaa kutoka nje.

“Tumejipanga kutekeleza azimio hili na kwa kushirikiana na kiwanda hiki tunategemea kutoa mafunzo ya uanagenzi kwa vijana 2,000 kwa mwaka katika stadi za kubuni mitindo, kukata, kushona na kumalizia nguo” alisema Mhe. Jenista.

Aidha Waziri huyo amewapongeza washiriki wa mafunzo hayo kwani mafunzo hayo yatawasaidia kuendana na viwango vya soko la kimataifa na mahitaji ya soko la nguo kwa kutumia teknolojia ya kisasa katika kubuni mitindo, kukata na kushona nguo zenye ubora wa kimataifa.

“Imani yangu kuwa wataalamu waliopo katika kiwanda hiki watawapa ujuzi wa kutosha na wengine wataweza kupata ajira katika kiwanda hiki tumieni fursa hii mliyoipata ni ya pekee kwani mmebahatika kuwa miongoni mwa wanafunzi wa kwanza kupata mafunzo chini ya Programu ya Kukuza Ujuzi Nchini.

Mhe Jenista amesisitiza kuwa mafunzo hayo yatawezesha vijana kupata ajira katika Viwanda, kujiajiri na hata kutoa ajira kwa wengine hivyo vijana watumie fursa hiyo kutengeneza mtaji na kujiunga katika vikundi vitakavyowawezesha  kufungua viwanda vidogo vidogo vya kutengeneza nguo na kuendelea kukuza ujuzi waliopata.

Pia Waziri Jenista ametoa wito kwa viwanda vingine kushirikiana na Serikali kukuza ujuzi kwa vijana kupitia mafunzo ya uanagenzi na kuwahakikisha kuwa Serikali itaendelea kuwawezesha Vijana kupata mafunzo ya aina hiyo.

“Napenda niwahakikishie kuwa Serikali iko bega kwa bega nanyi, fungueni viwanda vingi sehemu mbalimbali katika nchi yetu, sisi kama Serikali tutashirikiana kwa pamoja kuhakikisha rasilimali watu ya kuendesha viwanda hivi inapatikana”

Mbali na hayo Serikali inayo mipango na mikakati mbalimbali ya kuhakikisha kuwa Tanzania inakuwa nchi ya viwanda na kuwa na uchumi wa kipato cha kati ifikapo mwaka 2025.

Serikali iliingia makubaliano na kiwanda cha Tanzania Tooku Garments Co. Ltd kutoa mafunzo ya uanagenzi kwa vijana 2,000 kwa mwaka katika stadi za kubuni mitindo, kukata, kushona na kumalizia nguo jumla ya vijana 1,089 waliomba nafasi ya kupata mafunzo hayo yatakayoendeshwa kwa awamu tatu na kwa sasa jumla ya vijana 430 wanapata mafunzo hayo.(P.T)

kai3

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.  Angellah J.  Kairuki (Mb) akifafanua jambo kwa waandishi wa habari (hawako pichani) kuhusu utekelezaji wa agizo la kuondoa watumishi hewa katika orodha ya malipo ya mishahara Serikalini ofisini kwake mapema jana.

kai2 

Baadhi ya waandishi wa habari wakimsikiliza Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe.  Angellah J. Kairuki (Mb)  alipozungumza leo ofisini kwake jijini Dar es Salaam.

Hussein Makame-MAELEZO

Waajiri 264 kati ya waajiri wote 409 Serikalini wamewasilisha taarifa zao kuhusu kuwepo kwa watumishi hewa ambapo kati ya waajiri hao waajiri 63 wamethibitisha kwamba hawana watumishi hewa katika Taasisi zao.

Waziri wa Nchi, Ofisi ya Rais Menejimenti ya Utumishi Wa Umma na Utawala Bora, Mhe. Angellah Kairuki (MB), amebainisha hayo wakati alipozungumzia na waandishi wa habari ofisini kwake jijini Dar es Salaam na kuongeza kuwa waajiri 201 wana watumishi hewa kuanzia mmoja na kuendelea.

“Waajiri 264 kati ya waajiri wote 409 wamewasilisha taarifa zao kuhusu uwepo wa watumishi hewa. Kati ya waajiri 264 waliowasilisha taarifa zao, waajiri 63 wamethibitisha kwamba hawana watumishi hewa katika Taasisi zao na waajiri 201 wana watumishi hewa mmoja (1) na kuendelea.” Alisema Waziri Kairuki.

Hata hivyo, alisema zipo taasisi 145 ambazo hazijawasilisha taarifa iwapo zina watumishi hewa au la ikiwemo Mabaraza 11, Bodi 10, Vyuo Vikuu 25, Hospitali 3 na Ofisi za Makatibu Tawala wa Mikoa  12.

Alizitaja taasisi nyingine kuwa ni Mamlaka 6, Tume 10, Mamlaka za Serikali za Mitaa         38, Taasisi za Umma na Wakala 30 ambapo aliziagiza Taasisi zote ambazo hazijawasilisha taarifa za watumishi hewa kufanya hivyo kabla au ifikapo tarehe 26 Agosti mwaka huu.

Waziri Kairuki alieleza kuwa kuanzia Agosti 15 mwaka huu, ofisi yake ilianza zoezi la uhakiki wa kushtukiza katika taasisi sabini za Serikali zikiwepo Wizara, Idara za Serikali Zinazojitegemea na kwamba zoezi hilo linaendelea.

Aliongeza kuwa uhakiki wa kustukiza utafanyika pia kwenye Sekretarieti za Mikoa, Mamlaka za Serikali za Mitaa na Taasisi za Umma kwa madhumuni ya kujiridhisha kwamba taarifa za watumishi hewa zilizowasilishwa na waajiri ni sahihi.

 

Alibainisha kuwa katika kufanikisha uhakiki huo, Ofisi yake imechukua hatua kadhaa ikiwemo kuendelea kutoa mafunzo ya mara kwa mara kwa Maafisa Utumishi wenye dhamana ya kutumia mfumo wa malipo ya mshahara kukuza uwajibikaji kwa maafisa wanaosimamia malipo ya mishahara kwa kuwachukulia hatua za kinidhamu au kisheria wanaobainika kusababisha watumishi hewa.

“Aidha ofisi yangu pia inafanya uhakiki wa kushtukiza na kuanza safari ya kuunganisha Mfumo wa Malipo ya Mishahara na mifumo mingine mikubwa kama ya NIDA, RITA na Baraza la Mitihani la Taifa, na kuwezesha mfumo kuwaondoa moja kwa moja (automatically) watumishi waliofikisha umri wa kustaafu kwa lazima.” alisema.

Waziri Kairuki atatoa taarifa kamili ya watumishi hewa baada ya kupata taarifa hizo kutoka kwa waajiri ambao hawajawasilisha taarifa hizo na kukamilika kwa zoezi la uhakiki wa Taasisi sabini (70) linaloendelea sasa.

“Hivyo naagiza Taasisi zote ambazo hazijawasilisha Taarifa za Watumishi Hewa kufanya hivyo kabla au ifikapo tarehe 26 Agosti, 2016.” Alisema Waziri Kairuki.

Alisema kuwa ofisi yake itawasilisha taarifa rasmi ya watumishi hewa kwa Mheshimiwa Rais ikiwa na orodha na majina ya Taasisi ambazo zimewasilisha taarifa ya watumishi hewa na na zile ambazo hazijawasilisha taarifa hizo.

Rais wa Jamhuri ya Muungano wa Tanzania, Dkt. John Pombe Magufuli mnamo Machi 15 mwaka huu aliwaagiza Wakuu wa Mikoa na Waajiri wote kwa ujumla kuchukua hatua ya kuhakikisha katika Mikoa au Taasisi zao hakuna watumishi hewa ifikapo tarehe 30 Machi, 2016.

Katika kutekeleza agizo hilo Ofisi ya Rais, Menejimenti ya Utumishi wa Umma na Utawala Bora imekuwa ikifuatilia utekelezaji wa agizo hilo na mnamo  Mei 26 mwaka huu waajiri wote waliagizwa kuwasilisha taarifa za mwisho za zoezi la kuwabaini na kuwaondoa watumishi hewa katika orodha za malipo ya mshahara (payroll) ifikapo mwisho wa Mwezi Juni, 2016.

Waajiri walitakiwa kutuma jina la Taasisi, Fungu la Taasisi (Vote), namba ya Utambulisho ya Mtumishi wa Umma (Cheki Namba), jina kamili la mtumishi; cheo cha mtumishi, jina la tawi la Benki ambalo mshahara wa mtumishi umekuwa ukipitishwa au ukilipwa.

Taarifa nyingine zinazotakiwa kutumwa ni hatua zilizochukuliwa na mwajiri dhidi ya watumishi hewa waliobainika kama kurejesha fedha, na Maafisa wengine wa Taasisi husika waliosababisha uwepo wa Watumishi hao kuwachukulia wahusika hatua za kinidhamu au kisheria.

Nyingine ni namba ya akaunti ya Benki ya mtumishi, tarehe ambayo mtumishi aliondolewa kwenye mfumo wa taarifa ya Kiutumishi na Mshahara, kiasi cha fedha zilizolipwa kwa mtumishi husika tangu alipotakiwa kuondolewa hadi tarehe aliyoondolewa kwenye mfumo na sababu ya kuondolewa kama utoro, kufariki dunia, kuacha kazi, kustaafu na sababu nyingine.(P.T)

Shindano la Bolt la mwisho lilikuwa la mita 100 kupokezana vijiti mara nne

Shindano la Bolt la mwisho lilikuwa la mita 100 kupokezana vijiti mara nne

Mwanariadha wa kasi zaidi duniani mzaliwa na Jamaica Usain Bolt amepata dhahabu katika mbio tatu tofauti katike kile kinachojulikana katika kiingereza kama "trible trible" au tatu tatu.

Shindano lake la mwisho lilikuwa la mita 100 kupokezana vijiti mara nne.

Alipokea kijiti mwisho katika timu yake na akafululiza kishujaa na kumshinda mpinzani wake wa karibu kutoka Japan, aliyeshinda Marekani na kuchukua Shaba.

Bolt ameshinda dhahabu mara tatu katika Olimpiki zote tatu alizoshiriki ndipo ushindi wake huu ukatambuliwa kama trible trible yaani tatu tatu.

Ushindi wa Usain Bolt unakuja siku tatu kabla ya kuadhimisha siku yake ya kuzaliwa

Ushindi wa Usain Bolt unakuja siku tatu kabla ya kuadhimisha siku yake ya kuzaliwa

Bolt mwenye umri wa miaka 29, alishinda dhahabu katika mbio za mita 100 na 200 mjini Rio na ndiye mwanariadha wa kwanza kushinda mbio tatu katika mashindano matatu ya olimpiki

Awali timu ya marekani ya wanawake ilishinda mbio sawa na hizo za kupokezana vijiti.BBC

Hii ni zawadi ya heshima (tuzo) iliyotolewa na kampuni ya Puma Energy Tanzania na kukabidhiwa kwa mshindi wa kwanza,Mwanafunzi wa darasa la sita kutoka shule ya Msingi Bunge,Veronika Inocent.

OTH2

Mkurugenzi Mkuu kutoka kampeni ya Puma Energy Tanzania Ltd,Philippe Corsaletti akimkabidhi tuzo/zawadi ya Begi na cheti mwanafuzi wa darasa la sita kutoka shule ya Msingi Bunge,Veronika Inocent baada ya kuibuka mshindi wa kwanza katika Kilele cha shindano la Uchoraji kwa ajili ya kuhamasisha usalama barabarani katika shule za msingi jijini Dar Es Salaam kwa mwaka 2016,hafla hiyo fupi iliyoandaliwa na Kampuni ya Puma Energy Tanzania ilifanyika mapema leo katika viunga vya shue ya msingi Bunge.

Mashindano hayo yalihusisha shule kumi kwa upande wa Dar Es Salaam ambazo ni   Mwananyamala, Kisutu, Bunge, Kisiwani, Mchangani, Mnazini, Mwananyamala, Mikocheni, Mtendeni, Kisutu, Kisiwani na Ugindoni,Shule nyingine tatu ni kutoa mkoa wa Geita ambazo zitashiriki na mchakato wa kuwapata washindi,matokeo ya washindi wa mwisho yatatangazwa wakati wa kilele cha cha wiki ya Usalama barabarani ambayo inatarajia kufanyika hivi karibuni.

 

Mwanafuzi wa darasa la sita kutoka shule ya Msingi Bunge,Veronika Inocent akilia kwa furaha mara baada ya kuibuka mshindi wa kwanza katika Kilele cha shindano la Uchoraji kwa ajili ya kuhamasisha usalama barabarani katika shule za msingi jijini Dar Es Salaam kwa mwaka 2016,hafla hiyo fupi iliyoandaliwa na Kampuni ya Puma Energy Tanzania ilifanyika mapema leo katika viunga vya shue ya msingi Bunge.

Mkuu wa Kikosi cha Usalama Barabarani nchini,Kamanda Mohamed Mpinga pamoja na Waandaji kutoka kampuni ya Puma Energy Tanzania na AMEND wakitafuta washindi watatu wa shindano la uchoraji katika masuala mazima ya kuhamasisha usalama barabarani 2016.(P.T)

wa

Rais Mstaafu awamu ya nne,Dkt Jakaya Kikwete akiweka saini kitabu cha maombolezo cha Bi Shakila Said ,huko nyumbani kwake Mbagala Charambe,jijini Dar,wa pili kushoto akishuhudia ni Waziri wa Habari,Utamaduni,Sanaa na Michezo Mh.Nape Nnauye.

Makamu wa Rais Mama Samia Suluhu Hassan akiweka saini kitabu cha maombolezo cha Bi Shakila Mbagala Charambe,jijini Dar,kushoto ni  Waziri wa Habari,Utamaduni,Sanaa na Michezo Mh.Nape Nnauye.

 

Mke wa Rais Mstaafu awamu ya nne,Mama Salma Kikwete akiweka saini kitabu cha maombolezo cha Bi Shakila Said ,huko nyumbani kwake Mbagala Charambe,jijini Dar. CHANZO :MICHUZI BLOG(P.T)

media

Baadhi ya watoto wanaotumikishwa kama wanajeshi kwenye maeneo ya vita

Shirika la kuhudumia watoto la Umoja wa Mataifa UNICEF,limeonya juu ya ongezeko la watoto wanaosajiliwa kujiunga na jeshi ili kupigana vita nchini Sudani kusini.

Akiongea baada ya kufanya ziara katika maeneo ya Bentiu na Juba nchini Sudan Kusini, mkurugenzi mkuu wa UNICEF Justin Forsyth, alisema kuwa kuna hofu kuwa huenda watoto zaidi wakaingizwa jeshini.

Pande zote tofauti zinatajwa kusajili wapiganaji watoto kwa mujibu wa Justin Forsyth,naibu mkurugenzi wa UNICEF.

Forsyth amebainisha ongezeko la ushawishi wa watoto kujiunga na jeshi hususan katika maeneo ya vijijini hali inayozua hofu ya kuenea zaidi kwa ghasia.

UNICEF sasa ina hofu kuwa mzozo huo mpya huenda ukahatarisha maisha ya maelfu ya watoto na kutaka shughuli hiyo ya kuwajiri watoto isitishwe mara moja.

Takribani watoto elfu kumi na sita wamesajiliwa katika makundi yanayoendesha mapigano ikiwemo vikosi vya serikalitangu kuzuka kwa vita desemba 2013.RFI

Leo nilipata wasaa wa kupiga stori na kijana wangu Olle tukinywa kahawa ya saa kumi pale Forodhani, Zanzibar.(P.T)

Karibu Mjengwablog

Tafuta Habari

Nafasi za Kazi & Masomo

Prev Next

We are Hiring - Senior Web / Mobile Deve…

As we are expanding our operations , W...

Soma zaidi

Job Vacancy: Business Administrative Ass…

The primary role of the business admin...

Soma zaidi

JOB: Sales and Marketing person for sell…

BANIZ SAFARI is one of the project ava...

Soma zaidi

TAARIFA KWA VYOMBO VYA HABARI JUU YA AJI…

  Jumla ya Walimu wapya 36,021 a...

Soma zaidi

Nafasi za kazi - Web Developers

We are looking for a talented web deve...

Soma zaidi

mjengwaapp_copy_4d310.jpg

Video Gallery

Kwa video za matukio mbalimbali yanoyotokea Tanzania.

bshyera11_ba222.jpg

Smartads

 

Maoni ya Wanakijiji

BLOG SHABIHANA